保迪婆婆's Profile

侍應服務不錯，有禮貌，與旁邊外國客人對答不成問題，收碟速度快，每次拎完食物回座位已經收走舊碟。每張枱都放置兩杯水和剪刀，方便客人食海鮮，非常貼心。留意自助餐(我是午餐)價錢只包一杯餐飲，可以加錢任飲果汁汽水，而咖啡則要逐杯計。訂位時要求安排近窗位置，光線充足，可惜風景被植物阻擋又下大雨，功虧一簣。食物質素高，味道不錯，選擇也多，小龍蝦出爐時曾有排隊情況，但好快人龍便消失，可以自己夾。見到有人枱面有迷你漢堡，但係我找不到離場前甜品區出現人龍，拎西餅和sobet都好快，但等候整crepes時間比較耐(waffles反而快)。西餅好睇唔好食，大部分都太甜，而且味道差不多，食幾個已經覺得好濟，反而brownies和chocolate cupcake不錯…Read More

可能因為星期一晚去,好多位唔洗等,但原來只係坐係度等!!快速叫了個招牌情人,睇圖好似好正,好心急想快D食一等就等了起碼15分鐘..望下其他食客,比我們早到既都好似仲等緊.....只不過係錦錦冰,加球雪糕同少少芒果,搞咩搞咁耐? 真係好離譜再等多大約5分鐘先有得食,賣相係唔差,但D芒果係比DISPLAY少好多的食了一啖黑糖冰,真係甜到你阿媽都唔認得,純粹得個甜字,而且冇錦錦冰果種軟滑感,只係覺得食緊D低密度既冰.......D芒果又細塊又薄,唔太新鮮, 店員話D比我地果樽鹽係用於芒果度, 咪試下囉, 無錯就變了咸的芒果, 無言。可能個雪糕球係成個甜品相對最好食(其實係一般..)以$58既價錢,絕對可以食到更多更便宜的,一定不會再光顧!!…Read More

老實的說，晴朗拉麵的地理位置真是店鋪的一大缺點。它對著公路，而且這條街鮮有人經過，即使經過，目的都一定不會是”醫肚”！話說我的第一次光顧，都是誤打誤撞的，當時打算到附近一間韓國料理晚餐，但身為路痴的我不但找不到，更迷路了，既徬徨又肚子餓的我，只好見到什麼就吃什麼．．．．之後便是我和晴朗拉麵的第一次邂逅。自從第一次光顧以來，心中一直記掛著這間拉麵店，終於又有機會再去光顧了這次去的時間大約是十二點半，是吃午飯的高峄時段，拉開趟門，發現已坐了三桌學生，約十五個吧依粗略估計，店面最多只可坐二十五人，有些枱是放置在店鋪的最內位置。隨便找個位置便坐下來點菜了學生餐只需＄２９便有一個前菜（中華沙津或薯仔沙津）一個兩餸拉麵（可以揀檸粉／烏冬．．．）一杯飲品（凍飲不用加錢！）我是有目的而來，當然事前已經想好要點什麼了，不消一會已畫好點菜紙，交給店員店員有禮貌地要求查閱我的學生證和問我要什麼前菜和飲品都大專了還點學生餐，我也有點不好意思呢我點了中華沙津，墨魚餅腸仔拉麵(選了蕃茄湯底)，一杯凍利賓立先來了凍飲和沙津沙津略為過凍，感覺放了在雪櫃一個晚上了味道普通，像是超市買來的，份量作為前菜來說，算是合適利賓立要讚雖然拿來的時候不是凍的，但只要自己攪拌杯內的冰，很快就變身凍利賓立了冰不會很多，足夠使飲品變冷，而且味道適中不會太甜或太淡，很多店鋪都為了減低成品而在飲品加入大量的水，使味道淡得不行身鮮滾熱辣的拉麵隨後而上，麵上配料色彩豐富，頓時間令人胃口大增拉麵量很多差點吃不完! 而且很有拉麵的彈性,非常彈牙,乍看還覺得麵身好像是半透明似的隨了自選配菜之餘,還有數條生菜和粟米蕃茄湯很甜,不過蕃茄的味道淡了點,用作拉麵湯底很適合芝士腸是普通貨,在此就不多評論了墨魚餅真的不能不讚!! 大之餘還有兩個乍看外表已經可以見到有些墨魚吃下去幾乎每口也會發現更多的墨魚而且餅身似乎是墨魚肉啄成,果然足料! 侍應都很好,我吃了很久也不會催促或給予臉色我結帳…Read More

一直以來都是pepper lunch的fan，學校附近又有分店，有機會當然要支持一下這間分店是處於奧海城的food court內,要先自己找位子才好購買！好不容易在它旁邊找到座位，還不趕快排隊要了兩個黑椒牛肉飯，其中一個另加芝士和蛋拿了收據回到座位等叫號碼由於當時很多中學生和上班族，等了良久才輪到我們呢！建議大家可以在這段時間先倒醬汁，醬汁有三種：辣醬﹑蜜糖醬和蒜汁飯到手了！因為牛肉是生的，要用鐵板的熱度令牛肉變熟，所以一定要把握時間！快手快腳把鐵板捧回座位，便用湯匙把牛肉反到另一面，要使到牛肉熟之餘又不可以變焦錯過了時間便要吃生／焦牛肉的了！鐵板不斷發生'炸炸''的聲音,令人心情大好 食欲大增一邊攪拌,一邊加醬汁,令醬汁可以更入味我因為加了全部三種醬汁的關係,整個飯的顏色都變深了但看起來更吸引我呢!這時候不單傳來黑椒的味道,更嗅到了各種醬汁的味道配菜雖然只有粟米,但份量很多!每口飯都可以吃到粟米,而且很甜!牛肉絕對是整個飯的重點! 份量剛好,咬起來不會韌每塊大小也是剛剛好!飯也很好吃,有珍珠米的口感友人的牛肉飯加了芝士和蛋,較我的豐富而且看到她吃的時候,芝士還一絲絲的沾在飯上,後悔極了飯量雖然看起來不多,但整個食完還是非常飽! 心滿意足因為是熱鐵板的關係,飯比較耐熱,吃到最後還是溫熱的因為鐵板是平的,而且只提供羹的關係,飯吃到最後很難用羹'不'起飯麵豉湯有豆卜條 對我來說頗為新鮮但味精很重,味道太濃,飲出黑椒的味道比飯的味道還要濃呢! 這湯不喝也沒有損失$39對學生來說還是有點小貴, 但閒時吃一次還是很不錯的!…Read More

本來係去桂林街果間,但見到鋪面又細,又FULL晒人,睇地圖見到隔離條街有分店,即刻過去睇下先褔榮街呢間分店大好多,而且裝潢都好d睇落乾淨d,雖然入面都係full晒人係門口等咗5分鐘左右就有位啦入面d枱擺法好似譚仔,都係圓枱中間擺晒d筷子調味料而menu入枱玻璃入面有一張,枱面都有一張過咗膠既2個人叫咗一個牛腩蝦子撈麵同一個雪吞蝦子撈麵枱面有一樽醃蘿蔔,早就係openrice聽聞過,當然一定要試下店家好細心,已經準備好一d細碟仔比我地用來食蘿蔔樽入面都有隻專用spoon,唔洗驚食人口水尾蘿蔔size正正方方,唔洗咬,一粒一啖,都幾爽口但食落覺得蒜味好重 蓋過咗酸味,食咗兩三粒就停口lu等咗唔係好耐,麵來了牛腩蝦子撈麵$35麵上既蝦子果然毫不留手地多陣陣蝦子香味撲鼻而來我唔鐘意食凍咗既食物,所以即刻撈好d麵即刻食先撈撈下發現麵底下原來有3條菜心 原本打算叫碟油菜,依家唔洗lu因為蝦子好多既關係,條條麵都沾滿蝦子,食落好心滿意足 麵條放入口都feel到一粒粒既蝦子,非常有口感蝦子味道不太突出,反而麵條很有鹼水既味道,有濕道之餘又不會令醬汁好稀撈麵原來都附送碗湯,係鹼水湯,但太甜啦雲吞蝦子撈麵$35得兩隻雲吞 但係出面睇似乎幾足餡蝦既鮮味都幾突出,連埋d湯一齊食會又甜又鮮,不錯不錯!…Read More

一行入門口已經人山人海趕快去排咗隊先牆上有貼幾幅熱賣小食既圖同價錢,賣相相當吸引收銀睇黎非常熟手,又可能賣既小食種類不多,好快就到我地要咗$9/5粒瑞士肉丸同$6熱狗收銀既隊頭就係拎食物既隊尾,相當有效率呢!見到waiter已經準備好一份份既肉丸同熱狗,用收據同佢一手換一手肉丸仲係熱辣辣,肉汁多,而紅莓汁就靜係沾係一邊,可能驚有d人唔鐘意呢隻醬肉丸淋得黎幾好咬口,每次咬都會有肉汁流出,相當不錯但本人覺得紅莓汁同肉丸味道不太配熱狗拎上手,係暖暖的有點意想不到熱狗醬係自助要自己"芝",有茄汁同黃芥末,想要幾多就芝幾多其實熱狗食落係普通貨色黎,包同腸仔都冇特別,睇黎呢樣食物係以平價吸引, 但下次我都會買熱狗試下因為場內好多人,我地係垃圾桶隔離搵到位企但發覺場內都有幾張小圓枱同幾張一兩張長櫈,的確有讓人可以留下休息一會的感覺垃圾桶旁的地上有不少醬汁,但情況不太嚴重,可以接受而且拎食物既地方仲有紙巾提供! 非常貼心…Read More

撞正starbucks搞買一送一既時段,當然唔可以錯過啦不過今次靜係可以揀指定飲品,仲要得兩個選擇....朋友之前飲過青檸果杯,話唔好飲,所以今次要咗兩杯野莓芙蓉口味既收銀唔係問我要咩size,而係拎個中size既杯問我呢個size夠唔夠不過其實太大杯一個人都飲唔晒,就要咗佢個中size, $29 兩杯,係starbucks黎講真係好抵架啦等既期間,waitress整好兩個綠茶星冰樂,用好快既英文講出佢個名,第一,唔會聽得切第二,有冇人真係會理杯野個英文係乜(除咗老外)我明白佢係標榜自己係外國cafe,但諗深一層,唔通係香港既法國餐廳,就要用法文?廢話講完,兩杯冰凍既飲品到手了拎起手既第一感覺:好重手睇佢杯野都係就咁果汁,又唔會星冰樂混埋沙冰,好奇怪點解會咁重仔細一看,原來成杯都係冰黎d冰真係幾乎到杯底!連飲管都差d插唔落真係唔知幾嬲定好笑飲落夠冰凍(....)入面有幾粒(應該係)紅莓核?本人覺得係裝飾用途,務求令杯野睇落冇咁"掛"味道方面,酸甜適中,但飲唔出紅莓既新鮮,只覺得似係出面超市買既紙包飲品....外表的確有消暑既感覺,而果汁都好配合今次主題,唯質素有下降趨勢飲完之後,冰仲有一大杯好奇果汁有冇一半呢?…Read More

幾乎次次行過肥媽都見到一大條人龍排緊隊等我又加入先雖然話好多人幫襯，但其實唔洗排好耐就到自己店面寫明每串五蚊，大生腸或者墨魚就要十蚊我地要咗雞腎ｘ３，生腸ｘ２，墨魚ｘ１　要甜醬同芥末醬店員好快手，睇黎係不斷重複咁做呢個動作，我諗合埋眼都識佢先將一串串放入類似油？咁既醬汁入面，再拎起擺入紙度加醬，ｄ醬真係一ｄ都唔留手正常佢係盲咁用紙包比你，你想拎走既話記得要膠袋！雞腎$5：好爽口食落都幾新鮮，而且份量都算多，有大舊有細舊生腸$5：生腸痴得好埋，份量好多:ｄ　好好咬口　　　 最唔鐘意出面ｄ生腸入面有白色膏，呢間冇墨丸$10：唔un幾易咬　不過十蚊串既話我寧願一串換兩串咬出來既時候容易淺到ｄ醬係身，食果陣要好小心！其實果度滿地都係其他人滴底既醬，都幾污糟架多數賣呢ｄ既鋪頭都會整自己既醬汁，但呢間就咁用甜醬同芥末就取勝　簡單就是美…Read More

係百老匯電影中心睇完戲，呢度附近唔太熟，除咗煲仔飯真係唔知有咩好食見到呢間粉麵鋪咁近，而且睇戲之前見到入面又咁多人幫襯，我諗難食極都有限掛？打心一橫，好又一餐唔好又一餐，一於入去試下先！果時係十點過ｄ，有個阿姐見到我企係頭口就出黎叫我地入去，入到去一坐底就問食咩叫我地快ｄ講，因為佢地鋪頭十點半收當時有點被騙既感覺　係咁趕就唔好叫人入黎仲要搞到要食得好趕！我睇menu,係最遲果個落order,阿姐企係度等我等到唔耐煩,話想食咩就咁同佢講, 唔洗咁搵但我都需要知道個價錢掛?份量唔多，有五條，菜心頭好大食落真係普通，似係開始變琳既菜菜葉有Ｄ”鞋”，反而菜頭會比較有菜心味呢個魚皮真係要讚，非常脆！而且浸咗落湯會聽到’炸炸’聲　吸湯吸得好快一唔小心就好易太琳架啦！佢炸得唔厚，從外表都仲見到魚皮本身既色澤擺入口好易咬，唔會痴牙但越食越咸...睇落好似幾單調，四粒偏細既墨丸同鹼水麵就咁睇麵既份量好似少Ｄ，但其實係因為麵好幼身，其實份量都幾多架！講下個湯先，鹼水既味道唔係話太重，算係中規中矩魚片:爽口,d皮幾好食雲吞:size細咗dd,但d餡都叫足料既,雲吞皮唔會一夾就爛河粉:份量好多 d粉好滑魚皮餃皮煙un又唔會難咬,但就細隻咗d(好似d乜餃乜吞乜丸都比較細粒)雖然油菜係普通,但試過麵同魚皮都唔錯d粉麵都好大碗,咁樣除開3個人每人$30都算抵,食得好飽有機會會再試…Read More

其實呢間YUMMY MUMMY開咗好多年架啦，我細細個已經見到佢係度！老闆同老闆娘依家睇落年紀都有返咁上下了！我諗佢地鋪頭最多人買就係雪糕，但自從隔離開咗「手作之店」之後，就好多客人都「過當」去果度！次次行過見到手作排晒長龍，但YUMMY MUMMY就人丁單薄，真係有ｄ心ｕｐ雖然依家ｄ甜品﹑雪糕店開到成行成市，但真係好食既就只係廖廖可數，而且就算好食，價錢都好貴，平均都要＄２ｘ一個甜品，講真真係食到一餐架啦！有ｄ鋪頭華而不實，有人氣有名氣但食過就知係咩一回事。相反呢間YUMMY MUMMY可以捱到依家，一定有佢既理由！先講佢既服務態度，我係晚上十一點幾先去幫襯既，當時我一行埋去，老闊就已經比條木條我試下雪糕味，上面有荔枝同雲尼拿荔枝味好清新同埋好重既荔枝味，夏天食一流！而雲尼拿味冇乜特別，但都幾滑試完之後，老闊又問我想試咩味，好似想比我試晒所有味咁其實我黎之前已經有心水，見到老闊咁ｎｉｃｅ，真係想幫襯佢買多幾個球！但因為個晚餐仲未落格，所以都係細細地＄１０／３個細球算了。其實＄１２／５個細球真係好好好好抵！　但真係驚食唔晒晒咗３個細球好快就到手非常有動感既雪糕球綠茶：綠菜味濃雪糕球幾實正！推介！菠蘿：甜而唔酸，係軟身咗ｄ，同快溶提子霖酒：普通朋友叫咗２個大球既雪糕筒，真係好大個雪糕球！好重手薄荷朱古力：超正！好多朱古力　薄荷味可以濃ｄ食完一定好飽總括黎講，ｄ雪糕真係物有（超）所值！而且食物ｄ格價升得咁勁，但佢既價錢不升反跌而且保持到食物質素！真係想講一句：你仲想點？…Read More

其實一開始已經諗住去呢間，行行下見到，咁就買黎食咗先本人對紅豆餅冇乜興趣，所以試佢既手卷，我揀咗蟹柳蟹子腸仔手卷＄２０當時冇人排隊，我見個女人即刻整比我，整既地方好似就係收銀既隔離見到佢唔知有冇洗咗手先啦，冇戴手套整比我唉算啦，當佢對手乾淨啦唯有等咗幾分鐘，有ｄ慢．．拎上手，發覺好似有ｄ熱，但摸下又唔係丫，係凍架喎之後發現原來條腸仔係熱既，其他都係凍既，好奇怪佢比我之後淋咗ｄ豉油係面，面果ｄ食落有ｄ咸，之後ｏｋ腸仔普通，超市果ｄ廚師腸；蟹子好似加咗ｄ醬，咸；蟹柳又係普通．．．．食完真係唔明點解咁出名？其實自己整都整到＄２０黎講貴咗ｄ，呢個價錢係出面可以食到更好的…Read More

坐底決定好食乜之後諗住叫個阿嬸過黎叫野食,但佢好似好忙,叫咗幾次都唔過黎,對面有一堆人又想叫野,坐係佢地旁邊一個包緊芒果糯米糍既女人就叫佢地就咁叫,會整比佢地但佢地有成十幾人,跟住一次過講晒出黎,我見根本冇人聽同冇人寫底,廚房d人完全冇反應, 我忍唔住笑咗出黎幾經辛苦,阿嬸終於幫我地寫野啦叫咗芒果糯米糍,什果水晶涼粉,芒果腸粉芒果糯米糍$8好大粒,皮薄,好快就咬到舊芒果 好大舊芒果呀芒果夠甜唔酸,而且唔會有水流出黎不過d粉就多咗d,而且好散,整到周圍都係雖然標榜話芒果係大大粒,但$8對我黎講都係太貴,唔值,可以買到2個芒果lu什果水晶涼粉$20芒果甜,份量都算多;涼份係用透明果隻,甜甜地;夠凍但又唔會凍到牙都震 消暑一流大碗,食完好飽芒果腸粉$20本以為腸粉係全部腸粉,只係加芒果汁比你原來腸份入面係包住好大舊芒果d腸份好"煙un"好薄,佢每條已經切開咗4份,但切得唔好,仲係有d痴住芒果汁稍為甜咗少少,而且太稀擺入口之前好多時腸粉同芒果已經分開,食果方面有d難度味道還好,原以為黑腸粉係唔同味道,點知係一樣的呢個賣相同創意吸引,但味道唔會吸引我食下一次店內枱面擺晒d膠叉同, 用膠盒裝住自己拎,都算乾淨但人地食完d碗碟就好耐先有人收,可能因為得一個阿嬸做,唔得閒啦店內不斷有人入黎,睇來好好生意,滿座既時候好似有人想黎堂食,阿嬸就表示如果淨係食芒果糯米糍既話就冇得堂食淨係可以拎走食…Read More

係Emax附近返工，食飯係最煩!因為呢到ｄ食肆都好貴見到有間食日本野，見個價格又唔貴，一於買回公司試下！我要咗個咖哩雞扒飯，想食辣之餘又貪雞肉易咬外賣盒設計得幾靚，但竟然就咁用卡紙？就咁摸已經feel到好熱，仲聞到d咖哩味tim返到公司，仲係熱辣辣架打開發現入面ｄ飯好多，而且仲有兩塊雞扒心想會唔會係放多咗呢？唔理啦，一於開餐先雞扒果然好易咬，唔洗用刀都ｏｋ厚度適中，而且熟既程度都岩岩好，見唔到有’隆’雞扒同ｄ咖哩既味道配合得好好唔知係咪我太肚餓誇大咗呢係底ｄ汁雖然唔係好多，但都夠用黎撈飯個人覺得配菜－薯仔好好食有ｄ硬度，食落好重薯味但可怕薯仔好細粒同埋好少好滿足既一個午餐有機會一定再幫襯…Read More

黎到長洲當然乜都試下,見openrice呢間既好評都幾好,而且好多人幫襯,就試下啦兩人share一串炸豆卜, 叫完婆婆就即刻炸比我地,都炸咗成2-3分鐘先比我地用廚房紙巾包住比客人好快已經見到紙巾有好多油,心知不妙了岩岩炸完好熱!!!!! 千萬唔好即刻食,條脷都熟面頭金黃色賣相吸引但見到肉唔係估好多食落口,好多油 一咬d油就流出黎,成口都係味道方面,肉咸咸地其實都ok,炸出黎既皮都唔係話好厚都接受到但sorry, 一次就夠了…Read More

去百老匯電影中心睇完戲，當然要試下附近出名既四季煲仔飯啦本來以為佢個名都係求其改既，依家先知佢地ｄ煲仔飯真係四季都岩食！都係咁多人去食基本上係一坐低佢就問你食咩....大佬連menu都未睇到呀好彩我之前食過已經諗好2個人叫咗牛肉飯﹑牛肉滑雞飯﹑細蠔餅阿姐好快拎咗杯同餐具黎，旁邊有熱茶可以自己倒黎飲／洗餐具我就用黎洗啦，旁邊坐左兩個男士，有個大既舊鐵盅，以為係用黎裝洗完既水，原來係人地叫既湯黎架　差ｄ就倒咗落去因為個場大，好多人好嘈，而且都幾逼，ｄ枱係同隔離痴埋一齊的等咗大約10分鐘，先黎個牛肉滑雞飯，阿姐問我仲欠咩野，仲一次過收埋錢真係好驚佢收咗錢又漏單，到時真係口同鼻ｒ個煲好熱，千奇唔好就咁用手開蓋一打開，陣陣牛肉同雞既香味就湧入鼻度ｄ餸既份量幾多，有切條既薑，但食落冇乜薑味枱面有豉油要自己淋，但唔洗手軟的，因為ｄ豉油係冇乜味架！！！我淋到成煲飯都黑晒，但都係唔係好覺有咸到－＿－牛肉唔un, 仲好好咬口,牛肉同飯既份量比例相配飯冇乜特別，但有飯焦！正！痴住飯煲既飯焦好難整出黎，有ｄ整出黎仲係窿既滑雞果然好滑，切到細細舊易入口唔洗咬牛肉同滑雞既味道都幾配略嫌碗仔好細，可以就咁用個煲黎食萬眾期待既蠔餅出場size比我想像中大，但食落先知係同我想像中一樣金黃色既賣相不得不比滿分佢！雖然炸得厚身咗ｄ，但食落幾脆，入面ｄ料就保持鮮味，而且好足料，幾乎啖啖都食到蠔架！…Read More