bc1979's Profile

今次午餐叫咗個豬扒包同凍檸茶。個豬扒包嚟到我嘩咗一聲。因為超大個。唔係平時食開圓型嘅包。係潛艇包勁大個。不過美中不足就係塊豬扒有好大件骨。如果係無骨就真係一流。個包烘到好脆！正！個醬都唔錯日式芥辣味。係旺區$60算係咁喇。…Read More

今日行過諗唔到食咩最好嘅選擇就當然係燒味啦。叫咗佢叉鵝飯。當然就一定係要燶邊叉燒啦。叉燒味道唔選太濃剛好，唔韌。燒鵝就有點肥肉質就韌韌哋。味道道唔錯。價錢就街坊價啦。包埋凍飲$61。充肌可以選擇之一。地方，門面係幾光鮮嘅，地下就有啲跣，可能因為夜晚有小菜火煱。整體都可以啦。…Read More

係社交平台見到有人話好食即管嚟試吓。叫咗個叉燒燒鴨撈粗。同阿姐講要爽叉，阿姐話無喎⋯⋯係咪即係燶邊呀。我話話係啦。咁嚟到阿姐話好似燶咗啲😅我話唔緊要。個味道幾好，一啲都唔韌。燒鴨就正正常唔太咸。個撈粗都幾好味。加埋杯凍檸茶$68可以啦。…Read More

先帶頭盔。嚟之前係無睇過任何食評。今次就叫咗一個沙嗲牛肉通+蛋包+熱檸水，沙嗲牛肉米+熱華田，奶多，黑椒豬扒（炒）意粉+醬多+熱奶茶。基於無任何事前了解，沙嗲牛肉原來係沙嗲醬跟牛肉片。唔係沙嗲牛肉有啲失望。至於黑椒豬扒（炒）意粉就係塊豬扒原件另上+齋炒意粉，話就話係黑椒其實食落就係豉油炒意粉。食品就真係一般過一般。不過最令我唔會回頭嘅一個原因係衞生情況。舖面乾淨企理嘅。但佢哋有一個動作我睇到驚訝。就係我睇佢哋收咗客人嘅清水杯就咁倒落個黃色膠桶然後用返桶落嘅水洗下隻杯就擺返出嚟。我唔知個桶水係幾耐又或者經已倒咗幾多杯水落去。所以真係幫唔幫襯自己衡量。…Read More