話說琴晚尖沙咀行完街，唔知食乜野好，於是到山林道睇睇。一路行到街尾見到呢間食放題好似都ok，條街好熱三十幾度熱到爆炸，唔想再行，就入左去。入到去所有野都ok，同一般日式放題食肆無分別。近門口有三隻龜迫喺個細缸游都游唔到幾得意。坐低拿拿臨Tick左紙叫野食。沙律小食好快上，食左無幾耐，戲肉來了。突然聽到隔離枱兩個人大叫，之後眼尾瞥見一大隻野從天而降，右手上臂感到有幾隻腳在上面。冷不提防，以為是大蜘蛛，慌亂之際用急忙揮動手臂，隻野跌落左大脾，電光火石間用手一撥，隻野跌落地上終於看到真身——手指公咁大飛曱甴。隻大飛曱甴極速爬過隔離屏風。有個似係話事人當時喺隔離執緊碗碟，以為佢會打，點知佢視若無到，直至我地兩張枱都同佢講佢先有反應，曱甴已經唔知喺邊。佢只係一味話作打風d曱甴又坑渠走出來，無其他表示。同行既女仔已經嚇得花容失色。1分鐘唔夠見到隻飛曱甴返轉頭，佢被嚇到彈到隔離枱。我一個箭步上前將隻大曱甴踩死。最驚既係轉頭個話事人同我地講話唔使驚，佢已經打死左隻曱甴，我望過去，見到另一隻細好多既死曱甴。原本好開心可以食大餐，點知咁既情況食龍肉都無味。之後d侍應就一直打曱甴，長打長有，一路打一路爆粗，打到興起，佢地勁興奮。一齊既女仔問我點解咁靜，其實心入面好內疚帶左佢去咁既餐廳，要佢咁驚，好對佢唔住。食左好少野就走，邊度食得落，仲要收我地兩個人六百幾。一定唔會再去。10粒星推介給曱甴愛好者，可以睇到曱甴滿天飛壯觀奇景。…Read More
Hei Sei Ni Jyu Ni Japanese Restaurant
2017-07-31
The above review is the personal opinion of a user which does not represent OpenRice's point of view.
Like
Eric余
報左警啦！你班人放家馬
法國老虎
有冇證據？真的話應該會上蘋果？
thirty5ive
算啦，大把人證，所講句句事實。有邊個想食到餐極失望既晚飯仲要花幾個鐘去警署落口供同俾記者問？第二朝唔使返工咩？問題係有無自我檢討，做得唔好應該好好反省，改善質素。
Recommended Dishes
飛曱甴刺身
Date of Visit
2017-07-30
Dining Method
Dine In
Spending Per Head
$317 (Dinner)
