itsartin.diary的個人專頁

同朋友慶祝生日🎂，好好彩book到間甘靚既餐廳，氣氛好好，好舒服自在。價錢都有少貴架，但有海景睇就咩都值番晒~Order左兩個Appetiser先。特別推薦蝦餅，超級出色👍🏻Vietnamese shrimp patty炸得好酥脆，上菜時仲係熱辣辣，啖啖蝦肉，配埋我最鐘意既泰式辣醬，完全食唔停口。但因為佢個份量都多，仲有main未食，所以點都要忍一忍口😂Thai fish cake大家留意番呢個魚餅是辣的🙂佢都係足料啖啖魚肉，小小辣辣地，配埋cocktail其實係好夾。Flank steak bun cha表面烤得好酥脆，金黃色好靚。係一款類似烤酥脆咸豬手。旁邊既配菜，平時可能無咩人會留意或者食，但因為我自己本身喜歡食蔬菜，所以個人覺得連埋一齊食都是十分出色。Thai crispy pata 呢個係一個好特別既fusion菜式。煎牛排配搭上湯麵，個麵類似伊麵個種。但佢吸收晒啲上湯精華，就令個麵十分濃郁入味Wohoo！what a day其實平時好少飲cocktail。kaboom menu 有好多款特色名的cocktail，特登揀左個名岩番心情既😂呢款好易入口，少少甜、果香味，放耐左酒味會再出啲同濃啲。Mandalay係一款mock-tail，外型同配色都好靚。都係會甜甜都都果香味。兩款都好適合女仔飲，同啲Appetizer都係好夾。好岩夜晚同朋友飲酒食野chill下。…查看更多

地理位置唔算方便，係地鐵行過去都要一段時間。朋友介紹黎呢間餐廳食，本身都以為係一餐西餐冇咩特別。價錢就真係同出面西餐差不多，西冷大概$168左右，都唔算平。但食品質素不差，算對得起佢個價錢。悅滿軒係饒宗堯入面，最近仲有花展睇，重點係餐廳冇限時，唔會成日有人過黎催，可以慢慢食慢慢傾，呢樣幾好。🥂香煎盲槽魚扒拼海鮮（蝦、蜆、青口，配薯蓉雜菜）🥂烤紐西蘭西冷12安士配烤薯菜🥂傳統蘋果撻🥂朱古力慕絲蛋糕…查看更多

第一次試露營風餐廳，但如果坐窗邊可能會更有feel。坐室內普通餐桌位置，好似唔太感受到露營風。朋友訂左和牛二人套餐，價錢都偏貴$996。最好食既係兩個主菜，飯團同冷麵。和牛比想像中更軟嫩，但可能多油花，所以好快飽。上菜時感覺份量不多，其實都夠食。🥂前菜： 熱帶風情海鮮雞尾酒杯 🥂肉類： A5 宮崎牛三角腹肉 伊比利亞豬肋條 鹽醬雞爽肉 A5宮崎和牛幻切沙巴當 味噌蟹肉甲羅燒 🥂主食： 月見醬燒飯團 柚子梅素冷麵 🥂飲品: 萄葡梳打海鹽菠蘿梳打…查看更多

無意中係openrice搵到呢間鋪頭。原來已經搬過新鋪位，見到店名，原本以為都係啲一般香港小店，無咩特別期望😂好彩啲食物味道不錯，店員服務態度都好好，唔會好似出面個啲串串貢甘，可以考慮encore再光顧。叫左一個丼飯、一個set同開心果糊，set包野飲、餃子同串燒。丼飯都推薦大家試下，因為啲肉好軟。但餃子就一般，可能煮得太耐，啲皮全部穿晒😂😂不過個開心果糊幾特別，其他地方好少見，開始之前驚會太甜，點知又ok喎~…查看更多

朋友介紹呢間任食火鍋，主打可以食4.5小時，坐成個下午慢慢傾都得，唔洗被人趕👍🏻揀左食Lv3，假日會比平日貴$10，埋單兩人$502。食成4個鐘，可以接受。湯底揀左養生蟲草花桃膠雞鍋。佢啲桃膠多到，食到最尾都不停仲有😂比較驚喜係個雞肉，煲左幾個鐘，最尾走前諗住試下係咪真係柴既，點知原來係滑既，仲要幾嫩滑下。呢樣真驚喜，大家下次有興趣可以淺嚐下。😂因為比較少食牛，所以叫左Lv3西班牙伊比利亞黑毛豬。佢個set係除左黑毛豬之外，仲可以俾你叫埋肥牛同普通豬肉片。呢個set既肥牛係平時一般普通個種，所以如果想食靚牛可能就要叫Lv4、5個種。反而個黑毛豬比我想像中好。平時出街買既，肉質都係比較粗糙同有筋。西班牙伊比利亞黑毛豬係軟嫩，冇渣。其他配菜方面，餐廳主打60種配料！原來都真係有唔少，仲有好多款手打丸。如果食得落既話，真係推薦每樣都試一試。不過最主要都係，佢配料款式多到，我平時喜歡食既都有。食成4.5小時都真係算抵。仲有埋Dreyer’s雪糕❤️…查看更多

環境舒服清新風，好休閒的感覺。一入到去一大片落地玻璃，感覺不論晴天或雨天黎都別有一番風味。個甜品經常見人網上推介，估唔到原來份量幾大！☀️海鹽焦糖比利時朱古力麻糬窩夫成個甜品都好sweeeeet，味道偏甜。如果喜甜既你，呢個甜品絕對適合你！面上有一層厚厚的麻糬，蓋滿窩夫表面，每一口軟棉煙靭 ，再配搭上不同比利時朱古力甜品。☀️All Day Breakfast 手撕慢煮法式油浸鴨|菠菜｜溫泉蛋｜自家製烤芝士酸種麵包呢個All day完全超出預期。鴨肉好入味，濕濕潤潤，不會令人感覺太乾柴。不過令我最喜歡的其實是伴碟的菠菜同沙律菜，一般人可能不會太在意。但她的菠菜是十分入味，咸淡適中，令平時不太喜歡的我都吃光光了今次美中不足係冇試到呢度的coffee，下次可以再試埋～…查看更多

平時入元朗都好小行呢條街，經過時，鋪面設計好搶眼，見時間尚早，唔洗同人迫，一於試下呢間。☀️咖喱牛筋牛腩飯原來都擔心牛腩會唔會好硬好難咬，估唔到第一啖有驚喜，牛筋牛腩軟綿入味，咖哩濃郁，用料十足。☀️咖哩羊架飯羊架香而不羶，煎得恰好，配搭薄餅及咖哩，口感味道絕配。☀️牛肉薯餅 + 炸鮮奶額外點配牛肉薯餅同炸牛奶。身為薯餅控，呢款牛肉薯餅絕對滿分，牛肉咸香被滿腔綿滑薯泥包圍，滿足！炸牛奶外層酥脆，包裹著滑滑的牛奶块，甜而不膩。…查看更多

平時幫襯開佢既Lunch set，份量都幾多同抵食。估唔到夜晚，個份量都一樣甘多，性價比幾高。店面睇落細細，其實有兩層高，風格係行工業風，坐落舒服唔迫，食物亦質素唔錯下。泰式海鮮粉絲沙律沙律好清新，有唔同既海鮮配料，魷魚同青口，好足料。沙律配粉絲係好少見的泰式菜式，估唔到都好夾。金不換炒豬肉海鮮河粉呢個應該係我最喜歡既一個菜式，主要係佢既河粉同平時港式河粉好唔同。寬寬的，滑滑的，但又帶少許煙韌，有口感。同醬汁混合一起，十分入味。泰式馬拉盞炒秋葵雜菜馬拉𦾟炒菜絕對無得輸，秋葵清爽，配搭多款雜菜，完全符合我鐘意食菜既喜好。另外，試左士多啤梨活性乳酸菌沙冰同傳統泰式奶茶，各有特色。由其沙冰，可以一試。…查看更多

朋友揾既樓上酒吧cafe，上到去先發現原來有室外位，仲有唔少人坐添，望落去感覺仲幾chill。不過當日天氣熱，最後都係坐室內，氣氛都十分舒服。呢到既茶樹菇好似都幾出名，專登試下。☀️黑松露蛋白茶樹菇炸茶樹菇別具特色，茶樹菇平時好少食到，一上桌，茶樹菇香氣四溢。配搭芝士及黑松露，如果搭配埋酒，就十分寫意了。☀️咸蛋黃單骨雞翼咸蛋黃唔會太咸太濃味，味道剛剛好。餐廳好細心，單骨雞翼，方便食用。☀️明太子蟹肉扁意粉滿滿的明太子同蟹肉，鮮味十足。醬汁不會太creamy,食多也不覺膩。…查看更多

日式風格cafe。大推二樓雅座，日系榻榻米。食到一半，好驚喜，竟然有駐場演唱。今晚點既菜式都十分滿意。我個人最喜歡香辣芥末吞拿魚他他，朋友就特別欣賞水牛城炸雞翼。香辣芥末吞拿魚他他芥末味不是很重，淡淡的芥香辣，配搭吞拿魚及青瓜粒，清新自然。香草蕃茄醬燴西班牙黑毛豬肉丸肉丸特別選用了西班牙黑毛豬配搭薯條，肉質軟綿，可以一試。水牛城炸雞翼酥脆惹味，配搭特有醬汁，少少辣味，十分獨特。脆炸軟殻蝦墨汁意大利麵意大利麵軟硬適中，軟殼蝦炸得酥酥軟軟，配搭得很。Bailey’s Mocha特別期待的一杯咖啡。拉花精緻，咖啡香中帶有一絲絲朱古力香甜，值得回味。…查看更多

想靜靜地，休息下可以試下呢間Cafe想避開人潮，可以tea time時間造訪。今日好好彩係OMU Cafe度過了一個恬靜的下午嘗試了佢自家製蘑菇汁脆香雞扒配牛角窩夫，特別一提佢既沙律選用了水耕菜沙律。牛角窩夫配搭自家製蘑菇汁，風味獨特。超推OMU Cafe的朱古力心太軟。之前係其他餐廳試過，因為同想像中既心太軟不同，所以冇左食過。今次真係令我改觀。暖暖的外層配上濃濃流心巧克力，第一啖已經好有驚喜。真係必試！☀️自家製蘑菇汁脆香雞扒☀️朱古力心太軟…查看更多

又黎食川品雲南米線，朋友第一次黎大角咀，要求由我帶路。所以就帶佢地黎呢間個人覺得還可以的米線店。一如以往揀腩肉、餃子，都係一碗包2個餸。但就比之前食加左價。個湯底就依然都係濃味，不錯，當然食完都係會好口渴。不過呢間比一般米線既微辣再辣左少少，可能本身腩肉個辣帶左落黎。佢可以揀米線既軟硬，呢樣幾好，因為我自己偏向食軟啲既米線。另外，再加點了紅油抄手，其實都係韮菜餃😂😂所以當晚食左好多餃🥟🥟🥟😂…查看更多

有段時間冇食雲貴香，甘岩今日去大角咀，又想食米線就去左雲貴香。每次食雲貴香味道都好似不同，外賣同堂食亦會不同。外賣份量感覺亦會小啲。平時食開小鍋米線，今次就試下重慶酸辣粉（轉米線）。重慶酸辣粉既配料同小鍋米線不同，會有炸菜同花生，餸就一如以往揀腩肉同紫菜。揀左微辣，但好似比平時既小鍋米線辣。如果食悶左小鍋米線，試下重慶酸辣粉都係唔錯既選擇。…查看更多

星期六旅客不多，過左飯點附近餐廳都比較冷清。去到雅閑泰以為已經關左門，原本仲諗住走，原來係要推開厚實大門入去先有人😂同朋友二人一人揀左一個午餐，一個最穩陣既炒金邊粉，另外朋友就話想試下串燒（牛/雞）。炒金邊粉正正常常，同一般市面的味道差不多。串燒就個汁好似唔夠濃。價錢同出面市區差不多，如果行到攰想休息快啲醫肚，都可以試呢間，不過不失，正常水準。…查看更多

很少到荃灣覓食，朋友喜歡日本菜，所以就選了DPark的鳥山名。幸運地不用等位，環境設計十分日式，是日式地道居酒屋🤹🏻，聊天時氣氛亦十分舒服。餐廳好貼心，特設有料理長季節推介食物。揀左鮑魚、海膽同鰻魚，鰻魚仲係原條鰻魚添呀！海膽就鮮甜～除左壽司之外，個人推薦試鯖魚定食同安格斯牛肉火鍋。鯖魚定食，鯖魚大條配菜亦十分多種類。安格斯牛肉火鍋，個人喜歡食菜，火鍋包含了多款菜的品種，配埋安格斯牛一齊食岩岩好不太油膩。☀️鹽燒鯖魚定食 $110☀️安格斯牛肉火鍋 $106☀️北海道海膽壽司 $68☀️日本黃金網鮑魚 $128☀️原條海鰻壽司 $60☀️海鰻壽司 $22…查看更多