georgefung118's Profile

之前朋友一直話要介紹我去一間好有特色同高質嘅火鍋店今日終於有機會同佢試吓，試完覺得真係無介紹錯。呢間火鍋店嘅裝修真係好有特色，充滿住宮廷嘅味道。聖旨到！呢度嘅湯底好多選擇不過我見好多人都揀咗呢隻康熙花膠雞湯底所以最後都揀咗呢款。個湯真係好濃郁好鮮甜，喺落雞之前我已經飲咗兩碗先停口，啖啖花膠真係好滋補，而d雞本身已經七成熟就咁放落個湯底滾一滾就食得，既嫩滑又不油膩。手切頂級安格斯牛肉，擺盤十分霸氣因盆中放置左乾冰，牛肉脂肪分布平均，高質素。黃金炸響鈴，炸嘅時候，有好香嘅鹹蛋黃係上面，第一次食，真係比一般嘅響鈴好食好多，食到停唔到口。特濃冰凍洛神花茶，甜甜酸酸好開胃最尾仲有木瓜雪耳糖水送，俾大家清下熱氣。…Read More

同朋友夜晚好random地去食肉餅哥，叫左兩個肉餅餐。肉餅可以揀煎或者蒸，我地揀左泰式冬蔭公汁肉餅（煎），同足三兩花膠肉餅（蒸）。先上湯，好飲。跟住泰式冬蔭公汁肉餅（煎）上黎啦，都好多汁下，外脆內軟口感都ＯＫ，又唔算好辣，有d估唔到，平時食肉餅都係蒸嘅多，煎出黎又幾好味，唔錯唔錯！跟住試佢推介嘅足三兩花膠肉餅（蒸），真係好多花膠。。幾層咁。口感好特別好煙韌。花膠下面係肉餅。。配埋D麵都真係好充實下。。下次會想試埋煎版既花膠肉餅。。好似會仲脆口D！本來想叫埋果汁飲，但已經無晒，又唔想飲汽水，叫左兩枝水。…Read More

平時都好少去港島區，咁啱嗰日要車女朋友去港島區，梗係要去搵啲好嘢食啦，而佢就帶咗我去呢間餐廳食日本野，估唔到又幾好食，啲人招呼又周到。我平時好鍾意食魚生飯，而呢個魚生飯用既食材都好新鮮，真係好好味。好肥美嘅拖羅，入口即溶。女朋友最鍾意食嘅炸豆腐，好滑。好肥美嘅壽司，絕對值回票價一上枱已經聞到好濃既酒香味，食落去浸味好夾， 啲湯都好好飲不過唔敢飲太多，驚揸唔到車哈哈。平時食嘅燒茄子上面有好多香料，呢隻比較清淡，食出茄子嘅原味。…Read More

第一次黎依間位於尖東既越南餐廳食晚飯, 仔細望餐牌已經諗好耐, 因為有好多選擇, 樣樣都好好食咁, 最後揀左以下幾道皇牌必食 :前菜-燒大蝦柚子沙律柚子沙律係喜歡柚子既人必食的, 酸酸甜甜, 柚子十分新鮮, 更值得一提當然係沙律上面兩隻燒大蝦, 大蝦燒得剛剛好, 外殼十分香脆, 蝦身就保留到肉汁, 肉實十分爽口前菜-小食拼盤小食拼盤一上就知係必食冇叫錯, 雞翼炸得好香口, 蝦餅好彈牙, 外脆內軟, 春卷包得好足料, 咬入去口感層次特別豐富主菜-大娘皇牌火車頭/湯牛河別以為這是普通湯牛河, 其實入面有齊,生牛肉, 牛展, 牛丸 , 牛柏葉, 牛根, 份量足夠二人份有餘, 而且每樣材料都好入味, 一定要試…Read More

最近係尖沙咀做野，今晚經過附近所以黎試吓呢間。鋪面唔算好大，所以黎之前要先book位啦，唔係就好似我咁要等下先入得。今晚唔算話好肚餓，所以食咗少少咋。首先梗係要試吓我最愛嘅牛舌啦，呢度嘅燒牛舌大大嚿，咬落去唔會太硬夠爽口，奬勵下自己食隻蒜蓉開邊蝦，蒜蓉燒得好香，蝦亦都夠新鮮彈牙。不過如果隻蝦再大隻啲就好啦哈哈。牛油焗雜菇亦都係我燒烤嘅至愛之一，呢度份量尚算大份，而且有唔同嘅菇類，食得過癮。呢度價錢唔算貴，同朋友小斟一杯都算係忙碌中一種享受。…Read More

朋友介紹西貢開咗間新派泰北菜，所以今日專程來試吓。呢度星期一至5有得免費泊車，而且喺正餐廳隔離，非常方便。餐廳內部設計得好有典雅氣息，但因為呢排天氣開始轉涼，所以我哋揀咗坐露天位置都唔怕熱，而且景色仲好靚添。勾起左去泰國華欣嘅回憶哈哈。先叫咗一個經理推薦嘅泰北菜式，黃金菜配蝦，黃金菜雖然以炸嘅形式烹調，但食落口唔覺油膩，健康得來又有食煎炸野嘅快感。咖喱蟹嘅咖喱相信遷就左香港人嘅口味，咖喱唔會太辣，亦唔會濃到遮蓋左蟹肉嘅鮮味。芒果糯米飯亦都值得推薦，溫軟嘅糯米飯配上清甜嘅芒果，為今晚晚餐畫上一個值得回味嘅句號。…Read More

今日經過深水埗附近做嘢，順便來呢間好出名嘅粉面店試吓佢嘅豬潤米啦。平視我都比較鍾意食內臟之類嘅粉面，雖然製作上比較簡單，但重視嘅係食材本身嘅新鮮度，新鮮嘅食落去感覺上真係好唔同架。今次呢間粉面店嘅豬潤米份量都幾大下，一碗已經有好多舊豬潤，最可惜嘅係冇得揀黃沙潤，有少少失望。但呢隻豬潤食落去都冇咩異味，可能都被酒醃過。但略嫌煮得熟咗少少，失去左嫩滑口感。湯底係我想要嘅嗰種口味，冇另外特別調味，用嘅係豬潤淆製出嚟嘅湯汁，非常鮮甜。…Read More

呢間韓國炸雞連鎖店相信大家都唔會陌生，呢間店嚟咗香港都有一段時間，今次係我第一次來食。炸雞有好多種口味可以揀我揀，我揀咗最熱門嘅嗰隻，我哋兩個人來食，諗住叫一份炸雞都唔夠食啦，點知炸雞嚟咗之後，原來係今大分架！ ！ ！所以我哋好努力先食得晒，味道方面幾好，隻雞係幾新鮮，唔同一般香港炸雞店。而且食炸雞之餘亦都會有免費嘅配菜配送，例如醃蘿蔔，方便解油膩啊。不過就幾多人等位下架，我哋都等左成半個鐘先有得入座，下次去記得揀返平日呀。…Read More

今日經過長沙灣呢頭，因為要去政府合署整啲嘢，所以喺附近食咗個lunch。呢間係間泰國粉面店。感覺上裝修俾人感覺乾淨，衛生程度唔錯。因為一個人來食，所以叫咗個湯粉就算。湯粉嘅湯底可以揀清湯或這冬陰公湯，我揀咗冬陰公湯，而且仲可以揀埋辣嘅程度添，我揀咗小辣咋，因為唔知辣嘅程度有幾勁。而配料方面我揀咗豬扒，豬扒係炸過先放入湯入邊，因為我都即刻食所以豬扒都仲脆口冇，湯底味道亦都夠晒味，入邊仲有唔少配菜例如芽菜等，一個人都勉強夠食架啦…Read More

一向都好鍾意食四川辣野嘅我終於比我係屋企附近搵到一間幾正宗嘅四川菜啦，呢間麻辣魚館最出名就係佢嘅水煮魚，而且仲可以揀辣度，我通常都揀小辣，但都已經好惹味啦哈哈。水煮魚用嘅係生魚片，而且係重點係冇，骨，架！ ！！啱晒我呢啲咁懶嘅人哈哈。i多碗白飯，一啖魚肉一啖白飯好正啊。唔好睇個煲咁多辣椒，其實唔算好辣，已經調校到適合香港人嘅口味，而且保留四川風味。講返份量先，呢個魚煲嘅份量已經足夠二人食用，而且下面有少量芽菜同薯粉。…Read More

好開心呀！ ！頌富終於開咗幾間新嘅食肆啦，可以試吓唔同嘅餐廳啦。今晚嚟咗呢間上海餐廳，感覺唔錯。我哋一行四人，叫咗炒飯，上海擔擔麵，冷盤拼盤，同最豬腳。我最鍾意食個炒飯，炒飯好大碟，而且都幾多蝦仁，蛋炒飯炒得好都幾好功夫，所以我覺得呢間餐廳OK架。而上海擔擔麵我就冇食，但我屋企人覺得花生醬味重咗少少，而d麵質都算彈牙，啲冷盤我最鍾意食雞絲粉皮，連埋啲青瓜擺埋落口好正下架。而豬手就唔太夠酒味，但都幾好咬口。…Read More

趁着紀念日同另一半嚟到自助山試吓佢，黃昏之前嚟到個景真係好靚，地板仲會自轉，欣賞到唔同角度嘅香港風景，哈哈希望另一半都覺得浪漫啦。呢度嘅海鮮冷盤選擇比較多，啱晒鍾意食海鮮嘅我哋。之後仲食咗好多熱食架，不過冇影到。到最後食甜品先開始影返，佢啲甜品都好多選擇架。…Read More

今日去行山，所以好早就出咗嚟食個豐富嘅早餐。朋友介紹所以嚟咗呢間餐廳試佢嘅蕃茄湯底粉。食落蕃茄味好濃郁，我估啲蕃茄應該落咗啲糖，多士都幾脆，但塊豬扒就好似有少少縮水哈哈…Read More

因為住喺附近，通常都落嚟呢間食下午茶。今日叫咗豬扒炒烏冬同炸雞比。豬扒炒烏冬份量唔細，應該有成兩個烏冬係入邊，個汁整得幾好味，豬扒份量多，但比較鹹。雞髀平時炸得幾好食架，但今次呢個有啲lone:(…Read More

呢間啲雞扒係我食過咁多間入邊最好食嘅，呢間係用有骨雞扒去炸，而我覺得有骨雞扒好食過無骨。每次嗌都係即叫即整，新鮮熱辣，仲可以揀唔同味粉同埋腌料，我鍾意揀香辣味，炸完再撒味粉，正！…Read More