bonniecarrie的個人專頁

同男朋友黎呢頭 去左呢間東北菜館食叫左一個犇面 一個肉三鮮餃子 一個肉皮凍犇面個湯底好清甜 唔會好油 肉好香好入味 面就普通吧 味道：8/10餃子麻麻地 可能焗得太耐 個皮太冧 好易穿 而且入面啲料既調味都比較淡 豬肉得好少 ………味道：6/10肉皮凍幾好食 好滑 但豬皮既份量偏少左啲 味道：7/10…查看更多

今日係週年紀念日 同男朋友搵左呢間餐廳我地訂左枱7：30 去到都暫時唔太多客 1/3滿先叫左個黑松露忌廉溫泉蛋扁意粉 a5和牛 火炙壽司盛合（6件）等左半個鐘都未黎 ………已經好餓了 ……再過多十分鐘 和牛同壽司 終於黎左我對和牛認識唔多 但感覺新鮮 點少少汁同夾洋蔥食已經好好食 唔點野齋食亦都無異味 都算係有入口即溶既感覺 算係對得住呢個價錢 味道：8/10然後就係火炙壽司 整得幾好食 飯唔係好易散嗰啲 火炙完真係幾香幾吸引人食 入口即溶 值得一讚既係佢既wasabi 應該係自己磨嗰種 喺出面真係唔係咁常見啊 味道：8.5/10食到半路 個扁意粉都黎左啦 好唔開心個溫泉蛋黎到嗰陣已經穿左 ……………… 不過食落係好味 好少可係食落咁有黑松露味 亦都唔會太膩 意粉有少少唔均勻 有小部分硬左啲 不過係可接受範圍 份量算係正常偏少少多9/10之後再叫多左個海膽卷 呢個係我有少少失望既菜式 海膽腥左少少 ……味道：6/10呢間餐廳既野食唔錯 但速度要改善一下 開頭嗰兩個菜等得耐左少少 ……服務態度都無問題 亦都無趕我地走 仲話幫我地收左啲野 唔會阻住 傾多陣都無問題 不過佢地又真係成晚都無滿座既 ………由我地坐低 到9點幾我地走 最多人嗰陣都係3/4滿大家黎開呢頭 都可以試下呢間啊…查看更多

最近喺大埔番工 見啲人話呢間拉面好食 緊係要去試下揀左好耐 終於揀左要 黑蒜叉燒拉麵 （加左二辣，最高係三辣）面揀左普通硬度同埋太面等左五分鐘左右 個面已經黎左個湯唔係好濃 比想像中淡（我食開偏淡味的） 而且二辣都無乜辣味 佢啲辣係淨係加七味粉可能真係要叫佢個辣湯底 先真正係辣溏心蛋整得好好食 好流心的叉燒有三片 唔算太肥 係有少少位肥左啲（我平時唔太食肥肉但佢呢個幾好，接受到）值得一讚既 係面 佢地軟硬度控制得好好 就算我食到尾 都唔會冧左總括黎講 我會比7.5/10 係幾好食既 但個湯唔夠香 可能見大家都話好食 心入面有少少期望啦不過68蚊（加埋一75）有呢個質素 算係幾好嫁啦…查看更多

今日黎係因為買左個二人團購門口有得泊車 問過security佢話只要唔係full既話就唔洗錢入到去 餐廳幾大 但客人唔多 我諗得1/4-1/3滿先黎個磨菇湯同面包 個湯好好味 磨菇係打碎左嗰種 連咬都唔洗咬 啖啖都有好重既磨菇味 但唔會太咸 好正！至於面包 係配黑松露牛油既 幾特別 幾好食 男友仲encore左多幾片面包黎點湯食 味道：9/10之後就係starter 係ham platter沙律菜係配醋既 好有歐洲既感覺Ham就正常吧 沒有啲咩特別 但幾好食既味道：8/10再黎就main course了 我地叫左steak（七成）同三文魚牛扒好似唔夠七成熟 偏生左少少望落個樣唔係太吸引lol:不過食落都幾juicy 唔會太硬 煎得幾好 係有少少位好似煎燶左少少 （雖然係char grilled姐但好似個嗰個位有點過左龍= =）伴碟既cheese potatoe幾好食 好濃芝士味味道：7.5/10至於三文魚 真係令我有啲失望 個汁唔係幾好食 同個三文魚唔夾 三文魚亦都唔係特別香 啲伴菜都麻麻地 個汁唔夾味道：5/10最後就係甜品 係火焰雪山 黎之前已經見到好多人打卡都係影呢個火焰雪山 有少少期待 但個味道唔太好食 啲cream好似都唔係好夠滑 ………味道：6/10之前見有人講過佢啲服務唔好 今日黎 又唔覺唔好 普通啦但如果無團購 未必會黎食 啲野食唔太值呢個價錢 ……但個環境係幾安靜既…查看更多

晚飯唔想食太貴 同埋想搵啲小店feel啲既見到openrice話呢度既龍蝦湯好正 今日就黎試下啦舖頭係喺外面點完餐先入去搵位坐既點左個$48龍蝦湯3餸糼面 (蘿蔔 紫菜 墨魚手指)入去坐低左 感覺上佢地有少少混亂 佢地比錯左餸我 我又一時間反應唔切 唔記得自己叫左啲咩 LOLanyway最後食得了個龍蝦湯好清甜 真係飲得出龍蝦味的 鮮味嗰種!至於個面就無咩特別啲餸呢 蘿蔔係真係好清甜 見佢個廣告話佢地啲蘿蔔會"pai"到好入 睇黎係真的 因為蘿蔔既口感唔錯紫菜係我今次特登揀的 平時出去食面我都唔會揀紫菜 因為有好多時啲湯都有味精紫菜就會吸哂啲味精味 但今次就係特登叫既 因為想佢吸下啲龍蝦湯嘛哈哈!墨魚手指就無乜特別 但食得出係味精味嗰種...睇啲人講話村爺爺呢度既和牛油滷水汁都好正 但我對滷水汁無咩研究 佢枱面上張紙教人試完個湯就可以加啲滷水汁喺個湯度 會仲正 但我就唔太喜歡咁樣 加完我唔太食得出咩味- -我都係喜歡就咁龍蝦湯多啲總括黎講四十幾蚊係幾抵既 真心覺得龍蝦湯唔錯 但服務方面希望可以改善下 一邊食一邊望住佢地 都覺得佢地有少少混亂 但當時舖頭唔算太多人 都叫做滿座既 但keep住唔洗等位 所以應該可以再做好啲…查看更多

今日同朋友食飯 我地4人6:30黎到 已經要等位 好彩只係等兩張 等左大約10-15分鐘就入得叫左3個包 3個小食 分別係 饅魚漢堡 蝦兵蟹將堡 牛魔王漢堡 原味雞翼 脆薯條 脆薯格話說我地本身諗住叫小食拼盤 但覺得價錢都唔平 分開三樣都係貴少少 但個量應該會多一截 所以就叫左嗰3個小食啦饅魚漢堡 係成條饅魚 size同menu張相上面既差唔多 幾好食 係可以成個食到 唔洗拆件食 味道4/ 5蝦兵蟹將堡 連切都唔知點好LOL 最後好辛苦先切到4份  大定再夾番個包食 隻蟹係成食上既 無menu張上面既咁大隻 大約有2/3咁大吧 幾好食 但蝦呢就比較遜色 得兩隻好似食指size咁大既 夾左喺蟹下面 無乜蝦味 味道 3.5/5雞翼有4隻 岩岩好一人一隻 但比較細隻 普通 感覺上唔抵 味道:3.5/5薯條同薯格都係同平時差唔多吧 無咩特別 有薯味囉 LOL 係個薯條有一部分細條嗰啲炸過左龍 薯格係炸得唔錯的 呢個量以3X蚊黎講係OK既 味道: 4/5以上呢5樣野食到7788既時候 仲有個牛魔王漢堡都仲未黎 應該係漏左單 同個哥哥仔講完最後等多10分鐘就黎左了塊牛唔係好juicy 但都唔係差既 味道3.5/5整體黎講 唔算坐得迫既 係張枱比較細食物就普通啦 有少少over-priced…查看更多

今日同男友去油麻地嗰頭 唔想食太連鎖既餐廳 結果去左呢間肥波燒餅 上網啲人話佢呢個燒餅係八爪魚丸style既燒餅 而我又幾鍾意食八爪魚丸既 即管試下啦叫左一個重量級肥皮燒餅(薄) $40, 一個炸物拼盤 $59, 一個自家醬汁撈面 $25 (?)好快已經聽到開爐整燒餅既聲音 五分鐘後己經有得食賣相幾吸引 因為我本身鍾意食紫菜 燒餅上面既紫菜都幾多 又有木魚絲同醬汁燒餅好足料 真係啖啖都有料 唔似平時啲八爪魚丸咁得啲面粉食到一半 係有少少咸既 不過都可以接受重量級肥波燒餅 味道: 4/5之後就到撈面 麻油味幾香 個面岩岩好 唔會太淋 撈面都係咁上下吧 不是太特別 味道: 4/5炸物拼盤係等得耐左少少既 不過唔趕時間唔緊要啦個拼盤有 一口炸芝士,豬肉餃子,雲吞,三角薯餅各2件,本身仲有4塊蝦餅. 不過老細話無蝦餅,可以轉15蚊既小食 所以就叫左秋葵(6條)小食炸得都幾好 唔會過左龍 炸芝士係幾好食 不過有點膩 幸好同男友1人1舊LOL豬肉餃子係韓式嗰種 (但餐牌上散叫既豬肉餃子寫明係日式既,所以呢方面唔太肯定到底係日本定韓國既...) 唔理啦 好食就得啦 總括黎講 拼盤味道: 3.5/5今次既食評就講到黎呢度喜歡食八爪魚丸既朋友 如果咁岩行開呢頭 就黎呢度試下個燒餅啦支持小店!…查看更多

一場黎到坪洲 臨走前特登去試華記士多叫左炸雞肶，炸蝦餅同埋炸魷魚炸雞肶好大隻，炸得岩岩好，肉唔會炸到老哂炸蝦餅係因為佢擺喺度既時候見到一塊蝦餅竟然有三隻蝦！所以決定試下！炸到連蝦頭都脆卜卜 正！炸魷魚一共有七八條鬚 算係幾抵 個皮唔會太厚…查看更多

今日雖然有啲天陰 但見難得假期 就同男友照原定計劃去坪洲行下入到坪洲大約2：15 出碼頭見到圖書館轉右 再一直行大約3份鐘 就到達金源冰室黎呢度其中一個原因係見之前網上有人介紹 想試下係咪真係咁正點左公司炒丁（$37） 吉列石斑多士（$22） 檸檬益力多（散叫$19） （本身想試佢個炸豬扒薯條但無哂豬扒）益力多等左5分鐘左右就黎左 試一試 幾好飲 檸檬味同益力多幾夾（不過冰溶左之後味道好淡 叫少冰會較好）味道：4/5再等多5分鐘 吉列石斑多士到 熱辣辣 岩岩整起 多士用左薄面包 塊魚都幾大塊 有大半塊面包咁大面包同魚都炸到金黃 一切就開 點少少沙律醬 正 魚味就不奢求太多 呢個價錢算係幾好味道：4/5再之後等左成15分鐘都未見公司炒丁 有啲擔心漏左單 催一催單 但見廚房同水吧好忙 得兩/三個人 唯有再等下啦睇睇下餐牌 見到有個叫扒芝士火腿（$22） 唔知係咩黎 即管點黎試下！再點左個奶茶紅豆冰（$22）（餐牌上只寫左紅豆冰 問老闆娘先知原來有 仲有咖啡味添）等左5分鐘 扒芝士火腿到 原來係芝腿治再兩邊烤到金黃色 面包如果可以厚少少會更好食 因為而家用薄 烤完扁左 …有少少太薄既感覺 味道一般 沒有太大驚喜味道：3/5食食下公司炒丁終於到 都幾多料 有腸仔午餐肉牛肉火腿芽菜 味道適中 喜歡食濃味啲/辣既朋友可以加啲辣醬味道：3.5/5飲埋個奶茶紅豆冰 奶茶唔太甜 但紅豆有啲好硬有啲又好稔 唔太均勻味道：3/5總括而言 食物不錯 上菜有點慢而且啲單有啲混亂 但人多所以都體諒有小店人情味…查看更多