想食餐好嘢慶祝生日，揀咗La Favorita 呢間Pirata Group旗下嘅餐廳😋 專門食意大利菜，裝修華麗復古，氣氛超好，坐得好舒服❣Bread Basket 勁好食🥰Favorita Beef Tartare ($198)生牛肉配黑松露絕對係冇得輸🥰 見到上面個幾塊黑松露就知道冇得唔好食😮 撈埋生雞蛋同黑松露醬一齊，入口好順滑，先會食到好重嘅黑松露味，又唔會遮住咗和牛同蛋黃嘅香味，非常推薦👍🏻Vitello Tonnato ($158) 侍應推介話呢個係好多人叫嘅前菜，傳統意大利菜式😋 一片片嘅小牛肉，上面加埋吞拿魚打成嘅醬🥰 入口超級Creamy，好重吞拿魚味，加埋超級軟腍嘅小牛肉，真係好出色，好好食❤Tagliatte Duck Ragu ($188)Tagliatte 扁寬意粉上面佈滿鴨肉碎配埋蕃茄醬同芝士🧀 一睇就知絕對唔會差👍🏻 意粉熟度掌控得啱啱好，闊意粉上面掛滿蕃茄醬，仲有煮到軟腍腍嘅鴨肉🥰 調味啱啱好，絕對係一個標準以上Beef Tenderloin Alla Boscaiola + Ratte Potatoes ($388 + $68)聽聞薯仔配菜好好食，特登加咗個配菜試吓🥳 牛排叫咗三成熟，但係煮到出嚟比較似係Medium🥲 加上本身Tenderloin 肉質比較瘦，煮得耐咗少少變咗食落去唔夠軟腍，口感比較硬😔 不過薯仔加埋sour cream真係好好食👍🏻 Sour cream口感唔會好Heavy，配埋薯仔反而好解膩❤Tiramisu ($128)如果嚟慶祝生日有人會嚟同你唱生日歌，夠曬驚喜，仲會幫你影一張即影即有留念，好有心機🥰🥰 Tiramisu 算係大份，絕對值得一試，入口creamy，手指酒味唔重，主要都係咖啡味，加埋甜嘅mascroponi cheese，仲有朱古力脆粒，食落好平衡唔會太甜👍🏻整體嚟講都幾值得一試，尤其是嚟慶祝生日🥳 侍應嘅服務非常優秀，環境氣氛舒服，食物亦都唔差😋…Read More
