行到攰，想揾地方食野，決定去呢間，貪佢環境好，可以自成一角，估唔到咁就做左個令我後悔既決定。睇menu，見到有個兒童餐幾得意，諗住試下，跟住舉手叫待應寫野，點知好耐都冇人理，終於見到個待應出現，即刻舉手，隔離果枱又舉，佢竟然行左去隔離果枱。另一個待應走過黎，佢見我地叫兒童餐，即刻故意提高聲線，語氣涼薄咁問'請問有冇五歲以下既兒童？' 勁尷尬。 個餐牌又冇寫要兒童先叫得... 我地叫左幾碟野，其中一碟係玉子燒, 食完之後，我朋友見隻碟仲有d碎諗住夾埋佢，個待應又好心急想收碟，佢一邊叫我朋友夾啦夾啦，一邊攞走隻碟，落單又唔見佢咁心急。我地俾佢地搞到成晚都冇哂心機，真係好後悔黎左呢間野，一定冇下次。…Read More
