Mikaela the foodie's Profile

生日朋友問我想食咩，唔想普通中西意日，就揀左呢間之前想試嘅阿根廷菜。呢度裝修啱晒打卡，話明Polo Club 所以全部都係馬球運動嘅畫，連侍應們都係著住特別嘅制服，有位識講廣東話但應該唔係響香港長大嘅店員非常親切👍🏼餐前嘅麵包面頭有少少洋蔥，軟熟微甜，非常好食，但我忘記影相😛Scallop ceviche 好適合做開胃菜，少少酸又清新生蠔有啲瘦，冇乜特別Shrimp cocktail 都幾令人失望，煤煤地嘅，不過唔緊要，呢度主打食扒嘅，就睇下啲扒如何上扒前佢會俾一盤刀你自己揀，中間呢把刀我懷疑佢係搞下笑嘅，好鬼重，又唔係殺人，食件扒啫😂所以我地四個女仔都冇揀。我地都係揀返啲正常啲嘅算😂呢個係24oz 嘅tenderloin，二人份量。外面香草非常惹味，肉質好軟煮得啱啱好，唔知係香草味太濃定咩，好似牛味唔夠重。呢個lamb chop 外面脆口，但裏面略嫌太生，都係以一般大路的百里香烹調，冇咩大驚喜。試埋佢個肉眼，都係煮得啱啱好，肉質都係軟熟唔鞋，可惜係牛味仍然唔係太濃。最後梗係要食佢其中最出名嘅 Fries Provenzal. 睇相都見到啲香草多到不得了，仲加左切到非常精細嘅蒜蓉，以鴨油黎炸。酥脆，香口！不過因為係幼薯條，又咁重調味，鍾意薯味嘅朋友就覺得如果係粗薯條可能會比較適合。朋友用openrice 訂，送左個朱古力蛋糕同一球士多啤梨味雪糕，個蛋糕又意想不到咁好食喎！食完呢餐，連我鍾意重口味嘅都覺得呢餐有啲 over，加上音樂好大聲，成個餐廳都好嘈，傾偈要大聲嗌出黎咁，本身係18:30-20:30 呢個時段，但餐廳好好到22:00 都唔駛我地交枱，不過我頂唔順太嘈就嗌啲fd 走了。不過，我覺得未去過嘅都應該去一次，尤其是生日，會有人唱生日歌兼幫你帶頂馬術帽，都幾搞笑，而且裝修咁靚影下相打下卡都幾過癮。我地四個人，每人飲左一杯cocktail，埋單每位大概$1200。…Read More

收工唔知食乜，遇著珠寶展度度都勁多人，見到呢間冇乜人排隊又好似好地道，價錢又吸引，就膽粗粗衝入去試下。店員似乎都係越南人，感覺都應該幾正宗。店面細細，要去cashier 落單。叫左個生牛肉河，香茅豬扒法包，追加小食牛油雞翼同越式春卷。食越南河最重要係個湯底。當年去越南食嗰個湯嘅味道我一直都無法忘懷！香港食過無數間就算都係越南人開嘅都食唔返嗰個味道。香港食到嘅，一係唔夠香，一係就濃味似味精湯，缺少嗰種肉嘅鮮甜味同清新感。呢個湯令我覺得似喇就係嗰種清甜味喇！至於法包，我一咬落去，咦？唔係硬「掘掘」嗰種法包喎！外面脆裏面軟軟的，口感好ok 喎！饀料唔係用生菜，係用醃蘿蔔絲，個汁好清新！可惜係豬扒冇乜咬口偏軟，亦缺少豬肉味。牛油雞翼個皮唔係脆咁簡單，係酥脆！越南春卷係有芋泥饀嗰種，我幾鍾意！配上兩塊BB 生菜。不過我覺得每樣野份量都有啲少，$90 湯河配飲品，$90 法包配飲品，兩件雞翼同兩件越南春卷各$20。食完有啲唔係好夠飽😂 下次要叫多啲小食先得…Read More

行開黎k11 附近，呢一帶好多日本野，但又唔想食貴野，就黎左呢間門面裝修得幾靚嘅風雲丸。呢度啲沾麵選擇唔算多，都係豚肉，有啲辛辣嘅有啲加野菜嘅，有咖喱同普通湯底咁解。我地叫左個野菜豚角豚骨魚介沾麵同咖哩豚骨沾麵：個咖喱豚骨沾麵就係一塊腩肉，唔夠肉食所以叫多個唐揚炸雞。個咖喱湯太濃偏鹹，味道冇乜層次。反而野菜豚角豬骨魚介沾麵個湯底好有鰹魚香味，唔駛落七味粉蒜粉同黑椒都已經滿足到我鍾意食濃味野嘅人，但又唔會好鹹勁飲水。可惜我本身以為豚角豚骨係有兩種肉，但原來得幾舊肉，有啲失望。200g 同300g 麵係一樣價錢，個侍應小姐話唔太大食200g 都ok ge，當我猶豫緊自己大唔大食嘅時候，佢話可以叫200g 唔夠再加返100g 俾我，我驚食唔晒就一於叫200g唔好嘥野啦。點知黎到發現其實差唔多份量分別唔大，笑左。最後黎左個唐揚炸雞，冇乜特別，都叫juicy 嘅。因為啲座位好逼，黎到要放上tray 同tray 之間，如果想坐得好舒服呢度就唔啱你喇。走嗰時都就黎十點，發現出面好多人排隊，好彩黎嗰時唔駛排隊啫！…Read More

去開中環，唔想求其食但又唔想食貴野。朋友介紹黎呢間東歐餐廳。小女孤陋寡聞都唔係好似係食乜。一入餐廳睇裝潢就感受到東歐嘅氣氛，仲有個假窗望住東歐景色。打開menu 先知原來呢度主打烏克蘭菜。咁梗係要試下正宗嘅羅未湯（相傳羅宋湯係烏克蘭傳統菜色，後來俾俄羅斯自稱由佢地發明）。同我地平時飲開嘅羅宋湯完全兩回事，紅菜頭味重，唔辣，而且冇咁鹹。非常香口， 薯味香濃，薯仔切成絲再整成一塊餅半煎炸，所以食到薯仔口感，唔會一咬就散。個醬係菇味嘅醬，唔濃味，點勁多醬都冇遮蓋過薯仔香味，冇味仔大過主人婆，讚！用塊包點芝士，麵包少少脆，裏面又少少軟，似淰左嘅奶鹽梳打餅味，牛舌超厚，但煮得勁淰，入口咬幾野都吞得嗰種，究竟炆左幾耐先有呢個效果？！好正！一睇份量好似好少，但每舊都大大啖肉，同平時食開嘅冇得比！上菜時靚女侍應將一杯點左火嘅vodka  淋上面，十秒後火熄就食得。以為好重酒味，但完全唔會！有酒香但唔苦，味道恰到好處，肉質夠淰，輕輕一切啲肉就離開骨頭，非常好味，又一心機之作…Read More

大概有兩三年冇幫襯過樂天皇朝，當年以新加坡過江龍姿態響銅鑼灣開第一間分店，已經第一時間去試。該店內裝條非常豪華，同旺角呢間差好遠。不過旺角店勝在近我，所以早幾年成日去，最近得炸醬拌麵，叫完一碗再一碗！事隔幾年再去食，已經唔係原本嘅味道了…..用eatigo 訂座食物有八折，點知埋單冇俾折扣，好彩有check 單！…Read More