JoLee1865's Profile

之前飲過呢間台式飲品店幾次，感覺熱飲較出色，再加上天氣都凍，所以今次就叫咗熱飲——波霸鮮奶賞紅茶（少甜）由於即叫即制，所以落單後都要等一陣，適逢聖誕期間有靚靚限定版聖誕插畫杯👍🏽 奶茶用咗真鮮奶，奶味充足，而茶味亦唔會太濃太澀，兩者之間好平衡👍🏽👍🏽 珍珠qq彈彈唔痴牙，不過怕甜嘅人記住叫少甜，個人覺得全糖會太甜總結：奶味茶味甜度各方面都平衡，珍珠好味，係冬天嘅comfort drink😋…Read More

元朗起家做到港九新界都有鋪，一於試試永年嘅虛實🍴四十幾蚊三餸一麵價錢算正路，叫咗時菜生根流心蛋米粉（微辣）。餸嘅份量正常，通菜ok，生根唔推介，平時打邊爐好鍾意食生根因為好索湯好入味，但問題係個湯底冇乜鮮味，所以生根食落只有油味。而店家推介嘅流心蛋的確流心，質地唔錯，但因為完全無滷過，所以除咗微微嘅蛋味其實冇咩味... 米粉份量同質地都正常，叫咗微辣，辣汁都幾辣吓，但唔太香，總括而言，普普通通，可能唔太啱我口味總結：價錢&份量適中，味道普通…Read More

以前喺太古呢頭返工，最煩惱嘅就係lunch冇乜選擇，到離職後先發覺原來東達有間隱世高質飯堂，如果早啲發現就好喇🙉飯堂裝修主要以淡藍及木色為主調，環境舒適寬敞。menu有肉食亦有素食，主要有意粉、飯、沙律，夠晒多選擇。今次先試試芝士番茄辣意粉&野菌卡邦尼意粉🤤想大讚兩款意粉都好出色，各有千秋👍🏽 芝士番茄辣意粉好惹味，意粉質地啱啱好，鮮茄嘅酸味加上微辣嘅調味令人一啖接一啖停唔到口🤤 芝士味唔算濃，但有拉絲，成個意粉配搭好正👍🏽 而野菌卡邦尼就係另一種美味，首先不得不提個汁好creamy好香濃，即使冇煙肉都唔會覺寡，而野菌亦都同個汁好夾，食到尾都唔會膩👍🏽 跟餐叫咗熱檸茶，茶底唔澀👌🏽總結：環境舒服，意粉好味，跟餐飲品正常發揮，價錢適中，絕對會再幫襯P.s. 飯堂嘅杯碟好靚，餐具控一定會鍾意…Read More

大埔有好多粉麵店臥虎藏龍，如果唔係朋友介紹都發掘唔到呢間位於內街嘅老虎岩🤓第一次試決定嗌牛腩河，返到屋企食一開蓋已經香氣撲鼻，個湯底好正啊😍 有油脂嘅香，但質地唔會太油膩，湯底味道夠濃郁而且帶點鮮甜，附送嘅配菜（生菜）吸到湯味，非常滋味👍🏽 河粉滑溜，同湯底都好夾，可惜係有點兒碎，就咁夾好難夾，要用匙羹幫手。而牛腩我留畀家人食，佢話都好好味，唔乾、有牛味、唔會痴晒牙👍🏽總結：湯底出色，下次再食想試佢嘅麵🤤…Read More

大埔廣場有另外一間車仔麵店係我以前讀書時期好鍾意幫襯嘅，但近年水準每況愈下，喺呢頭真係好麵難求。最近有朋友話廣場有間新開車仔麵好味，等我又出動試吓先😋買咗外賣三餸一麵，清湯米線+紫菜+滷蛋+聰明哥豬扒(+少少辣汁)。店家分咗湯，餸同麵底亦都有隔開，到食嘅時候湯都仲係熱辣辣，米線同餸亦都唔會過淋👍🏽 米線滑溜又有口感，不過我覺得清湯普通，下次再食會叫其他湯底🤤 餸方面就三種都好出色👍🏽👍🏽👍🏽 紫菜好好食、冇沙，辣汁加咗喺餸面，同紫菜好夾，麻麻辣辣，正👍🏽 滷蛋好入味，仲好味過唔少滷味店賣嘅滷蛋👍🏽 聰明哥豬扒我屋企人食嘅，佢話炸皮脆薄，豬扒入味、唔韌唔鞋，好惹味，相信堂食會更好食👍🏽 店家仲附送咗一小包菜甫，菜甫微辣好開胃，好想用嚟整菜甫蛋😂總結：餸嘅種類多，唔只得丸嗰類hea嘢，而且試三款餸三款都好高質。麵底湯底正常發揮，期待試其他湯底😋…Read More

假日同屋企人飲茶，食量不大所以三個人叫三樣嘢就夠我好鍾意芝士又鍾意伊麵，所以如果間酒樓有芝士伊麵我通常都會叫😋 明星嘅芝士伊麵係配蝦而唔係龍蝦，不過由於我唔食蝦亦唔食龍蝦，所以對我嚟講冇分別😂😂 芝士汁水準穩定，芝士味香濃，唔會有騷味，質地稠身，好容易就掛滿喺伊麵👍🏽🤤 而伊麵就水準冇咁穩定有時彈牙啲有時淋身啲，今次就略微太淋，不過撈埋芝士汁都好好食，推介👍🏽🤤另外叫咗燒汁煎釀茄子同家鄉甜薄罉，茄子走油/炸過，外脆內軟，配燒汁好夾，但燒汁水準唔穩定，有時味濃啲有時淡啲，撞手神😂家鄉甜薄罉好味，煎完嘅薄罉捲成一條切件，再灑上香脆花生碎，我特別鍾意食頭尾，因為多邊位脆啲，而花生碎就似平時糯米糍啲餡，都同薄罉夾嘅👍🏽總結：呢間酒樓水準唔太穩定，但差極有個譜，由其推介芝士伊麵👍🏽…Read More

閒日夜晚8點幾去試加藤屋，都幾full好彩咁啱有人走，見周圍啲人大部分打邊爐，但我盡量戒肉所以成個menu我揀到嘅就係咖哩雜菜飯😂咖哩汁同飯分量夠多，飯質適中，唔會太軟太硬👍🏽 咖哩汁好好味😋😋 比平時嘅日式咖哩辣同香，我揀小辣覺得好味👍🏽 啲汁啱啱好夠撈晒全部飯，雜菜有白烚西蘭花、椰菜花同甘筍，唔會烚得太耐，沾咖哩汁食好味，如果單食應該會好寡總結：淨係咖哩汁撈飯已經好正，會encore，如果有多啲非肉類選擇就好(e.g. 蛋、薯仔)…Read More

之前聽講渣哥啲腸粉同某米芝蓮腸粉店同廠造，作為腸粉愛好者嘅我一直都想試試，今次試咗頭抽香滑腸粉($16)+香滑齋($15)頭抽香滑腸粉，名符其實非常香滑，腸粉熱辣辣好正。平時好怕啲腸粉好大陣粉味，好彩渣哥啲腸粉唔臭粉味，仲有淡淡米香，豉油同甜醬辣醬分量啱啱好，好味🤤😋另外仲叫咗份香滑齋(+咖哩汁)，咖哩汁微辣非常香，加落齋度好夾啊😍 冇記錯一共有五大嚿，如果每嚿可以剪開兩半就更加方便食👍🏽總結：試咗兩樣嘢都非常好食，腸粉香滑，齋配上咖哩汁係畫龍點睛，一定會再食😋😋😋…Read More

同另一半經開呢頭決定試試好多人推介嘅糖水雄，鋪頭唔大，有室內室外位，不過咁熱我哋都係坐室內，然後發現店裡面好多利物浦嘅裝飾品，我同另一半都係利迷，未食已經加分😂🔴🔴🔴坐低之後嗌嘢食，我哋叫咗兩個飲品兩個小食，結果係一半好好食一半普通😂 首先講好食嘅有西瓜沙冰，勁大杯勁足料，透心涼啊🤤 飲得出係天然西瓜味，唔係糖漿溝出嚟，質地幼細，唔會有好粗嘅冰粒👍🏽仲有xo醬炒麵都係必食，麵質乾身、味道惹味之餘，食落仲有少少脆好香口，勁正，唔知係咪xo醬入面有啲脆卜卜嘅嘢呢🤤普通嘅有冰鎮芋圓冰同腸粉，冰鎮芋圓冰嘅芋圓煙韌，其實唔係唔好食，但我哋以為係有刨冰再加芋圓，點知原來係芋圓、糖水加冰粒，所以同期望有啲落差而腸粉就普通，有少少粉味總結：西瓜沙冰&xo醬粉麵超水準，一定會再嚟食，芋圓冰&腸粉就唔會再叫，下次再叫其他嘢試吓😋…Read More

早前同阿媽去咗彩福飲下午茶撐枱腳，兩個人所以食得唔多嘢，叫咗一個下午茶孖寶（油雞米粉+千層糕）同一個豉油皇炒腸粉油雞米份量夠，味道正常，千層糕唔錯，成日都會叫，豉油皇炒腸粉勁大碟但味道普通，下次都係叫返石鍋炒腸粉🤤🤤 雖然貴少少但惹味同乾身好多，後悔冇叫😫總結：兩個人下午茶齊頭$100，味道正常，份量夠，算係咁啦😋…Read More

好多時諗唔到食咩就會去三哥，多嘢揀之餘又抵食，而且唔同分店食物水準都穩定，所以基本上唔會有伏👍🏽我例牌都係叫木耳絲十小少米😂😂 木耳絲依舊爽脆，分量夠多👍🏽 米線同湯底都係一如既往嘅味道，我鍾意👍🏽…Read More

大埔賣雞蛋仔嘅鋪頭唔多，都係賣比較傳統嘅口味，直至呢間小店開張，見menu有大概10隻味，除咗原味仲有其他甜、咸、甚至辣味，仲可以加雪糕，夠曬多選擇👍🏽👍🏽 之前經過已經覺得好香，但嗰陣趕時間見太多人等冇試，今次終於有機會試😋😋😋我本身好鍾意食jacob’s隻橙餅，所以毫不猶豫就揀積及橙味，飲品都幾多款式有生果類、奶茶類、乳酸類，今次就試比較特別嘅百香火龍果龍井，套餐優惠仲減$4添因為都多人買同埋即整關係，所以要等幾分鐘，好彩商場有冷氣如果唔係熱死🥵飲品好fresh好啱夏天飲，我叫咗少甜，味道啱啱好，茶味夠，百香果酸酸甜甜好有咬口，不過唔太覺有火龍果，可能淨係想攞個顏色😂然後雞蛋仔一攞已經好香橙味，食落就係jacob’s橙餅味🤤 外脆內軟，裡面唔係空心，質感同味道都調得好，jacob’s fan一定會鍾意🤤 總結：食物款式多，味道有驚喜，會encore👍🏽…Read More