Happyfairyandfog's Profile

已經有好多個post 話d 職員態度好差，今日領教過，真係犀利過澳x 🤣 可能學成龍話齋，xx人係要被管的，所以小x書係咁吹捧。午飯時間12:15 入座，兩個人坐一邊四人卡位，話係四人卡位，但比一般四人卡位窄，非常擠逼，食物擺唔晒係張檯度，見對面咁啱食完走左，我轉去對面坐，但個阿姐即刻衝出黎鬧人，好似殺左佢全家咁，話唔比坐嗰個位。我環顧四週，有好幾檯都係四人卡位坐兩人。我明香港地茶餐廳講翻檯率，同阿姐講食完即刻走，但佢依然堅持要我地坐一邊😂食物= 一般茶記質素，豬排大份，個丹麥麵包落左勁多牛油。食個常餐，要成$60， 呢個價錢，呢個質素，識食既香港人大把選擇（例如：聯發茶餐廳台灣朋友黎香港，諗住帶佢試吓香港風味食物，結果果然好有「香港風味」。如果係香港人，就無謂去俾錢人受氣。 其實究竟點解呢間紅茶咁紅？好多人都係因為跟小x 書走去試，咁紅茶駛左幾多錢喺小x 書左宣傳就不得而知，但長遠黎睇，個個跟小x 書搵食，最後令到d 真係有心做, 做得好但冇錢宣傳既餐廳冇人去。劣幣驅逐良幣，最終係邊個賺左，邊個蝕左？…Read More

間cafe 環境好寬敞，有board games、work desk 仲有iMac！！ 而且仲好多插電位，有叉電cubic,好貼心！只係俾一杯Starbucks 價錢就可以坐一日，做嘢或者同朋友聚會都好啱野食都okay, 大件夾抵食。一星級既價錢，五星級既服務，老闆你係咪開善堂好少寫comments， 但覺得meTime 好有心，寫番個讚下…Read More

第一次寫食評, 因為真係食到好唔開心... 尋晚同兩個朋友聚下，見呢間環境唔錯，食評都可以，咪試下囉～點知去到佢話要限時食1:30 鐘，咁我地見都去到，咁就算啦，照食啦～埋到位，我地問伺應哥哥可唔可以用xx app 優惠～ 佢話可以但有d 唔嗌得，咁我地覺得冇問題，因為有好多餐廳之前試過都係咁既～咁我地就揀左兩個main course( buy one get one free)+ set dinner... 點知佢話唔可以咁樣加埋用... 咁我地唯有再叫過啦，都冇所謂既咁我地咪諗住叫四個main course, but one get one free mah, 點知佢又話只限用一次，即係話我地叫第三道菜唔可以有買一送一...其實我之前試過係其他餐廳用，每間餐廳都比我地用兩次既（即買一就送一，買二就送二，如此類推），試過好多間都冇問題，係呢間話唔得。雖然覺得呢間餐廳做優惠做到咁孤寒真係唔知想點，但我地都覺得既然係人地既policy, 我地都唔會異議既～但問題係點解佢唔一早講清楚晒條款呢, 仲要每次都要問經理,玩以訛傳訛咩？好啦揀完菜（其實都用左超過15分鐘），咁我地就等上菜啦。佢上菜既速度都okay 既，大約20 分鐘上晒啦～食物質素係正常既，份量亦好大。我地三個女仔叫左三個main courses, 再開左支紅酒。上紅酒既時候，伺應哥哥話得番呢支，咁我睇下啦，原來佢地冇晒2015，得番2017...佢就係咁囉埋支2017 行過黎，完全冇打算比我地試下，睇下要唔要定係轉第二支... 最後我問佢，咁佢就比我地試下啦...講真，個伺應哥哥態度唔係差，但係好明顯係冇收過西餐既訓練...我地俾$300 一個main course 既價錢，expect 既應該係正常西餐既服務，唔係去茶餐廳...我食過咁多西餐廳，開得酒既，好多都會比你試下先...好喇，當我地知道大半既時候，個伺應哥哥竟然催我地交檯！！ 當時我地係仲係度踞緊塊排...！佢問我地：「仲未食完牙？」當時係8:25 分，我地suppose 係8:30 交檯啦，咁我地就話係呀，食緊～ 我地食得其實唔算慢，但我地由上菜計做多只係食左一個鐘....咁過左5分鐘，個伺應哥哥又黎催，今次仲講我地支酒用個塞封好！話食唔晒/飲唔晒冇辦法架喇！其實當時間餐廳有兩張空台（8人位），等緊既人大概2-3 個... 我地就唔係好明點解佢要係咁催我地～ 咁既然佢係咁催，我地都好有禮貌地講，我地飲埋杯嘢就走啦（最多15 分鐘啦）點知過左5-10 分鐘，佢就搵左個貌似經理既人黎同我地講：「你地夠鐘喇，遊戲規則係咁！」直至呢一刻之前，其實我地都覺得仲可以接受，始終係我地食得「慢」...但佢講遊戲規則呢四個字，同埋係咁趕我地走，比我地既感覺就係，呢間餐廳好唔尊重客人，只係想做多兩檯，搵多d 錢...本來做生意賺錢無可厚非，但收呢個價錢，比茶餐廳還不如既服務... 我就唔會再去啦(去茶餐廳都未試過比人咁趕), 大家如果話想舒舒服服食餐飯，咁大家要諗清楚喇…Read More