lolheylol's Profile

又來又來啦！韓流又來啦❤️今日帶大家嚟到尖沙咀韓屋睇吓有咩好嘢食先！🙌🏻醬炒牛肉石鍋芝士拌飯🧀 $138呢個簡直係今日全場MVP個石鍋芝士拌飯，簡直好食到超乎我想像！個飯仲要係非常少女心嘅紫色，恰到好處嘅調味，滿滿都係暖笠笠嘅芝士同埋香脆嘅飯焦！大家嚟到一定要試！🙌🏻牛排骨湯$148見到好多人嗌呢一個湯都會配白飯，但係我哋兩個女仔減肥就唔食咁多啦，好彩冇嗌到咋！原來呢度嘅份量非常，如果再嗌多個飯肯定要做大嘥鬼。呢個牛骨湯非常鮮甜，可以食得出係用新鮮食材熬製！而且牛肉都非常大嚿啊！🙌🏻韓式煎餃子五隻$78去唔到韓國食吓韓式餃子都唔錯！呢度嘅韓式煎餃子非常正宗簡直1秒帶我飛到首爾！脆卜卜嘅外皮同鮮美嘅肉肉～真係好好食呀！…Read More

想同米奇老鼠食飯嘅朋友注意⚠️！唔使去迪士尼樂園啦，過嚟九龍城樂園一樣有米奇同你食飯唔只啊，仲有曱甴近距離接觸活動。大家有興趣歡迎嚟捧場。店員冇禮貌就預咗㗎啦，唔知上次乜事。最老嗰個簡直串到一個點，一朝早串串共，畢竟呢度名氣大多你一個唔多少你一個客冇所謂。收銀哥反而態度唔錯，其他人態度都還好。可能名氣太大啦，水準都大不如前。奶茶成大杯都係冰。個面淡茂茂，炸雞扒縮晒水，又乾又柴，以前唔係咁㗎！食咗咁多年，九龍城好食嘅唔係得你一間，平日過嚟都係為咗回憶吓，既然呢度唔歡迎嘅，算啦，以後唔會再幫襯…Read More

❤️秘製章魚蛋漿熔岩炒飯係OPPA親自幫我炒㗎！金黃色嘅米飯配上新鮮章魚，淋上滑順嘅蛋漿，每一口都散發住海洋嘅鮮味。章魚嫩滑，蛋漿香滑，唔單止增添色彩，仲令口感更清新，令整道菜更加豐富。非常推薦呢個炒飯！大家一定要食！！❤️無骨蜜糖牛油炸雞呢道無骨蜜糖牛油炸雞外酥內嫩，香氣四溢。雞肉經過精心醃製，融合咗甜蜜嘅蜜糖同濃郁嘅牛油，炸至金黃酥脆，外皮香脆可口，內裡卻保持住肉質嘅鮮嫩。每一口都能感受到甜同咸嘅完美平衡，令人一試難忘！❤️梨汁與桃汁為咗平衡呢啲美味嘅主菜，搭配一杯清爽嘅飲品係必不可少嘅。梨汁清甜爽口，可以有效解膩，保持口腔嘅清新。而桃汁帶有淡淡嘅水果香氣，甜而唔膩，十分適合搭配任何一道菜式，增添一份夏日嘅清涼感。…Read More

我最欣賞嘅係呢度嘅性價比之王打邊爐！我哋嗌咗嘅壽喜燒鍋，感覺佢嘅味道同日本食嘅差唔多，大家放工可以過嚟暖吓肚。裏面有香甜嘅粟米，金針菇，各種青菜，嫩滑嘅豆腐。當然唔少得牛肉啦。另外呢度嘅牛魔王飯都係我哋今日嚟嘅重點！呢塊肉真係超級淋上醬汁配埋飯真係好滿足！另外加錢仲可以配小食同嘢飲唔同嘅價位有唔同嘅小食大家可以自由選擇㗎！呢度仲有學生優惠好啱各位學生哥過嚟同朋友開心聚會！大家都覺得好食嘅話可以過嚟試吓！…Read More

Soho有咩好嘢食？今日嚟到 @brickbybrick_sohohk 尼度環境設計現代，氛圍輕鬆舒適，適合朋友聚餐或家庭聚會。服務人員熱情周到，讓人感到賓至如歸。招牌2人套餐。珍寶大蜆拼海蝦喇沙 呢道菜的海鮮非常新鮮，蜆肉鮮甜，大蝦新鮮，搭配濃郁自己熬製嘅喇沙湯底，香料和椰漿的味道相得益彰，令人回味無窮。佢獨特嘅回甘，全部都係用一個個椰子煲出嚟㗎！。火熱砂煲肉骨茶萬眾期待！砂煲熱度保持得好好，肉骨煮得軟爛，湯頭濃郁，帶有香料的香氣，十分暖胃。全部都係用新鮮藥材自己熬製！簡直係大補！。日本Suntory黑啤雞翼雞翼外脆內嫩，黑啤風味讓雞翼更加醇厚，搭配的醬汁增加咗層次感，絕對是酒席上的佳品。 。 話梅桃膠羅漢果茶呢款冷飲清新可口，甜度適中，搭配左梅子和桃膠增添了風味，特別適合搭配辛辣的菜式。 。蘋果醋椰果特飲清新宜人，蘋果醋嘅香氣非常突出，與甘甜吡椰果味道結合得恰到好處，係完美的餐後解膩選擇。整體來講，Brick by Brick嘅招牌套餐非常值得一試，價位合理，食物質量高，無論海鮮還是肉類都表現不俗，而家仲有優惠！！！下次再嚟中環的時候，肯定會再次光顧！…Read More

。carbonana $138千祈唔好大頭蝦睇錯咗啊，呢個唔係你食開嘅Carbonara同平時好唔同，呢個係一滴忌廉都冇落到嘅而且主打港式腐乳醬風味！另外呢度仲用咗臘腸嚟代替普通培根感覺啱晒我呢啲中國胃❤️🤣非常特別係一個我絕對會返嚟再食過嘅菜式之一！。煙三文魚Quesadillas $138講到食西班牙菜式點會少得西班牙傳統夾餅呢？呢個夾餅真係超級多芝士🧀，感覺就嚟要爆出嚟啦！佢仲提供咗三款特色醬汁包括有蕃茄同埋我最愛嘅酸忌廉！識落會有好特別嘅口感同配搭！。banana bunuelo $108讀咗三年西班牙文嘅小編都唔知道係咩嚟添！咁就梗係要試吓一探究竟！佢嘅外層係脆卜卜嘅油炸脆皮食落去非常有口感。裏面係蛋糕同埋朱古力醬，感覺好似打開禮物感非常有驚喜！加上雲呢拿雪糕同埋香蕉真係好邪惡啊！…Read More

。新推出濃芋系列！唔好錯過今期限定飲品！全部都係用心製作嘅芋頭飲品，可以揀凍同熱仲可以調節糖分，飲多啲都唔怕肥啦！琴日我就買咗熱嘅 慢熟濃芋厚奶$42 真係暖到入心！有超級芋圓仲有綿密嘅芋泥！真係好啱我心意。國王珍珠奶茶$37咁一場嚟到當然要飲返呢度嘅經典鎮店之寶國王珍珠奶！呢度嘅茶底出名香醇有回甘，今日一試確實如此！難怪我身邊嘅朋友都推薦我去試吓！加上佢口感彈牙嘅珍珠同Creamy厚奶真係好夾呀！希望大家都鍾意…Read More

❤️最近我去咗慢理墻城，試咗佢哋嘅斑馬二人餐，真係令人驚喜。墻城以其創意小食聞名，今次我特登試咗幾款招牌菜，感受一下呢度嘅獨特風味。。墻城小食拼盤首先，墻城小食拼盤係一個唔容錯過嘅選擇。佢地嘅拼盤內有多款小食，山一樣咁高嘅薯條同番薯薯條配上黑松露醬汁同茄汁，唔會太油膩，仲有一種淡淡嘅鹹香味。德國腸炸雞翼馬蘇里拉芝士條同埋三角芝士波波都做得非常出色，每一口都可以感受到新鮮食材嘅味道，好適合一齊分享。。墻城貳佰陸拾捌蚊雞接住嚟試咗呢個燒春雞，呢個燒春雞醃製入味，味道濃郁。雞肉外脆內嫩，每一口都有肉汁喺口中爆開，配合佢哋特製嘅芥醬汁，真的好好味。加上微辣嘅口感，食完之後令人回味無窮，實在係一款好下飯嘅選擇。另外佢仲配上黑松露薯蓉本身已經非常Creamy再加上黑松露嘅點綴真係超級好食！。牛油果忌廉蟹肉意大利飯之後我試咗牛油果忌廉蟹肉意大利飯，呢道飯色香味俱全。拎到上枱都非常震撼，佢上面頂住嘅係拳頭咁大嘅蟹肉波波！意大利飯煮得剛好，米粒粒粒分明，濃郁嘅忌廉同蟹肉混合得恰到好處，特別係加埋牛油果，令整體味道更加豐富。每一口都帶有蟹肉嘅鮮味，令人感受到海洋嘅味道，真係好推介。西西里的檸檬向日葵講到甜品，我試咗西西里的檸檬向日葵，呢道甜品外型獨特，似一朵盛開嘅向日葵。檸檬味道清新，唔會太甜，正好中和咗前面重口味嘅小食，令人心情愉悅。口感層次分明，實在係一款完美嘅收尾。。西柚紅石榴乳酸梳打飲品方面，我選咗西柚紅石榴乳酸梳打，飲落去清新又消暑。酸酸甜甜嘅味道，搭配微微氣泡，令人感覺非常清爽，特別適合熱天飲用。。竹炭炭燒榛子咖啡最後，我點咗竹炭炭燒榛子咖啡。呢杯咖啡色澤濃郁，味道香醇，竹炭嘅加入令咖啡多咗一份獨特嘅風味，榛子嘅香氣亦相當突出，飲完之後令人心情愉悅。…Read More

雖然而家開咗sem要返學，飛唔到韓國，不過一啲都阻擋唔到，我要食韓式炸雞嘅決心！今日就帶大家嚟到東薈城 @banchancook 一齊嚟睇吓有咩好嘢食先！。肉醬牛胸肉蛋包飯呢個蛋包飯真係令我驚喜。蛋包外層滑嫩，裡面包住濃郁嘅肉醬同牛胸肉，口感層次分明。每一口都感受到肉醬嘅香氣，配埋Q彈嘅米飯，真係好好食。牛胸肉質鮮嫩，醬汁同肉嘅結合更加提升咗呢道菜嘅美味。。墨汁大蝦魚籽意粉呢道菜視覺同味覺都好享受。黑色嘅墨汁意粉好吸引，蝦仁鮮嫩，魚籽嘅鹹香亦為菜式增添咗唔少風味。意粉嘅彈性正好，搭配埋濃郁嘅墨汁，令人感受到海洋氣息，彷彿身處異國海鮮盛宴。。炸雞拼盤拼盤入面有三種唔同口味嘅炸雞，芝士、酸忌廉洋蔥同金橘口味，每一種都有自己嘅特色。芝士口味嘅炸雞外脆內嫩，奶香濃郁；酸忌廉洋蔥嘅清新感令人耳目一新；金橘口味嘅炸雞則係意外驚喜，酸甜滋味令人回味無窮，整個拼盤好有變化。。甘筍Oreo慕絲蛋糕呢道甜品好特別。慕絲細膩，Oreo嘅脆感同佢相輔相成，甜而不膩，口感輕盈。蛋糕入面嘅甘筍香氣為呢道甜品增添咗健康感，令我喺享受美味之餘，對健康成分都有所欣慰。一啲都唔使擔心卡路里😂。伯爵茶鮮奶咖啡。焦糖脆脆鮮奶咖啡伯爵茶鮮奶咖啡茶香同咖啡濃郁交融，令人感受到優雅嘅氛圍；而焦糖脆脆鮮奶咖啡就係另一種風格，焦糖嘅香甜搭配咖啡嘅濃烈，味覺對比明顯，帶來愉悅嘅享受。…Read More

。Bamboo Charcoal BlackSesame Latte $48呢度嘅飲品有好多唔同嘅選擇，而且全部都好特別我哋就揀咗竹炭黑芝麻鮮奶，真係非常濃郁嘅黑芝麻味！而且呢度嘅拉花都好靚，熱辣辣咁飲落去特別暖心！。Bailey Mocha $65有冇人都係特別鍾意Bailey 嘅味道？你杯飲品入邊我最鍾意竟然係嗰個圓轆轆嘅大冰球，真係好得意呀！講返正題先朱古力同咖啡嘅碰撞恰到好處，夾埋Bailey真係好啱約會！。Larger Beer Risotto w /Homemade Pancetta $138有邊個會諗到啤酒同意大利飯可以撈埋一齊而且仲要非常好食？今次真係大開眼界，可以試到咁新奇嘅配搭，不過最好食都係自家製豬腩肉🤣🤩。Squid Ink Sauce Spaghetti w/ Asparagus and Scallop $129我哋兩個都好鍾意呢個墨魚汁意粉，佢嘅口味非常creamy，而且帶有海鮮嘅鮮味同香氣，仲有濃郁嘅芝士🧀，我哋爭啲食到舐埋隻碟！🤣。 dirty tiramisu $68我哋一向都好鍾意食甜品，尤其是食過好多唔同嘅提拉米蘇，不過呢度可以話係全香港最好食嘅Tiramisu沒有之一！雖然佢唔係傳統Tiramisu但係佢妙咁用咗熱熔朱古力令到我哋可以食到多重口感，體驗冰火兩重天嘅感覺！💋🤩…Read More

。Slow Cooked Pork Belly Waffle Sandwich $118慢煮手撕豬腩窩夫三文治 $118老實講，我每次嚟到都一定要嗌！今日重點推介呢一個咁特別嘅三文治！首先呢度嘅手撕豬腩全部都係自家配方熬製，可以肯定必定會打敗全港90%嘅餐廳！另外呢度嘅窩夫都係一大特點，從來冇食過牛油味咁香咁濃郁外脆內軟嘅窩夫🧇，打橫睇仲厚過手掌！偷偷地話俾大家聽我最鍾意嘅食法係首先食咗一半窩夫然後再將剩低嗰一半夾埋手撕豬腩慢慢食！咁就可以體驗到原味窩夫同埋芝士豬腩窩夫💋😘。Slow Cooked BeefCheek $172慢煮牛面頰肉配法國麵包或扁意粉 $172呢個係我男朋友至愛！作為肉食愛好者見到咁多軟腍腍燉到入晒味嘅牛面頰肉，真係口水都流埋出嚟！🤩個人覺得配法國麵包都幾有特色，但係想飽肚嘅話都可以嗌意粉🍝！不過嗌法國麵包嘅話就可以解鎖新食法！可以將麵包「朔」晒剩低嘅湯汁，一滴滴不剩🫶🏻。Triple Chocolate Moffle $84三重朱古力配朱古力雪糕 $84今次係我第一次試佢嘅甜品，我覺得佢比較特別嘅在於佢窩夫入邊夾住QQ彈彈嘅麻糬😱🤩！真係非常有驚喜，最鍾意就係佢外脆內軟嘅口感，另外呢個三重朱古力真係非常多朱古力！如果你唔係中度朱古力愛好者，我建議你嗌返其他口味，不過好似我咁嘅甜品星人肯定非常之欣賞😘。iced black sugar hojicha latte $48凍黑糖焙茶鮮奶$48相信大家去Cafe都想嗌杯飲品慢慢Hea下，我哋都唔例外，就試咗佢嘅黑糖焙茶鮮奶，個人覺得焙茶味非常濃郁，同鮮奶都好夾，而且佢嘅黑糖巧妙咁吊咗少少甜味🤩我哋都好鍾意！。passionfruit shaken tea $46熱情果手搖冰茶 $46夏日熱辣辣飲返啲refreshing嘅凍飲，除咗汽水之外，我哋最鍾意就係水果茶，熱情果嘅配搭做得好好，除咗有甜味之外，仲有清新嘅酸味，真係呢一餐嘅點睛之筆！…Read More

🥺🙌🏻🫶🏻真係超級超級好食，今次真係唔讚唔得大角咀呢一間隱世台灣菜真係非常正宗！大家一齊嚟睇吓 黑布小巷 有乜嘢特色台灣菜先！。雞啤肉蔥油拌麵套餐 $68首先同大家推介嘅係呢度嘅招牌拌麵套餐，千祈唔好睇小佢啊，蔥油拌麵超級惹味而且雞髀肉真係成塊手掌咁大，仲要有咁多塊！簡直一個人都食唔晒＇再加埋跟餐嘅小食大家可以選擇正宗台灣腸，甜不辣，花枝丸等等超級多選擇！。台式肉蛋芝士吐司$56相信大家都睇過台灣電視劇劇嘅男女主角拎住一份心意滿滿嘅早餐吐司，今日終於對我哋體驗吓青春嘅感覺！食完之後終於明白點解呢個係台劇欽點早餐🥣！食完之後感覺元氣滿滿！超多芝士豬扒同埋蛋嘅感覺非常配合，比我一種好滿足嘅幸福感！。芝士火腿肉鬆蛋餅 $42相信台式蛋餅係在座咁多位去台灣必食嘅餐點，今次終於比我喺香港食到台灣同款蛋餅，睇吓啲芝士拉到幾長就知道幾足料啦！滿滿嘅蛋香，加埋肉鬆提味，真係超級正！。甜不辣$38食台灣嘢又點少得甜不辣呢？感覺呢度簡直係香港數一數二，台味最重嘅台灣菜！呢度嘅甜不辣非常正宗，口感Q彈軟糯，真係好啱各位台劇fans！。台灣腸$28真係非常抵讚，大家可以喺啲相度睇到呢度香腸嘅組織全部都係滿滿嘅肉，咬落去簡直一口爆汁，完全係滿滿嘅台灣旅行回憶！。桂花雪梨羅漢果茶 +$8。冬瓜茶+$9呢度全部都係自家新鮮製造，所有調味製作都係店家自己一心一意落手落腳做㗎！而且跟餐優惠真係非常抵，全部都係清熱潤肺又健康又好味！…Read More

叫咗佢哋嘅lunch set $560又有主食，又有甜品。玫瑰醬芫茜大蝦蛋包飯呢個蛋包飯，果然係餐廳經典，鬆軟的炒蛋捲包裹著美味的炒飯，上面放著用鮮亮的玫瑰色醬汁炒的多汁大蝦。米飯中竟然融入左新鮮香菜的芬芳，創造出和諧的味道，而玫瑰醬則為整道菜帶黎微妙的甜味和豐富感。。墨汁大蝦魚籽意粉尼道麵食真係非常出色，以絲滑的黑色魷魚墨麵條為特色，包裹住美味嘅醬汁。義大利麵中間係juicy嘅大蝦，魷魚墨賦予左醬汁濃陏嘅鮮味同微妙的海洋風味。。炸雞拼盤炸雞組合提供了一系列誘人的口味！金黃的炸雞塊經過精心烹調，外皮酥脆，肉質多汁嫩滑。我哋揀咗三款味道——濃鬱的橘子蜂蜜、美味的起司和焦糖洋蔥。每種口味都有其獨特的風味，橘子的fresh、令人愉悅的奶酪，以及洋蔥的甜鹹平衡。這款炸雞拼盤可在一頓令人滿意的餐食中滿足不同的口味偏好。。小甘筍芝士蛋糕尼款胡蘿蔔起司蛋糕將新鮮胡蘿蔔的天然甜味與奶油起司的柔滑口感結合在一起。奶油乳酪增添左清新同輕盈嘅對比，平衡左胡蘿蔔的甜味。每一啖都係和諧融合嘅享受。。mocha溫暖的夏日，冰摩卡咖啡係一種令人愉悅的享受。濃鬱的咖啡風味和柔滑的巧克力之間取得了完美的平衡，並且甜度恰到好處。濃縮咖啡萃取得很啱啱好，提供了濃厚但不過分搶鏡的咖啡因味道，而巧克力糖漿則無縫混合，創造出奶油般絲滑嘅口感。。raspberry soda最讓我印象深刻嘅係蘇打水充滿活力、寶石般的顏色。佢望落同飲起黎一樣令人非常之有活力，到處都可見覆盆子種子的小斑點。碳酸化很活躍，但並不強烈，提供了清脆、清爽refreshing既口感！…Read More

。All Day Breakfast $126每次去到Cafe我都最鍾意試吓佢哋嘅all day Breakfast ，我認為佢簡直係每間咖啡店嘅靈魂所在！今次呢一個真係非常抵食，除咗有靚靚玫瑰形狀煙三文魚之外，仲有脆脆薯角，黑松露炒蛋同埋牛油果醬添！另外仲有新鮮焗製嘅bagel🥯真係好有心思！。Slow Cooked Beef Cheek Risotto $123另外呢間Cafe嘅意大利飯都非常出色！今日就特登嗌咗佢嘅招牌慢煮牛面肉意大利飯！真係燉得非常好食，又軟又腍，啖啖肉，意大利飯嘅質感都好好！又Creamy又有Texture！。Figs & Walnuts Pomegranate Salad $88又到咗夏天啦，各位靚女如果想減肥嘅話我非常推薦呢度嘅沙律！呢度主打三款唔同口味嘅沙律，有溫泉蛋凱撒沙律，烤雞沙律，同埋今日呢一款無花果合桃沙律！全部都係為減肥嘅大家而設！非常新鮮同健康，無花果亦都好鮮甜，配上沙律醋真係好好食。。 Earl Grey Egg Pudding $55呢個甜品係新出㗎！我最鍾意佢嘅質感，有啲雪糕嘅感覺，而且彈吓彈吓好過癮！佢本身非常之滑，冇任何粒粒，口感真係冇得彈！再加上表面嗰層焦糖，又脆卜卜又可以帶出布甸本身嘅伯爵茶味，真係食到停唔到口！。Pistachio Latte $53咁多位開心果星人去咗邊？呢度有開心果latte呀！超級濃郁嘅開心果味，再加上粒粒開心果豐富口感，真係好正！大家快啲嚟試吓啦！。Summer Connection $55今日呢度嘅signature drink係Summer connection，呢杯嘢飲入邊包含咗熱帶水果嘅風味，而且仲加入咗Tonic Water,增添氣泡嘅口感，夾埋Expresso 帶嚟不一樣嘅體驗!…Read More

❤️今日帶大家嚟，我已經book mark咗好耐嘅乳酪雪糕舖頭！ 大家知唔知道乳酪雪糕同普通雪糕有咩分別呢？其實乳酪雪糕係由較為健康嘅乳酪製成，就算係咁食都唔會有負擔㗎！啱晒我哋呢班久坐不運動嘅港女，夏天又有健康冇負擔嘅甜品食l u！呢度嘅乳酪雪糕，除咗有自由配搭之外，仲有店員精心配搭好嘅口味可以選擇！例如有抹茶🍵，咖啡☕️，朱古力🍫，冧酒提子🍇等等！啱晒選擇困難症！另外呢度仲可以另加配料大部份都係$5咋！。抹茶園 $56作為茶味愛好者梗係要試吓佢哋嘅抹茶口味，呢一杯以乳酪雪糕為基底，加上美味嘅自家抹茶奶醬，仲有Q Q彈彈嘅抹茶麻糬，藍莓等等。我哋呢班大胃王仲特登加咗蓮花焦糖餅乾，同埋脆卜卜嘅咖啡蛋白糖，真係超級好食！抹茶味道非常濃郁，而且佢唔會非常甜，夏天清清爽爽黎一杯真係好開心！。自由配搭自由配搭分幾個層次，最平有$48包一個配料同埋一個醬汁！如果唔夠食，仲可以揀第二個Level，$56包三款Topping一個醬汁！我哋呢班大胃王梗係揀最高配！揀咗$58有酥皮筒包兩款配料同一個醬汁！呢度嘅酥皮好出名㗎，外型好似雪糕筒，但係佢係用酥皮製成非常酥脆，我真係好鍾意呢個口感啊！配料我試咗佢哋推介嘅Brownie同埋特色太妃糖，仲額外加咗杏仁脆片同咖啡蛋白糖添。醬汁有輕微酒味嘅朱古力Bailey ❤️，呢度嘅乳酪雪糕，無論點樣配搭都好好食，全部都非常推薦呀❤️❤️…Read More