星期日到澳門後在酒店打電話往book枱，聽到店員喊出'雅tim餐廳'覺得非常好笑。個'憇'字應讀成'戲'、'氣'，不是什麽'tim'。最攪笑是當我告訴的士司機大佬我地想去'雅憇餐廳'，他直頭唔知我指邊間，但我一講'雅tim'佢就明，冇計！下車後沿海邊走覺得眼前景色非常寧靜優雅，及後去到餐廳所在令我們對那頓晚餐更有祈望！雅憩位處一個相當寬敞小廣塲的左邊，另一邊有另一所食肆，廣塲盡頭是一所古老小教堂。而所有建築物都以黃色及白色為主，在射燈及照明下令到整個環境非常之和諧高雅。好可惜走近後發覺左右兩間餐廳之主事人未能把他們的食堂佈置得與週邊高雅環境配合，好可能他們要走大眾化路線，望埋去係大牌檔格局。來前曾上網翻閱此餐廳之圖片，但坐落完全感覺唔到圖片所顯示的那種氣氛！好可惜！雖然對餐廳嘅setting有些意見，希望用美食補數！我們三人點咗下列食品：(1) 雜菜炒馬介休是頭一個拿來的菜，但三個人都覺得太鹹太多油，比我在其它地方食過的鹹很多。但始終是鹹魚，不能太苛求。最後唯有食晒D洋蔥、青椒、牙菜仔同D蛋。:((2) 特式燒風鱔攞到嚟己經唔夠熱，好似預早燒定。最差就是燒烤時灑鹽太多，說鹹到苦絕不為過。各人要把每件鱔肉放入滾水浸一浸才能吃！
同碟供應埋甜醬同wasabi，前者能配合鱔肉之香甜，但本人不接受用後者去點燒熟嘅鱔肉。 (3) 咖喱炒蟹雖然賣相比其它知名食肆差小小，但我們都同意在四道菜中最出色。蟹肉鮮美而 咖喱夠香而辣度恰當，可以一讚！ :)(4) 上湯浸豆苗普普通通，勝在夠清。(5) 猪仔包取來時尚熱刺刺，內裏軟棉棉，用來嗦咖喱汁真是美味到極，是整晚最出色的食品。:)(6) 豆漿熱騰騰又不太甜，OK 喇！(7) 招牌白酒一枝以$100價錢去衡量是物有所值。因它酒精含量只有2.5%，好似我這樣酒量淺的人飲咗一大杯都完全沒半點酒意。(8) 木糠布甸帶朱古力味但並不出色。餐後大家都說長途跋涉走到來食這一餐唔化算，但我們都被這一帶美麗景色所吸引。…Read More
同碟供應埋甜醬同wasabi，前者能配合鱔肉之香甜，但本人不接受用後者去點燒熟嘅鱔肉。 (3) 咖喱炒蟹雖然賣相比其它知名食肆差小小，但我們都同意在四道菜中最出色。蟹肉鮮美而 咖喱夠香而辣度恰當，可以一讚！ :)(4) 上湯浸豆苗普普通通，勝在夠清。(5) 猪仔包取來時尚熱刺刺，內裏軟棉棉，用來嗦咖喱汁真是美味到極，是整晚最出色的食品。:)(6) 豆漿熱騰騰又不太甜，OK 喇！(7) 招牌白酒一枝以$100價錢去衡量是物有所值。因它酒精含量只有2.5%，好似我這樣酒量淺的人飲咗一大杯都完全沒半點酒意。(8) 木糠布甸帶朱古力味但並不出色。餐後大家都說長途跋涉走到來食這一餐唔化算，但我們都被這一帶美麗景色所吸引。…Read More
