heidyowo's Profile

EMI搬左去大西北都好幾年, 呢間由搬入黎bookmark左到最近終於有機會去了! 呢度環境好chill, D野好好食, 仲係pet friendly嘅添!佢地收6pm, 我地去到已經4pm了, 有部份野食都已經冇左, 今次主食就叫左個新墟All Day同埋No.1還原豬柳強Pancake配邪惡芝士脆薯格~all day breakfast有佢地自家製嘅sour dough, 好軟熟! 至於個還原豬柳強Pancake呢, 冇記錯佢地早係香港mcdonald未有mcgriddle都已經出左呢個pancake, 有對比下我覺得佢仲好食過mcdonald, 佢冇咁甜而且香軟好多!! 🥞咖啡我地就叫左花生奶蓋鮮奶咖啡同埋手工焦糖脆脆凍鮮奶咖啡, 花生奶蓋都比我想像中濃, 都幾唔錯~☕今次MVP一定係特濃開心果煉奶西多, 佢完全做到港式西多嘅feel, 只係入面花生醬轉左做開心果醬, 除左夾心之外面頭都仲有一層醬, 食落好濃郁好香果仁味又唔會死甜, 配搭埋vanilla雪糕完全係綿上添花, 大推🤌…Read More

好似好耐冇介紹過西餐了，今次黎到土瓜灣食中東菜Lamees，店鋪小小但異國風情嘅氛圍令人感到好舒服，睇番menu介紹，大廚為香港人嘅口味設計融合菜式，都幾期待🫢Octopus $150呢個西班牙式八爪魚睇落好似好簡單，但作為小食非常開胃，配上檸檬、蒜片同橄欖，食落好鮮嫩，肉質軟熟又有啲彈牙。油香同酸香一齊爆，味道好有層次，鍾意海鮮嘅朋友一定要試，唔會失望🐙Baid ganam - Lamb Testicle (羊睪丸) $160第一次食羊蛋蛋，印象非常深刻，呢道菜係約旦冬季嘅家常小食，味道好溫和，完全冇奇怪嘅味道，口感似帶子咁軟滑，都幾唔錯！煎完加咗蒜同檸檬汁，清香得來又有層次，配橄欖油同西芹，食落唔會覺得膩，都好值得試下🔥Silk Road Lamb Pappardelle $245呢個羊肉意粉都好有特色，羊里脊好嫩，好有羊味但完全唔羶，甜椒同孜然炒得好香，仲有自家製蕃茄醬，味道好夾！意粉加左莞茜提味，清新又有濃香，感覺到嗰陣阿拉伯同中國嘅文化交融，鍾意濃味嘅要試試🍝Kanafeh $105Kanafeh係中東甜品，碎酥皮好脆，入面包住甜芝士，淋上玫瑰糖漿，食落好有層次！烘焙嘅香氣同奶香好match，甜得啱啱好唔會膩，係一道好有風味嘅甜品🧀Mai Po - BBA Imperial Stout $95呢款酒入口先係甜味，之後有陣陣香草同焦糖嘅香氣，再黎就係濃濃嘅焗咖啡味，酒體好厚實，色澤深褐，泡沫似奶油咁滑，入口好柔順味道好有特色🍻整體黎講Lamees嘅食物都非常有特色，價格同份量都好合理，好適合想試下異國美食嘅朋友，有機會一定要試🩵…Read More

一直bookmark左十個世紀呢間位於灣仔既叻沙餐廳，上次去既時候食閉門羹，今次終於成功一嚐，冇諗過平日2點幾都要排陣隊店內座位唔算多，比較適合1-2人去。環境唔算得上話坐得舒服，經過食一碗麵啱啱好本身好想試埋咖央多士，但最後都係忍口淨係叫左一碗娘惹叻沙🥹NONYA LAKSA LEMAK $115湯底濃郁既椰子雞味，配埋鮮蝦、魚蛋片、雞肉、豆卜等，麵比較似米線個種粗度。雖然有少少辣，但好快就食完一碗！差d飲埋d湯…Read More

忽然又凍左兩日, 同BFF去左間主打食羊嘅鋪頭小聚, 佢地唔只可以打邊爐, 仲有串燒食, 當日我地就兩樣都有食, 我地係鍾意食羊但又驚有羶味嘅麻煩人, 食完之後感覺非常之良好! 講吓打邊爐嗰部份先, 醬料係可以自己出去攞, 職員叫我地可以試下紅腐乳醬同埋韭菜醬, 我哋見平時好少地方有呢啲醬就攞咗少少試吓, 係好特別嘅, 但Emi投降😂羊肉方面我地叫左羔羊後腿肉同埋百日羔羊肉, 當中羔羊肉好軟嫩, 烚完都仲好滑, 口感唔似食緊羊肉, 後腿肉就比較有羊味, 但記住係完全唔羶嫁🫴🏻至於啲串燒都好出色, 佢啲調味好正, 唔係用好多香料去醃到冇晒肉味, 除左個羊小排比較多肥肉之外全部都好好味, 有個肥嘟嘟茄子嘅蒜香味超正呀🧄老細(應該係?)好friendly, 見佢滿場飛同客人傾下計講下笑, 加上鋪頭環境好舒服, 樓底夠高空間感十足唔會好焗促, 令到成餐飯都食得好輕鬆, 仲有就係間鋪頭嘅裝修充滿玩味, 海報都好有特色, 每張枱上有句耳熟能詳嘅歌詞, 呢個就留比大家去發掘下啦!…Read More

銅鑼灣點心館嘆米芝蓮級師傅手藝✨今年9月在智選假日酒店內新開的點心館，除了結合中西美食元素，更請來米芝蓮廚師製作點心！館內擺放了多件藝術擺設，有種回到古代感覺🔙蟹粉大湯包 $58@｜蟹粉籠仔蒸飯 $248八味招牌蟹粉系列採用南京固城湖直送的大閘蟹製作獨家配方蟹粉。個人覺得大湯包必點，一篤爆個皮滿滿的蟹肉和蟹膏都湧出來，不得了，味道鮮甜之餘蟹膏都蠻香濃🦀而蟹粉蒸飯上面鋪滿滿滿的蟹粉，飯有點花雕酒的味道，比較失望的是比較普通的白飯，有點浪費了蟹粉🥺蟹粉系列之外，還有點了手工燒賣 （$52）和叉燒腸粉（$46），而紅色寶盒是入座送給每位的蛋花酥，不要抱期待😂…Read More

自從開幕之後已經bookmark左，有日去開灣仔個頭順便行去買返杯朱古力飲😙成個menu都係圍繞住朱古力，主要分為100%無糖純可可、黑朱古力、特色朱古力、可可茶和咖啡☕️每款都採用不同產地既朱古力，例如純可可用非洲、朱古力茶用尼加拉瓜、黑朱古力用比利時，抹茶同焙茶用日本既小山園。本身糾結左係73%黑朱古力同雙重朱古力，最後都係揀左有朱古力醬既凍雙重朱古力（$58）🥳雙重朱古力會標配全脂奶，唔會好甜…Read More

拉麵、沾麵相信大家都食唔小，撈麵唔知大家又常唔常食呢？今次Emi去左Yoho Mix開左唔係好耐嘅麺屋こころ食日式撈麵，呢度個裝修係以黑白色簡約風為主，完全唔係日式傳統嘅佈置，感覺都幾新潮明太子忌廉撈麵 $99通常個menu有明太子嘅野食Emi都一定會叫，呢個撈面主要就有豬腩肉、明太子同埋生蛋，忌廉汁中和左辛口嘅明太子，成個味道都好柔和，好似食緊西式意粉咁肉の地獄 山椒胡麻冷撈麵 $129呢個撈麵有叉燒片、辣肉碎、紫菜碎，再加埋好多重口味嘅配料例如紅洋蔥、炸蒜、芫莤等，味道小小麻小小辣，感覺好fusion店員喺落單後就會送上一個牌仔，介紹番兩款撈麵嘅建議食法，例如係加入黑椒碎，或者係雪梨陳醋等等，令到麵嘅味道有唔同層次，食到最後仲可以問店員拎個迷你白飯撈埋啲醬汁食，Emi就覺得個飯簡直係神來之筆，啲醬汁超級送飯啊🍚雞皮餃子 $46抹茶草莓拿鐵 $42培茶奶蓋拿鐵 $52…Read More

又到咗帶毛小孩脾脾出街搵食嘅時間🐩呢間餐廳喺海堤灣畔，有室內同埋室外嘅茶座，室內裝修都幾有東南亞色彩，下午茶時間唔多人食，但係到咗黃昏差唔多天黑嘅時候就好多外國人陸續入黎啤啤佢，天氣好都真係幾chill幾正，精選咗兩個菜式Emi覺得幾好食嘅介紹一下Yum Sum O 泰式柚子沙律 $88呢個柚子沙律超開胃，柚子嘅酸甜、彈牙嘅大蝦、花生碎嘅香脆，再加上特製的酸辣醬汁，每一啖都令人感受到夏日的涼爽🥗Lamp Vindaloo印度咖喱羊肉 $158呢個咖喱有濃郁嘅香料同埋肉感滿滿嘅羊肉，羊肉喺咖喱中燉煮得恰到好處，同香料嘅味道完美融合，雖然都幾辣，不過配埋芝士薄餅黎食就啱啱好啦呢間餐廳有兩個Menu，一個係主打泰式風味，一個係主打印度咖喱，環境好超又可以帶毛孩嚟，黎開呢頭就多一個選擇啦🌴…Read More

近年寵物友善既cafe或者餐廳越黎越多，今次去元朗都搵左間可以帶埋Emi既狗狗一齊食tea🥳今次去既呢間cafe位於元朗既鳳攸南街，因為門口冇顯眼既店名之類所以搵左陣🫨今次食tea所以主要叫左小食同甜品，開頭以為會係水牛城醬煮雞翼，原來係沾醬形式食🤣當日既是日蛋糕（好似）係焙茶柚子芝士蛋糕，清新不膩，唔錯單邊雞翼配香辣水牛城醬 $58是日手工蛋糕 $58菠菠蘿梳打 $48橙皮朱古力鮮奶(C) $50…Read More

今次Emi帶埋小毛孩脾脾黎到觀塘碼頭附近嘅商廈一間有戶外空間嘅西餐廳食野，呢度環境好chill，佈置都好西式簡約風，佢地個戶外空間都好大，有個草地好適合寵物聚會佢地亦都可以搞小型宴會或者係戶外輕婚禮，去食野當日下午原來有開放日比人參觀港式雞煲炸雞翼 $78呢個雞翼味道好濃郁，雞翼超大隻，炸完入面都仲好嫩，雞煲醬汁係好開胃嘅香辣味，要黎送酒都係一個唔錯嘅選擇日式櫻花蝦炸豆腐 $78Emi好鍾意食日式炸豆腐所以今次都叫左個豆腐黎試，豆腐炸得金黃而且外脆內軟，櫻花蝦好香而且爽脆蜜汁燒焗花雕醉香雞 $228蜜汁嘅甜味同花雕嘅酒香完美結合，令人回味無窮雞本身燒焗得啱啱好，外皮微脆，內裡嫩滑，配合微微酒香嘅味道，口感豐富呢個雞好適合鍾意甜味同酒香嘅朋友泰式冬陰功虎蝦意粉 $158呢個意粉睇落冇咩特別，但冬陰功酸辣嘅口感同豐富嘅香料同西式意粉結合，再加上大大隻嘅嘅虎蝦，個風味都幾特別利賓納荔枝乳酸梳打 $42柚子檸檬蝶豆花梳打 $42利賓納梳打同想像中嘅味道一樣，而柚子檸檬梳打有清新酸甜味，加上蝶豆花淡淡花香同埋梳打水嘅清爽氣泡感，飲落好清新。呢兩款飲品喺顏色上都好吸引，好啱夏天飲整體黎講呢間餐廳嘅食物都幾有水準，款式都係偏向fusion類份量都好足，個人覺得CP值唔錯，晚餐黎講人均三百左右已經飽到可以捧住個肚走，加上係寵物有善餐廳，即刻加好多分…Read More

好啦Hashtag B的蛋撻出名這麼久，終於試到了😂 他們的麵包每天手工新鮮製造，少糖少鹽十分適合追求健康飲食的香港人。前陣子見到IG大家都試，今次終於來買試試！拿破崙焦糖千層撻 $18開心果千層撻 $30兩款千層撻於各分店開始出爐時間都不同，可以先查看他們的IG story確認，這次去的尖沙咀店分別出爐時間是拿破崙焦糖千層撻11:00am、開心果千層撻12:30pm。當日未到12點半已經有開心果賣，所以當然兩款都買來試試💚兩者之間比較喜歡拿破崙焦糖千層撻，有焦糖燉蛋feel，開心果相對沒有那麼濃郁🥺雖然不錯，但個人還是比較喜歡b開頭的蛋撻🤣…Read More

呢間嘆撈除左係街坊食堂仲係Emi虹橋推介頭三位，次次去親都會叫粉皮同黑糖冰粉，由其是而加熱辣辣嘅夏天食唔到熱米線，食涼拌就最正🧏🏻‍♀️雞。嘆撈 $48嘆撈嘅配料有芫茜，青瓜，炸花生，炸黃豆，餸就係手撕雞同雞軟骨，個醬汁夠香辣，粉皮滑捋捋有口感，唔會痴埋成舊，塊塊都可以撈到醬汁，好開胃雞。嘆撈 $48呢個我地轉左做爆蒜撈，佢嘅配料就有芫茜，青瓜，紫菜同埋櫻花蝦，味道係好似葵廣旺中食一包包透明袋果啲撈撈兩款撈撈辣度由BB辣至到去大辣都可以，除左粉麵佢仲有小食糖水可以叫。平時食完撈撈通常都會叫多個黑糖冰粉或者檸檬愛玉，佢地仲有自家製龍眼水，好清甜，有時食得辣小小飲完都幾解辣🧊…Read More

去深井通常都係食燒鵝，平時都冇咩留意呢個地方有咩野食，前幾日屯門公路塞車行左青山公路經過深井見到有間cafe好似幾chill，就再搵時間過黎試❤️晚餐Menu都係大路嘅野食，店主推介左兩個意粉比我地，一個香辣拿破崙大蝦意粉($118)🦐同埋黑松露蘑菇蘆筍意粉($88)🍝拿破崙意粉嘅大蝦都爽口彈牙，兩個醬汁有好香濃，dinner set有粟米湯同埋沙律🥗跟埋，另外仲有野飲☕呢間cafe日頭好靚好chill🪴，有室外位置可以帶狗狗，亦有提供埋狗狗飲水碗，整體係白雪雪好清新嘅感覺，同旁邊村屋同茶餐廳大排檔都幾大對比，遲啲冇咁熱再帶埋狗狗黎🍂，食完野仲可以行下海邊添🐾…Read More

話說因為同事係食素嘅都接觸多左素食，上個禮拜出去尖沙咀開完會同事就拉左我去一間樓上鋪度食lunch，話係新派素食唔係啲傳統嘅齋菜鋪，咁就一於去試下啦，其中兩個菜式都比較深刻，好想喺度分享吓北京片皮鴨 $128真嘅片皮鴨就食得多啦，素食版本真係第一次食，我估其實係豆乾黎嘅，但係佢好似好多層所以咬落都真係有啲肉感，成件事好得意台式叉燒刈包 $68荷葉包熱辣辣超軟熟，入面除左平時食齋滷味嘅素叉燒之外仲有一塊素炸魚，配搭都幾有趣，塊炸魚好似食緊真既炸魚一樣啊，炸皮好輕薄，入面真係好似真魚肉咁，三種唔同口感嘅食物加埋一齊又完全冇遺和感…Read More

元朗Yoho連住嘅Yoho Mix開左了，雖然冇本身嘅Yoho mall咁大，但都有好多間餐廳，見到有呢間日本九州過江龍焼肉かくら，今次就試下你先🥰呢度有omakase盛盒方便唔想諗嘅人，我地見好多野都想試就決定單點🙌🏻鹿兒島和牛他他 $128和牛他他配左個醬汁加落去，連埋雞蛋撈勻一齊，係食完全冇腥味，脂肪少而且無筋，食落口感超滑，超正🤩火炙黑毛和牛壽司 @$58店員會問你想要生啲定熟啲，我地鍾意食生啲店員就輕輕正反兩面燒一燒就擺上去壽司飯度，係日本嘅味道啊，和牛好軟腍，因為用比較大嘅火黎燒，油脂爆晒出黎，超香牛油味🤤「大判燒」黑毛和牛西冷 $178大判燒係一枚黑牛和牛西冷，呢個我地都交左比店員幫我地燒，同樣都係用比較大嘅火快速去燒，然後放落蛋汁度，食過超Juicy又柔軟，配埋蛋汁就突出到牛肉嘅味道，好似食緊壽喜燒咁，大推😍以下係其他叫左嘅肉類同食物價錢可以參考一下：黑毛和牛腹柳小排 $148日本產雞肉拼盤 $98壺漬 KAKURA牛胸腹肉 $138塩味上牛舌 $128牛腸 $58佐賀紫菜飯 $48冷麵 $38飲品🍻檸檬威士忌梳打 $58檸檬燒酎梳打 $58平時去日本食燒肉或者居酒屋必點，好有日本嘅feel呀，Lemon sour係用不鏽鋼杯裝好夠凍！…Read More