muffin0920's Profile

真係冇諗過食LUNCH可以食到小菜, 重要係熱辣辣~~經同事介紹先知有呢間餐廳, 以為北角都唔會平, 點知又唔算, 最好係有得訂位, 去到即坐低, 點左海南雞半隻, 炸皮蛋, 等左10分鐘左右就送到, 再叫左白飯, 明顯係新鮮整出黎, 好好味!!埋單都係60蚊1個人, 叫做好平啦, 會搵機會試下夜晚O唔OK~~…Read More

最鍾意黎呢間爭鮮食, 勝在唔洗點等位, 已經食過n次, 平又抵食, 最岩我呢d唔食魚生的人~~環境唔逼, 又乾淨企理, 幾舒服~~必食的蟹棒壽司係我最愛, 好好味呀!!! 一口氣吃左3碟~~!!!友人吃的北寄貝壽司, 佢話唔錯, 都幾新鮮, 呢個價錢黎講超值~~!!最後都係食左13碟, $8/碟 + 10% = $114.4食飽飽黎講好平啦~~~…Read More

一直想試, 不過銅鑼灣個間太多人又遠, 終於等到九龍區開分店, 都知道會多人, 但冇諗過多到咁, 平日5點半去到, 都等到差唔多7點先入得去, 跟住話限食1個鐘左右, 嘩, 洗唔洗咁串, 就睇下有幾好食先~~價錢預左會貴貴地~~炸雞唔錯, 即炸, 正~~飯好夠熱, 泡菜有DD辣, 不過都好好味~~最出名的墨汁卷, 果然好味, 只係有DD凍凍地, 唔係熱, 係暖~~~炸蝦卷重熱, 可能因為D蝦係即炸~~好特別的卡邦尼意粉, 分量少得可憐~~~7個人叫左都差唔多9-10樣野, 埋單每人$130左右, 完全唔飽, 叫做試左, 唔會再黎~~…Read More

為好友慶祝生日, 俾佢自己揀食乜, 最後佢揀左粉紅佳人, 佢話喜歡寧靜環境的西餐廳, 坐得舒服, 最重要係食物OK又唔算貴, 又有得訂枱。可能今日係平日, 冇乜人, 好舒服的感覺, 訂左7:15PM, 準時到達, 入到去, 我地一行4人, 除左主角外我地都未黎過食, 入門口果刻感到好黑, 被安排坐到卡位, 都唔錯, 周圍都聽唔到其他人講野。睇下個餐牌, SET DINNER由,$88-188 (大約, 唔多記得), 只記得豬手係 $188, 全部有湯, 餐包, 餐飲同埋雪糕, 最後為免食唔哂, 我地決定叫3個SET DINNER加個散叫個主角推薦的小食拼盤~~~無聊等食物時望下張餐枱紙又幾靚喎~~~好奇怪一開始黎左個小食拼盤先, 可能當前菜掛, 雞翼超入味, 其他都好正~~餐湯黎啦, 好好味的羅宋湯, 足料又夠濃~~跟住係主角不停話好好食的麵包, 確係好正, 外脆內軟, 個唔知咩醬先超好味, 想叫REFILL又唔好意思出聲....食完好好味的包, 就到菜出場啦~~主菜水準好高, 意粉好多時唔夠熱, 但呢度好熱, 好正, 味道又好, 忌廉汁唔會好滯, 好滿意~~最後食埋個雪糕, 加埋杯熱檸水就滿足哂, 好飽好完美的一餐~~埋單4個人食左$5XX, 宜家出街食飯黎講唔算貴啦, 想搵好食又大碟又好環境, 地理位置又方便, 完全唔易呀~~~…Read More

經常老遠黎大埔街市, 就因為要黎掃凍肉, 邊間就唔開名啦, 順路係街市搵食, 見上網食評講到咁誇張咁好食, 就決定一試, 一d都唔平~~去到大約12點幾, 人頭湧湧, 周圍都係人, 自己搵位, 坐低就會有人過黎問你食乜, 當然點左名菜, 豬扒麵, 等左10分鐘左右, 就有啦, 豬扒望落唔錯, d麵就唉左一聲, 少得可憐, 冇記錯係$28一碗, 呢度黎講算貴。不過豬扒咬落都幾鬆, 有2塊, d麵就又少又難食, 最經典係個所謂湯底, 根本同冇湯底冇分別, 屋企整都好食過佢, 所以坐低食左半個鐘, 就見唔少人係黎淨買豬扒外賣走, 果然係熟客, 都知麵唔得, 叫做試過, 唔會再食了~~~…Read More

已經係第2次黎食, 覺得呢度坐得舒服, 又平又多款式, 最緊要係有我最愛的movenpick雪糕, lunch buffet有呢隻雪糕食真係好正, 食過有間港島酒店lunch buffet都有, 但加埋一要成$400, 絕對唔抵食, 所以最愛黎呢度狂擦。首先梗係食下沙律先, 正, 新鮮, 又多款式, 好味!!!熱盤冇乜影, 大概有點心, 即切牛柳, 燒烤物, 天婦羅, 等等, 多到唔多記得了, 我麻麻地, 所以冇影~至於雪糕呢, 我一共食左5球, 好顛, 不過食得好開心, 有唔同餅底揀, 反而甜品就冇乜食, 但同樣超多款揀~~埋單連一先至$223/人, 淨係食雪糕都已經超值了~~~…Read More

兒童節，請左下午假去玩，一直都好想試下呢間餐廳，夜晚經過見都過$100/人，又多人排隊，都唔多想等，見今日有時間就過去食午餐，平平地試下個質素先。2點左右到達，唔洗等位，入到去坐卡位，環境ok，望下餐牌，揀左串燒大蝦皇拼什扒，聽聞最有名係什扒，出名大份抵吃，$53+10%，可以一試。首先上左紅湯同餐包，好濃的湯，ok，但唔夠熱，包就暖暖地，也可以。主角出場，冇想像中咁大份，不過午餐價錢平d，當然份量會少一點，可以理解吧，味道方面，唔夠熱，有雞扒，豬扒，腸仔，火腿，扒類就明顯凍凍地，整左一排，唔夠金鳳新鮮，值得一讚係隻大蝦，估唔到肉質唔諗，幾爽同大隻，最後係飲品同雪糕，呢個價錢黎講算係咁，不過就唔會再黎食了，都係食返金鳳滿足好多，因為扒房都係適合做晚餐，呢間太多人唔會試了。…Read More

試新開日本shabu shabu, 晚市較貴, 午市平平地試下先, 價錢分$99, $139同$199坐到侍應就問要邊隻價錢的牛牛, 見隔離的牛唔錯, 一問之下係$139, ok, 平平地唔錯喎$199係和牛, 午餐黎講太貴了跟住係揀湯底, 好多款揀, 最後揀左香辣同豬骨, 一辣一唔辣, 實食到啦湯底到, 嘩, 好香好濃, 侍應隨即就拎埋2碟牛加1碟豬黎, 豬切得好薄, 食落唔un又唔鞋, 幾好!!牛都好好味, 總共食左6碟, 好飽, 食左好多配菜, 合部任拎, 醬料自己混, 好多款, 最好吃係芝麻, 加牛肉一流, 飲品最正係有沙冰, 唔係只有汽水, 有汽的水又係賣點之一, 掂, 一定會再黎吃!!!…Read More

一直食開豚王覺得好滿意，但食得多始終會悶，想試下其他出名的拉麵。今日終於有機會，落雨，早放工就係最好時機。唔夠7點去到，自動拎飛，等左大約15分鐘就叫可以入去，坐低環境都唔錯，見到師傅在玻璃窗入面煮麵，幾得意。開始翻開餐牌睇食乜，最後叫左白丸同赤丸，再加多個叉燒角包，呢個夾餅一點都唔平，但見咁多人介紹即管試下。好，好，好快，唔洗10分鐘食物就黎齊。首先當然係一試湯底，普通，好普通，同豚王簡直冇得比，似出面街買的包裝拉麵，自己返屋企煮的味道，濃又唔濃的豬骨湯底，好普通。份量又少，兩啖都搞掂，女仔黎講都好少，完全唔飽。豚王都唔係貴好多，但食完係滿足又飽，都係乖乖地食返豚王吧啦最驚喜係個叉燒角包，睇個包都已經ok細，入面塊叉燒先經典，細到呢，飲茶個d叉燒包個包重比呢個軟，一樣無味，完全唔值得叫，有被騙的感覺。埋單$200唔洗，叫做試左，再食，sorry，做唔出。…Read More

話說有一個星期六冇訂座就去左食，結果換來：「冇訂座冇得食喎！」無奈的走了。今次早一星期訂座，冇問題啦。入到去，坐低，侍應叫寫低電話號碼在團購紙上核對，幾認真呀。好，侍應俾張紙問揀邊兩樣餸，先係黎左個節瓜湯，好濃，但一飲已知係有味精，叫可以啦。。。最終揀左鎮江骨同肥牛粉絲煲，唔洗5分鐘已經到達，係咪即炒大家估到啦，睇下個樣先。黎埋個飯一食落最有驚喜係個鎮江骨，有一舊係唔熟架，叫侍應換過，新一碟個樣爭好遠，有鑊氣熱好多，重要用一字排，有好多菠蘿，睇下相個分別團購餐還包兩杯$14以下飲品及木瓜雪耳糖水，正常質素冇乜特別。總括而言，買呢次團購係因為食過七喜其他分店也水準很高，所以貪平老遠都黎食，點知將貨就價，侍應態度囂張，換黎一肚氣，下次咪搞，講真做得團購都係想宣傳吸新客，但咁質素態度，冇回頭不突止，重會人傳人叫個個都唔好黎食，咁咪重衰過唔做團購，明唔明？…Read More

呢間係屋企附近的日式食店，平時行過都見無乜人，無諗住試，見有個團購網有特價，平平地即管試下。HK$26有個拉面+凍飲+糯米滋，以為差極有限。點知質素嚇人得以後都唔敢再幫襯，好彩只買了兩張卷，唔洗再去聲稱要一小時前訂位，當然沒有這樣做，入面只有兩枱客。就入去坐下，看了一下正價menu，最後只叫了兩個團購的set，如果有叫正價食物，肯定更覺唔抵。首先來了兩杯飲品，凍柚子蜜及金桔蜜，很淡的味道，算可以吧。然後就是豬手拉面，請留意溏心蛋，切割成這樣是特別效果嗎？湯是暖不是熱，拉面的質感跟超市包裝拉面沒有分別，湯底淡好一般。接著來的滑蛋豬扒拉面先是驚嚇之作，我會形容為剛解凍，然後放入微波爐叮翻熱的豬扒，一口咬入去，凍，完全沒有炸過的感覺，入面的肉已經唔知係咩，非常失望，吃下兩舊，已經停手唔想再吃。最後有兩粒糯米滋，原味，沒有餡的，說實在，只有這粒甜品食完比較滿意。沒有加一，走了，趕住再買外賣返屋企食，太差了。。。。所以話，有d野唔好亂咁試，自己攞黎搞…Read More

一行十人，因為一早朋友已經訂了位，所以去到唔洗點等就入得。黎到坐低，係室內有冷氣的，未落單，已經不停有昆蟲不知從何來飛到桌上，環境感覺不清潔。然後大家開始研究應該點什麼來吃，最終叫了以下：乳豬（一早預訂）糯米飯豉汁炒聖子花甲西蘭花牛肉炸排骨拼大腸泰式雞翼冰鎮鮑魚片首先講下花甲及豉汁炒聖子，大家都嘩了一聲，花甲只有十二隻，無沙好味，但少得可憐，跟牆上的相片完全兩回事。跟住的聖子也不例外，只有總共十五條，大家要猜先可以決定誰來吃下餘下的五條，慘。炸排骨拼大腸，都係因為見其他食評推介才叫，誰知只係普通炸的菜式，排骨炸得很乾，大腸還可以。最期待的乳豬來了，好好味，但片下的就只有肥膏，肉只佔少部分。糯米飯味道也不錯，侍應即席炒／撈，然後大家一看，亦不禁說，睇個煲就很大，實際只有每人一匙。西蘭花牛肉就係普通小菜的分量，泰式雞翼也只有十五隻，味道一般，唔算特別。鮑魚片用冰墊底，一吃下就知只是罐頭貨色。計埋每人一罐可樂，埋單總共$960。評價：只係明星／宣傳效應，呢餐絕對係貴格唔飽，連女士也說好似無食過野咁，要動員去食甜品，絕無下次了。…Read More

其實已經唔係第一次食呢間壽司舖，同區還有好幾間壽司舖，但一直還是只會食呢間，主要原因，大件夾抵食。因為自己對食物要求不算高，只要不太差已經可以接受到。呢間壽司舖長期都好多人等位，假日起碼要等成半個鐘至一個鐘，之前食過幾次都係假食，次次都等到呆加累，不過冇計啦，其他舖又貴唔抵食，又唔係真係特別好味，還是揀返等．．．本人觀察過，最好係七點攞定飛，然後七點半至八點就有得食，如果八點先攞，就等到起碼九點，同埋呢間野好衰，會好多時話”暫停登記四位以上”，試過好幾次更寫”暫停登記”即是幾多人去食，都冇飛攞，真囂張，有時都好頂佢唔住．．．講返最近食過一次係上星期三，平日，放紅假前一日，八點五至十分去到，已經勁多人，等到成九點先有得入去食，叫左蛋，縵魚同三文魚壽司，再加個東陰公粉，壽司之前一直食開，味道一般，不太差又唔可以話好好食，但個東陰公粉真係唔錯，好多料，一點也不馬虎，好多隻蝦，勁多粉，大大碗粉只係$35，之前再試過咖哩雞飯，好值得推介，味道超特別，又係可怕的分量，重有個xx雞翼（唔記得個全名）又係好好味道，我認為呢度d泰國野重好味過壽司添。至於服務我覺得唔係其他食評講得咁差啫，咪又係一般服務．．．但要等咁耐先有位，又係幾麻煩，如果一早決定咗食的話，最好七點去攞飛啦，咪過左八點又排都未有得食呀．．．兩個人食埋單$108…Read More

上個月尾係呢個網search到呢間餐廳，決定去試一試。星期六去到七點左右，以為會冇咁多人，因為行過附近的餐廳都冇乜人開始食飯，但零零捨捨係呢間勁多人，入到去我地一行兩人已經坐最後一張，只係見到侍應很忙，很忙。睇過餐牌後，發覺好抵食，佢有五十幾六十蚊的套餐，包蒜容包，餐湯，飲品，重有前菜或甜品揀。另外重有石頭飯，聽到隔離的朋友係尋日食過，今日又帶另一朋友黎食，所以水準應該有返咁上下。首先係西蘭花忌廉湯，真的用心做，非常好味，之後我叫了個肉眼扒，嘩，真的好好味，熟到剛剛好，加條炸芝士條，飲品先好，有得揀珍珠奶茶或其他紅茶，有好幾款您揀，最好係凍飲唔洗加錢。勁飽之後，再黎過餐送的意大利芝士餅，睇落去好似麻麻地，但食落真係好掂，唔求其。兩個人加埋一大約食左百三蚊，真超值。不過係坐得冇咁舒服，因為個度d位比較迫。…Read More