cloudyjess's Profile

同老公撐枱腳再黎食過～因比佢環境完全吸引.環境好寬敞， 裝修又靚好似置身日本咁！！ 而且坐幾耐都唔會有人趕你，而家d速食文化，想慢慢嘆下都難但這裏就完全適合想慢食談心既你～服務態度又好裝修打卡一流～同家人或閨蜜黎都好適合我叫左個588 二人套餐..好豐富.有海鮮又牛，而最讚係牛粒入口即溶..性價比高。 之後再叫左杯 潽梅香解膩。 原條魷魚燒！勁yummy!!!好新鮮～大大條好抵食！牛油燒蠔，蒜蓉燒菇～好juicy~保存到汁，又唔會直接燒咁乾，真心好正佢個薩摩赤雞都好嫩，無雪味～掩的味道很不錯跟住就係我地大讚既牛粒了～燒到6分熟岩岩好～最後最後！原來佢套餐有7折 .單叫就85折..下次黎要試下佢既活燒白幔魚…Read More

今日又特登收工黎元朗覓食～見依幾日又凍番，我地就揀左火鍋黎食！去到首先揀湯底，我地就揀左個椰子雞同麻辣鍋真心勁正！！椰子味濃！我地未開始打邊爐已忍唔住飲左d湯先～好滑好潤～連d食材都有陣甜味，簡直齒甲流香～如鐘意椰子真係唔好錯過！而個麻辣火鍋好足料d豆卜索哂麻辣湯底～超正，簡直一晚滿足哂兩個願望～首推一定係依款極上安格斯牛肉，無渣，入口溶，對於極大愛牛既我真心好享受口感一流個響鈴配埋個酸甜汁畀你揀淥又得～直接食又得！我兩款都食左～好夠脆！又唔會有油益味～yummy個雞件我地落去左椰子湯果邊～啖啖肉又滑，很不錯！個手工墨魚滑好彈牙，如下次去一定要試埋佢個黑松露！一定比起佢更惹味而菜方面我地㨂左蒿筍，原來我係第一次食！打邊爐真係好match!!清甜爽口，佢連d菜都好新鮮呀，值得一讚我地好貪心～一次試足3款餃，各有特色！要注意番淥左幾耐，太耐煮穿左就浪費左依d 手工餃架喇！又黎我最愛既水果茶有橙蘋果青檸火龍果等～飲打邊爐飲佢真係好解膩～佢仲好貼心可以畀你㨂幾多甜度及冰量！總結：環境寬敞舒適～可以同朋友邊食邊傾～無人催你～響香港已好少了！而且食材新鮮～好值得再黎encore!…Read More

鳯琴街真係勁多野食同糖水鋪都係忍唔住黎番佳記幾時都好好多人排哂響門口好彩我做去～有位！叫左3個一家人開心些牙～分別係薑汁燉奶～芒果啫喱～同埋鮮雜果西米露！滿足哂一家人各人至愛冷熱乜都有首先小朋友至愛啫哩，佢仲畀埋花奶另上，好貼心～因小朋友真係唔鐘意落，但老公又必落～芒果又甜又香滑鮮雜果如切細舊d更好，太大粒都幾難咬，同埋火龍果真係唔係我喜愛！食開紅肉真係食唔番白肉，食完一粒交哂畀老公食薑汁再濃d更好，好味既！但對比專做燉奶既鋪頭會輸蝕d,感覺唔夠佢地濃！可能因為我真係勁薑狂熱份子～不過都清哂不錯吃啦都！…Read More

今日去開朋友度順便黎元朗搵野食～我地le d 牛魔王緊係食燒肉啦～今次試下食4人餐個和牛餐！而家套餐有7折散叫有85折～去到環境好濶落，sofa 卡座都可以一邊坐到3個人Tim首先黎左個沙律🥗先超正，佢已預先撈到好均勻，好多地方都要自己撈，le度撈好哂，好方便～刺身好新鮮～最好食左先，廢事開爐燒肉影響到佢地我地燒左菇先同蕃薯仔先，因仔女勁like食！Le 個魚子飯好讚！仔女食足3碗飯！好耐未試過食咁多飯喇佢地～海量紫菜同魚子！好足料重頭戲來了～就係燒和牛！而le 度服務態度好好，會教我地點燒最好佢係d 電烤爐，先放側邊解凍再放中間燒，完全唔怕燒到乾哂，仲保留到肉質好juicy！和牛燒最好煎細黎燒！咁就好好味！啖啖油香響口入面流出！我女係咁話要食牛食牛～和牛真係好好味，入口即溶感覺！我而家胆心我女食過返唔到轉頭～我地最like 外面微焦就夠，佢個火力好夠！我最怕果d外面燶哂但入面仲係好生、佢個爐就唔怕了！海鮮有鮑魚帶子牛油蒜香蠔～好豐富！期間換左次板，職員都即時幫手～鮑魚原隻放穀上燒最好，唔會燒到乾，今次用電烤爐真係每樣野都燒得好好！無浪費到任何食物！因以前用明火或炭都成日燒到燶哂食唔到，今次好易控制火喉～保留到原汁原味食到le度真係好飽～最後仲送左雪米磁做甜品～好滿足既一餐！…Read More

係咁搵餐廳食生日飯～真心果度裝潢真係幾唔錯！野食不錯～打卡一流個軟穀蟹意大利飯真心好味！so creamy!但個墨魚筒就有d太硬，個墨魚汁意粉好食既，軟硬適中，汁好味，而個甜品拼盤真係好靚～大滿足！野飲就叫左玫瑰花latte 同花茶～不過不失…Read More

今日有屋企人湊兩個小朋友～終於有時間同老公撐下枱腳～好耐無食過四川野喇！今次仲唔大吃特吃！佢地本menu都做得好精緻，同個店名好match!今次唔駛就小朋友～叫哂辣野～叫左水煮牛肉～香辣味烤全魚～拍青瓜，兩個人食成條鱸魚首先黎左水煮牛先～d牛好嫩滑～無根～個底好多材料，例如紅薯粉豆卜豆芽～索哂d汁～好味！今次叫左小辣，係普遍港人都接受到既程度！下次諗住試下中辣，我估更加正～～香辣味烤全魚～係用成條鱸魚整既～多肉無骨～好入味～岩哂我le d食唔到多骨魚既人！le個真係極力推薦D配菜索哂d汁正到暈～基本d豆卜畀我食哂，老公食得一舊，跟住先驚醒畀我逐舊逐舊食哂而家睇番都流口水～鐘意四川辣野既人唔可以錯過！食完好滿足～對成日就住小朋友食既家長黎講～今餐真係大滿足～環境坐得舒服，每枱都有板相隔抗疫～坐位寬躺，放成個爐上去都仲有好多位～…Read More

見東薈城開左唔少食肆諗住逐間試下，今日就食羅麥記啦，知周圍都有分店但未食過，估唔到既係難食成咁！！我地叫左一個下午茶餐肉絲炒米同鐵板西冷扒餐，黎左個西湯先，唯一較好味係佢，不過好杰，有d一舊舊、但味係最好既，所以同個女都飲哂咁滯，有d帶子肉響入面之後黎左老公個炒米，真係好難食，無味的，我女都食唔落之後就上個西冷，7成熟、硬到咬唔到咁滯，仲要蒜蓉汁無蒜蓉味，塊扒無牛味，唔知食緊咩肉咁，過百蚊既扒餐仲慘過大家樂不過服務就好，會主動畀bb櫈，落單快同員工友善但食物真係接受不了了…Read More

日日都黎富東，但今晚先抽到空黎試這間西餐，我地慣左早食7點前都坐低左，就都未多人，一開個menu就被le個set吸引住！咁緊係即叫啦～餐湯係個洋蔥湯黎，唔錯唔會太咸我地野飲就叫左無酒精既mojito,好清涼既味道～首先黎左個生蠔冷盤先！係澳洲coffin bay生蠔～好鮮同有海水味～正跟住就係個龍蝦意粉，真係好正～個龍蝦啖啖肉～仲要龍蝦味重！十分出色既一道菜！我同朋友好快就KO哂佢地了！到個安格斯牛，你見到佢煎得極靚，入口好嫩滑，而佢配菜係蕃薯條，炸得岩岩好，每樣野都整得好完美，賣相又吸引！食指大動！佢其實仲有好多正野！真係想逐樣咁試！佢有個外賣自取勁抵食！真心推介！！同朋友食左一餐好好味既西餐，有格調又唔貴！服務招呼都唔錯！下次想食西餐必定要再黎～～…Read More

搬左黎東涌而家先有時間黎食～想試好耐了！坐位好寬敞，同埋好岩同朋友gathering!氣氛非常好首先叫左杯泰式奶茶同青檸梳打，佢係糖水另上，勁岩我這種減肥人士！而個奶茶都好滑首先上左個小食併盤，佢有兩隻汁，隻酸梅醬勁夾個菜卷而炸野就岩個泰式酸辣汁，而且個炸魚餅同蝦餅都炸得岩岩好～岩哂鐘意食小食既我地！再黎個炒雞件，個調味好特別，而且加左紅棗黎炒，真特別！連我唔鐘意食紅棗都忍唔住食左！完全唔知紅棗原來可以咁煮～令個送甜味加左仲好味，如鐘意辣就要自己再加辣粉了我地今次無叫飯類，叫左個蟹肉粉絲代替飯～蟹肉食到鮮味～而這個粉絲加埋都好清新，令人會一食再食～都幾開胃！最後緊係要食埋個甜品先滿足啦～甜度岩岩好！唔會過甜，個大菜糕有椰味～成個甜品都好椰奶味，讚～招呼都好好主動問你要唔要辣粉之類，而且枱與枱之間空間夠，唔會影響到傾計～好舒服～下次會同朋友再黎幫襯試下其他野～…Read More

其實海港城都好多野食，但都偏貴，咁就黎左ucc 平食西餐啦，三個主菜埋單3百幾都幾抵食架喇，響海港城黎計叫左個鮮茄磨姑煙肉意粉，味唔錯，唔會太酸，小朋友好肯食我最鐘意le個煙三文魚pizza,皮薄，饀多，正！而le個紅酒汁牛腩農夫飽都唔錯，牛腩好淋，不過略嫌汁少左d平日夜晚黎真係好少人、只係幾枱人，任坐，好闊落下…Read More

又黎放低小朋友兩公婆撐下枱腳既時候了～估唔到正品有咁多海鮮食～仲好多選擇Tim!首先叫左個豉椒花甲～好惹味～夠新鮮，又唔會太辣～勁快清哂成碟，佢地仲會畀定隻碗你放榖，咁唔駛食到成枱都係丫ma!服務唔錯～跟住叫左半隻海南雞，真係勁好味～好滑！我連d酸蘿蔔都食哂！講真自己一個都食得哂！不過點都要留番d畀老公食既！十個讚好耐無飲過d滋潤既湯水，平時自己煲親都係去下濕，依個杏汁花膠湯就正了，飲完都覺得好補～好岩女仕飲！而老公就叫左個杏汁豬肺湯，其實味一樣，不過轉左豬肺,老公都飲到一滴無剩～再黎就係黃金蝦仁，送飯一流～又唔會太咸，蝦又爽口，唔錯再黎就係蒸蠔喇～真係好飽滿，隻隻都大大隻～佢畀左d醬料可以點黎食或就咁食都得，任君選擇～其實食到le度已好飽下，但忍唔住又叫左石蟹，細細隻岩哂我地咁飽咁食～好清甜～下次要再黎試下其他小菜先得～…Read More

都幾鐘意le間餅店，d麵包蛋達椰達都幾好味，而且唔同嘉x咁多防腐劑，因成日買方包，但有時會食剩，佢d方包真係會發毛既、但嘉x係可以放勁耐都唔發毛，可想而知果d落幾重防腐，所以都支持番小店同埋d包達甜品真係幾好食既！成日都會想食佢個芒果布甸！…Read More

突然想食pizzahut,就叫外賣送黎，講真而家pizzahut真係貴左好多下，但pizza都ok既！keep到水準！就算食唔哂都鐘意叫大批！因好味d,叫左個二人大批餐，有一個大批一個飯/意粉，一個小食，兩個雞湯，但想轉其他款咩都要加錢，最後埋單要270蚊意式風情加芝心批，好味！我女基本只食批邊！加芝心無咁單調！所以推介加錢都要加芝心肉醬意粉係咸左少少，但都好味既！仲要肉幾多下！好飽肚，我女食左兩碗仔呀最失策係le個加左十蚊既芝士菠菜，佢唔知係咪畀錯長通粉我，下低係長通粉黎，勁難食，你見d生粉仲未溶哂咁，同以前食既忌廉芝士菠菜爭左幾條街！成盒掉左！side哂錢呀le樣真係唔嬲既！唔係鐘意食都唔加錢叫、但點知黎d咁既野雞湯無特別，一貫幾好味而等送黎都差唔多一小時，都預左、所以想食要早少少叫…Read More

星期日荃灣食野真係好恐怖，超爆多人！但delifrance 算叫易d搵枱，一黎都可以搭枱丫ma,仲要有幾多bb櫈tim!我地坐低好快叫左個二人餐，但唔記得映低，百幾蚊有哂前菜主食野飲同甜品，都唔錯！首先就d前菜拎左先，其他就等個call機飛碟響先去拎，本身想叫個焗薯批，但無哂！好失望！咁轉左叫白湯同芝士西蘭花，份量其實較少、味道就普通不過不失～野飲叫左個芒果檸檬梳打，仲加左6蚊要個乳酪畀個女食首先黎左個煙三文魚卡幫尼煙肉扁意粉，煙三文魚得3片，意粉老公嫌硬，但其實唔覺，幾有咬口，我女三歲半食都無問題，仲幾鐘意食tim,味道唔錯既！肉醬千層麵焗薯，幾好味，佢有個自助counter可自取芝士粉加落食物度，略嫌係肉醬d肉少d,係茄汁多最後個蝴蝶酥雲呢拿雪糕，蝴蝶酥個樣睇落係差d,但我女都食哂，都ok既，雪糕都幾大球、幾抵食啦le個餐服務員執枱都幾快手…Read More

見月尾得閒d，又黎同老公二人世界一番～最愛就係食西餐！依間響正恒豐酒店隔離，佐敦地鐵e出口一出行過對面就係～勁方便！因我地好早6:30就到左，未算多人～環境好有格調～好適合談下心傾下計～雖然時間尚早但慣左早食飯既我地，緊係好快就點野食啦～佢其實有個招牌海鮮餐，但老公係牛魔王黎～所以都係叫左個炭燒安格斯肉眼同龍蝦扁意粉餐，一次滿足哂兩個要求～今日個餐湯係椰菜花忌廉湯，creamy得黎加點清新！唔錯～而個牛油蒜蓉包～真係剛烘好，熱辣辣的！好正～佢地服務好好，一見你食完一道會即收，仲好殷勤咁同你加水tim～好快就上到個牛，叫左7成熟～都仲好juicy,又唔會硬！我地勁快就K.O左一大塊肉眼了～連d薯仔秋葵都食埋～薯仔煮到軟硬適中，因我好怕生薯，但le度就唔怕了跟住就到個蟹肉龍蝦扁意粉，好足料～個汁仲要好好味忌廉加茄膏好正～唔會好似剩茄汁咁酸，忌廉中和左茄膏，變到好夾呀個味，龍蝦又啖啖肉，加埋蟹肉響意粉度，好滿足呀～食哂主菜緊係食甜品啦～個肉眼set就跟埋蛋糕，係特濃朱古力芝士蛋糕，咁我地就再叫多個紐約芝士蛋糕～朱古力味濃～加埋啖啖芝士味～好飽呀食到～下次希望可以叫埋酒慢慢飲慢慢食～個環境都幾有feel 架～可惜今晚仲要返去湊小朋友都要趕返去～le度上菜仲要好快～真心平日放工想食個靚西餐真係非佢莫屬～…Read More