nana23day's Profile

一打開就係咁。即場呆左。。。大佬，成舊水買半隻雞，打開個合竟然得呢幾件雞？對天發誓無食過，一打開就係咁！呢隻雞睇得出本來係大隻雞，但份量好明顯被偷減左，背脊位完全唔覺有，半隻雞就係一隻翼，雞搥無左，得返幾件胸，同埋得7成份量嘅雞脾，有圖有真相，絕無誣捏成份，對天發誓雞脾位就係幅相咁，無啦啦中間有兩或三件唔見左。唔該打貓都幫我合返埋呀不如兜亂人地咪唔覺囉～好明顯諗住等你返屋企比個驚喜你，真金白銀買半隻雞，竟然呃得咁誇張，半隻變例牌！！！見到呢個畫面我真係好嬲呀～唔緊要，我比你揾埋呢次笨！店主如果有幸見到呢個post，不妨去樓上燒味舖買返半邊雞，睇下人客知唔知或者見過半隻雞未！新北江大把食店，以後就係唔幫襯呢間。嬲嬲。。。…Read More

街坊食客，由開張到而家食過n次，最鍾意佢地個湯，濃得泥唔溜，菜圃更係上上之作，好多時都係為左菜圃而泥。𣎴過今日就真係失望，叫左木耳雞肉餃，唔知點解有好大陣肉騷味，更重要係湯底好明顯唔同左，變得淡左同埋食完之後好口渴。今日瞓醒就落去食，無理由我支牙膏令我口渴呀？更失望嘅係，最鍾意嘅菜圃都唔再係果隻味，其實見佢地早半個月樓面啲人都換左馬咁，味道咁大轉變，自己覺得係轉左手。真係勁失望!睇泥唔會再幫襯，新北江嘅開飯名單又少左一個。…Read More

好耐之前己經好想寫呢篇食評，經過尋晚再度幫襯後，決定真係不吐不快。其實酒泉由佢開業我已經幫襯，當年佢由執隔離「田X」等唔到位嘅客慢慢捱出嚟，見佢食物新鮮，製作用心，所以都成為左佢嘅長期顧客。呢度寫嘅全部事實，大約一年前有次又係三個人去，其中點左一客三文魚刺身，拎到埋嚟我真係O左咀，只係一碟兜亂左嘅三文魚碎，正確形容係頭頭尾尾，同個侍應講呢碟係下欄嘢，佢唔出聲走左去，隔左一陣同我講話：「今次換俾你啦，下次無得㨂部位嫁~」吓？幾時有要求過特別部位? 係人都知刺身嘅標準係點，而且餐牌寫明係'三文魚刺身'唔係'三文魚碎刺身'囉尋日朋友又嚷著要食酒泉，去到男朋友巳經點左壽司，但係啲紫菜又濕又韌，啲飯又凍又硬，好難食……有一兩款啲魚根本又處理得唔好，腥到食唔落，唉......朋友又要左一個關東煮，唉……只係好甜嘅糖水煮魚旦……寫食評嘅目的純粹分享，句句事實，童叟無欺…Read More

訂左枱一行15人星期六晚飯，去到首先張枱唔夠坐，要加多張方枱係隔離，負責人仲叫我地坐過啲，費事陣間同後面背貼背….. 燒豬頸肉：醃得入味，醬汁亦惹味。泰式鳳爪：配料多過爪，但味道可以。布吉島炒麵：其實即係海鮮炒油麵，濃鼓油炒幾好。沙甸魚炒椰菜苗：頗特別，難得椰菜苗炒得軟硬適中，而且醬汁香濃，值得推薦。冬蔭公湯：足料！酸、辣、香俱備，愛冬蔭公的一定要試！泰式拼盆：春卷好大條，好多粉絲；荷葉包雞及魚餅ok；蝦餅無味，肉質鬆散，完全唔彈牙！明爐烏頭：個湯底係唔辣嘅冬蔭公，條魚都有十二三兩，既然冬蔭公唔錯，呢個都值得推介。肉碎生菜包：有豬同雞，兩款都有叫，但係肉碎炒唔開，味道一般。唯獨生菜幾新鮮。蝦醬炒飯：蝦醬唔係太重手，但油份稍多。肉碎粉絲湯：原始泰國風~ 胡椒粉同味精湯底。咖哩蟹：正宗泰式咖哩係甜中帶辣，用蛋醬同椰奶令個汁濃身。本來上菜時，咖哩係夠味嘅，咁我唔知個廚係自創呀定係雞蛋貴，用左粉絲碎代替大部份嘅蛋……唉！未食到一半個咖哩巳經俾粉絲出嘅水溝稀哂，如果你有興趣食呢度個咖哩蟹，咁閣下真係要同啲粉絲鬥快！生蝦剌身：一客六隻，要左兩客，真係精心製作，等左個半鐘先嚟，搞左咁耐，啲蝦個賣相一般新鮮，原來係剝完殼之後雪返一輪，但啲蝦無味，只有上面辣汁嘅味，不過等咁耐先俾客，有啲擔心衞生@.@ 價錢：餐牌完全無價錢，連飲品都唔寫$，仲要自己出去攞！問親佢都話唔貴唔貴，不過埋單十五人食左二千六百幾，果兩碟生蝦刺身居然貴過咖哩蟹（$220）要成三百五十蚊！ 服務：唔好有太大期望，連飲品都要自己出去攞，成枱都係碟個阿姐又唔收，仲問新嚟啲嘢放係邊？我忍唔住同佢講：「放係邊唔係你諗咩？你執左啲碟咪有位放囉~」不過佢就咁放係啲舊碟上面。唉……Read More

公司聯歡，諗住開開心心夾錢食海鮮，點知.......蟶子皇：食過都知有幾大隻，點知一圍十二人，得兩三個有完整一隻，其他都係得啲「碎」左手指尾咁大舊。豉油皇蝦：十圍枱，每圍十二人，居然有啲得九隻，有啲得十隻。瀨尿蝦：平均七吋長一隻，但唔知點解隻隻同我一刀兩斷，上半截搵唔返下半截，啲肉係霉嘅。海鮮湯：滾水一樣。蠔煲：有一半變左蠔豉。我地去相熟海鮮檔買海鮮（我同事屋企開嘅）佢地話我地一百二十人佢地都數左（真係有數）一百三十幾隻蝦俾我地；海鮮湯就執左廿斤料，平均每圍有兩斤原料，就算得蝦殼同魚骨都有味啦，何況當中有蟹同啱啱瓜左嘅斑仔，但酒樓個梁總經理居然話啲蟹煲溶左喎（真係聞所未聞）仲有喎，原先啲料唔見左，但居然俾返隻海星我地喎（真係多謝哂）咁啲蝦唔通生猛得滯自己走左？打開門口做生意，居然打貓打成咁，咁樣做生意，真係好可憐。。。最慘人地唔知以為搞手賺大錢，真係賺左就唔會係度呻啦，搞到今日都仲要解畫，睇嚟我地先最可憐。。。…Read More

星期日八個人係三樓飲茶, 無咩人等位所以俾張十二人枱, 坐得非常舒服:)點左十多二十款點心, 全部即叫即做, 大路嘅 排骨, 鳯爪, 义燒飽等傳統點心都交到功課,但蝦餃皮稍嫌有D'粉', XO醬炒蘿蔔糕就比較乾身及淡口, 未能做到惹味!要推介蘿蔔牛雜煲 ($48), 牛雜腍滑, 蘿蔔夠味, 份量足! 友人愛吃油炸食物, 點左椒鹽豆腐, 細細粒, 皮脆肉滑; 炸魷魚鬚唔UN, 酥香, 最緊要食得出唔係萬年油, 唔似元朗大x華咁送成碟油係個碟底度!所以唔鍾意食炸野嘅我, 都食完又食, 差唔多掃左四份一碟 !更值得一讚係普洱好滑好順喉, 就算好濃都無苦味! 呢樣真係無幾間酒樓做得到!能夠令客人嚟飲茶而又真正'嘆'到茶, 海天嘅茶貨買手真係要記一功:)好多朋友都以為海天好貴, 但其實唔係呀...茶醬芥每位$10元, 小點至特點都係$14-$40左右, 我地埋單都係食左六百五十元, 而且環境比較清靜 (講緊三樓), 係值得推介嘅酒樓 !唯一要煎嘅係人手唔太夠, 侍應呀姐好忙, 但都好好笑容, 但埋單果位長髮姐姐(著黑色西裝), 態度就唔係咁好, 我有權check單啫...係咁意睇下之麻, 成張單淩空擲落張枱度, 希望佢自己檢討下啦 !…Read More

試左酸辣湯- (例$48, 位$18.) 雖然第一啖有點辣, 第二啖食出酸中帶辣, 彼此的協調不错, 而且材料夠.小籠飽-($25, 4只) 熱騰騰端上來己有七成好吃, 皮簿, 肉汁尚算鮮甜. 有些店把小籠飽做得像粉果那樣大, 把小籠飽做得那樣大的話皮也要做得較厚, 二來就算做得皮薄也會因為入面太多肉汁, 夾上來的候很容易把小籠飽墜破, 而且也比較燙咀, 那樣大的小籠飽不吃也罷. 但上海婆婆的卻大小剛口, 一口吃盡. 很爽呢...醬燒茄子-(約$58) 濃油赤醬版魚香茄子, 如果有菜飯就好啦...開洋蔥油拌麵-(約$32) 幼麵底, 加香菇絲, 蝦乾, 炸過的蔥絲, 加上蔥油, 醬油, 頗美味, 但有點'溜', 而且蔥油的香味令我想起營X撈麵…Read More

星期六晚去幫襯, 去到未夠六點半位侍應哥哥都好好人比我地入去坐住先, 無要我地罰企 (讚!)冷盤有 : 生蠔, 長腳蟹, 青口, 凍蝦刺身: 三文魚, 吞拿魚, 八爪魚 (全部配給)湯:人蔘雞湯, 南瓜蟹肉湯壽司, coldcut 及沙律都各有五至六款熱葷 : 片皮鴨, 豬腳薑, 咖哩牛及雞, 炒蜆, 炒蟹, 蒸原條海魚, 橙汁魚柳, 柚子汁鴨胸, 焗蝸牛, 炸花枝丸即做韓式鐵板燒 : 牛仔骨, 鷄中翼, 餃子, 茄子和蝦自助中式火鍋:菜, 餃子, 牛肉等五六款甜品：即做pancake, 自助雪糕, 蛋糕 (杧果, 藍莓, 朱古力)讚：侍應們態度誠懇有禮，事緣小妹個位好凍, 咁問位侍應姐姐要杯熱茶啦, 各位都知西茶d杯都係一飲而盡果隻, 點知佢比左成壺我自斟自飲,最抵讚係加左幾次茶都無詐型!食物refill方面都做得好好, 但我親眼見到有位哥哥仔(三十左右啦)企係度等, 將人地啱啱拎出黎嘅生蠔 (唔多過三十隻)成一半有多扒哂落自己隻碟度, 咁平心而論, 雖然話buffet係任食, 無話你食得多係錯,不過後面都有人排緊隊, 呢d咪叫自私lor.咁幾十樣有二三款爭少少都合情理, 雖然百樂酒店都幾十年, 但居然咩人知, 我個fd幾十歲人都要問路咁滯. 但其實以二百五十元食星期六嘅dinner buffet, 抵到爛啦 ! …Read More

早幾晚一行三人去左元朗大榮華食飯, 點左拖地义燒, 酥炸生蠔, 砂鍋紅酒燴牛仔骨, 咸酸菜蒸金錢鱔同埋咸蛋蟹黃扒菠菜。先上拖地义燒-- 肉質尚算ok但其實應該叫'义燒麥芽糖', 甜到嘔, 淨係食到好厚嘅麥芽糖, 食完糖尿病.咸蛋蟹黃扒菠菜--係底嘅菠菜仲成碟水就pat個汁扒係面, 但係個汁又唔啱味, 淨係食到好多咸蛋lor:(唔好話蟹黃, 蟹柳碎都唔見有!早知叫上湯浸可能無咁失望 !砂鍋紅酒燴牛仔骨--佢地d牛仔骨乸到無牙阿婆都食得!咸酸菜蒸金錢鱔--鱔真係有鱔味嘅, 不過食唔到其他味, 刀工好, 真係切到金錢咁薄.酥炸生蠔--無心機再寫, d粉厚過石屎, 成底油係個碟, 叫油浸生蠔就差唔多, lap sap ! …Read More