XXX2003's Profile

本人以親身付費經歷而寫的食評，绝對是本人的感受，希望作大家一個參考。Oh, 點解好似比錢食lunch Buffet 但感到難受？因為取生蠔地方是一條窄窄的巷，因為開生蠔的員工超慢....開.......開.....開 (因為每人有3隻，所以用了3個"開"字。因為員工不理有多少人在排隊。因為員工不理那條窄巷有多麼辛苦的等待。很辛苦取了3隻x2次。中途開生蠔師傅休息？停止供應了10幾分鐘。唔可以用超級差去形容。但無乜其它野好食。普普通通啦。無期待，唔會有太大失望。試過算啦。講完。…Read More

本人以親身付費經歷而寫的食評，绝對是本人的感受，希望作大家一個參考。在港吃過無數Buffet, 這間算是性價比高高高餐廳。從服務來说，本人很少比Tips的。這間Buffet 餐廳使我比了$50 Tips (算多嗎？)從在 電梯大堂 已感到他/她的服務，主動問客人去哪層。他/她只是在等電梯的員工。禮貌讓客人出lift 。環境好靚同好高級。今晚好彩我穿着得端莊不失禮。食物方面不是以多為主，而是以精及食材好為主。不可說超級好好好好好，不可以同超级貴餐廳比。但這樣的價錢有這般好食物，真是難得。唯一要講的是，我怕吃太甜的甜品。一句講哂，真係對得住個價錢。會再幫襯呀。Keep 住水準。…Read More

想吃中菜又唔想食那些集團式餐廳，可以選擇此餐廳。餐廳不大，坐位不多，有着老闆人情味同親切笑容。唔好覺得會有豪華裝修，亦唔會有着整齊制服的職員Serve你，也不會有前菜小碟收费，又無加一服務貴，因為佢哋只收現金。味道唔錯。款式唔太多，但感到老闆已盡力。定期推出不同套餐迎合你。我當晚叫了一個2人餐，有湯，有飯，有餸，又有飲品。都唔錯。雖然咕嚕肉見唔到拔絲，但味道可以。還有私房菜，不過要預訂，下次要试下。…Read More

睇見好多人讚，今天去試下，之前book 位問左佢哋，午餐同晚餐吃D東西是一樣，只是晚餐時間多半個鍾，於是吃了午餐。這是我今日的食後感: 只可說沒有再去的意願。總括來說質數只是一般，選擇也一般。刺身好多無味，賣相唔錯，但沒有什麼味道。反而主菜碗飯OK. 炸物也可以，其它野無特別，也沒有甜品選擇。全程要劃纸仔，只有凍野飲，冷氣開得好大好凍，也可以叫她比杯熱茶你。午市90分鐘，好準時叫你埋單。午市連加一约$300.唔可以話好抵食。…Read More

今晚幫襯是在Open Rice 訂位的，很想分享自己心情。咁啱今日1号風球，我們18:20 已在觀堂地鐵站。本應行過去只須5分鐘，但在於出面大風強雨，我俩沒有傘，加上放工時間，實在5分鐘路程变了20鐘，最後濕濕的到達，比留枱時間遲了15分鐘。店員巳經把我們的booking取消了，話留枱10分鐘時間巳過。雖然她們最後也有给枱及88折比我們。我也知道我們遲到是不對，亦解釋给店員聽遲到的理由。只想說吃餐飯，一點人情味也沒有。只是比留枱的10分鐘時間多了5分鐘，是必要把你的訂位取消嗎？往後氣肚肚的，吃飯也不是味而，更何況不是好吃到會為你而再幫襯多一次。一切特別菜名，加油的說話也因此為你們停了。…Read More

新鋪當然要試下啦！主要幫襯佢，因為鋪頭位置超方便，就在K-11 留下，鋪頭細細，也算精緻，坐得迫廹的，唯有期待食物好吃點吧!:)明明知道這個位置價錢同食物的份量一定不是成正比的，也是應份的，但貴得黎份量細細，味道也不是好好味呢......唔......no comments:(之於服務呢，.....唔.....服務員後生囉! Re-fill花茶又唔知攞了你個茶壺去唔知咩地方加熱水囉! 叫幾次要menu都唔記得囉。可能後生仔善忘啦。也有讚賞地方，它們的飲品顏色很美啊!令人很想試下。後記:唔夠飽，去左弟2個地方再吃過…Read More

今日經過寶林，來一個台灣感覺，於是3條友入左去細細的八方台式麵局，鋪頭細細，位也不多，因為下午茶時間，所以人不多，相信主力外賣。因為不是繁忙時間，又或者想有台灣優哉游哉的感覺，職員也很配合。叫了2，3次落order 也無人有反應，唯有出去cashier 叫啦。完全無怪佢哋，正常的，唔多客，反應也慢了，味道同份量都無要求，因為價錢佢都無對客人有要求，所以一切也因然接受。也值得讚賞職員，害怕我個朋友食唔到太辣，主動幫手將辣另上。對於我這個 "辣'' 猪來講，實在是辣得無料到。衹可當清清地食一餐吧!!…Read More

新開當然要試下啦，之前同址也是晚上做火鍋，味道不錯，可能價錢同無什麼特色，結果結業了。經過見到開了這間新店，初心，早上茶市，晚上有任食火鍋，19：30前埋單，有75折，又有卓頭，今晚就去試下。諗住平日時間，又咁早，於是walk in 情況下17：30準時到攞位，嘩，起初好似講到爆曬咁，walk in 都無位。結果諗左幾分鍾，終於有張枱比我。所以提提大家最好book左位先，安全D。佢未上火鍋前，會有次身，每款2件，不討好，有D 腥臊，之後有6小碟，食飽你先，再來鷄煲，味道可以，但無乜麻味同有D鹹。之後重頭戲，海鮮，牛肉，湯底是松茸湯底，老闆話煲左多個鍾，可以試下個湯先再打邊爐，海鮮新鮮，特別隻蟹好食。除左次身，其它食物也可以再叫，我們再叫海鮮啦，回本貨。野飲除酒精類之外，其它都是任飲，不是太多種類，但可接受。總括來說餐廳不錯，服務也很好，姐姐換碟快，上菜快同有善。食物都算夠心思，每樣來1轉也差不多飽了。滿足滿足。…Read More

試業中的Running 燒，有讚有彈。將軍澳區燒肉放題已經小知有少，之前Grill & More 舊址重開韓式燒肉店，真係可喜可賀。但入面格局一樣無變。Running 燒可以略過裝修費。先讚揚一下先，價錢方面，有2個時段收費，早鳥5-7，就算星期日連加一，也是2佰幾蚊到，也可接受，食物也好過之前的grill & more 啊，員工算是有禮貌。海鮮種類也ok, 有帶子，蝦等等。又可以用WhatsApp book 位同用Apps 落單，算方便的。還有，D肉切得好薄，師父好刀工。至於要彈的一定是送食物的時間，超超超慢，5點正到，連第一輪落單足足等了半個鍾，才送食物來。每次落完單，都要等一段時間先有食物到。又有漏單，等好耐都未到，問待應，佢話幫我check 但轉頭無左回事，結果落左2，3次單。又突然一次過送哂上來。oh 熟食同甜點選擇少也不吸引。有待改善。始終是試業中，值得原諒，下次再幫襯希望好D啦。…Read More

平時這間店的蛋糕平極都要三十幾蚊件，貴要五十幾蚊件。但今日做特價一佰蚊三件任選。平均三十幾蚊一件，就本住試下無壞心態，蛋糕好靚但有點甜。都可以。但...........重點是.........重點不是在蛋糕本身，而係入面嗰個職員，隔着個口罩都覺得佢好無禮貌:(，唔想你幫襯咁。講野極不願意, "要邊款" 佢指蛋糕，但佢企係Cashier 櫃講，離蛋糕櫃有尺幾遠，叫我點指比佢睇呀！大佬，之後攞盒大大力，嘩，好唔願做咁，更好味蛋糕，但見到佢我應該唔會想再幫襯。 其實雖然衹是數分鐘的服務，點解唔做好佢呢？失望。…Read More

香港有边個未打過边爐？夏天打，冬天打。油麻分店不是在大街，但尚算近油麻地地鐵站。地方不算大，都企理。服務唔錯，每個湯底都會叫我們飲碗，後再打边爐，但咸左D，有待改善。:)食物份量合理，但價錢平返10%就會幫襯多幾次(貪心鬼)。D牛肉唔錯，好新鮮，蜆新鮮無沙，小食炸雲吞剛炸起，但入面D料很小，不過都幾好味。黑柏葉差，唔夠黑色同太硬，切得太碎，滾1陣都硬同太細件，在鍋中滾時常常找不到，不推介。其它食物正正常常。報告完，:)…Read More

都唔明白點解要比錢去食D咁難食既野。諗住中秋攪下新意思，去試下中菜任食放題，又多選擇又可以任食，開頭想book澳海城利宝閣，但full了，就book尖沙咀。入到去見到張點菜纸得1張細細的已經覺得不吸引，但中秋費事再轉場，始終有老有幼。每樣點小小試下，出面只有片皮鸭同煎牛柳取，其它都要入纸。重點㴝啦，唔用"貼錢買爛受"去形容真不知怎樣形容我很後悔當日的選擇。煎牛柳只吃都肉鬆粉味，海鮮凍同好厚生茨去煮，再加上D肉是"梅"，簡直係绝配。沒什麼可說好食，只有2，3款可以稱得上入到口。好失敗。3百幾蚊放D垃圾係個肚裏，點對得住D客呀！…Read More

常常聽人講Mr. Steak銅鑼湾店D buffet唔錯。OH, 比我發現坑口站都有間Mr. steak, 雖然係semi-buffet ，但都試下啦。主菜，我叫左個龍蝦牛扒，5成熟。主菜做得好差，1D都唔好食，牛扒整得太差了，食材屬一般貨質。失望餐廳本身環境唔錯，但服務員安排我們坐第一張枱，非常近門口，同坐門口無分別。頭盆同甜品都是任食，頭盆唔錯，值得讚。甜品一般，好多甜品是入货的。整體上覺得唔值3佰幾蚊個 dinner。…Read More

見到團購做緊寶哥任食火煱，見佢講得好吸引，7款海鮮，8款升級靚牛(但唔係任食的) 。而且位置都幾方便，在旺角波鞋街，所以一試心態。可能因為價錢問題，材料唔算差，但海鮮數款，每位每款送1件，另外只得8款靓野可以揀(綠色嗰張)份量唔多。實在不夠喉。而任食款式算小，丸，菜，普通野......有待改善。野饮加$20,但選擇都唔算小。算值得讚。因為我們2人唔係食得好多，每次上菜都是2件2件上，所以我們都覺得ok的，但大食的人要注意law，因為人手問題，唔可以每樣野都上得好快。請体諒老闆同員工巳經好落力為我們服務架。…Read More

大家不要以為茶木有下午茶餐供應，所以我們去吃下午茶呀！其實茶木1年365日都是同1個餐牌的，貪下午茶時間人不多，可以吃吃聊聊，服務員多是青年人，有些好似做暑期工的樣子，傻傻的。他們安排我們坐在一阁，靜靜聊聊，很貼心。環境算是舒服，畢竟人不多，只得2枱客人在外面。地方也易找，在商場地下，像一條美食街。價錢合理，不算很貴，而且食物有選擇，咸甜任君選擇，味道也不錯，飲品也很有特色，分分鐘可以花幾個小時在聊天。多謝你們啊。…Read More