JacinthTang's Profile

新開既鋪頭，今次食既dinner menu係未定落既，餐廳亦會不定期更換menu~ 🌟店員亦強調 食物絕❌不落味精，味道係大廚精心用真材實料調配出來👨🏼‍🍳🌟炸石頭 Fried Brick Stone🥩做法參考威靈頓牛排，但就❌無用焗 ✅用左炸既方法，咁樣可以更有效確保唔會overcook👏🏻 牛肉係用左Prime blade tenderloin，係牛隻最嫩多汁，亦係脂肪較少既部分👍🏻 一切開，外層十分酥脆，牛扒保持係medium至medium rare😍 入口肉質十分嫩口，亦都充滿肉汁，肉味濃郁👍🏻 ～扒外層包裹住火腿，有淡淡既咸香味，配合埋油炸過既外層，口感豐富，味道好有層次～伴碟有mashed potato，配合埋自家製既肉汁，味道無一般食到既死咸同濃郁～🌟Mushroom Cappuccino🍄🥣 蘑菇湯表層係一層薄薄既奶泡，係呢個湯與別不同既地方，貌似一杯cappuccino～呢個湯十分濃厚，100%真材實料，每一啖都係打碎左既蘑菇😍，味道亦係我飲過既最濃郁既蘑菇湯，無油膩感 🙅🏻‍♀️唔似出邊加左好多cream既西湯～🌟Crystal Tropical (Summer special drink)🍹連飲品都咁有心思真係要讚一讚👍🏻，呢個special drink酸酸甜甜，岩曬係咁悶熱天氣下refresh一下🤓～個Base係莓汁，加左生果粒係入面，最特別係加左中式甜品常見既桃膠，食落好似細細粒既啫喱，又健康養生😚另外，夜晚時間餐廳亦開放比各類包場活動～ 門口完全打開做半開放式party venue，內設音響設備，廚房亦可以提供各類西式食物，整個semi buffet又得👏🏻 搞下party、酒會、meeting都完全無問題～因為location係小巷，遠離大街或者馬路，唔洗擔心有好多人行來行去😗…Read More

地方寬敞，設有自助醬料吧～今次係中午時分去，叫左個二人餐～酸菜白肉鍋🍲鍋料十分豐富，除左有海量既酸菜同豬花腩肉，仲有粟米🌽、蕃茄、冬菇同埋寬粉～仲加左好多大蔥，風味十足，酸味咸味適中👍🏻 雖然有豬腩肉，但湯底完全無油膩感😌，配上多種蔬菜做配料，同酸菜，健康得來，又開胃野味😆雖然只係火鍋湯底，但我地食曬d鍋料😗個人好鐘意食d酸菜～d寬粉吸收曬湯既味道，正😋二人餐除左個鍋，仲有蔬菜、肉（可揀豬、牛或雞）、丸餃拼盤（有蛋餃、、飯或者米線~我地就食左蔬菜先，再食牛肉，最後等d湯濃郁d再食米線🤤雪花肥牛🐄薄薄一片片牛肉，油脂分布十分平均，浸落去湯到大約30秒就已經食得啦～肉味濃郁，油脂滿滿🤤米線🍜比出邊既幼身d，係熱湯浸4-5分鐘都夠曬淋，索曬d湯汁，配埋湯一齊飲，夠曬味😋另外，仲加左椰青🥥同白桃烏龍茶🍹，二人餐加28蚊就有大大隻椰青，十分清甜，仲有好多椰肉😳 可能消一消滯，refresh下～完美既一餐❤️…Read More

店內裝修模仿韓國路邊攤餐廳，播住K Pop，好有去韓國旅行既氣氛🤓招牌炒章魚🐙用既係韓式辣椒伴炒，少少辣之外，仲有甜甜既味道～岩曬一d唔識得辣既朋友👍🏻章魚好新鮮，肉質爽口👏🏻，預先切到細細舊，岩岩好一啖一舊～街頭魚糕串串仿效韓國街邊魚糕串，十分有風味👍🏻 有5串大大串魚糕之外，亦有蘿蔔、豆卜、魚丸，M size都夠曬兩個人share👏🏻 連埋gas爐一齊上，keep住湯底溫度，十分暖心～湯底好鮮甜，魚糕唔會令個湯好油，差d想飲曬佢😂醬油炸雞🍗上台時係新鮮炸好，熱辣辣～ 外皮好脆，略嫌炸皮厚左少少雞肉鮮嫩，韓式醬油係主要既調味，甜甜地咸咸地，好有係韓國食炸雞既風味店員好有心提供手套👍🏻十分細心…Read More

店內店外裝修高級，係店外一望就望到牛扒熟成櫃，櫃裡面吊掛住好幾份剛屠宰既牛隻大切塊🍖~❗️熟成牛肉會係熟成櫃內放28-45日不等，聽講呢間餐廳會自行調整同跟進熟成程序，因熟成時間長短唔同，每舊肉都係獨一無二味道🤩本身以為價錢會超級昂貴🧐但餐牌令人喜出望外，每人唔洗400蚊就食到 Steak Omakase 🤩 🌟Steak Omakase❣️韓式前菜呢個係一間韓式扒房，當然唔少得韓式前菜，仲有自家製既包飯醬同生菜包～前菜十分開胃，自家製包飯醬味道雖然似韓式麵豉醬，但一啲都唔係死咸，仲甜甜地👍🏻 簡單用生菜包肉、蒜頭同青瓜一齊食，包飯醬可以大大提升各種食材既味道融合🤤❣️吞拿魚他他除左前菜，主菜上之前仲有韓式蒸蛋同一款appetizer ~ Appetizer可以係menu任選一款😆 我地就揀左吞拿魚他他，同一般食到既完全唔同，一片片新鮮吞拿魚切塊配上薄薄既他他醬，一d都唔會膩，淡淡既醬汁出乎意料地同魚生既鮮味好夾～🤤❣️主菜：牛肉 (25日熟成牛肉、熟成醬油牛肋骨、和牛羽下肉、韓牛五花肉)餐廳安排好細心，完全唔洗自己郁手，侍應會幫忙燒烤食物，亦會詢問客人想幾成熟，配合每位食客既口味💓 燒之前會先燒一兩下牛既脂肪部分，除左會令個火再大d，油既餘溫會令之後燒既食物更具風味，睇得出餐廳大廚係好有心提高食物既質素👍🏻👍🏻👍🏻🥩西式熟成牛扒牛扒拎去切之前，侍應會先介紹廚師發辦是日熟成牛肉：種類、重量、入熟成櫃日子~今次食既係prime西冷，25日熟成😆因牛扒屠宰後，就放入恒溫恒濕既熟成櫃，本身既肉汁無咁易流失，被鎖住既肉汁更可以令肉質鮮嫩，牛肉自身既酵素亦可以分解肌肉纖維～🔥入口時肉質十分嫩口👍🏻 牛扒表面經過風乾同酵素既分解，食落仲有少少似芝士發酵過既香味，一流既味道💓🥩熟成醬油牛肋骨、和牛羽下肉、🐖韓牛五花肉牛肋骨經醬油醃製，唔洗額外加調味已味道十足；和牛羽下肉油脂分布平均，可以配少少鹽或洋蔥汁，更加提升濃郁既牛肉味，香氣十足；五花肉脂肪位置被大火燒過，十分香口，配埋生菜包蒜頭包飯醬一齊食，中和番五花肉既肥膩，好野味👍🏻🥩和牛三角(不包括係Omakase餐牌上）聽聞牛三角並唔係常見既部位，再加上係和牛，諗都唔諗就追加左😁 呢個部位脂肪比例較多，食落油脂味十足，牛既肉味亦保留到😍🍜平壤冷麵麵條同出邊食到既質感唔同，呢款比較淋身d，湯底比較淡，芥末同白醋另上，可自行調較口味~ 撒上既白芝麻為湯底增添白氣~🍨蜂蜜牛乳雪糕食到最後已經好飽，但呢個甜品都絕對不可錯過！濃濃既牛乳雪糕配上新鮮既蜂蜜，配埋一小塊蜂巢，甜得來一啲都唔係死甜，一啲都唔會腬，為今餐畫上完美句號🥳另外，餐廳仲設有3間獨立、空間大既VIP房，岩曬一班人聚會👍🏻…Read More

餐廳位置附近係上環海味街，完全估唔到會有高級餐廳🤣 一入去就有一種去左第二個國度既感覺，背景播住柔情既歌曲，每張檯都擺放小蠟燭燈，十分有情調💞一坐底店員就推介當日有既生蠔🦪，清楚講明出產地同名稱，亦有推薦食蠔配搭既白酒，提升整個味覺享受👏🏻🌟生蠔 每款都叫左一隻試下，除左saldanha bay oyster來自南非，其他都係法國生蠔～ 擺盤係由味道最淡至濃逆時針咁排序，夠曬細心💞 隻隻生蠔都好肥味🤤，吱d檸檬汁，配合埋海水味，簡直鮮味十足❤️🌟炸魚薯條炸魚肉質厚嫩，魚肉既鮮味對比平時食到既濃郁好多！外面炸得薄薄一層金黃色，入面係充滿鮮味且厚身既魚肉，十分抵讚💞👍🏻薯條係我最鍾意既粗薯條🤤，岩岩炸好，表面香脆，入面充滿薯仔肉，口感味道一流～另外，要讚既道係自家仔既醬汁，酸酸地好開胃，亦無一般蛋黃醬好膩既感覺👍🏻🌟慢煮雞胸配黑松露薯蓉雞胸以慢煮既方法烹調，健康得來，肉質唔會過韌～雞皮再微微煎封，加添香口既感覺👏🏻 再配以相對濃味既黑松露薯蓉，成個菜式味道好balance，食到廚師既用心🙏🏻🌟卡邦尼意粉 Carbonara呢個意粉絕對唔係普遍坊間見到好厚cream既carbonara！係用左最傳統既煮法：意粉煮到al dente，軟硬度剛剛好；無加任cream，creamy既口感係100%來自蛋黃同芝士係微溫之下同意粉mix埋一齊既效果❤️；肉既部分係用左風乾豬面頰肉，鹹香味十足👍🏻🌟士多啤梨慕絲蛋糕+抹茶雪糕以甜品作為晚餐既最後，簡直就係完美配搭❤️ 自家製既士多啤梨慕絲唔係死甜，配合埋開心果nuts碎，口感、味道同賣相一流，誠意十足👍🏻…Read More

晚上8點半入座依然人頭湧湧 幾乎full house😱 鋪面裝修貼地，但菜式十分有心思 感覺上係一間不張揚既高質餐廳🥳加拿大海膽松葉蟹膏蟹肉忌廉汁意大利麵意粉份量充足，大大份，夠曬飽肚🦀細心睇，係意粉當中有滿滿既蟹肉💞 配合埋海膽蟹膏既鮮味，雖然係忌廉sauce底，但食落感覺一d都唔會膩👏🏻 另外仲加左彩椒，為意粉添加左一份清爽👍🏻香煎帶子配無花果辣肉腸沙律伴黑松露油醋汁一上菜就覺得擺盤有心思👍🏻 中間係大大粒粒煎得好香既帶子🤤 多款蔬菜分佈係旁邊🥗 無花果為沙律帶來清甜👏🏻 加上滿滿既黑松露醋汁，整個沙律層次感十分豐富法式香草牛油焗田螺濃濃既香草醬為田螺帶來咸香既味道，底層為充滿蒜香味既薯蓉🌟 岩曬鍾意重口味既你😁…Read More

雖然店內面積唔大，但有offer bar台亦有2-4人枱～橫裝簡單直接，富有日本平民小店既氣氛👏🏻日本蕃茄野菜沙律平時食沙律，最怕好多沙律醬，今次呢個沙律就岩曬我口味～ 醋係主要既醬料，酸酸地好fresh。唔好覺得好普通，因為仲有有黑松露醬為沙律添加特色，亦豐富左味道👍🏻 大大個日本蕃茄，配上黑松露同黑醋，味道意外地夾！係十分好既餐前菜😋芝士年糕上菜時熱辣辣，經過輕微既煎炸，外面香口，內裡芝士半溶狀態，芝士味好濃郁👍🏻 加上我好鍾意年糕煙煙韌韌個texture，配埋沙律醬食，停唔到口😋😋串燒：豚肉，雞肉棒熱辣辣既串燒，充滿日式風味～ 豚肉半見半瘦，烹調前只係加左鹽同黑椒調味，食之前再吱少少西檸汁balance番d油脂，味道一流👍🏻👍🏻日式既雞肉棒主要係由免治雞肉再加雞軟骨碎組成，咁樣既雞肉棒口感豐富，亦都保留到雞肉汁😋～食既時候淋上日式燒汁，風味十足👏🏻蟹子露荀明太子炒飯一個充滿日式風味既炒飯，蟹子同露荀豐富左成個飯既口感，飯炒到粒粒分明同乾身，好香口亦唔覺油膩👍🏻 每個材料既味道融合恰當，唔會話比某種材料搶左成個味，加左露荀令炒飯帶有清新感覺😍…Read More

一入lift就脆到大大幅海報，好吸引😋😋同傳統日本壽司唔同，呢間加入加勒比海風格，主打各種fusion口味龍捲風沙律好大兜沙律😱，好足料，有生菜、海藻、蟹柳、蟹籽等等... 配埋醬汁，大大啖擺入口，好fresh👍🏻特級雞泡魚乾聽個名就覺得出面好少見，食落果然無失望！雞泡魚燒到乾身，好香口，香氣撲鼻，入口食到魚既味道，送酒一流😚雜綿天婦羅有蝦、冬菇、茄子、紫薯～最鍾意係紫薯😍，好甜，外面炸得酥脆，裡面軟綿綿👏🏻 鍾意食蕃薯既，一定鍾意！蜘蛛（卷物）鋪頭特色之一就係菜式既名稱～ 裡面有軟殼蟹、牛油果、蟹柳&青瓜😙 全部都係我鍾意食既，軟殼蟹炸琴脆卜卜，牛油果同青瓜又可平衡後炸物既油膩👍🏻彩虹卷（卷物）有刺身魚（三文魚、吞拿魚、油甘魚）、牛油果、青瓜、蟹柳～ 口感好豐魚既卷物，首先食到刺身魚既鮮味，繼而係濃郁既牛油果，最後係青瓜既青新感覺👏🏻內在環境舒適，除左普通4人枱外，亦有壽司bar枱及包廂。店員有禮貌，態度十分友善～ 咁既價錢，咁既食物，咁既服務，絕對抵讚👍🏻…Read More

放工突然想獎勵自己，上網search到呢間好震撼既忌廉烏冬，膽粗粗就自己來左試。點知見到餐牌就比吉列牛套餐吸引左...成個套餐好豐富，牛都算大塊，又有飯 湯 小吃。牛肉來到時已經切好曬一舊舊，外面炸到好脆，肉身就應該得1-2成。一放上鐵板，就聽到「炸炸」聲，證明夠曬熱👍🏻 之後煎大概2分鐘就可以塊到4-5成，加埋少少wasabi同牆油食，簡直一流👍🏻～ 少少分享，試過煎唔同時間，發覺4-5成左右d肉味會最出，肉質最好。如果太生或太熟，就會相對韌，難咬d。 另外，如果唔係即時食，煎到差唔多熟可以放係鐵板一邊，咁就可以保持肉既溫度，熱板既熱度又唔會過度煎熟塊扒。亦試左蟹蓋飯團🍙，好多蟹膏🤤。蟹膏燒過，味道夠曬鮮，咸度岩岩好。直接放係飯團飯上，再包埋紫菜，一啖放落口，好正😍番工番得咁辛苦，得閒係要獎勵下自己食一餐大滿足既😌。咁既質素，價錢絕對合理～…Read More

置身於銅鑼灣鬧市，地理位置優盛，位於SOGO旁邊，十分容易搵。一坐低，就被厚厚既menu吸引住，選擇相當多，有壽司、刺身、拉麵、石鍋飯、串燒同其他小吃。 價錢亦算親民，唔洗慳住叫。石燒鰻魚炒飯石鍋熱辣辣，食到最後，飯都係熱既，有d飯焦係底，正。不過就要小心隻手唔好掂到，會熱親。炒飯足料，好多鰻魚，亦有粟米、雞蛋同青蔥伴炒。飯都夠多，兩個人share都夠曬。自家製Wasabi讚得大讚既係呢到既wasabi，見到佢係一個球體狀咁就知唔係出邊買番來既，係自家製，口感極似日本正宗手磨wasabi，入口食得出一粒粒既口感。食落唔會好攻鼻好辣，反而係帶點甜同時又可以帶出食物既鮮味。加一d係炒飯一齊食，味道即刻提升，好正😍👍🏻燒牛舌、雞軟骨牛舌夠厚，味道似係和牛舌，只係加左鹽同黑椒去燒，已經好好食😋。:)和牛壽司、劍魚腩壽司唔食得生野，只可以食熟既和牛壽司。和牛同壽司飯經火燒，有和牛味之餘，亦有燒烤既香味。加少少wasabi食，味道更突出。只係略嫌壽司飯有d大舊。:)軟殼蟹天婦羅成隻軟殼蟹上，皮脆，但略嫌蟹有d細隻。泡菜唔食得辣既朋友就唔好試啦。呢到既泡菜十分香辣，野味，岩曬我呢d無辣不歡既人～最後，都想讚一讚店員服務周到，態度親切，會留意住顧客需要，及時去照顧👍🏻。…Read More

環境舒適，座位寬敞，親朋戚友聚會最適合不過👍🏻。餐牌好細心煮埋每樣食材建議烹調時間，確保食物既質素，抵讚👍🏻。好欣賞每款食材有得揀半份，2個人食就方便得多，可以食多d款色，又唔擔心價錢貴同浪費食物，好細心既安排☺️。湯底每人38蚊可以揀兩款，真心覺得好抵👐🏻。因為朋友唔食得辣，唯有叫豬骨湯同雜菌湯。湯底真材實料，大大舊豬骨去左肥膏，唔會搞到湯底有油，加埋粟米、紅棗等等，味道鮮甜😍; 雜菌湯由多種菇類煮成，配合埋牛肝菌，味道濃郁香甜。未叫落單前每人一碗雪耳紅棗糖水，係for食麻辣火鍋前潤下個胃，咁就唔洗擔心削胃啦～ 味道唔會好甜，清清地，岩曬我口味。每檯都有自己既蒜蓉、蔥粒、麻油、醋同豉油，除時可以加，好方便。要辣椒仔就要問佢地拎啦。有埋圍巾提供，唔洗驚陣到件衫污糟～有得叫半份既都叫左半份，有羊肉片、黑豚腩肉、龍躉片、鮮牛肉、安格斯優質肥牛、韭菜餃、手打三色肉丸（墨魚丸、牛肉丸、魚丸）。每一款肉都新鮮，肉味足夠，切得夠簿，一分鍾內就食得。最欣賞，碌完之後湯底都唔會變油同有血水😍。唯獨係龍躉片唔知係肉質問題定切得太簿，d肉好易散。非肉類就叫左蔬菜籃（大白菜、油麥菜、生菜同皇帝菜）、功夫萵筍條、炸芋條同白蘿蔔。白蘿蔔放係雜菌湯到，可以索曬d濃郁湯底既味，好推介咁樣食😌。萵筍條碌10秒就可以食，非常爽口，味道清甜。走個陣，見到門口有無糖薄荷糖，濃味過後，可以清新一下～ 好細心既安排。總括來講，係一間價錢合理，材料有質素既火鍋餐廳。👍🏻…Read More

餐廳裝修很有心思，以粉藍色為主，有南瓜車座位，旋轉木馬裝置，充滿童話味。小朋友來到一定好開心。加埋係門面既蛋糕櫃真係好吸睛～帆立貝南瓜汁海鮮意大利飯意大利飯來講，價錢一d都唔貴，但意外地足料！有大大粒帆立貝，大大隻蝦，好多蜆肉，蟹柳條，配埋蘑菇、蒜粒同埋南瓜汁煮，十分之有誠意👍🏻。飯唔係太硬或太軟，足夠南瓜味，又唔會好漏。 只係有蜆肉係連埋殼同煮，有少少碎殼，小朋友食要小心。 牛肩胛肉眼扒上菜時大約3成熟，連埋鐵板上，伴碟有薯條、蒜汁同燒汁。鐵板好夠熱，燒一陣就夠5成可以食啦。肉眼扒來講，算係少油脂，無油膩既感覺，但肉質唔會乾同韌，肉味仲好濃郁。加多30蚊仲有湯、沙律、甜品同野飲，性價比很高👍🏻。Tea set $38就有一件cake再加野飲😌～總括來講，係一間好有誠意好抵食既西餐廳～…Read More

北海道牛乳軟雪糕雖然比起細個食既軟雪糕，28蚊買一送一已經算好貴，但都阻止唔到每次搭完船期待有買一送一走去食既慾望。呢個雪糕牛奶味好濃郁，又唔會好甜，好滑，真材實料。只係軟雪糕好快就溶，即使係冷氣地方都要快d食完佢。…Read More

隱蔽西餐cafe，鋪內擺設簡單，燈光柔和舒服，充滿清新感覺。:)Buffalo Cheese Salad材料有水牛芝士，沙律菜同蕃茄仔，配上意式甜醋。簡單得來，味道尚可。但份量唔多，都要成hkd150左右，因本身材料算簡單，唔明點解要咁貴。蜆肉意粉因為朋友唔食辣，叫左走辣，變左主要配料係蒜片。用左中型size既蜆煮，蜆份量算多。但咸味蓋過蜆既鮮味，對我來講過咸，意粉偏硬身。意粉分量唔算多，但要成hkd170左右，唔抵。:)牛肝菌意大利飯牛肝菌味濃郁，意大利米口感剛好，無好溜既感覺。只係份量少，幾啖就食曬，但要hkd200 up，好貴🥴。埋單要大約600蚊兩個人，但無好飽既感覺，很貴！ 唔會再食！…Read More

一入到呢間caffe, 心身都舒暢, 周圍都係懷舊擺設, 壞舊掛畫, 播住80-90年代既英文pop songs. 中間擺左一張長檯, 亦有對窗坐既小bar檯, 自己一個來chill break下都唔會尷尬. 配合埋柔和既燈光, 很chill, 文青打卡好地方👍🏻。 Green all day breakfast 大大碟, 有好多沙律菜代替原本既肉, 好fresh. 有2塊薯餅同牛角包, 雖然都唔係好健康但食得好飽。係個牛角包唔夠熱唔夠鬆化, 似係一pack買番來既。蛋炒得好滑，蘑菇都好食👍🏻。加左hkd25 一杯跟set既iced green tea latte。比normal既細杯, 叫左少甜, 飲落一d都唔甜, 岩曬我口味。 Oldish all day breakfast比起green all day breakfast, 睇落細份d, 但其實除左沙律菜, 其他材料都有曬, 再加埋2條腸仔, 三文魚, 煙肉, 真係夠曬份量👏🏻。食完坐低飲下野, 聽下經典耳熟能詳既英文歌, 都係一種享受.…Read More