yanyanyan5252's Profile

保持日式高質素，舒服用餐既火鍋店！打邊爐最緊要係食物新鮮，款式多而有質素牛氣雖然係集團式，佢嘅好處就係全部有標準！今次揀咗個中上價錢餐，安格斯+極黑牛+海鮮放題，人均343加一 ，但絕對物有所值！首先講牛肉，一入口就知係高質牛，呃唔到人，冇血腥味，平時唔多食牛嘅老公都食咗幾碟。脂肪比例適中入口即溶，有牛味而不酥，下面都係任叫，上菜基本係5分鐘內。選擇有澳洲穀飼黑安格斯牛，美國極黑牛，特選牛小排，PRIME美國肩胛肉眼，穀飼牛肩肉等等！仲有啲必有火鍋配料：雞腿肉，各式各樣火鍋丸，豆類食品，響鈴支竹另外仲有三文魚同埋各類海鮮，全部都好新鮮，有質素，要彈牙有，要脆卜卜有，用材感覺係新鮮！蔬菜亦都有好多選擇：南瓜、蘿蔔、竹筍、生菜、油麥菜etc, 連貴價既羽衣甘藍都有！值回票價另外仲有好多日式熟食，關東煮，各色肉類串燒，天婦羅，咖喱牛肉飯，即叫即焗嘅芝士生蠔，味道絕對above average，不過我地都係專攻牛肉😜😜飲品方面，好有多健康選擇，各式茶類，醒胃飲品都有，加錢仲有Asahi free flow！好抵玩最後梗係有甜品，我見在場好多人都係瘋狂添乳酪雪糕，而d蛋糕小點就正正常常，無乜特別。出面好多火鍋淨係sell平sell多但無質素，只係填飽肚…而牛氣呢度既食材標準&舒適度，令我地真係享受到打邊爐既用餐樂趣，會回頭幫襯！…Read More

之前光顧過大角咀的LOST STARS餐廳，食物品質高而且氣氛好，所以知道佢哋嘅團隊喺銅鑼灣開咗另外一間懷舊黑膠唱片餐廳，即刻約朋友去試一試！入到去餐廳嘅環境比較昏暗，但係就好有情調，DJ會係晏啲嘅時間出現，精挑細選嘅音樂令到成個氛圍都好舒服。除了環境，食物嘅質素亦好令我滿意👍🏻蟹肉墨西哥薄餅$238一個必點的appetiser ，蟹肉份量係好多，一點都唔吝嗇！蟹肉下便仲有滿滿嘅牛油果醬，呢個配搭嘅Quesadilla簡直係滿分！小食我哋揀咗雜錦香腸拼盤$148有台式香腸，韓國雜肉腸，糯米腸，配埋酸菜同埋芥末醬，呢個小食送酒真係一流！主食我哋就揀咗酸奶油烤美國豬柳$278呢個好impressive! 睇得出廚師烹調嘅用心，豬柳真係好嫩滑，食落啲肉好稔，唔會覺得鞋口，食得出廚師嘅工架！豬柳嘅外層仲灑上最近好興嘅開心果碎，配埋蘋果蓉，食落好fresh，薯蓉嘅口感都做得好creamy，推介！另一個主食我哋就試咗慢煮牛尾蕃茄貓耳朵粉$198貓耳朵粉真係我最愛，唔係度度都有得食，呢個蕃茄醬係煮得好香，唔係蕃茄汁嘅死甜，而係食得出真材實料，牛尾都係好稔！餐廳其實仲有好多特色飲品，叫左杯Signature Cocktail, Delicate! 飲落好香伯爵茶嘅茶香，但配上酒精，係一種以前未飲過嘅味道，但係又覺得好夾😝讚！ 總結餐廳嘅食物質素很好，對得住個價錢🫡…Read More

Happy friday 決定去間銅鑼灣人氣西餐廳，好好放鬆下！位置就腳，地鐵站行2分鐘就到餐廳環境暗暗地有氣氛，見到好多都係放工黎chill住食，有bar枱有窗口位。雖然坐滿咗8成枱，不過唔算嘈，熱鬧得剛好！點菜環節好快搞掂，因為都係叫d 人氣菜式先係個小食 自家製意式肉丸喜出望外👍🏻👍🏻肉丸食得出真係手製冇呃人，淋滑嫩口，非機器粗糙質地！茄汁都整得好出色👌🏻👌🏻 鮮茄醬真才實料，仲點咗好多薯條食😆🤣🤣再嚟芝士炸薯條，次次食西餐都一定要食薯條🤓超正，新鮮炸起，芝士份量都好足夠！意式烤安格斯肉眼扒，配澳洲西蘭花苗三百幾蚊，對得住個價錢，肉汁嫩口，肥瘦適中，廚師唔會煎到好多血水，一句講晒好食，秒清咗！西蘭花苗都烤得好出色，份量多啲就好好啦！卡邦尼扁意大利麵意大利麵係手做 ，略嫌質地唔夠彈牙，但係食落都無粉感，都食得出係手工意粉👍🏻豬肉同芝士都有誠意烹調過，卡邦尼汁咸香足夠，煮得唔錯。總括來講會俾8分，氣氛+食物都有質素，定期會再來食佢個肉丸！…Read More

今日嚟到海之戀當眼既西餐廳，望一望個二人餐牌，係衝住個甜品而嚟嘅🙂‍↕️呢度環境好舒服，有法式小館嘅感覺。每一個set都會包是日餐湯同埋法包，法包出嚟係熱辣辣，加埋海鹽牛油，比想像中好食，個麵包好有口感！！今日嘅餐湯就係南瓜湯，好creamy。頭盤方面我哋就揀咗法式田螺，呢個就普普通通，田螺唔算特別大隻，其他頭盤應該會吸引啲🤔主菜方面，兩個都超有驚喜！第一我哋揀咗煎鴨肝•油封鴨腿意粉鴨肝煎得非常香口，入口即溶，油封鴨腿幫埋撕肉，唔洗食得咁lea hea，肉身嫩滑多汁，好香鴨味😆意粉Creamy得來又會保持到乾身，同鴨腿好夾！因為本身鴨腿都係有啲鹹味，兩者加配後意粉唔使調味太重就已經好好味！平時意粉食得多，呢一個真係值得一試！第二個我哋揀咗紅酒燉牛臉頰配薯蓉呢個份量係好多，足足有四大件，真係燉得好夠時間，肉質好腍軟，又入味，呢個時候好想送飯！😂薯蓉嘅份量亦都比得好大方！食咗呢度嘅時候已經覺得呢個二人餐份量可能夠三個人食😂😂最後就係甜品火焰橙酒可麗餅我諗可麗餅都算係呢一間餐廳嘅signature，係你前面倒火落冧酒嘅畫面好治癒，味道就正正常常🙈最後餐牌上面可以八折嗌白酒，即刻將成個用餐體驗提升😌…Read More

今日去咗食個lunch set，間舖頭就真係幾靚，門面做得好好，但係啲嘢食質素真係勁差佢個lunch話包tapa 原來勁似啲食剩咗嘅前菜跟住主菜嗌咗個蕃茄肉丸意粉，點解呢個意粉都可以煮得咁難食，自己喺屋企買包蕃茄意粉醬都整得好食過佢，成個味道又偏酸又偏甜好想知道寫好評嘅人係咪都係foodie寫食評講真平時對食物嘅要求都唔係話好高，大部份嘅餐廳都好滿意，但呢間真係忍唔住😞…Read More

荔枝角出名多野食 今日放工就黎到D2 Place 唔知食咩好 結果入左間食越南野既餐廳 食物很不錯而且係中價，所以推一下! 餐廳的裝修簡約又舒適。菜單上好多選擇 仲有抵食既二人餐同四人餐 !! 特別喜歡香煎鵝肝青蘋果米紙卷好fresh好好食鵝肝的口感豐富搭配上青蘋果的脆爽，再包在係米紙，口感好新穎，出奇地夾!!椰汁叻沙葉燴青口伴炸油條,店員話呢個係非常受歡迎既菜, 以椰汁為基礎，燉煮出濃郁既叻沙湯底，青口的鮮美同炸油炸鬼既脆卜卜相互融合，係咁將油炸鬼店落去d椰汁, 原來又幾好食喎!如果鐘意海鮮, 海防鮮蟹肉湯檬都可以一戰. 睇相都見到好多蟹肉同埋湯底咁深色, 足料呀!最後就係dessert, 個樣好精緻做得好吸引呢!! 芋圓椰汁凍, 見到好大舊奶凍, 同埋好多西米水果, 芋圓仲要係心形架, 入口幾煙un, 不錯. 不過我更喜歡薑汁燉蛋, 蛋香十足! 睇得出店家好有心機整甜品, 值得支持!…Read More

喺尖沙咀嘅間墨西哥菜晚餐餐廳，環境好似酒吧咁，擺放咗各款烈酒同啤酒，燈光都比較暗，好令人放鬆，好啱放工時間嚟慰勞自己🤪 我點左呢間餐廳嘅三款菜式。首先係雞肉墨西哥脆玉米片，配牛油果醬同酸醬。呢道菜好色彩繽紛，玉米片脆口，雞肉嫩滑多汁。牛油果醬同酸醬都好好食，牛油果好fres健康令呢道菜更加豐富同平衡 口感更加出色。！然後係烤雞肉芝士餡餅。呢道菜以烤雞肉為主角，肉質好鮮嫩，加埋濃郁嘅芝士餡料，口感好豐富。餅皮鬆軟，烤至金黃色嘅外皮帶嚟一種香脆嘅口感。整體嚟講，呢道菜色香味俱佳😙最後係西冷牛扒配薯條，配香草酸汁。呢道菜展現咗墨西哥菜嘅創意同多樣性。西冷牛扒烤得剛好，保持咗牛肉嘅嫩滑同口感，配埋脆口嘅薯條同香草酸汁，個汁係我從來都冇試過，佢唔係好似燒汁咁，喺香草同埋橄欖油煮成的，帶嚟一種清新嘅味道。整道菜嘅賣相都好具異國風情，好吸引人留意。 對於未試過墨西哥菜嘅朋友嚟講，我好推薦呢間餐廳。唔單止菜式味道高水準，仲有好吸引人嘅賣相，想開拓一下味蕾的新境界，呢間餐廳絕對係一個好好嘅選擇。…Read More

顏府御膳一個走中高派路線既中菜廳 環境舒適寬敞每一枱都有一碟琥珀合桃食唔停口既餐前小食 炒到勁香口🤤🤤好好食除此之外，仲有一碟XO醬，好香又足料!!! 覺得每一道菜都用心去煮 價錢中等 但質素一流 推介推介!!! 勝椒木耳涼拌前菜，藤椒粒第一次試，富麻辣微香，配埋爽口清新嘅木耳，絕對係開胃佳選！(食完仲可以再添🙊😆😆)鮑汁鳳爪第一個感覺係，鳳爪竟然可以咁好味🤣🤣鳳爪應該烹調好耐，鮑汁已經融晒入鳳爪皮同骨，口感軟綿綿，好好食🤣🤣保健老火湯讚不絕口，必叫！媲美宮庭級湯水！夠熱度，夠火喉，足料零味精，第一次飲湯唔停口😹雖然材料都係補湯常用嘅：螺頭豬骨雞腳紅青蘿蔔，專業廚房嘅火喉真係無得頂👍🏻👍🏻鮮准山炒和牛和牛好多片，鮮准山第一次食煮到咁爽口，豐富咗口感之餘，准山清新更突出晒和牛粒嘅肉鮮！和牛油脂分佈平均，一口size，肉質又鮮嫩，食唔停🤣🤣呢道菜食材鮮味係滿分！💯💯性價比好高!!!砂鍋大澳蝦醬唐生菜膽超有鍋氣！！ 比起大排檔食啫啫生菜煲，再要惹味🙊🙊鍋氣唐生菜炒得又脆又綠，上菜時「滋滋聲」，再有蝦醬&原隻蝦乾提鮮，氣味超香而無腥味，唐生菜吸收晒蝦醬香味，更有鍋氣🔥🔥…Read More

cafe zense 好耐之前都黎過，印象中食物質素不錯，而且坐得舒服，岩同朋友傾計，不過店員話依到booking都比較full，用餐限時1.5小時方面都要遵守返。蜜糖芥末雞柳串($68)新鮮烤起既雞柳串🤤雞肉好滑而juicy!! honey mustard 配雞柳調味岩岩好，甜甜地，仲有香草吊味，仲有啲沙律菜refresh下 依個小食不錯喔。白酒忌廉煮青口($138)青口份量大概夠2-3人share，份量不少，不過青口就細細隻，味道不過不失，白酒忌廉可以再煮得濃稠啲泰式冬蔭功大蝦意粉($108)泰式fusion既菜式 冬蔭功調味令到意粉更惹味 辣辣地 冬蔭功既香茅味幾突出 好香😍 大蝦肉質爽口，不過食到最後意粉會有啲油，下次試下其他意粉先，見隔離台嗌個啲好creamy🤤我的至愛黎喇!!! 😍🤤特色Pancake 伴冧酒脆糖香蕉朱古力碎🍌🍫🥞($88)係一個鐵鍋pancake 即叫即焗 份量仲好大 性價比超高 上枱就熱辣辣 勁重蛋香呀🤤🤤 食落都鬆軟有口感，面頭仲有好多朱古力醬溶緊，加埋焦糖香蕉同雲呢拿雪糕呢個組合真係無得輸🤤冷熱交溶 好好味既甜品 必點!! …Read More

打邊爐嘅地方好多， 但呢間真係又好食又抵食又啱打卡😋一入到去見到張點菜單已經覺得好得意😛打邊爐竟然仲有前菜食～個涼拌鮑魚好好食，蕎頭我都好鍾意❤️特色卜卜蜆湯底😋啲蜆又大粒又多，多到兩個人根本食唔曬，我諗起碼都有超過50隻蜆～只係$198，超抵！湯底好清甜，仲要咁多蜆但係一粒沙都食唔到酒香陳年花雕浸牛肉😋啲牛肉好有入味，錄熟完之後仲食到酒味，牛肉份量都多；另外仲叫咗個手切封門柳😋好有牛味好好食，一啲肥肉都冇，但我就鍾意花雕浸牛肉多啲香香宮煮肉丸拼盤😍😍必叫！成餐飯最驚喜係個丸！手打蟹籽鮮蝦丸勁彈牙，松露芝士墨魚丸味道同啲芝士勁夾，一咬就爆出黎～最估唔到係個爽骨豬肉丸，有啲一粒粒嘅嘢喺度好特別😍係食過係咁多間邊度入面最好食嘅丸，物超所值～公主油炸鬼😋第一次試呢個配搭好特別😍攤凍少少之後啲油炸鬼係脆脆地，鮮蝦滑勁彈牙，仲有好多粒蟹籽😍呢間餐廳我會俾90分😍價錢合理得來份量又多，啱晒同一大班朋友仔嚟打邊爐😋…Read More

氣氛同食物一流嘅音樂餐廳Lost star 小食拼盤非常適合兩個人叫，款式多，份量又啱啱好！拼盤組合款式好有新意：手工白啤酒漿炸牛油果條、蜜糖布利乳酪、烤虎蝦串、魷魚串同單骨雞棒。炸牛油果條都喺第一次試，估唔到香脆得嚟，同牛油果嘅creamy口感咁夾，有啲天婦羅嘅感覺🤣其他三款烤既肉食都係一流！唔多介紹，總之一定要叫！佢仲有幾款自製嘅醬汁比你蘸，超高分既一個snack/ starter！黑松露烤農家鮮三黃雞又係好出色既一道主食！！ 雞皮香脆，雞肉鮮嫩多汁，雞油一切即刻滲出嚟，雞油超香！燒雜菜份量又幾多，有燒野菇和竹筍，香甜又爽口，伴住烤雞食啱啱好中和油膩感。呢隻三黃雞好食程度直衝九分！！仲有一分可以配少少烤薯仔，香度更佳🤤海膽烤帶子意大利飯呢個飯相比三黃雞就有一點失色，但味道都相當唔錯！海膽帶子同意大利飯組合得唔錯，海鮮嘅鮮味滲入左每粒意大利飯入邊，啖啖滋味！ 海膽同帶子亦都好鮮甜，唯份量偏小。同埋食落左有啲偏鹹，好彩有野菇調和一下，都可以嘅！不過價錢就真係較貴嘞，論味道同飽肚，我會更喜歡三黃雞呢個選擇！😆😆另帶一題，其實呢間餐廳最大嘅特色係，佢週末晚上會有唔同嘅歌手/組合現場演奏，而且成間餐廳裝修富現代音樂會場感覺，好適合live band演出，一路聽住live Music，一路進餐，氣氛一定超好。可惜我當晚冇演出，唯有下次揀啱時間再嚟！😈…Read More

好辣必食！秘醬海鮮shake shake袋尖沙咀好多商廈樓上都有特色餐廳，今次去呢間係酒吧兼食肆嘅樓上鋪。裝修有情調之餘，仲可以一試佢出名嘅辣食海鮮😛 happy都可以飽肚！入座後第一時間就著上小圍裙，因為菜式以手剝海鮮為主打，着咗圍裙就唔怕整污糟喇，當然仲有手套可供使用😗先上一道麻辣小龍蝦小龍蝦紅卜卜，色彩鮮艷，肉質又軟嫩，十分鮮甜爽滑，吸咗辣汁好開胃😝最啱愛辣朋友仔，麻辣味夠強勁，而且數量都好多，差不多有15隻，絕對夠食！主角：秘製馬拉辣汁海鮮shakeshake袋店員上菜前會搖匀脹卜卜既海鮮袋，等海鮮吸收晒佢秘製既醬汁，然後係你面前解開，一開就聞到一陣鮮香辣味！ 正到痺！😏我哋揀咗小辣，少少惹味之餘，唔會蓋過海鮮鮮味。海鮮袋入5款海鮮: 鮑魚、大蝦、大蜆、扇貝同蜆，再配上獨創的馬來西亞辣汁, 微微辣中夾住蒜香，食落每樣海鮮都好彈牙，肉質非常爽口，越食越過癮！😆仲有一道主食德國豬手🤩豬手外皮烤得香脆，入口嗦嗦聲🤪豬手肉亦肥瘦適中，夠爽口既，沾上芥末醬，滋味而不油膩。😝😝…Read More

大麻熱潮，喜出望外！呢期好興大麻概念嘅嘢食，最出名嘅就係尖沙咀呢間，以大麻CBD招牌嘅fusion餐廳，一試佢虛實！之前已經知道CBD係一種合法放鬆劑，無味類似咖啡因，冇expect有咩特別感覺；但令我嚇一跳嘅係呢度嘅主食，因為實在超級出色！！大大力俾個like👍🏻👍🏻好少可食到咁驚喜🤤餐廳環境微暗，有啲少少迷幻嘅彩燈，成個環境都好chill；坐低唔講咁多，即刻叫咗個CBD drafted beer relax下😎😎 啤酒好飲！入口泡沫好綿、順滑，有絲絲麥甜；當中有少許形容不出嘅味道，相信就係cbd😹😝 一句講晒，酒醉感較多😝主食叫咗三樣試吓：鐵板青咖喱雞肉卷，9/10青咖喱味道甜甜辣辣，重椰香(少少似沙嗲王嘅招牌白咖喱)雞肉卷係嫩滑嘅雞脾肉， 外層係脆皮；口感味道配搭都係一流👍🏻👍🏻份量兩個人食好足威靈頓三文魚配秘製蕃茄醬，9.5/10必食推介，一定要試！！威靈頓牛扒食得多威靈頓三文魚係更上一層樓嘅配搭💯💯酥皮外層超鬆脆，淡甜味配上內層超嫩滑清新嘅三文魚扒，係絕配🤤🤤🤤 香口，外脆內滑，鮮嫩多汁，秘製蕃茄醬亦出色地夾！可以話滿分嘅主食，必食呀！板燒八爪魚海鮮炒長米飯，9/10創新又好好味嘅fusion菜！！第一次食呢種味道&口感嘅海鮮炒飯，半濕半乾，炒長米飯口感似軟身嘅脆米，超香口，配上超多海鮮材料撈埋一齊，啖啖海鮮+飯🤤 從未食過嘅口感，創新滿分，亦好惹味👍🏻👍🏻👍🏻 推介must encore🥰🥰…Read More

將軍澳海旁嗰邊真係越開越多餐廳，咁啱今日經過呢一間日本嘢，喺出邊望到個裝修好似幾和風咁，一於試一試😝餐牌係電子既，都多選擇😇蟹子沙律($128)雖然呢度嘅蟹子沙律定價比平時高，但真係唔同啲，呢一度嘅蟹子份量我諗係出邊多兩倍🙈所以每一啖沙律咬落去都索索聲😂😂🤤係正既 鱈魚乾($48)本身以為呢個魚乾係煙靭嗰種，但係呢一個係燒到卜卜趣嘅😍點埋蛋黃醬送茶係一流既小食😊壽司盛(八貫)呢一度嘅壽司有啲omakase嘅感覺!!好正宗既日本壽司，壽司醋香味濃，同埋飯細細件唔會搶左刺身主角。八貫有左口魚、帶子、鯛魚、金槍魚、獅魚等等，全部都係高級既食材，每一件都鮮味十足，師傅好有誠意，例如帶子入面放入袖子調味，令口感層次升左一層!雜錦天婦羅($108)呢一個雜錦天婦羅我係覺得好高質嘅!!!有大蝦、蕃薯、秋葵、茄子、粟米芯、同魚，好少見有咁多款式，而且炸粉一啲都唔多，炸得好香脆好新鮮，正😛四色雞肉串($138)雞肉串有分四款味。分別係梅子、黑松露、明太子同燒汁，明太子同黑松露係我至愛，好香呀！而梅味都非常特別，酸酸咸咸咁。牛肉稻庭烏冬($98)雖然只係普通嘅烏冬，但呢度嘅烏冬一啲都唔馬虎，烏冬非常彈牙，而且牛肉牛味濃郁，以非常熱既熱湯上，食落去零舍暖胃😇總結係呢度係一個幾舒服嘅環境去食日本菜，而且食物質素都唔錯，係tko既日式好選擇!…Read More

極上全牛宴，好睇好食！極上牛柳三文治好有名氣既和牛三文治！厚切和牛柳+酸酸甜甜既秘製醬汁+烘底麵包，呢個組合原來係咁夾🤭🤩 每一啖都食到烘底麵包甜香，配上高質和牛既烤肉香，好juicy！一碟四小件，如果平啲，應該會叫兩三碟😂😂 高質！絕對值得一食！芝士脆餅配牛油果奇異醬新派啲既香口小食，先講芝士脆餅已經有驚喜🤪 真係超香嘅芝士味，比市面上日本零食仲要香&脆，不過得四塊，少食多滋味🙊 配上佢清新感為主既牛油果醬，perfect match👍🏻[限定!!] 日出富士丼舖頭招牌之一，淨賣相都知誠意可加🤩 用咗成十塊西冷牛片繞住白飯塔，砌成一座1x cm 高既牛肉富士山🙊 打卡一流，沾啲流心蛋槳同埋雙色醬汁食，食肉獸至愛😛 不過注意要趁熱食，佢比較易變涼[重頭戲!!]極上一頭和牛拼盤睇個名都知主打🤩 用有心思既牛形木製餐板端上，九款精選和牛部位，每款都有名牌介紹返，夠細心👍🏻👍🏻 其實九款都好高質，食材可媲美日本燒肉店🤭 和牛脂肪比例完美，烤燒完入口即溶，極香牛肉味，伴啲白飯食仲正🤪 九款每款兩塊，聽落唔多但食落都夠男士食飽嘅，推薦！👍🏻👍🏻👍🏻飲品叫咗兩杯水果梳打特飲，清新啲中和下啖啖肉既邪惡🙊味道唔錯，喜歡佢唔係太甜，啱啱好👍🏻…Read More