iamestherpanda's Profile

港島一日遊，肚餓就喺OpenRice 搵嘢食，發現咗依一間，去到見好多人都坐喺室外用餐，室外空間基本上滿座，所以就坐咗係室內，室內環境都舒服。叫咗一碗招牌慢煮雞髀拉麵同埋櫻花蝦粟米天婦羅。慢煮雞髀拉麵嘅雞髀骨肉分離，好嫩滑，湯底較濃稠，味道略重。櫻花蝦粟米天婦羅有驚喜，兩樣嘢嘅搭配味道幾夾…Read More

經過見到好多人食就入去試下，環境唔錯，但座位喺有啲迫，睇到個餐單樣樣都好吸引，最後同朋友決定叫依兩個飯一齊Share食。1.金莎咸蛋黃肉餅 $62拮爆個蛋黃拌飯好好食😋2.黑松露海鮮炒飯$78味道中規中矩，都足料👍整體嚟講好食嘅😋下次會再試下其他未食嘅嘢！…Read More

荃灣雲集好多唔同美食餐廳，今日突然之間想搵輕食類，經過華都商場比「卥水」字眼吸引，好好彩坐到最後一枱，即刻同朋友坐低試試🤗📌自選四拼麵 牛筋、金錢肚、豆腐、蘿蔔* 鹵水湯* 手造爽脆米粉📌 自選四拼麵* 牛筋、金錢肚、蘿蔔、台灣腸* 鹵水湯* 手造爽脆米粉兩碗米粉一到嘅時候，望到個份量即刻心中驚喜，估唔到叫四餸嘅配料比想像之中多。首先喝一口湯底，滷水味入口順滑，味道恰到好處，唔會有死鹹嘅感覺。米粉爽口彈牙，每一啖都能夠掛滿湯汁。配料當中最出色係牛筋，非常之入味，煮得好稔身，同湯底非常之夾。依家正價惠顧仲有台灣飲品送，個人推薦有汽四季柑桔汁，酸酸甜甜好清新✨📌 生炸雞髀雞髀係即叫即炸，口感皮脆肉嫩，食落充滿肉汁，邪惡指數爆燈😈…Read More

一入到去，店員即刻招呼我哋，首先會問我哋飲唔飲咖啡，因為飲同唔飲會有唔同嘅菜單～我哋都選擇飲咖啡，店員就會向我哋講解店舖嘅概念、當日嘅咖啡豆、咖啡同拉麵互相嘅影響等！一啖咖啡一啖拉麵，味感真喺會有所變化，好特別👍頂立海蝦湯湯底非常濃郁以鰹魚昆布湯為膽，再加龍蝦殼及蝦頭熬成的湯，鮮甜十足。除咗拉麵之外，仲有自家制甜品都好好食！昭和硬布丁（燒）比原來嘅布丁大，以蜂蜜蛋糕做底。提拉米蘇手指餅浸得比較濕，會有啲酒香…Read More

第一次去依間自助餐，款式都算多，有羊架、牛扒、燒雞、片皮鴨、燒帶子、叉燒、刺身、蝦……帶子刺身都大粒好好食👍生蠔就偏細隻。一人有一隻龍蝦🦞餐飲都喺一人只有一杯，如果要飲其他就要加錢，不過都有湯任飲嘅。…Read More

比個pancake吸引，所以決定去食，一開始叫咗個海膽卡邦尼意粉，食落好Creamy，每條意粉都掛滿汁！味道唔錯，但食到中間就開始覺得味道有啲濃，要不停飲水🤣之後再叫埋個法式焦糖班戟，三層班戟都鋪滿焦糖，好有層次感，十分有誠意👍，班戟唔會太甜，真心推薦😍…Read More

住喺附近咁多年都唔知高爾夫球場入面有間餐廳（🤣因為都無入過高爾夫球場）前排有朋友同我講，依間幾好食，所以決定去試下！餐廳唔難搵到，喺車入閘位嘅左前方。入面裝修簡簡單單，空間ok，唔會覺得迫👍喺OpenRice book咗位，食滿$300有88折🤩我哋叫咗二人餐（餐湯*2+頭盤*2+意大利粉/薄餅+主菜+餐飲+蛋糕*2）大阪燒風味煙三文魚意粉：我好鐘意食，好好味👍味道同意粉好夾，下次一定會再叫佢！秘製燒烤醬焗加拿大豬鞍架：出餐嘅時候熱辣辣～香氣撲鼻，放咗一陣都喺出緊煙，我覺得汁有啲多比較鹹。甜品方面，今日只有唔同味嘅芝士蛋糕揀，揀咗個木糠味同美祿味；美祿味芝士蛋糕嘅美祿好出，但喺有啲甜，食幾啖就覺得膩🙈…Read More

位於Aeon 附近，入口喺比較入面嘅位置，晚餐時間都會見到有人排隊。鋪頭唔算大間，不過座位唔會太迫👍仲要免加一！大門特製拉麵$82有叉燒、紫菜、筍、蔥同埋糖心蛋，拉麵喺粗身嘅，麵偏硬身；湯底味道適中，唔會太咸亦唔會太淡。…Read More

一講起元朗嘅糖水就會諗起B仔涼粉，好耐之前都曾經食過，相隔一段長時間之後，今次就試下依間新裝修嘅鋪頭。下午三點幾去到都幾乎滿坐，見好多人都叫雞翼尖食，可惜我唔食得辣🥲所以只叫咗碗芒果涼粉同糖不甩。芒果涼粉大大碗$35，份量都多！雖然配咗碗花奶，但覺得有啲淡唔夠甜～糖不甩$27，熱熱地黏埋啲花生糖，好食😋，值得再叫…Read More

成日經過都排曬隊，今晚可能因為早咗去，見唔洗排隊就衝咗入去試一試，不過都仲喺好多人，有少少迫～叫咗個鵝肝煎蛋飯，有3塊鵝肝，個飯加埋啲蛋汁撈埋一齊食真喺好好食！下次再見唔洗排隊都會再去食！…Read More

同朋友星期日中午上去，係門口要先著鞋套同埋消毒雙手🤲，入到去人唔太多，但見到超多隻貓貓🤩遊走緊。座位都闊寬，有空間俾貓貓們周圍行👍🏻店家好細心咁幫貓貓🐱戴咗唔同顏色嘅頸圈。唔同顏色代表唔同性格，包括：⚫️黑色=乖巧、🔴紅色=活躍、🟡黃色=膽小、🌸粉紅色=為食貓貓都好cute又好友善🥰，有啲仲會爬上身上🙈食物方面，cafe低消喺一人一個Set（需加一收費），我同朋友叫咗兩個set 一齊share食，味道唔錯，份量唔會太多。…Read More

同幾個朋友遇然經過發現一座會所入面竟然有間餐廳！附近好似選擇都唔太多，一於走入去試下😝我哋食嘅時候喺正lunch time，入到去人唔多，所以好舒服，唔會有好趕嘅感覺，可以慢慢同朋友傾下計完全無壓力。餐廳比較特別，每日只會提供三個唔同嘅選擇，三個餐嘅價錢都係一樣$55，送例湯同冷熱飲，🤩凍飲唔使加錢！🙈同朋友一人叫一個餐試吓，我自己叫咗個燒春雞飯，😋個皮仲係脆卜卜架。呢個價錢可以嘆到半隻燒春雞，真心抵呀👍🏻朋友叫咗個欖菜四季豆肉片，雖然有少少油，但係即叫即炒，出到嚟熱辣辣，好有鑊氣🔥最後漢堡扒，都係即叫即煎，份量都多，仲配咗啲菜。…Read More