keithtkh's Profile

行街經過見到好似唔錯就入左去了。 我同家姐2個人點了3道菜, 分別是 鹹魚肉菘炒飯, 鬼馬焗魚腸, 椒鹽炸豆腐。鬼馬焗魚腸: 本應好期待, 不過食左就覺得一般般。個底有菇同魚腸, 食落口感唔錯, 蛋質略為挺身, 蛋焗太熟了。鹹魚肉菘炒飯: 飯夠乾身, 亦都有好香鹹魚味, 豬肉炸過, 食落唔錯。椒鹽炸豆腐: 這個菜令我有意外驚喜, 一粒粒小口炸豆腐, 食落方便, 而且椒鹽辣度適中, 外加酸汁配合, 好味!餐廳都選用木桌木椅, 簡單裝修。 員工服務態度良好, 同我地有講有笑, 不錯 。…Read More

初頭睇間餐廳外觀唔算差, 有見有拉麵食,應該唔會差得去邊既。 可惜事與願違。叫左 至尊小籠包,大皇炒飯同埋麻辣乍醬撈麵。至尊小籠包: 豬肉餡, 但食得出溝左好多水, 肉汁唔夠多, 味道一般。麻辣乍醬撈麵: 乍醬味道尚可,偏辣, 麵質普普通通, 得d 青瓜絲同蘿蔔絲撈埋, 整體黎講好一般, 但竟然 5x 元加一服務費。大皇炒飯: 哇! 精彩喇! d飯炒到一舊舊, 又唔乾身, 蛋絲又少, 得少少雞肉絲, 我諗半隻雞翼咁上下既肉量, 火腿絲夾埋都唔知有無半塊, 加埋d 青豆, 紅蘿蔔粒少埋就係大皇炒飯。 嚇死人咩, 收你 64蚊, 真係貼錢買難受呀!!結論: 食物質素強差人意, 價錢偏貴, 裝修一般, 咁既價錢食到好多其他好野喇。…Read More