Kenl's Profile

米線過淋，各項配料味道普通，特別係豬紅冇咩味道，豬潤過熟變硬。在假日非繁忙時間幫襯，招呼都只是普普通通。三餸一碗米線加一杯凍飲共$68。坐低待應沒有主動比清水，好彩叫都肯比，冇叫客人自己去裝水。但簡單一張餐紙也欠奉，想要紙巾額外收$3一包。總體而言不是一個好的消費體驗，性價比不高。…Read More

離遠見到招牌宣傳係車仔麵，咁啱又想食，於是特登行過去試試，可惜味道令人失望。車仔麵餸選擇唔算多，所以都係選咗比較大路的蘿蔔、咖哩魚蛋、豬紅。蘿蔔完全唔入味，唔甜甚至係冇味、而且偏硬、可能蘿蔔本身老，魚蛋味道奇怪、唔係咖喱味，豬紅太老、已經變硬，米粉正正常常，腩汁味道偏淡。整體來講，魚蛋同蘿蔔係車仔麵基本野，做得唔好真係叫人失望，應該不會再來食車仔麵。餐牌上仲有其他小菜，碟頭飯之類，簡單來說似係一間普通茶餐廳。…Read More

昨晚八點幾去到見小人，自己又趕時間，急急入內吃過快餐，點了一客所謂‘巧手小菜’西蘭花炒肉片。本身對食物水準沒有什麼期望，只期待起碼食物起碼是熱的.誰知道坐下才兩分鐘食物已經有得拿，明顯不是即炒。算，好又一餐唔好又一餐，點知⋯⋯⋯一見到我呆了一呆。1. 西蘭花是黃的，像是隔夜餸⋯⋯⋯2. 碟餸不單唔熱，連暖也談不上，d汁是漿糊狀的一pat pat⋯⋯⋯我想沒有幾多間茶記會夠膽用咁既出品比客人食，美心做得出，佩服佩服。…Read More

Walk-in 室內無位，所以要座室外，但30幾度有兩把風扇又唔開wo, 話有客人唔鐘意wo，但我就越坐越熱！附近又有人食煙！一路食又有好多街坊在身傍行過。坐低5分鐘待應先得閒set位同比杯水，之後每次refill水都要叫幾次先有人理。餐具有污積，叫待應換，但收左又唔記得比新既我。食物方面叫了一個沙律、西冷、羊比意大利飯，沙律材料ok, 但唔特別出色；西冷有燒烤味、但肉味無乜；羊比意大利飯，羊肉算幼嫩，意大利ok但份量只屬伴碟。食物質素ok, 3樣野埋單$450左右。但計埋環境、招呼、價錢，就唔覺物有所值，所以應該唔會再去。…Read More