CherryLam7346's Profile

成日同朋友講起九龍城，佢哋都會諗起泰國菜好好食，但今次私心分享一下我嘅收藏清單： 位於福佬村道呢間日本串燒+刺身小店位置唔多，只得bar枱。但正正因為地方比較細，同唔同人嘅交流好似都緊密啲。店員會好細心咁照顧你嘅需要，亦都會根據你嘅進食節奏去上唔同嘅菜式，如果想同朋友慶祝一下或者更深咁交流傾偈，呢個會係一個唔錯嘅地方⭐️青森大間鮪魚盛合（大拖羅.中拖羅.赤身）- $398見其他枱都有嗌到呢個就跟住嗌下🤣一上枱見到啲紋理已經知會好食。每款都有好明確唔同嘅口感，由比較爽口嘅赤身到肥美嘅大拖，係鍾意食鮪魚嘅人必點嘅一款🥹⭐️日本馬冀海膽杯 - $298估唔到喺香港食嘅海膽真係比得上日本當地，食落超鮮甜一啲腥味都冇，雖然價錢算比較高價位，但食完覺得如果係呢個質素又可以理解！⭐️三文魚籽海膽杯 - $268同樣好新鮮，食落去嗰種爆汁感好正🤣成碗都滿佈三文魚籽，唔使額外點豉油，每一啖都好滿足⭐️和牛柳（神戶牛使用） - $68成日聽人講神戶牛好出名，今次終於叫咗嚟食，真係比普通牛肉更加入口即化，即使外皮炸咗都保留到內裏嘅肉質同油脂感⭐️日本沙椎魚 - $48食落一啲刺都冇，外皮炸到好脆但內裡嘅魚肉幾鮮嫩，加咗啲青檸汁落去令到佢更酸酸甜甜⭐️紋甲魷魚 - $48雖然彈牙但唔會好難咬，個人鍾意點椒鹽食，令佢多一份鹹香感⭐️千兩茄子（奈良直送） - $28雖然係連皮炸，但個皮一啲都唔韌，而且一食落去係超多汁超soft，如果唔係好飽會想嗌多件嚟食😂⭐️青椒仔（高知直送）- $28一開頭食落去甜甜地，後帶少少苦澀味，同食開嘅青椒仔好唔同，後尾先知呢個係高知種植嘅青椒仔嘅特色，都幾特別！⭐️長芋（青森直送）- $32好爽口，本身長芋味道唔重，點蔬菜豉油食酸酸甜甜幾好⭐️芥木醬雞胸肉（德島雞使用） - $48本身怕雞胸肉會好嚡，但係又還好！反而啖啖肉配埋芥末醬幾惹味⭐️明太子豚肉卷（日本國產豚使用） - $58呢個幾有驚喜，好少見明太子配豚肉，咁樣夾埋食鹹鹹地，同時中和咗肉類嘅油膩感，反而令人仲想食多幾啖！⭐️日本鯛魚昆布湯 - $58店員好貼心，專登係食完刺身之後比我地飲暖一暖胃，飲落清甜之餘入面嘅鯛魚同蔬菜都煮到好腍好好食…Read More

每次唔知食咩就會揀泰國菜，一定啱香港人口味，平時去開九龍城，不過今次嚟開西環，就試下呢間好多好評嘅泰國菜佢裝修好有異國風情，以藍綠色做主調，門口有好多盆裁，餐廳入面痴咗啲電影海報，復古得嚟又有置身外國嘅感覺，環境好舒服，廁所都乾淨，我地揀咗坐門口張高枱，望住街景食野都幾chill而且聽聞係泰國人主理，店員都係泰國人，講英文，佢地服務好好，落單前仲有問我地食唔食得辣，野食整體質素都好好，推薦👍🏻⭐ 椰汁雞湯 - $78諗住飲個清清地嘅湯，就揀咗唔辣嘅雞湯，個湯底用椰汁煮，重椰香味得嚟又鮮甜，啲雞肉好嫩，菇類又吸曬嘅湯，好好飲，可以encore👍🏻⭐ 燒牛肉沙律 - $108平時食開青木瓜果啲，今次想試新野，就叫牛肉沙律，啲牛肉燒到半生熟，仲有陣香味，入口好嫩滑，連埋啲青瓜、洋蔥，配埋個個少少辣嘅汁，清新爽口，而且份量好足！⭐ 泰式肉碎奄列 - $98就咁睇好似好普通，但食落好好食嘅奄列，個蛋煎到金黃色，外面乾身裡面仲保持到唔嚡，好有蛋香味，再夾住啲肉碎同少少辣椒，好香口，口感好豐富，食落鹹香惹味，如果用嚟送飯一流！⭐ 蟹肉炒飯 - $148食泰國野一定要叫蟹肉炒飯，通常都無死，一上枱已經聞到好香，飯炒到乾身唔油膩，蟹肉嫩口，仲有啲雞蛋同蔥花吊味，味道鮮美唔會太鹹，忍唔住食晒成碟😋⭐ 泰式奶茶 - $48泰國野點少得泰式奶茶，呢杯個茶色好靚，橙橙哋色，茶味好濃郁，奶同甜度比例啱啱好，飲落好滑唔會澀，冰涼解渴，仲加咗啲泡沫喺面，好啱打卡！⭐ 泰式檸檬茶 - $48另一杯揀啲清新啲嘅，一飲落去好fresh，檸檬同紅茶底好平衡，仲有陣泰式茶嘅香味，唔會好甜，解膩啱曬…Read More

口痕時都會想食下韓式炸雞，近近地想搵間韓國野，就係openrice search到呢間已經開左廿幾年既韓國野，望到佢餐牌幾多款式揀，而家仲有特價優惠，就叫咗frd一齊去食一入去坐低，見到好多年輕人黎食。我地望到個特價餐牌都好多野揀，就叫左半隻炸雞，一碟炒年糕，一個紫菜包飯同一碗冷麵。⭐️ 前菜 - $0 （可以refill 1次）一入座就會有辣泡菜、煎餅、魚糕上枱。泡菜微辣惹味😋蔥餅唔會好油膩，魚糕甜甜地幾好食，前菜黎講唔錯⭐️ 蒜香辣炸雞 （半隻） - $99炸雞加咗蒜蓉粉超香肉唔會乾身，幾嫩同好食⭐️ 芝士炒年糕 - $86芝士醬勁濃，仲有啲菜係下面，配年糕perfect 上菜果陣仲要熱辣辣，口感又煙韌；前菜個蔥餅點呢個汁都好好食，鐘意芝士既人必點！⭐️ 香辣豬肉紫菜飯卷 - $76食到入面有啲醃菜、蛋、肉鬆，唔係好辣清清地唔錯；將飯卷沾上面個芝士醬都好夾⭐️ 冷麵 - $62配有醃蘿蔔同青瓜；個麵本身甜甜地，幾煙韌。餐廳有芥末同醋俾你撈，想食濃味啲可以自己加。雖然我地個麵放到最後先食，但因為入面有幾舊大冰鎮住，所以可以keep住凍～同埋擺咁耐啲麵都冇糊…Read More

好耐冇食台灣野，有啲掛住牛肉麵，上網見呢間好評好似唔錯就搵日嚟左食下☺️呢間鐵花村位於琴行街果邊，一入到去見到都幾多人食緊。我本身收工拎住好多野，但店員話我咁樣拎住個袋辛苦，叫我擺埋係隔離張櫈到，好有禮貌同好細心，呢個服務態度真係抵讚❤️⭐️ 鐵花紅燒牛肉刀削麵 - $79首先講下我最想食既牛肉麵，好足料，入面有好多牛肉，仲有魚餃、榨菜、蘿蔔、菇等等湯底酸酸地幾開胃。牛肉好嫩，瘦肉肥肉都有，一入口連埋湯汁一齊食好好味😋⭐️ 麻辣鴨血臭豆腐東粉 - $62呢個粉入面有鴨血、臭豆腐、冬粉等等。臭豆腐聞落好有台灣果種正宗「臭味」，口感好，好索汁，而麻辣湯底唔算好辣，食唔到辣既人都ok！冬粉有啲似粉絲，唔會糊，幾彈牙好食！⭐️ 刈包 - $36入面舊肉係控肉，好肥好juicy，配料食到有花生、香菜、榨菜，食落甜甜地，好入味😌⭐️ 炸甜不辣 - $39Q彈，口感有啲似粵式魚餅，掛住食其他野時攤凍左，但都唔會淋左。而且無論就咁食，定係蘸湯汁/滷味汁都好食🤤⭐️ 滷味自由拼：西蘭花$10/份+米血糕 $12/份+魚餃 $12/份係台灣夜市既味道😆滷得好入味，鹹度岩岩好。冇諗過西蘭花同滷水味咁夾而米血糕好有咬口好好食！而魚餃同我地平時食果種魚皮餃唔一樣，係甜甜地既魚肉，皮好滑好薄👍🏻自助吧仲有凍冬瓜茶同凍四季春茶任飲😆整體好有台東果邊既特色，大家掛住台灣夜市果種味道不妨嚟呢度重溫下😆…Read More

⭐️冇限時火鍋盛宴 - $288比起一般火鍋多好多選擇，幾特別嘅係佢會分唔同round去食唔同嘢，好似食緊個course dinner咁🤣Round 1 - 餐前小食可以任叫薯條、炸雞、沙律、炸大腸等等，唔會好似其他餐廳咁擺出嚟等你拎，而係即叫即整，所以食落勁熱辣辣同好脆口！Round 2 - 會根據人數送上一份刺身拼盤，雖然唔係主菜，但係打邊爐嘅時候都有魚生食幾過癮，而且佢哋處理得唔錯，睇得出啲刺身都好新鮮😆Round 3 - 頭盤無錯🤣酸菜魚同雞煲都只係頭盤，兩者可以揀其一，而當中雞煲係可以任fill。因為好少見火鍋店有酸菜魚食，就嗌咗呢個，佢啲魚係好滑，而且真係冇骨，嗌左小辣岩岩好，感覺無好重味精，食完唔會覺得好頸渴好油膩！Round 4 - 火鍋盛宴去到呢度先係主菜🤣揀咗湯底之後首先有個海鮮拼盤，帶子、鮮蝦、蜆等等都齊全，加埋落湯底更有鮮味！然後店員會俾個QR code你嗌其他配料，以下個人認為特別出色：- 美國Prime牛胸胸肉，雪花分布平均，食落油脂部分入口即化，亦都好重牛味- ⁠爽口白魚蛋，超彈牙😍- ⁠濃汁澳洲牛肉丸，好濃香，微微爆汁好惹味- ⁠手工一口雲吞，皮薄入面好足料成程有唔同飲品任飲，食曬後仲有芒果同開心果雪糕！兩者味道都勁濃厚，食完超滿足。…Read More

以前對法國菜印象都係個碟好大但份量好細🤣不過聽朋友介紹呢間幾唔錯，二人餐唔少選擇之餘又好食，所以搵日收工就嚟咗，結果發現其實勁足料勁飽肚🤣⭐️晚市套餐 - $538 (2餐湯+2小碟+2主菜）餐湯-三文魚薯仔湯飲落好香魚鮮味，完全唔會有三文魚刺😋-法國田螺 (6件)一上枱好香蒜香同牛油味，田螺鮮嫩彈牙，夾落包到食又脆口又惹味！-凍肉拼盤 + $35風乾火腿鹹香濃郁，辣腸微辣幾開胃，而法式火腿就偏嫩滑，3款凍肉配埋鬆脆嘅酸種麵包，組合豐富超滿足！-紅酒燉牛面頰意粉牛面頰燉得軟腍入味，紅酒醬濃郁香醇，意粉彈牙，啖啖都有微微酒香再加重牛味，令人想一啖接一啖咁食😋-英國黑毛豬肩胛肉黑毛豬肩胛肉嫩滑多汁，獵人汁有少少紅酒香，連埋豬食好夾！燒粟米甜脆有啲似健康版零食🤣加埋細滑嘅薯蓉好滋味。⭐️Sparkling Peach Sunrise - $65蜜桃果蓉清甜，配上酸爽嘅檸檬汁同士多啤梨、係夏日飲品嘅首選！⭐️Pistachio Royale - $75開心果醬濃郁香甜，搭配雲呢拿糖漿同卡塔菲酥脆，意外地唔會好甜！加上忌廉順滑，食落仲有粒粒開心果碎，令層次更豐富😍…Read More

圍方呢家越嚟越多餐廳，有時同屋企人/親戚想搵間好食又坐得舒服嘅中菜館，就會嚟到呢間上陽樓。⭐️金蒜粉絲蒸蟶子 -$168蟶子新鮮肥美大大隻，好重蒜香，粉絲吸晒啲汁，每一啖都充滿海鮮風味，超惹味！⭐️啫啫滑雞煲 -$198雞肉嫩滑入味，啫啫汁微香辣濃郁，配菜吸晒醬汁精華，熱辣辣端上枱，香氣四溢超滿足！⭐️濃湯鮮腐竹菜苗魚腐 - $158湯頭濃郁鮮香，腐竹軟糯入味，菜苗爽脆清甜，魚腐彈牙鮮美，每啖都健康暖胃🫶🏻…Read More

叫左呢個黑糖香蕉嘅all day breakfast ，可以揀bagel或者窩夫，咁岩同朋友一人叫左一款，個人認為窩夫同炒蛋&煙肉夾啲，bagel加cream就好食。佢整體都幾好食，窩夫好香，煙肉又唔會太乾身，不過因為香蕉本身都甜，好似唔洗加黑糖都得，加左反而有啲膩。同埋佢真係幾貴下，加埋一都要100頭，可能好偶爾先會食一次。…Read More

今日行行下圓方見到呢間coffee shop，見到冇乜人就入去食個tea！嗌左煙牛胸牛角包set，啲煙牛胸夠入味，夾埋芝士同酸瓜食落幾fresh，有驚喜😋不過略嫌有少少韌。杯白咖啡就中規中矩，咖啡味同奶味都平均嘅…Read More

呢排身份證數字有三同八就可以$150減$50，就趁lunch時間嚟呢度試吓。嗌咗個10貫壽司連腐皮烏冬套餐，減咗價之後唔使$100算係咁！壽司食落比壽司郎嘅好似更加新鮮，呢款式其實都幾多元，而且都有啲比較貴價嘅，例如油甘魚嘅種類，而烏冬就好入味，加咗啲脆脆同腐皮幾好食。…Read More

有時去Cafe最怕就係要限時搞到食得好趕，今次同朋友聚吓想搵間坐得耐少少嘅，見呢度有board game可以玩吓，又有正餐食，有日收工夜晚就嚟咗。⭐️小食拼盤 - $108魚手指、芝士條同雞翼3款都幾好食！特別係2個炸物炸得好脆，外皮都唔會好粉好厚咁。而雞翼調過味，唔洗額外加醬都好好食，同朋友share嗌呢個就岩晒😍⭐️香蒜白酒蜆肉意粉 -$122晚市套餐已經包咗一杯$38嘅嘢飲，其他嘅只要夾返差價就可以。揀咗呢個白酒蜆肉意粉，佢嘅蜆肉都幾多粒，酒味唔會好濃，所以都仲食到蜆肉嘅鮮甜。而意粉係比較q彈嘅種類，唔會好腍好碎。+ $10 藍莓乳酪覺得嗌咗少甜啱啱好🫶🏻即使加咗whipped cream都唔會覺得好膩。飲落藍莓味都幾重，酸酸甜甜比想像中解渴！⭐️西班牙海蝦辣肉腸燴飯 - $132見到個名已經覺得好吸引就嗌左🤣 佢主要係用蕃茄汁做個底，蕃茄味好濃郁，包晒落啲飯度好開胃，加埋海蝦同辣肉腸更加惹味同有咬感。+ $10 魔術師見到荔枝配提子呢個組合就覺得應該幾清甜！同樣嗌咗少甜，比起藍莓乳酪更加有氣泡感，飲落更加爽口，配主菜飲岩岩好。+ $38 開心果麻糬提拉米蘇好有驚喜嘅一道甜品！本身賣相已經好靚。表層有好多開心果粒，食落好脆口。而下面就係Tiramisu同麻糬，鬆軟得來又帶麻糬嘅煙靭，整體好夾🤤而且成個甜品都唔會好甜，如果下次嚟仲有呢個甜品都一定會再叫！…Read More

鳳梨蕃茄特飲 -$38本身睇combination覺得幾特別🤣但相比起蕃茄，菠蘿味較重整體都幾清新，食落有少少蕃茄肉，而且唔會好甜！粒粒白桃烏龍 - $32幾令人驚喜嘅一杯，有好濃嘅茶香味，但唔會苦澀而且加入粒粒白桃有咬感之餘亦令嘢飲增加一絲甜味幾解渴另外補充一句除咗飲品，佢都有嘢食嗌架！…Read More

依家香港嘅餐廳普遍關門得比較早，呢間我哋嗰時夜晚10點幾入到去都仲可以食，佢有夾饃呢啲輕食，亦都有普通粉麵。今次去到叫咗個酸辣粉食，雖然面頭好似好多青辣椒咁，但其實食落唔會好辣，個粉會比較偏淋少少，唔係平時彈牙嘅感覺，不過索晒啲汁係幾好食…Read More

lunch嚟講加埋一人均都要$100，越南嘢嚟講係偏貴。不過呢間就比較大啲，而且好多款式：三文治、河粉、撈檬、炒飯、沙律等等都有，可以根據自己喜好揀想食嘅。個人特別鍾意食呢個生牛河，佢清得嚟用牛骨嗰啲熬過所以湯底都好濃郁，啲牛肉份量多之餘都幾新鮮，同埋都幾嫩。加咗紫洋蔥同埋芫荽更加好食。…Read More

一開頭係喺觀塘食過，個時已經覺得佢啲點心熱辣辣又大大粒好好食！然後返工偶爾發現佢喺太古有分店，間唔時就同同事一齊嚟食🤣每次一定會食：墨西哥叉燒包 - 唔係間間茶樓都有！超鬆軟又熱辣辣好食！金錢肚 - 唔會韌，好入味銀絲腸粉 - 脆脆地入面好足蘿蔔絲…Read More