EsmeraldaKYLeung's Profile

唔通陳記燒鵝只可以食燒鵝？今日點咗三個餸，兩個人食，有西蘭花斑球，美極豉油王中蝦，同埋秘製椒鹽鮮魷首先講吓個西蘭花斑球，成碟個底都係水，，啲班球韌到真牙都咬唔開。。另外就係疊美極豉油王中蝦，嚴重懷疑師傅係用清水白烚熟咗先再喺面加d蒜頭炒香佢，美極豉油王蝦冇美味，亦都冇豉油味，一食入口以為係滾水烚蝦，啜個蝦頭嘅時候啜咗一啖滾水出嚟好彩叫咗碟椒鹽鮮魷，因為有碟椒鹽可以點吓，如果唔係三碟餸都無味。。。最欣賞係個收銀姐姐，臨走都問我哋覺得啲餸點啊，我哋亦都好誠實將自己嘅感受講出嚟，不過唔會有下次囉😅…Read More

六月個menu 辣野比較多，但係餐廳好貼心同埋好窩心，因為我正在懷孕，所以侍應第一時間問我有咩食得唔食得，likex1000👍🏼👍🏼今次叫左個9道菜menu, 每一次上菜waiter/waitress 都會介紹菜嘅特色。前菜個梅菜餅好特別，好似肉餅但當中有d 梅菜脆脆地。 之後其他菜都好精緻，最想hughlight 嘅係食完個牛，之後會跟一個雪葩，酸酸甜甜可以清一清口腔再食過。呢個arrangement 唔錯👍🏼最後甜品轉左紅豆沙，但老公話個鴛鴦奶凍好滑好正，上面仲有一大pat 燕窩tim。 期待之後嘅menu🥰…Read More

性價比高嘅西班牙菜Weekday 黎食晚餐，用餐時間有120分鐘，上菜速度合適，一d 都唔覺得趕，加上職員好nice,食得好開心👍🏼今次3個女士嘅慶生飯局，叫左一個沙律，兩個前菜，兩個main, 再加甜品，飽飽好滿足！！前菜叫左個薯仔蛋餅同埋八爪魚，薯仔蛋餅啲芝士好好食，芝士勁滑。 如果八爪魚就煮得好淋，好好味。沙律就叫左個牛扒沙律，正常表現。主菜叫咗個油封鴨髀，同埋黑毛豬鞍。老實講， 個鴨髀本身冇乜味，但係佢come with 一個sauce,夾埋係ok 嘅。 反而個黑毛豬鞍就有啲驚喜，口感好好，冇overcook!最後甜品叫左紅絲絨"鬼佬油炸鬼", 跟個士多啤梨醬真係冇得輸。 而因為本身我哋買咗一個好蛋糕同朋友慶祝生日，餐廳好好咁樣將我個蛋糕同個甜品擺埋一齊，視覺上好幸福😍…Read More

同一個牛肉飯，點解半年前同半年後可以差咁遠？？？今日叫左兩碗牛肉飯， 唔知以為係人地食剩😅😅Half year ago:Today:不論係擺盤賣相，定係d肉同埋d配菜嘅份量都。。。都唔同左好多。。。見到碗飯咁， 最後忍唔住問下職員，點解好似唔同左咁多， 佢再望下碗飯，佢見到都唔好意思，即刻補番d 牛肉俾我地。。。。其實當時客人唔係太多，唔知點解會咁嘅呢😅😅 好彩d 職員態度好，如果唔係隨時真係唔會再想幫襯😅…Read More

Book 左4pm 食afternoon noon tea set, 三個女仔叫左一個set, 因為去到嘅時候個侍應話成間餐廳得返一份，知道我地book 左食tea, 所以特登留咗俾我哋而家， 感覺好貼心。一坐低，店員就放低一兜炸蝦片，蝦片大少少胡椒香味， 十分惹味。跟住到個Tea set, 我自己第一次食泰國風味嘅tea, 我覺得比較合適我嘅口味，因為多數出邊食tea都係好甜嘅甜品為主，但係呢一間嘅tea，佢嘅鹹點係非常之好食， 而甜品唔會太甜👍🏼想特別highlight嘅，就係佢有兩串沙嗲雞軟骨，個汁好香，帶微辣， 加埋有軟骨粒粒，好爽口，超好味！最特別係scone 個醬， 除左有基本嘅clotted cream, 佢地配左一個辣味蘋果醬， 好夾好特別！順帶一提， 佢地杯士多啤梨乳酪都好好飲😊…Read More

Lunch hour 黎個camping 先😂🤣12:30左右到，冇咩人，夾埋我呢枱目測大約有6-7枱。 佢呢度地方幾大下，枱與枱之間嘅距離都好寬敞。枱上嘅食具都係露營用嘅，好過癮😆點鐘每人一份牛餐，前菜係一兜仔Kimchi, 跟個有蜆嘅蘿蔔麵豉湯，蔬菜跟秋葵，一片鮑魚菇，一片南瓜，一條粟米芯，同埋一片茄子。而d 牛個樣都幾靚，總共有8片，不過燒完之後就覺得有啲柴柴地，頭兩塊以為燒耐咗，之後都係燒半成熟左右，不過都唔係話易咬嗰種。最後我同同事兩個人加咗1份豬，反而啲豬好好味！！順帶一提，呢間舖頭嘅侍應服務態度非常好，就算戴咗口罩都feel到好多笑容…Read More

新年後第一個lunch.....無言😑我同事叫左個黑豚肉泡菜鍋燒烏冬，落單時我同事問個侍應唔食得辣可唔可以走泡菜，侍應好似好唔肯定咁話可以，咁我地叫佢check 下，佢之後再confirm 話可以。。。但最後唔知點解都有泡菜辣味，我同事完全食唔到😓😓😓😓另外我地叫左安格斯牛肉壽喜燒，味道可接受，d 牛冇咩牛味，同埋d 湯可能唔夠熱，好一般🙈老實講，d食物質素好好好好一般， 感覺都係張d 野擺得好好睇睇再放湯咁啦其實由始至終，d service 好有問題， 首先帶我地入左一間勁大煙味嘅房， 之後12:53落單，我地約20分鐘後㩒鐘叫人問大約幾耐，第一次有個戴眼鏡略為肥肥地嘅男侍應話幫我地check 下，點知一去不返， 我地之後再㩒鐘，之前個男侍應一入黎就u turn 走左😑好彩當時有個女侍應喺到，佢見個男侍應走左， 就好主動過黎問我地叫左d 咩幫我地check, 不過就話鍋燒同壽喜燒at least 要等30分鐘，因為佢地得3個爐 (落單時冇話我地知）， 如果趕時間可轉食壽司wor... 但當時已經13:25, 所以唔轉啦， 最後d 野食13:38到 ,我地即係叫埋單， 因為唔知又要等幾耐， 點知單就秒出。。。我地再問係咪有甜品，個白恤衫侍應仲要小小黑面唔耐煩咁樣。。。甜品係綠茶/豆腐雪糕…Read More

一行3人lunch hour食開年飯，呢度座位安排得幾好，環境舒適，枱同枱之間距離寬敞。我地約12:38落單，大約半小時之後，發現左右隔離同埋我地枱都係一樣野食都未黎，就問下個侍應，第一次佢冇問冇check 就即話"黎緊ga 啦"， 再過大約5分鐘後隔離枱再問，今次有人幫手睇，點知就發現我地咁多張枱嘅單，因為技術問題，冇送到過入廚房😱😱😱，最後見到有兩張枱嘅客等到1:20左右忍唔住走左。。。而我地第一樣點心就喺1:25左右到佢地上菜算快，10分鐘左右我地點嘅野食都到齊。講番d 野食先， 點心質素高，而且都有特色。 個牛油果蝦春卷同埋鮑粒黑松露球超級好食另外我地叫左個龍蝦湯脆米泡飯真係好足料，不過呢到呢個泡飯有芹菜，唔喜歡芹菜嘅朋友仔記住要走左佢！總括而言，相信今次係單一個別事件，都會想再幫襯嘅。…Read More

五個同事一齊黎食lunch, 今次一早已經book 左枱， 因為之前黎嘅時候超級多人，但今次唔知係咪係平日，所以室內只有十枱八枱客，而室外都係3-4枱左右。。。今日大家唔太肚餓，所以只係叫左6樣野，海鮮泡飯，蝦餃，XO醬炒腸粉， 上素餃，炸琵琶豆腐同埋黑松露包。 連茶錢同加一，全單大概$9XX個海鮮泡飯真係好出色，食落有龍蝦湯味已經好足料，有帶子同蝦之類，仲有d 炸脆米蝦餃d 蝦好彈牙，而個造型都好靚。可以客唔多，枱同枱之間隔得好遠，所以我地傾計傾得好開心…Read More

今晚特登揸車去叉燒大王買外賣，佢之前已經電話落咗order, 去到同收銀員講，我剛剛打嚟叫咗兩碗瀨粉，跟住收銀個姐姐俾咗張單我，我見有兩碗瀨粉已經放咗出嚟，想問收銀員係咪呢兩碗呀？ 點知佢大大聲咁話我"你打左電話黎你又唔講？"我話我有講我打嚟落咗order, 但佢堅持話我冇講， anywayssss跟住我再問佢放咗喺度嗰兩碗粉係咪我㗎，佢唔睬我， 我再問多次，個收銀姐姐只係大大聲同斬叉燒嘅師傅講頭先嗰張單取消呀。。。。好彩之後有個好nice 嘅肥姐姐出黎幫我，仲幫口話個收銀係新黎，佢都好唔好意思。。。但當我轉身走嗰陣，個收銀員亦隨即繼續鬧。。。咩事呢而家？我唔知嗰個滿有口音嘅收銀員（望落最年輕但態度最差的一個）係咪其實聽唔明廣東話，但咁嘅服務態度，實在太趕客。。。（之後先知原來我家人同朋友都俾同一個人激過）， 如果叉燒大王繼續有咁嘅員工。。。只能祝好運講番d 燒味， 燒鴨d 肉實在太梅啦，有幾嚿仲要有好多毛D 燒腩仔反而幾好，經過15分鐘車程後個皮仲脆，d 瀨粉都唔錯，係比較幼身的，所以好吸到湯👌🏼不過收銀嗰個真係攪到我冇乜胃口， 沒有下次了！…Read More

點心好一般， 食過佢d 點心， 燒賣，鳳爪都ok, 但其他就一般，特別係個腸粉，厚皮都不得了。。。價錢黎講，喺馬鞍山都已經唔太吸引，6個點心呢到大概$180, 而附近另一間叫駟X嘅茶樓，6個差唔多嘅點心早市都係$200,但係人地d 職員同服務就比呢到好太多啦！！講下服務先朝早2人黎飲茶，喺門口拎完飛之後個職員話唔駛拎飛，入去自己搵位坐。入到去行到尾只見到一張6人圓枱，跟住有兩個阿姐（其中一個係林阿珍髮型嘅短髮經理）同時問我地幾多位，我地話兩個， 其中一個阿姐見我地有張fly,睇完之後話唔係呢張枱 (明明張飛都冇寫枱號），之後兩口鬧唔停話我地兩個人攞咁大張枱，之後指住柱後有張摺枱仔，大聲鬧完一輪後就呼喝我地坐嗰張， 我解釋話係門口職員叫我地自己搵位，同埋我地入去時見唔到柱後嘅枱仔，但兩個阿姐繼續鬧。。我老公話我地黎入茶，唔駛咁勞氣，阿姐話佢係咁講野ga 啦，之後兩個繼續鬧一輪。。。是但啦，你話嗰張就嗰張啦，坐低之後個經理仲keep 住啤住我地。。。。真係好後悔黎左呢個鬼地方，第三次黎呢間酒樓，次次都係一肚氣， 唔會再去第四次，NEVER! …Read More

兩個人食飯，叫左個$1488 嘅8 course dinner, 完全足夠兩個人食， 但on top of 個set, 我地仲叫左個nachos, 超好味想重點推介個川式牛肉他他，只有麻，沒有辣，所以唔食得辣嘅朋友都唔使驚，包你會食上癮， 非常惹味👍🏼另外每人一隻西班牙燒紅蝦，好大隻而且好彈牙。再黎就係個熊本A5和牛，配上海鹽，可以食到牛自己本身嘅油花香味，牛嘅質素好好，就算叫7成都好軟身，下不過可能個餐太多野食，雖然個牛配沙律，但到食牛嘅時候已經覺得好膩，如果搭配一d 酸甜水果就好啦😬餐廳嘅裝修比較地道，會用上快餐店style 嘅墊枱紙，有d 違和感😏 由坐低到走都有d 蟲飛黎飛去…Read More

朝早9點幾落波冇幾耐，餐廳就有職員打黎re-confirm 個lunch booking, 感覺好有責任心👍🏼今日一行7位，雖然book位時冇特別要求，但餐廳主動俾間房我地，超開心🥰我地叫左個4人餐，樣樣都好好味，而且份量十足，印象最深係個黑色嘅鳳爪（辣得好過癮），松子魚（超大條）同埋個東波肉上面嘅鵪鶉蛋（超惹味）👍🏼👍🏼👍🏼我地另外加左一份紫淮山同埋兩份椒麻脆豬手，個豬手真係必食，要連埋d炸辣椒同花生一齊食，係有d 熱氣，但唔食會後悔😆😆😆放心，d炸辣椒唔太辣ga, 咸咸地好正🤭😋…Read More

我認我係為食😆兩個人黎真係有選擇困難，剩係睇個menu 都睇左10分鐘，因為實在樣樣都超吸引喺呢間餐廳試左燒醬蝦醬鮑魚，芝士蘑菇雞翼，BBQ 牛（附一串紫薯bb 同一串juicy 菠蘿），濃湯粉絲。。。好好味，仲要價錢好合理，讚👍🏼服務方面好滿意，雖然剛黎到嘅時候出面明明仲有4~5張吉枱，但個侍應竟然安排我地坐好入面廁所門口張枱，但最後其他同事都安排我地坐番出去，但用餐時侍應們都超有禮貌同埋好好笑容👍🏼…Read More

今日總共4人，等個22張枱大概45分鐘左右，真心唔算耐， 因為佢地方都幾大。一入到去見到張枱得三張凳，有個部長行過，我就問佢轉頭可唔可以比多張凳我？ 因為我布4個人，點知佢好大聲咁同我講，你坐低先啦，佢話佢都見到冇左張，仲話佢總共有四個步驟，「等你坐低後會再問你幾多位，飲咩茶，之後會俾返張凳你㗎啦，我依家先做到第四個步驟，你就問我攞張凳，我啱啱先幫人落完單」， 咁我唯有講句咁真係唔好意思囉😵‍💫 每張枱上面有個熱水壺，我發現本身都冇晒水，咁我又唯有跪求阿部長幫我加水，點知佢比番1/4 壺我，洗杯都唔夠😂講返呢度嘅嘢食，點心種類一般啦唔算少，勝在價錢夠平，叫咗釀尖椒，西澳龍蝦上湯伊麵底，呢兩樣係幾較好食嘅， 之後再叫左d 點心，腸粉皮比較厚，鳳爪都ok 好食，燒賣比較鬆散，百花釀魚肚一般， 鹹水角凍嘅 , 流沙奶王包都幾好食。花生篇：見到隔籬枱起身諗住走人，又有個部長行埋去，同嗰張枱嘅人講：「我要執嘢你唔好企起身啦！」食客回佢一句：「咁我而家應該走，定係坐返低？」部長再回：「總之下次你見我執緊嘢，你就唔好企起身啦！」。。。完(我。。。聽左d 咩？）…Read More