mfoodielife's Profile

放工去銅鑼灣蒸腳兼去買特價護膚品，途經這家吃餛飩的店子，姑且一試！茶水部㕑房有大餛飩同小餛飩，本來想雙拼薺菜同芹菜，可惜無雙拼 太不靈活了落單後，職員會用這個黃色牌子連單一起放在檯上，吃罷就是拎著它去找數這碗是10粒薺菜大餛飩，大餛飩比想像中細😂碗中有些少紫菜，湯底清清餛飩皮是薄薄的餡料是薺菜和豬肉，不濃味，尚可吧！整體感覺是湯底清餡料清的⋯ 要吃得清淡的是不錯選擇。:)沒有驚喜，作飽腹之用是可以的，但又不會有令人有繼續想吃的感覺…Read More

在炮台山吃了晚餐，建議去食碗糖水，多次未能試，今晚再碰碰運氣，走去橋底，店內只有三四人店子細細，大約有十個位左右，看似好多人來買外賣。下單後不到兩分鐘⋯兩碗糖水已被送上檯前和我見面心想⋯⋯湯丸不是即叫即煮麼？？？木瓜雪耳加芝麻湯丸$35聽說好正，雪耳滿滿膠質桑寄生蓮子蛋茶加芝麻湯丸$33桑寄生味略偏淡，可以再濃番少少芝麻湯丸好大粒芝麻茸慢慢流出，糯米皮軟軟綿綿蛋外層好深色，應該浸在桑寄生茶中不短時間食食下覺得苦⋯原來蓮子無去芯㗎蓮子點解唔去芯㗎…Read More

星期四晚上八時半，這條位於荃灣嘅食街，永遠都有見到長長嘅人龍⋯排隊做乜呢？因為⋯這兒有兩間豆腐花店，兩間都有不同長短嘅人龍。朋友住喺荃灣，朋友就推介我食贊和，話比較有豆香同埋滑。3蚊一碗豆腐花！ $3一碗係雙拼價，可以拼紅豆沙/綠豆沙/芝麻糊/薑汁/桂花/薏米白果等等⋯唔好執輸人排我有排真係冇眼花，真係$3一碗！薏米白果豆腐花$3一隻公雞碗裝滿晒豆腐花，再淋殼薏米白果，盛為港幣$3真係平通街！有豆香而滑溜，平靚正！唔怪之得人龍不絕…Read More

中午夠鐘食晏啦! 一個人身處銅鑼灣想食粉麵有咩選擇?  南記粉麵？江仔記？傷心酸辣粉？文輝？　突然醒起好耐無食以前在巷仔起家既車仔麵榮記，即刻去糖街回味一下先。去到有幾個人在門外排隊，完全唔擔心等好耐，因為食得車仔麵既人流都好快，人人都好醒水食完就閃，所以好快有位，加埋一個人關係就更加快。　排咗唔使５分鐘就入得。　坐下櫈都未坐熱，已經有人走埋嚟問我食乜，立即抬頭望向牆上既板，點咗５個餸後其實仲諗緊要多咩餸好，但員工就問我要咩粉麵，既然咁問我就要配粉麵唔食淨餸啦；另外仲加多個腩汁西洋菜。對榮記有一份情的原因是由巷仔到現在這兒還會保留西洋菜為油菜同埋整體食物和以前大致不變，ＫＥＥＰ得住！雖然價錢已今非昔比我碗車仔麵有豆卜牛筋豬皮蘿蔔冬菇同米粉近年我已經好少食菇菌類，因為香港天氣潮濕，個人底子又濕熱，尤其是春天依個潮濕的季節，飲食上更加要小心，但嚟到榮記又不得不點冬菇，因為這兒的冬菇好厚身又煮得好入味好正既，所以一定要吃　！白蘿蔔炆好夠林又入味，好甜　！　　麵底係落腩汁　（唔要腩汁既要在下單時講明既，唔講就會自動比的），個腩汁其實係榮記既靈魂　！大約價錢係５餸麵＄５３，４餸麵＄４７，３餸麵＄４１；６淨餸＄５３，５淨餸＄４７，４淨餸＄４１油菜一碗＄２０如果腩汁要另上，收＄３唔想飲凍野，所以打消了飲豆漿的念頭，今日淨係食唔飲　！…Read More

去開九龍城有時間嘅話我，都好鍾意走去義香荳品食返碗豆腐花或者飲杯豆漿，如果肚餓更會加啲煎釀豆腐或煎釀三寶。星期六下午四點左右，義香一如以往座無虛席，好彩剛有食客離開，好讓我唔使等就可入座。一坐低店員即刻已經問你食啲乜嘢，即刻嗌碗熱豆腐花另外加個煎豆腐。不到1分鐘熱辣辣嘅煎釀豆腐就即刻係我面前出現，熱豆腐花已經幫我加埋紅白砂糖煎釀豆腐$10～豆腐大大件煎得好香脆可口，內裏是滑滑的豆腐花$9荳香味夠亦滑溜…Read More

食咗個唔太滿意嘅下午茶，轉個頭就食啲甜品氹下自己位於淘大商場裏面有幾間唔同嘅甜品店，我地走咗去小方糖，以前淨係去過九龍城總店食，淘大分店都是第一次，貪小方糖選擇多，凍熱中西梗有一款啱食嘅。打開menu，真係花多眼亂，睇咗好耐⋯本來想食蛋白燉鮮奶⋯可惜⋯沒有⋯芒果沙冰豆腐～芒果沙冰略嫌佢芒果成份太少好淡茂茂，其他是可以的芒果拿破崙～拿破崙的酥皮太空洞了，芒果肉可以多少少，值得讚嘅就係個芒果醬係夠香濃…Read More

今日喺淘大商場做義工，被安排四點左右中場休息，和拍檔一齊去二搵食醫肚，拍檔建議茶餐廳。適逢下午茶時段就有下午茶餐，見到有焗飯，心想食飯可以一餐當兩餐當埋晚餐最後揀咗豬扒焗飯，包一杯熱飲好鍾意個巨夾我個下午茶焗豬扒飯你啦（我係要求走芝士）視覺上個焗飯好細份，豬扒得半塊拍檔嗰個係有芝士嘅，佢嗰塊豬扒仲細塊豬扒飯唔單止得半塊豬扒，醬汁其實都好少，要求店員俾多少少番茄汁，但兩位阿姐多諸多推搪叫我下次落單嗰時就要講明多汁，最後我叫佢哋直接俾支茄汁我算啦⋯個焗飯如果唔自己另加醬汁真係食唔落囉⋯個飯底真係淡茂茂，有少餸⋯⋯唯一最滿意就係嗰杯熱飲～熱朱古力走，夠朱古力味。痈得揀，我唔會再來…Read More

路過數次今天趁下午放假就來試試精選每星期轉餐牌喜歡這個茶盅午市套餐 配例湯、時菜、小食和飲品一杯我揀的是擔擔伴麵，$68這個價我覺得在灣仔區是值的呢！左上方是無味精例湯，是日例湯內裡有紅蘿蔔薏米，很清甜可口，真係無味精呢 想再飲多一兩盅坐在店中最入的座位，可看到整間小店的格局，小巧精簡吃罷辣辣地嘅乾拌擔擔麵，再嚐一口桂花烏龍中和一下味蕾，這個週五午餐很不錯…Read More

食緊晚餐嘅途中已經穩捃定一陣食乜嘢甜品，發現喺附近有一間未食過嘅甜品屋，就響寶勒巷咁就一於去試吓。兩條友叫咗三樣野薑汁花生湯丸本來係芝麻湯圓因為賣晒所以就改咗花生湯圓薑汁好夠濃，掂換湯不換藥埋上變得很不一樣就係賣相幾別緻嘅心太軟食物都係一件心太軟蛋糕配雪糕，但style和一般嘅擺法不同，用咗一個球狀透明玻璃器皿盛放，變成另一個層次再加咗朱古力蝴蝶，立即又高貴尐最正係𠝹開心太軟，內裡嘅流心便向下滴在雪糕上，好治癒！:)喺Facebook或者Instagram like或追蹤，就會有九五折㗎啦…Read More

習慣週一走去買尐生果讓自己在一連五個工作天內也可以用生果作小吃。今日路經這一家新加坡麵店，平日所見都要等位，今日見不用等位便試試。店子以黑白為主調，視覺上簡單舒服。午餐只有三款麵食選擇在灣仔一碗麵連飲品$113其實都唔平原來蝦麵沒有蛋的坐在bar seat，可以看著openkitchen運作，畀我感覺係新加坡食嘅車仔麵湯底色水深但飲落又幾清甜，蝦原來係將一隻開邊，視覺上以為有4隻蝦，查實係4片半邊蝦 一邊吃一邊掛住灣仔藍屋果頭果間嘅泰麵囉⋯⋯⋯⋯…Read More

星期五晚做完Facial在淘大睇吓有乜食，大家樂已經大部份嘅食物售罄，再周圍逛逛發現有一間叫做湯加嘅食肆，見到個湯字作為湯怪立即被吸引了。走入去望望有咩食，打開門有兩個姨姨一個後生仔，望住我問我係咪外賣,我就話睇吓有咩食先。選擇都很多所以坐底試試，向員工示意下單，其中一位姨姨應咗我但無行動，另一位就幫剛入嘅外賣客落單⋯我用充滿疑問嘅眼神望住佢哋，最後個後生仔走埋嚟幫我落單；我叫咗103號嘅松茸淮山竹絲雞，跟一碗白飯或三色飯或藜麥飯；最搞笑落單又再問我係咪外賣⋯又再問我：「係得咁多啦？」聽落佢咁講好似我嗌得太少野咁⋯除咗我之外，一眼數晒有兩個客享用緊佢哋嘅晚餐，有兩個客喺度等緊佢哋嘅嘢食，仲有一位先生等緊外賣而已，三個員工比我感覺係幾懶懶閒⋯地下污糟佢哋其實都冇去處理⋯送餐時員工放下便轉身離開，並沒交待餐具事宜⋯原來是在檯下的抽屜中自取⋯我碗湯一上枱溫度已經係好啱即刻飲用，並唔係熱辣辣出晒煙嘅湯，味道中規中矩，三色飯就偏軟微溫⋯食物整體是健康之選，可作醫肚⋯但並不是熱辣辣出爐⋯:(我諗⋯應該無必要再光顧⋯…Read More

約咗人在旺角食晚餐，仲有成個幾鐘，返屋企又唔夠時間，在街流漣我又唔想，梗係捃間可以坐扛下嘅cafe抖一陣。在麥花臣球場見到依家樓底算高嘅cafe，以白色為主高，檯椅以淺啡襯白，全店格調一致，高檯配高櫈，亦有order檯配有背座椅。（相片係坐咗成個鐘後陸續有人離開後拍的）我就係咁啱經過見到一排五六個人面向街嘅面窗bar table，感覺幾好，不過當時店子都幾爆。（相片係坐咗成個鐘後陸續有人離開後拍的）勉強坐在面窗的bar table and seat，始終係旺角地舖，不夠能要求舒適的環境。坐定定後，杯想要一杯菠蘿特飲，但細問下只是用罐頭菠蘿加雪碧沖調而成，即刻諗過⋯天氣太熱，放棄了熱朱古力（我諗有拉花吧）改為凍朱古力。第一次落單時有要求朱古力味要濃一點⋯一等就等了差不多半小時，全店滿載坐到淨番幾個人⋯向店員表示凍朱古力還未到⋯ 好明顯係剛才無落單⋯不悄一會，一杯淡啡色的凍飲出現在我面前。始終是用朱古力漿沖調的凍朱古力，要濃尐朱古力就會整杯甜度提高⋯唔想咁甜朱古力就淡⋯明顯依杯係一杯勁奶而淡嘅朱古力，收價$40絕對不值，普通茶記一杯廿蚊質素都有過之而無不及⋯這$40 中以大比例算是用來租用一處歇歇吧⋯⋯…Read More

朋友公司攪BBQ，知道我閒著便邀請我一同前往好耐未去自助燒烤了，走到位於新界烏溪沙的白石燒烤場，如果不是自駕，交通就唔算好便利，需由溪沙站步行約20分鐘或轉的士大概＄25星期六的下午5時，太陽依然猛烈白石燒烤場沿海，所以擁有無敵海景，真係正原來依家有獨立冷氣房，可以有自己嘅私人範圍，燒得熱可以入房歎下冷氣降降溫，唔使驚熱到傻喎房內還設有雪櫃、電視、Karaoke設備（歌曲就要自備了），仲有麻雀檯可以租麻雀打麻將。還有一些玩樂設施提供比小朋友，依家尐燒烤場真係幾完善一行廿人所以有三個爐，週六週日假日爐要比租用費可以一邊自己叉住燒，又可以懶著放在網上燒，朋友公司預訂了扇貝、蝦、雞翼、雜丸、腸仔、芝士腸、迷你甜薯等⋯仲有必叫嘅乳豬仔，可以揀自己燒，亦可以燒一陣再由場館代勞，他們燒好後會切件再送回給我們享用好多扇貝呀，有網真係方便好多五月天嘅氣溫已經好熱，好彩有冷氣房抖番下咋…Read More

今晚放工決定去蘭桂芳啤一啤輕鬆下，蘭桂芳酒吧林立，晚上八點左右家家酒店都好熱鬧啤一啤之餘又要醫肚，所以揀咗間可以食得飽嘅都好重要協商後決定去食炸雞，炸雞同啤酒係一隊㗎嘛！沿著蘭桂芳一路上再轉左，就找到這家有得啤又有雞食這家炸雞酒吧有兩層，但上層full晒，只剩下地面兩張order tables檯面有兩個盒，一個放紙巾一個放即棄手套今晚揀咗個二人套餐，套餐包咗沙律、薯條、雙拼炸雞同兩杯基本飲品凱撒沙律 ～ 今晚食炸雞，熱氣前先食沙律清新一下開餐啦！青蘋果啤酒和芒果啤酒紫菜薯條雙拼炸雞（黃金炸雞、檸檬柚子炸雞）好喜歡檸檬柚子炸雞，酸酸甜甜好醒胃；黃金炸雞即係咸蛋黃炸雞，炸雞被咸蛋黃包著，咸咸香香啱晒我依個咸蛋控。另外加點了紫菜卷，內裡原來包著粉絲，幾特別。如果內裡係包著年糕，應該更正。…Read More

周日是瞓到自然醒，瞓醒先諗做乜周日應該到郊外或離島，讓腦子放空下午乘渡輪到長洲閒閒半天，漫無目的地閒逛，到達長洲，不知不覺行到這個自成一角的露天茶座用上一些滑浪的工具和木材作佈置，和海洋大融為一體，檯用上木條砌出來，部份座位可完全可面向海灘呢一支日本手工啤酒放在木檯上面向大海，未飲也感到勁爽看著令人暫時忘掉煩憂不同產地的手工啤酒當然要配一點點小吃佐酒本地炸魷魚不論是在沙灘玩累了或只來呆坐也是一個好適合的地方每一最低消費$50，沒有時限，還可享受微微海風吹送，確實使人放鬆…Read More