niki926's Profile

嚟到一風堂，一定係叫拉麵，我自己鐘意食辣，所以一定會叫赤丸拉麵，店員會問你想食咩麵質，我選擇普通，嚟到既麵唔太軟唔太硬，仲有煙韌彈牙，拉麵上既肉，肉味好濃，肉質鮮嫩彈牙，好好味，另外有隻糖心蛋，蛋味濃，有別於一般既蛋。今次除左拉麵，仲點左個沾麵，麵比平時拉麵粗，但唔會硬，都係煙韌彈牙既，沾麵汁味濃，沾沾上麵條食，味道剛剛好，不得不提麵上面既肉，好肥美，油脂比例啱啱好，怕肥既我都忍唔住食晒。到小食方面，今次我無點餃子，而係點左牛油果大蝦配芥末醬，有驚喜，本以為40幾蚊應該得一兩隻蝦，點知佢係有好多隻蝦，蝦好鮮甜大隻，牛油果好新鮮，配埋芥末醬真係perfect match，好清新，下次一定會再點嚟食。…Read More

未食過葡國菜，嚟到澳門試下，見隔離枱叫左個葡國雞，好大個，自己又叫嚟試下，個葡國雞外面係個大包嚟，勁香脆，加埋d葡汁食，超正，d雞好嫩滑。焗鴨飯好香，面層焗到脆卜卜，入面d飯粒粉分明，煙煙韌韌，平時無飯癮既我都食左半碟。白酒煮蜆，好有酒味，蜆肉大粒，好鮮味，超正！最後點左個tea set，依個不得了，78蚊，一大set野仲包兩杯野飲，超抵。甜品有木槺布甸，奶凍，芒果千層蛋糕，鹹點有葡撻，蒜蓉多士，咖哩角同煙三文魚餅，鹹甜點都好好味，最重要係78蚊已經有甘多野食，真係唔點唔得。…Read More

今日去澳門，試左依間自助餐，生蠔每次可以攞3隻，有肉地，好新鮮，刺身有4款，有吞拿魚，三文魚，八爪魚同魷魚，4隻都好味，三文魚出乎意料甘好味。另外佢有煎鵝肝，超肥美甘香，回本之選，我自己食左6塊。佛跳牆值得飲，十分足料，入面有鮑魚同花膠，超好飲。佢個燒榴連好特別，果肉大舊又清甜，榴連味濃，正！生果，甜品同雪糕選擇多，但我本身不太好甜品，所以無食晒甘多款，但佢個桂花布甸好味，不太甜，有桂花香，又煙韌，另外奶茶奶凍都好味，奶味濃，又有茶香。最抵係幫襯自助餐，可任飲啤酒紅酒果汁咖啡同茶，飲多兩杯酒都已經回本。…Read More

今日去到九龍灣，因為太夜好多食肆已經唔俾人入，行經牛角，見有宵夜時段，走入去食。佢宵夜時段野食好抵，叫個餐之後可以以優惠價無限任加特價野食，其實佢既餐既野食份量唔少咖，特價野食選擇多，值得推介既係佢既啤酒腸，配埋佢個汁點嚟食，一流！另外，佢既蠔都好大隻，燒完唔會縮到勁細粒，食落勁juicy。隨餐有飲品，飲品選擇多，有枝裝鮮果汁，我就揀左枝裝西柚汁如果想飲酒，推介每位加幾十蚊，就有得任飲日本生啤，我當然有加錢任飲啦，飲兩杯都已經回本。下次夜收工，都可以去牛角食宵夜，三個字，抵押正！…Read More

今日經過依間餐廳，係出面望入去，覺得一定好貴，點知睇下餐牌，價錢唔係想像中甘貴，係正常價，於是走入去食，佢個環境不得了，靚到我唔願走。用餐時間有兩小時，最啱一班朋友係度食野同傾計。講返食品，佢既餐附送雜菜沙律，雜菜好新鮮，十分健康。佢個忌廉汁煙三文魚意粉，汁味濃，仲有好多塊煙三文魚，意粉煙煙韌韌，好好味。蘑菇汁漢堡扒飯，蘑菇同汁都好多，個漢堡扒牛味好濃，值得推介。叫餐加多小小錢可加是拉差雞翼，超好味，脆卜卜，又入味。餐飲點左愛爾蘭咖啡，咖啡味好濃，啱晒我依個咖啡精一句講晒，一定會再嚟食…Read More

成日聽到朋友話依間餐廳有10蚊一隻生蠔，以為一定唔好食又細隻，今日終於走去試下，叫左兩打食，估唔到10蚊一隻既生蠔都唔細隻，有肉地，海水味濃，又鮮甜，食左兩打忍唔住再叫多一打食。另外，我叫左炸軟殻蟹黃金意粉，軟殼蟹夠大隻，炸得夠脆又唔油，意粉有啖啖蛋黃味，好正。牛扒超大件，煮既成度剛剛好，唔會乾爭爭大蝦燴意大利飯，味道濃，飯唔會太淋，煙煙韌韌，好味道。仲有佢既薄餅，餅底脆，芝士味濃，啱晒芝士控食。總之一句講晒，好味，下次要試下佢個度其他既生蠔，應該仲正…Read More

今日甘啱探朋友，路過依間食堂，走入去食個宵夜，估唔到屋邨入面都有d質素唔錯既食堂。食品除左有普通茶餐廳既食物，仲有醉辣粉，水煮牛等辣野食，啱晒鐘意食辣既朋友。我點左個水煮牛紅薯粉，麻同辣既味道剛剛好。唔鐘意食辣既朋友，可以試下佢既厚豬扒飯，塊豬扒好厚切又大件，最啱大胃王食，肉質鮮嫩，一d都唔「鞋」。唔想食得甘heavy，可以試下佢個豉油皇龍鬚炒面，好夠鑊氣，魷魚鬚好彈牙。以上食品隨餐附送餐飲，60蚊都唔洗，抵食。…Read More