sugar9413's Profile

老公鍾意食點心，仲要食得好多吓嗰隻，幾個月前見雜誌介紹翠亨邨有點心放題，心諗一定要帶佢嚟食。之前都有幫襯過正價午市飲茶，係好味，不過真係貴咗d囉…今日放假，11:00am打去訂即日，好彩有位。12:00pm去到即刻可以入座，放題$148免茶免加一，真係好抵，仲要我哋食得勁多，點心紙上除咗叉燒腸同牛肉腸無食，其他全部食哂，有d仲要番叫，哈哈…我最欣賞奶皇包，d奶皇好香好滑，包包軟熟，細細隻啱哂食放題原則，讚仲有佢哋d炸嘢都好味，新鮮熱辣脆卜卜，食得出並非萬年油。錦鹵雲吞個汁好正好正。提提各位，此放題並無預位食甜品嘅需要，我試哂咁多款甜品，無一樣合格:(另外，環境舒適唔迫，服務好好，無走單錯單情況，食物亦嚟得好快。…Read More

雜誌成日推介, 咩瑞士卷大比拼又成日勝出, 再加上成日都話賣哂, 好似好勁咁, 一於要試試今日係平日的下午, 去到有一整條賣, 滿心歡喜買番去試下先, 點知~:(包裝唔靚, 瑞士卷賣相唔吸引,都算, 最緊要好味, 係咪! 但我只可以講句ok而已, 蛋卷唔夠蛋味, cream唔夠雲呢拿味, 好彩甜度適中, 蛋卷夠濕潤鬆軟, 但這個價錢就認真唔值喇個人認為TST某一間專賣瑞士卷的店好好多.…Read More

心諗米芝蓮食肆一定好貴,非也非也唔係話好平,不過絕對唔係高不可攀囉,而且味道好,service好,簡直物超所值呀!Cream Burlee 係我心頭好,面頭脆脆甜甜,裡面滑溜溜,而且好香蛋味&雲厘拿味.拿破倫塊皮好脆,若然custard味濃d就好喇.Macaron就有少少失望,唔係唔好食呀,可能係因為食過d更好啦.後來再訂左個一磅裝的拿破倫,$180好抵,質素絕對唔可以同一般餅店相比呀,訂時話俾佢地知要寫名,你就會得到一塊杏仁味的大名牌.…Read More

我有經驗喇, 上次Mon 3:00pm, 今次Sat 2:00pm, 我已經掌握到伯伯開檔時間, 但始終唔敢開口問佢幾時休息今日去到要排隊呀, 等一陣就到我喇, 見到伯伯間唔中加炭加炭, 第2度真係好少見到架.至於雞蛋仔呢~外層脆脆的, 裡面軟淋淋, 仲要好有內涵添, 食得飽人架! 但我愛甜, 如果佢甜d就更好喇:)…Read More

大坑人氣排檔炳記真係好人氣呀,去到正值午飯時間, 好多人但我一個都好容易攝到位, 就算要等都好快有位, 因為D人都唔會話慢慢坐, 食完好快走.我首先叫左豬扒米&凍OT, 凍OT唔使講啦咁平常, 豬扒米呢~米粉唔好, 浸左一陣先食都係唔夠淋, 豬扒就好喇,有D西餐味,係黑椒汁而且可能有落香草添, 好香. 豬扒係有質感, 唔會到淋過件豆腐.其實食完豬扒米已經飽架喇,但又醒起依度麥多都好味喎, 所以又叫左個奶醬麥多, 件多士外脆內軟甜甜地, 不過我今次件無提子, 奶醬份量剛好, 唔會食到成手奶, um~好甜蜜呀 ^.^…Read More

我唔係特別鍾意食牛雜,但絕不抗拒,我都好耐無食過牛雜,見大家咁推崇,一於試啦.起初以為好多人,唔知點解我到時有好多位任坐,4:00pm應該係下午茶好時候喎牛雜$25,細細碟,唔係平架,不過就樣樣有d啦,仲有d唔知係咩添.除左牛根之外,其餘都炆得好稔好入味,又其是個汁,好香濃,但食完又唔會太口渴:)…Read More

白灼魚皮,爽滑彈牙,但個豉油太咸啦,可能淨食唔係咁啦.米通炸魚球,炸得好香脆,唔油膩,2個人食哂成碟都ok蝦籽撈麵,蝦籽好香呀,d麵又爽喎,撈埋d豉油食唔會太咸,good!雲吞麵,麵身當然都係爽啦,雲吞係細細粒,蝦同豬肉比例傳統雲吞,正!…Read More

早一個星期打電話去book位食lunch,佢話要2:00pm先有位,ok無問題,後來先知完來2:00pm開始d食lunch人漸漸埋單,而且已經無乜人等位.所以如果大家唔介意食個late lunch,其實唔使打long d book位.燒葡國臘腸,咸咸油油的,凈食可能太咸,不過跟埋餐廳奉送的熱辣辣脆豬一齊食,嘩無得頂呀!炭燒牛仔肉,好香炭燒味,不過無咩牛肉味,可能佢仲係牛BB關係吧.但照計牛BB肉應該好嫩滑,唔知點解我切極都切唔開wor,結果要勞煩老公幫手切到一粒粒等我吉住食:(海鮮燴飯,果然名不虛傳,好多人叫,真係好味,湯汁充滿蝦味,香濃而不過咸,材料豐富,有4隻青口,好多蝦仔,蟹腳仔.不過其實有幾多都唔重要,因為凈係得d湯,食哂成鍋飯都唔係問題呀…Read More

捐窿捐罅終於找到喇, 其實依間舖唔只係賣豆腐花,仲有麵食,不過我千辛萬苦黎到目的只得一個"豆腐花".我一向鍾意食奶露豆腐花,所以叫左一個普通&一個加花奶.結果花奶只得少少,完全唔感覺到佢存在,大家可能會諗"落花奶太多會蓋過豆香". Oh! sorry~係完全無豆味,基本上加唔加花奶都只係一碗帶甜味的滑完全無豆味,咁都算係豆腐花嗎??…Read More

椰汁,椰子雪糕各$10.椰汁少少甜,唔杰身,飲落口好舒服,仲有d椰子肉,好好,不過$10咁細杯有d貴.椰子雪糕可以話係椰子雪芭,好香椰子味,應該落左好少糖,所以好fresh.…Read More

我就唔多鍾意食家鄉雞, 因為覺得好咸, 依到d雞唔咸,不過就太甜層炸粉又甜,雞肉醃得唔夠味而且又係偏甜,怪怪咁,真係唔明點解咁多人讚,可能唔我口味啦:( …Read More

$238 + 10% 大堆頭大製作, 總會搵到想食的, 但味道&食物質素就.............可能太多人都話好啦, 搞到我期望太高喇, 但細心一諗, 依個價錢, 有咁多野揀, 可以接受, 不過無下次law~…Read More

第一次去,原來唔難搵, 一入去就叫左葡撻&檸檬水, 然後行去海邊吹住海風慢慢嘆.不過慢唔到呀, 因為實左太好食喇葡撻焦焦地又香又脆, 甜味剛剛好, 無得頂呀!檸檬水酸咪咪, 大熱天時飲, 感覺良好.下次一定要再黎 …Read More

Friday 11:00am環境好好,好寧靜(原本),後來有一檯佬係咁講粗口露鮮蝦餃, 金箔帶子燒賣皇 & 菜帶子角都好好味,唔覺肥膩.黑豚叉燒包食唔出同普通叉燒包有咩分別, 但味道仍是good的.XO醬珍珠雞好普通,唔知d XO醬去左邊:(依個環境依個食物水準, 點心平均收$2x, 茶錢$15, 包埋酸菜花生, 好合理.…Read More

話說鴻星20週年, 有個 "原隻鮑魚.翅.海斑全包宴" , 半席$1,380. 依個價錢, 依個份量, 依個質素, 抵. 鴻運六小碟:六款都好食, 特別推介川辣牛(其實唔辣)夠稔又夠味 & 炭燒腩肉, 正.椒蒜安格斯牛柳條:炒得好香, 牛柳條好稔, 好好味.XO 醬爆蝦仁:都係炒得好香, 蝦仁大大隻, 好爽口.順德砂煲蟹:唔掂, 好明顯係雪藏蟹, 但調味唔錯.紅燒瑤柱鳳絲翅K, 無特別, 當然預左翅唔多啦.清蒸海斑:蒸老左.原隻鮑魚花膠筒:好味, 鮑魚好稔, 花膠好滑, 冬菇好大隻.玫瑰豉油:好滑, 味道好.長壽蝦子乾燒伊麵:適逢爸爸生日, 有依味野應下節都幾好, 水準一般.精美甜品:車, 紅豆沙, 仲以為會開支楊枝甘露嘆下添.千歲蟠桃包:賣飛佛, 食完飽哂.…Read More