wongkingchieddie's Profile

Recommended restaurant 真心推介餐廳 ❤️ Fusion菜➕️水母餐廳🪼每樣東西也好吃：炸蠔🧆好吃豬頸肉卡邦尼🐽意粉和汁濃度味道調校得宜香葉肉碎泰式意粉🍝喜歡吃辣的人至愛，由飯換上意粉感覺新鮮最值得讚係 Fish&Chips🐟🍟，魚和炸漿調校很好不會散，未見過好似呢碟咁可以完整切成幾份俾大家分店員推介玫瑰雞翼，確係入味，我地叫左2碟encore。店員服務周到，不時問我地客人意見，還可以幫手調校燈光俾我地影相，俾like👍…Read More

上次路過新濠影滙，見到依間餐廳已經想試，結果坐坐言起行，同家人及朋友一行9人來試試。一入去已經好有驚喜，食物ge種類好多，一入門就見到一大鍋西班牙海鮮飯，大家已經話一定要試下。一坐低有另一個驚喜，見枱面每人一隻聖誕CD，以為噤得意送CD，原來反轉後面先知係朱古力，好有心思食物ge質素相當唔錯，尤其是帶子刺身，非常肥美其他食物例如香檳生蠔、忌廉生蠔、龍蝦等，大家都話好好味!我地食左好多野，但由於選擇太多，根本上有好多都無試，因為實在太飽了最後一個驚喜係依度供應好多唔同ge飲品，例如橙汁、西瓜汁、菠蘿汁、可樂、七喜、忌廉等。原來佢仲有一個水巴，仲可以叫待應沖檸茶、檸水、cappuccino、latte、香蕉奶昔、芒果奶昔、士多啤利奶昔等，多到數唔晒，味道亦不錯美中不足之處，係甜品好甜!…Read More

印像中上次路過依間鋪時仲未開張，今日見佢開左就睇下有乜野食，當日有三款班戟，分別係黑椒牛米班戟、斑蘭椰汁西米班戟同鮮莓班戟。我試左斑蘭椰汁西米班戟。個班戟好特別，裏面有好多西米，再加上斑蘭椰汁，配上班戟皮，味道很夾，而且大大件，好抵食，不過食完後好飽!…Read More

上次來澳門試左芒果百香果同椰子雪糕三文治，本來想再食椰子雪糕三文治，竟然有我最鍾意ge斑蘭味，當然要試一試。斑蘭雪糕味道清香，不太甜，威化唔算脆，但值得再試!…Read More

 早前响個旅遊apps推介依間餐廳，所以今次來澳門一定要來試試。一入此店覺得裝修簡約，再加上柔和ge音樂，感覺舒服。:)其實好多甜品我地都想試，最後我地order左炸香蕉格仔餅配花生醬、雪糕同蕉氣洋溢同凍摩卡配淡忌廉。我最欣賞ge係炸雪糕，佢外脆內軟而且不油膩，格仔餅同雪味道適中，唔會太甜另外，我order左士多啤梨、芒果同香蕉奶昔，味道好fresh而我老婆order 左杯凍摩卡配淡忌廉，佢話杯摩卡好香濃，加上淡忌廉好好飲此外，價錢比香港平，物有所值!下次要試下其他款式…Read More

 諗住搵間清靜又唔駛等位ge食肆，一諗就諗到來麻布茶房。其實响依間麻布茶房食過唔少次，今次我叫個左個浦汁鰻魚飯，老婆叫左碗牛肉煮屏屏麵。另外加冰淇淋抺茶。浦汁鰻魚飯ge鰻魚分量算多，味道不錯。第一次食屏屏麵，口感好滑，麵質煙韌，似刀削麵，加上牛肉味道香濃，好味道!反而冰淇淋抺茶較為失色，只能說在普通抺茶上加上一些軟雪糕而已值得一提是依舊會主動加茶，值得一讚。最驚喜係waiter在埋單時送上haagen dazs雪糕，我地望一望枱上單張，原來埋單剛好過300蚊，會送haagen dazs雪糕，見張單張上haagen dazs幅圖禁細杯，waiter俾左個有A4紙禁大ge凍袋裝雪糕，都覺得好誇張，打開來睇睇，原來唔係細杯裝，係家庭裝457ml雪糕，仲要係柚子味。…Read More

一直想試下Ruby Tuesday，見有張六折coupon，所以同老婆去試一試。我地order左California Club Quesadilla，Triple Play， Ruby Refresher 同是日餐湯。先來California Club Quesadilla，最初食頭幾件覺得幾好味，裏面有啲雞肉、煙肉、芝士等，最驚喜係裏面有唔少牛油果，令整件烤餅ge味道提升不少。可惜食到最後一件時，成件烤餅裏面竟然有1/3係cheese，實在太膩了!不過整體上好味道。至於Triple Play，炸蝦同炸雞味道OK，而我最鍾意食ribs，佢肉質很腍，配上醬汁非常夾。 另外焗薯蓉味道不錯!Waiter介紹個是日推介38蚊豬扒餐，我本身好鍾意食豬扒，禁抵食當然要試下。當然一分錢一分貨，味道一般!另外order左是日餐湯–忌廉周打蜆湯。味道非常濃郁，但一碗小小ge餐湯要成62蚊，似乎貴左啲:(。加埋杯Ruby Refresher，今睌依餐非常滿足。…Read More

常睇到電視介紹呢間酒店嘅特式蛋糕，今日酒店喺商場度擺咗個攤檔賣蛋糕，仲有好多選擇。見到成個班蘭蛋糕只係賣58蚊，於是即刻買咗個返屋企試。個班蘭蛋糕好鬆軟夠甜，班蘭味比其他蛋糕店的班蘭蛋糕濃D，以咁嘅價錢食到呢個水準嘅蛋糕真係好抵!…Read More

午餐諗唔到去邊食，行過呢間鋪時店員落力介紹店內食物，於是就入去試下。星期六午市都仲有58蚊套餐，真係幾抵食: 有咕嚕肉、魚香茄子等約20種套餐任揀，選擇都幾多，結果都係選自己鍾意食嘅粟米魚塊，包一杯飲品同白飯。當然吸引我入去食係因為有十幾款左右嘅點心食，我叫咗蝦餃、燒賣、鹹水角，蝦餃基本水準; 燒賣雖然細粒咗D，但係好味; 特別推介鹹水角，因為裏面好足料，不太膩。侍應仲不停為我加茶，服務週到。 …Read More

 本身我好鍾意新加坡食物(特別係班蘭味食物)，今日路過花園街，見到呢間新加坡小食店大部分小食同飲品都加入班蘭味，我諗都唔駛諗就即刻去試。該店有四款雞蛋仔，除左朱古力味，其他味道在香港從未見過，包括羅宋湯味、積及橙餅味以及班蘭味，我當然試班蘭味雞蛋仔先，再加上班蘭軟雪糕。由於好多人，所以等咗10分鐘先有得食。班蘭雞蛋仔本身幾脆，但略嫌班蘭味唔夠濃:(; 而班蘭軟雪糕就好有水準，班蘭味道重，雪糕軟度OK，雖然雪糕好快溶，但味道不錯，值得再試。…Read More

見到有雜誌介紹所以去幫襯。我同老婆叫左個鹽酥雞排肉燥飯(餐飲珍珠冬瓜茶)同紅燒牛肉湯麵，肉燥飯略嫌DRY咗D，汁唔夠，雞排肉OK; 紅燒牛肉湯麵十分足料，有4大舊牛肉，同餐牌照片一樣，湯底本身不錯，但味道偏鹹。…Read More

路過這間餅店門口有賣班蘭燒餅，外表好似我喺新加坡一個市場食過嘅班蘭燒餅一樣，就買兩個試下。原來有紅豆及花生餡揀，我買咗花生餡試，花生味較重但亦有班蘭香味，當然班蘭味再重D比較好。…Read More

喺尖咀唔想等位食飯，自然會諗起MIRA MALL，選呢間餐廳係因為食晚餐之餘仲希望可以食佢嘅雪糕。於是先叫左一份漢堡包配薯條、牛仔骨燴飯及JUPITER。漢堡包D肉太鹹，要點茄汁食; 但牛仔骨燴飯水準好高，D肉夠腍; 杯JUPITER亦OK，飲完再想飲多杯。喺度食野最大優點不在於食物，而係有舒適寧靜嘅地方慢慢嘆晚餐。…Read More

 等了很久先出番椰子味GELATO，於是點了個沒有醬的一款杯裝GELATO兼加4元轉椰子味。椰子GALETO有椰絲同好夠味，希望椰子味變成常註味道! 由於係非繁忙時間，雪糕都特別多D。…Read More

每年我家團年飯必到此地。很早已BOOK了位，隨後發現之前的食評咁差，以為揀錯地方，好彩入去見到地方大咗，侍應人手足夠，不時過來收碟及加水。食品方面同以前一樣咁多款，仲多咗D分子料理、雞蛋仔、片皮鴨、金錢雞等，最欣賞係佢最後一個鐘仲添野食，同埋廚師主動推介食物，整體算不錯。…Read More