較父的个人专页

大熱天時，最好就係同朋友食生冷食物，一齊慶祝生日，由於有朋友講過，希望可以食刺生食個夠，所以就在這裡找放題資料，見「金田」近三個月食評都唔錯？咁就去試一次。由於我係訂檯關係，所以不用等位，而且我見到有好多食客walk in 都無位，所以都係訂位穩陣好多。一坐低就睇下有咩刺身食先？原來都有12款，任食來說已經算多啦，有「三文魚、劍魚腩、針魚、甜蝦」等等，到刺身上檯及食入口，感覺刺身不太夠凍，味道一段，沒有得特別驚喜。熟食食品差不多有50款，我差不多試了30種，而我就推介「燒羊鞍」、「咖哩餃子」。燒羊鞍佢大大隻，而燒熟程度又剛剛好，不會太生及不會太熟，加上芥茉醬大大啖咁食入口，味道一流，最重要就係冇乜穌味。「咖喱餃子」就有濃濃的咖喱味而又不太辣，我覺得怕食辣的朋友都可以試下。至於黑松露料理，不知道是我不懂欣賞？定還是什麼？就好似其他食評所寫一樣，「黑松露磨菇忌廉湯」入口真的是暖暖的，我感覺好似飲普通忌廉湯一樣。如果要我推介，我會選「黑松露沙巴翁比目魚」，因為佢個汁整得好甜，好特別，而魚肉又滑又易入口，最適合小朋友進食。甜品就只有三種，「雪糕糯米滋、法式燉蛋、心太軟」，心太軟味道不太甜，對於喜歡食甜品的女士來說，味道應該是剛剛好，但對我來說，可能不夠甜了，如果能吃上兩份就已經回本了。但我吃得最多是法式燉蛋，因為燉蛋是我最愛吃的甜品。格局唔錯，地方很大，坐得很舒服，二佰幾蚊可任食四個鐘來說，我覺得是一個很好的食店，尤其是店員個個都很有禮貌，而且都很主動添茶及執捨檯面，如果要我給與店員一個分數，我就給95分。唯一美中不足的，就是一樣有漏單的情況，希望下次去食的時候會有改善。…查看更多

本人第一次寫食評，估唔到係唔係因為好食而寫....:(朋友於 GROUP (拜牙) 介紹呢間，睇相就好好食咁？咁咪約齊朋友一齊去試下啦！去到，佢話要加廿蚊位？下？唔係化？白紙黑字「星期五、六、日」加10蚊，黎到你就話要加廿蚊？又話大廳冇位，俾房我地坐，最多唔加房錢？唉.....由旺角去到銅鑼灣，夜晚九點幾唔通唔食咩？是但啦。到入單上菜，上得都好慢，食物又唔齊，而且又唔係好好味。尤其是帶子，我都未食過咁細粒的帶子，得個五毛子咁大，真係小食多滋味啦，可惜唔係呢？好在我係團購去食，如果唔係真係浪費車錢及時間去食。而且今次團購亦俾到一個好寶貴的經驗給我？就係對於未去過的食店，要上openrice做下功課先得囉。雖然有好多人都話好多都係請寫手寫，但我覺得，一間食店如果真係好食，又何需請寫手呢，就算有？都一定壞評多過好評啦？開頭都好好心機拍照，後來就越來越無心機影啦...…查看更多