openwschan's Profile

今日只係想講杯咖啡，我嗌咗杯Cappuccino，基本上我過嚟呢間cafe都會叫嘅飲品。 哈哈，帶吓頭盔先，杯咖啡可能只係啱我嘅口味，我以下所講都係我自己嘅意見，但係如果大家都有興趣飲番杯Cappuccino，不妨過嚟試吓，不過座位不多，可能嚟到要先等位呢！我飲過好多唔同地方cafe嘅Cappuccino，有香港啦有首爾啦，我都係覺得呢間杯味道好好飲😋非常啱我口味，咖啡豆啲味好出，對我嚟講，暫時未見有一間cafe嘅Cappuccino喺我心目中可以取代佢嘅地位👍🏼我時常都向店主讚賞佢杯咖啡好飲，希望店主繼續加油。…Read More

今日再次幫襯這間小店食早餐，打風之後第一日開鋪，去到已經好多人，幸運地找到兩個位，老闆走近過嚟親切地問我哋要食什麽，我和太太也叫了早餐B，加多一隻蛋。這間小店嘅價錢果然是聯和墟最親民又優質嘅cafe。早餐B是素餐，沒有肉類，清清地唔油膩，沙律真的太好味，加上一杯熱騰騰嘅cappuccino，真係人間美食，我知道老闆對咖啡嘅味道有要求，希望客人喜歡自己嘅咖啡同埋食物，加油👍🏼…Read More

今日去咗食早餐，發現通粉早餐有新嘅湯底，就係我嘅至愛洋蔥蘑菇忌亷湯底，唔使諗咁多即刻order，果然冇令我失望，湯底唔係「杰」身嗰種，非常之正，再配雞扒同埋一隻雞蛋、豐富嘅澱粉質同埋蛋白質非常充足，之後去做gym就有氣有力。仲有嗰杯杏仁咖啡口味非常好👍🏼，對我依嗰不嬲都好少飲咖啡嘅人都覺得杯咖啡好好飲，又容易入口。舖頭雖然地方唔係好大，但是十分企理，老闆們也好友善，大家如果有機會嚟呢度食嘢可以給老闆一些意見，佢好樂意聽到㗎😍！…Read More

今日下晝經過銅爐，以為佢只係食火鍋，原來中午都有飯或米線可以選擇，我老婆食咗個小火鍋，我就嗌咗個麻辣雞扒米線食，火鍋係一人一鍋，份量足夠一個人食，肉類同埋蔬菜都好新鮮，而我就食咗麻辣雞扒米線，好多地方只有辣味，沒有麻味，但係呢度兩樣都有，好平衡，我叫咗個大辣米線，裏面有好多紅椒識，食落非常刺激。另外一讚就係地方非常整潔乾淨，侍應很有禮貌，價錢又平性價比極高，希望下一次有機會過嚟食晚餐，侍應話晚餐的火鍋配料會有多些選擇呢☺️…Read More

今日下晝叫咗平時好鍾意食嘅三文魚壽司吞拿魚壽司炸蝦卷等等，今日再叫了炙燒海鮮井飯，因為新鮮製造，所以啲飯同其他海鮮十分新鮮好好味，不過只係做外賣，如果有堂食就更加好😋😋😋…Read More

可能人手不足，工作上有D繁忙，最好不要用WhatsApp 訂枱，佢哋唔多睇WhatsApp ，但食物好味搭救，食咗個意粉、雞飯同埋豬扒，意粉辣味十足，辣度似5小辣，雞飯買相平平無奇，但雞肉夠幼滑，肉汁好味、而豬扒又大塊又夠厚，功出嚟好多肉汁，可再次去食。…Read More

平日會食好西嘅我，今日假期不用返工出去食，想食返一啲地道清清地嘅嘢啦，依家就去咗上水嘅餐廳店名叫做三餐四季食咗川味米線餐廳同埋沙嗲肥牛炆伊麵。米線無辣度揀，所以不太辣，辣度仲少過某間出名米線嘅小辣度，有啲不夠喉；炆伊麵都幾好食，味道足夠但感覺有少少肥膩，但整體上都係好食嘅，餐廳環境整潔，侍應亦都好有禮貌。佢原來都有早餐食嘅， 有我最鍾意嘅脆豬包啊🥰…Read More

昨天下午食了蒜香牛肉粒飯、黑蒜油豬軟骨拉麵、雞軟骨餃子同埋黑松露雜菜。牛肉粒有少少韌，但蒜香味足夠。至於拉麵，黑蒜油非常入味，但豬軟骨又唔夠淋，扣分少少分。雞軟骨餃子同埋黑松露炒雜菜都非常好食。至於環境方面，冷氣好唔足夠，我尋日1:00入去食，食到我周身汗，好想食完快啲走，希望老闆加大啲冷氣同埋加多幾把風扇啦，唔好令啲食客食得咁辛苦。…Read More

不想食麥記又不想食普通茶記，點算好？前幾日就去咗一間有肉骨茶食嘅食店，鋪頭面積不大，但地方整潔。今日食咗娘惹咖喱牛腩飯同埋星加坡豉油雞油雞撈麵。咖喱牛腩好淋身，入口即化，咖喱就係星咖坡味道，成碗汁都差唔多食晒😜如果下次再食豉油雞撈麵，可叫他們加多少少少豉油汁，我想會更出味，不過今次食已經覺得好好食😋…Read More

經過店舖見到佢個名叫做Cafe Hansik，以為有咖啡飲啦，就第一時間衝入去坐低，諗住叫杯咖啡嘆吓啦，原來呢度冇咖啡飲㗎，佢係一間小店食韓式料理嘅，心想唔緊要啦，冇得去韓國旅行，依家見到有炸雞食食就即刻點返個嚟食啦。我今日叫咗蜜糖芥茉炸雞、菜肉餃子同埋韓式牛肉紫菜飯卷。首先講炸雞，蜜糖芥茉真係幾好味，上枱時熱辣辣，一啲都唔辣，值得推薦。之後食菜肉餃子，味道不過不失，下次可以轉食其他餃子。最後就係韓式牛肉紫菜飯卷，我比較喜歡食日式做法嘅飯卷，不過我點左之前炸雞嗰隻蜜糖芥茉，發覺又幾好味喎:)…Read More

我哋今日下午食了溫泉蛋卡邦尼意粉和安格斯薄牛肉咖喱飯。意粉嘅口感比出邊平想食嗰啲鋪頭冇咁杰身，再加埋溫泉蛋落去，口感又另一番味道，蛋味重咗好多，但又唔會漿住過嘴，好清爽；至於咖喱飯比較突出嘅地方就係佢哋嘅咖喱味，食落去有少少中草藥嘅味道，我意思唔係話唔好味，係用「全新突破」嘅感覺去煮咖喱，如果你想食咖喱，但又唔想食平時食開嘅普通味道，依度應該可以嚟試吓。…Read More

今日行過鋪前，見到一個二個蛋糕擺喺櫥窗非常吸引，即刻食指大動，買咗個柚子味蛋糕返屋企食，蛋糕好好味又鬆軟，唔係太甜，好易入口，果然冇買錯，其他味道都可以日後試吓，加油💪🏼…Read More

今日午餐叫了冬陰公湯飯，正正合適不想食太多肉汁嘅碟頭飯嘅我，湯嘅辣味不太重，唔食慣辣嘅朋友都唔洗驚飲唔到湯，餐飲叫了熱洛神花，怕酸味可以加糖，餐後飲咗可幫助消化㖭。…Read More

今日行過銅鑼灣醫肚餓，但又唔想食得太重，所以就去咗呢間餃子店食啦，我哋帶咗竹昇米線同埋雲耳粟米餃同埋粟米肉粒餃。竹昇米線都幾滑，餃嘅味道也恰到好處，但D餃湯好清，有啲似飲水。雖然今日係星期日下午一點幾鐘，但係間鋪頭冇乜人，可能剛才下了一場黃宇雨，所以店內冇咩人，但佢D員工服務不太好，員工顧自做自己嘅工作，menu都要自己攞，我舉手和叫她們也沒有反應，水也不提供，如果10分滿分，我俾6分…Read More

今晚叫咗馬沙拉牛肉中辣、咖喱雞小辣、炒雜菜、尼泊爾麵包同埋尼泊爾烤包，辣度適中，迎合香港人的口味，馬沙拉牛肉味道濃口，如果怕辣，可選小辣的味道，咖哩雞味道溫和，食咗好似有初戀嘅感覺，不過我分不出尼泊爾麵包同埋尼泊爾烤包有乜分別😁感覺口感一樣（附加：有兩個廁所，廁所乾淨企理，值得一讚）…Read More