Suedenerak's Profile

我去親佐敦都一定會幫襯呢間餐廳。Amour Cafe 是一間經營多年嘅老店，老闆一直監督廚房嘅食物品質，所以咁多年來仍然保持食物水準係中上。佢嘅套餐係超抵，包括餐湯、主菜、餐飲及甜品。我今次食米蘭豬扒黑松露蘑菇長通粉。豬扒揀得靚，剪得好香保持肉汁美味。每碟都是即叫即制。佢嘅餐湯都唔馬虎。識煮西餐都知其實要用好多材料去做個湯底。甜品亦都係好出色，我今日食嘅甜品係焦糖燉蛋。有蛋香，但係又唔係太甜。總體來說水準中上。值得推薦👍…Read More

本身唔係住青衣區。疫情前曾經嚟過一次佢個西炒飯炒得好好味。尋日再嚟試埋個豉椒牛肉炒河麵，冇令我失望。 個麵底炸到半脆燶燶哋，個汁同牛肉都好味。賣相亦很好，單點$57我認為可以接受。另外值得一提，就係茶餐廳嚟講佢真係算乾淨企理，而且服務態度非常好，希望大家多啲支持小店👍…Read More

呢一間新店喺舊嘅拉麵位. 食物款式多咗好多, 除咗拉麵仲有定食. 叫咗兩款唔同拉麵都幾好，唔算特別貴. 自家製餃子就OK. 想睇嘅係南蠻炸雞, 好味同埋大碟好食. 環境舒服乾淨，可能始終係新店. 服務員比以前多咗一倍, 大家想喺圓方食餐平平哋可以去呢間…Read More

成日都見到好多人排隊，今日終於試到。果然名不虛傳首先第一件事就係食物質素要好，睇到佢啲食物係靚靚仔仔。種類多又新鮮好味。賣相唔使講睇圖就見到飲埋嘢四餸$72我自己就覺得OK…Read More

Airside 入面都算多餐廳. 呢間嘅入座率都算高.咁今日即管入去試吓.其中一個朋友叫咗澳洲M4和牛肉眼扒蛋包飯, 絕對唔值二百幾蚊. 整體非常一般應該唔會再試。特別想提係服務員嘅態度.有一位着黑衫應該係manager嘅女士都幾大聲，指是啲員工帶客入座。佢係離遠指揮，所以好大聲其實可以細聲少少。佢啲員工大客坐低咗個位佢認為滿意都要叫個客起身掉位，但係佢就冇行埋去講唔好意思淨係好遠咁指手畫腳感覺好冇禮貌。另外佢都有帶頭同其他員工批評啲客，都幾明目張膽咁講，批評啲客麻煩。就算個客人已經離開咗餐廳或者佢坐得遠啲，當事人聽唔到但係你比其他啲客聴到都唔好。希望公司管理層睇到正視呢個問題。…Read More

見到呢間網上人氣極高嘅壽喜燒餐廳就去試吓。我哋兩個人叫咗最貴同埋最平嗰兩set. 晚餐時段，如果order最平嗰set佢會送一塊最貴嗰set俾你體驗吓。先講食物質素，我覺得食最平嗰set已經OK。因為我個人嚟講唔鍾意食太多油份嘅肉。最貴嗰set雖然啲油份平均分佈向肉內，但整體脂肪會比較多，食兩塊已經覺得好「漏」。環境同埋衛生方面，一入去成陣好臭嘅煮嘢食味再加上唔知點解個地板好油立次次咁。啲枱凳其實都唔係抹得太乾淨，硬係覺得油淋淋。洗手間都係比較污糟。價錢方面，夜晚食唔抵，建議大家午餐去食。…Read More

Airside 商場內的店舖已經開得7788. 餐廳都開咗好多.今日去咗呢間Relish Kitchen by ALOT 食午餐. 成個商場啲店舖本身啲樓底都好高，呢間餐廳入去已經感到光線好充足設計簡約舒適。成個佈置設計除咗有足夠嘅餐枱亦都有好多空間走動。食物方面我要用喜出望外形容。叫咗一個天婦羅墨汁意大利飯和一客海膽魚子蟹肉卡邦尼意粉。份量夠水準也高。飲品都好多選擇連sake都有. 我就算食到飽都一定要食佢個甜品, 非常美觀，味道亦唔錯. 兩個人食咗差唔多$700雖然只係午餐，但係好飽而我自己覺得係值得👍…Read More

睇韓劇會好想食韓國嘢韓國餐廳喺香港而家已經開到成行成市。食嚟食去嘅嘢都差唔多。好想搵啲特別嘅韓國嘢食。呢間餐廳標榜係釜山嘅韓國粥。佢粥嘅種類都有好幾款，睇得出入邊每一碗粥都有好多材料，切得都幾幼細，外觀已經唔錯，粥嘅味道非常好味。另外都試咗韓牛餃子，食得多日本餃（主要豬肉或者雞肉）依家鍾意韓牛餃子多過日本餃子，咪睇佢外表實的的，食落又幾好味。誠意推介俾已經食厭咗一般喺香港食到韓國食品嘅朋友。不妨試吓呢間，食完仲有成條街俾你shopping。…Read More

已經幫襯過這間小店幾次. 平日去的話食lunch要12點到先有位, 今日係星期日就12:00去都有位，但係好快都滿座. 一直覺得做咖啡店，但係又做到好嘅食物水準唔容易，但係呢間咖啡室就食物同埋飲品都做得好.今次試咗佢隻法國油封鴨脾Waffle同埋Salmon Poke水準都是非常好. 飲品唔使講啦我上次試咗Sesame Latte 今次試Berries smoothies 👍…Read More

每次到尖沙咀一定去食呢一間船麵。我知道佢同泰國嘅傳統船麵好唔同，但係就係鍾意佢花心思變成地道化嘅船麵。如果你係對食有要求比較講究材料嘅話，一定鍾意。我差唔多試勻佢全部款式嘅船麵。有試過冬陰功湯底，但係都係鍾意船麵湯底。我揀黃麵，麵條彈牙配合埋個湯非常好味。主菜當然係A5黑毛和牛。薄片肉質鮮嫩，帶有豐富的油花，每一口都滲透著肉汁的美味。肉質的鮮美和船麵的彈性完美融合，讓人感受到一種難以言喻的口感享受。其實同灣仔嗰間泰麵比較，我個人係喜歡呢一間多啲。…Read More

本人昨晚一行三人到奧海城這間餐廳吃飯，完全係比佢門口嗰張牛肉壽喜燒poster吸引。因為本人十喜歡吃壽喜燒。我叫咗牛肉壽喜燒套餐。首先當食物上枱的時候發現賣相極差。擺盤都懶、牛肉質素唔好，煮法亦差。上枱食物冇一樣嘢係熱嘅我唔係要求熱到出晒煙。佢碗飯、牛肉壽喜燒、同埋湯連暖都稱不上。好明顯喺廚房攤到凍晒先俾我。附上佢放喺門口張poster同埋我上枱嘅時候食物嘅樣。大家明我講乜。其實佢要用心做好都唔係好難。將個壽喜燒湯底煮到好熱先轉落個砂鍋度，喺面擺生牛肉立即serve俾個客。就算你啲牛肉質素唔係好好，應該都唔會差嘅。我覺得完全係廚房問題唔關服務員事。所以都冇即場反映。不如喺呢度俾大家評下理. $133 +10% 要俾返啲質素個客。希望管理層或管理食物質素人士立即正視呢個問題. …Read More