Wingnie's Profile

體育園附近開多左好多新餐廳，今晚就試左呢間平價拉麵。嗌左個大盛豚骨拉麵（$59.9)，海老濃湯叉燒拉麵（$59.9），堂食要收加一服務費，其實平均每碗都要六十幾蚊埋單。入坐時聞到啲蝦湯味都幾濃幾香既，但一上枱夾起啲麵，淨係聞到一陣鹼水味沖出黎，每食一啖都係鹼水味，鹼水味重到蓋過晒其他所有食物嘅味道，啲份量又少，麵質好淋好黏，完全唔知食緊咩！另外個大盛都係一樣，個豬骨湯淡淡地清清地！如果鐘意鹼水麵既不防試一試…Read More

諗住近近地同屋企人食既飯，就前2日book定星期日晚7點枱當日準時黎拎枱果陣帶位姐姐同我地講今日好多人未有枱要等陣..諗住都係等多5-10分鐘姐，點知19:15仲未入得，問佢要等幾耐，佢答唔知，跟住仲話有街客緊係比左人坐先，唔通留空張枱到你地7點先咩..30分鐘之後有張路口坐緊2人既埋單，問我地坐唔坐🙄我哋6個大人真係覺得有可能？！過左10分鐘終於有張大枱埋單..book左枱最後都要等左40分鐘先入到去..咁我book枱黎做咩？！安排真係勁差，真係唔會再黎…Read More