Joseatto's Profile

一直都幾鐘意食沙嗲王既白咖哩，白咖哩一直是沙嗲王最受歡迎既，經過見到廣告牌有間「(沙嗲王)白咖哩公司」，主打白咖哩，所以就衝去左試。餐牌上都有唔同既款式肉加白咖哩，另外竟然可以選擇白椰菜花取代飯，係生酮朋友既好選擇。下午茶時間較平$48左右，但份量是輕型的，所以我選擇了正常份量試一試先白咖哩漢堡扒$72 加 飲品及雞翼$22漢堡扒偏淋身，似超軟身肉餅，不過不失味道可以，另外配有溫泉蛋撈白咖哩汁好食飯用上珍珠米，軟硬適中🍚一讚配上白咖哩汁很快食哂碟飯。飲品點了凍烏龍茶，就是像一般樽裝無糖烏龍茶一樣。坐既環境都舒服，但冷氣超凍🥶…Read More

Lunch時間大約12點半左右黎到，都好多人，好彩入去仲有兩個位叫左野菜咖哩豆腐漢堡扒定食(素)$128，有麵鼓湯及兩款前菜，加$15日本直送罐裝橙汁漢堡扒係用豆腐整既，入面有枝豆西蘭花同其他蔬菜都煮得幾淋好食，但咖啡汁完全唔辣而且比較稀。麵鼓湯入面有蜆，食素既朋友要留意。朋友叫左個自家製麵味噌慢煮和牛面頰定食$168 + $15日本直送罐裝蘋果汁上菜時完全熱辣辣影相都見到Lunch時間坐滿哂人，所以都比較嘈難同朋友傾計，不過店舖裝飾幾特別，完全係用左日本校園既枱凳同櫃，仲有裝飾品好值得黎打卡坐下。…Read More

觀塘都有唔少台灣餐廳，大部分都係樓上舖，但呢間就係地舖，方便易搵。下午茶可以選擇主食+小食，都好抵食，飲品需要加14蚊，但唔多選擇。叫了滷肉飯+麻辣豬耳（$38），以為下午茶會是細碗飯，點知份量都好足，超飽肚，滷肉半肥瘦好好味，而且都多滷肉，汁都好夠可以撈哂成碗飯，加埋酸菜超好食麻辣豬耳係唔辣既但都好好食，肉淋骨脆$38大碗滷肉飯再加小食係邊搵仲要係好食下午2-3點比較少人，所以坐近窗邊位，有時有陽光照入黎很舒服。至於珍珠奶茶叫左半糖，但黎到好似走左糖… 我平時都係飲慣超少甜，但我飲落連少少甜味都冇應該係糖都冇落…. 唔係我味覺問題。員工態度都幾好，但入面廚房好似唔太細心，上次大大隻字寫左走蔥都照落蔥，今次奶茶半糖應該睇左無糖。…Read More

以我喺一個Carbonara Fans，lunch搵食必定經常搵西餐/日式西餐，一般主打意粉既西餐如果第一次食既我都必定會先揀卡邦尼意粉，如果卡邦尼意粉都唔好食嘅，基本上都唔會再有下次。上網搵到間喺駱駝漆既西餐，就諗住試一試，大約2點去到見得一圍枱，然後價錢平均$68-88，都唔會有太大期待。到卡邦尼意粉嚟到面前，超多cheese，個忌廉汁都做得好好，味道一流，正式嘅卡邦尼係配豬頰肉，但香港既餐廳一般會用普通煙肉，所以對呢個煙肉冇評價麵硬度適中，而我要求走洋蔥，廚師(？)超好幫我走，總結係非常好以呢個價錢食到呢個質素係好少有。環境亦都好舒適，我諗呢度都會成為我嘅飯堂之一。佢地仲有我好鍾意嘅茶味千層蛋糕，都幾多唔同既味可以選擇，但食完意粉已經好飽，下次再試。…Read More

午餐走到了呢間比較多特色配搭野食既茶記，比較新派，主打活蜆味噌湯。一坐底拎起餐牌就睇到「溫泉蛋卡邦尼意粉」，以我係一個卡邦尼意粉控，諗都唔諗就叫左卡邦尼。溫泉蛋卡邦尼意粉 配 活蜆味噌湯 及凍飲$68完全係茶記價錢，但質素係高過茶記好多，好抵食意粉偏硬身，唔似一般茶記意粉煮到超淋，汁既份量都足夠，蜆有兩隻跟味噌湯，蜆亦都新鮮，但以我對卡邦尼既高要求，水準還未及西餐，但已經好好以呢個價錢凍檸茶亦都係我必點，一定要少少甜，甜度亦都控制很好。…Read More

3點半左右入座，但原來4-6點落場不過都好夠時間食，都坐到4:15先走。3點既時間比較少人叫左一個小食同一個午餐加兩杯飲品。鹹蛋黃炸鹽酥雞鹹蛋黃百香果醬醬比較小鹹香味，炸鹽酥雞口感都滑，炸得香脆，但小有鹹蛋黃味。午餐另有個南瓜湯，南瓜湯加左薑但比較稀身。魚子三文魚海膽天使麵熟三文魚加魚子，再加有露荀及菇，但海膽味唔出，但總括都幾好食，汁夠多，露荀都嫩同爽口，天使麵軟硬適中。凍奶蓋鮮奶培茶跟午餐+8轉鮮奶培茶 +4轉凍飲 +10加奶蓋奶蓋比想像中少好多，味道可以食到4點都冇趕我地走，只係比左張單埋數。…Read More

每次經過都見到大排長龍，唔想排隊一直都唔選擇食呢間，今次個朋友肯等終於排下隊試下佢個梳乎厘先。傾下計坐下唔覺唔覺都等左大半個鐘有多，之後坐底叫完野食都等左好耐，TOTAL等左一個鐘先食到梳乎厘，但呢個等待既心理冇令到我覺得食物好食左，反而真係一般。三文魚牛油果班戟（$129）朋友叫左個三文魚班戟，個班戟口感有d實，唔太鬆軟。但沙律菜係幾好食，三文魚口感都係比較實同埋乾身。綠茶紅豆班戟（$119） 至於梳乎厘不過不失，唔夠鬆軟，冇入口即溶既感覺，紅豆同抹茶醬都普通。份量都多有3塊班戟，原本當下午茶既甜品可以好飽肚😂 晚飯都唔洗食。另外再叫左一杯萍果醋特飲同提子特飲，飲品賣相靚，但飲落都係不過不失。…Read More

夜晚同屋企人去左西貢搵食，一直都知道呢間既食客係西貢街坊為主，每次經過都總有幾枱坐出面，曾經試過一次快食，但叫左咩我都已經唔記得喇😂。好多時我得兩個人又叫唔到多餸就好少會去呢間，今日同屋企人就試下呢間。未入去前以為係類似茶記咁食下小菜、雞煲，入到去先知係湖南菜，我同屋企人都唔食得辣，所以落完單之後我都有少少擔心。四季豆炒五花腩 $88四季豆用斜切既方式炒，好爽口加埋醬汁勁好食，食唔停口我自己是日食素，所以唔知五花腩好唔好食醬燒淮山（少辣）$78可能落單時講左唔食得辣，所以個辣真係好微個醬燒淮山好好食但淮山有d係爽口有d係淋身，如果全部都係爽口就好好多。醬汁小皮蛋（10粒）$30用左鵪鶉蛋皮蛋勁驚喜好食，細細粒一粒放入口好滋味，個辣我覺得啱啱好，但媽媽唔食得辣，佢點好少汁都已經話好辣。井岡山豆皮煎蛋 $78因為屋企人就我食素所以叫多個素菜，呢個又係驚喜估唔到咁好食，老闆上菜時好鄭重講用左井岡山豆皮。上網睇一睇，原來「井岡山豆皮是江西省遂川縣特色傳統產品，已有百餘年的生產歷史」係真係幾好食，唔太淋，又吸左個湯味。孜然一字骨 $118因為呢個漏單，所以差唔多食哂其他餸先上，屋企人都已經食飽，一上菜先聞到孜然香，上面用左豆角粒加辣椒炒，豆角粒好香口至於肉，屋企人評語話唔太硬又唔太淋😂 食左幾舊之後就外賣拎走，我冇食所以唔知。早已聽聞西貢街坊推薦，果然每樣都炒得好香口，都係有心機之作，之後有機會都會多多黎食環境都舒適企理…Read More

其實每日放工都會經過呢度，但就勁少行上去睇，只係知道上面d舖會成日轉今日買lunch時行過，向上望一望，咦！轉左間食漢堡既？！行到上去有漢堡，有意粉，仲有海南雞飯添，外賣都係好似意粉最好，即叫即整。叫左個卡邦尼意粉走肉，加$13轉套餐，但因為加配既小食3款都係肉類，所以呀老闆話轉個薯條比你。蛋黃係煮既時候已經加落去，好重芝士味扁意粉口感偏硬，對我黎講啱啱好菇係用左雞肶菇切條，有d粗洋葱係上面，份量都大份，因為芝士味好出所以鹽味較淡。黑松露薯條變左七味粉薯條😂但薯條係即炸拎到番去都仲脆檸檬意米水都足料，好飲等緊餐既時候發現後面個牌幾有趣，有d似舊式80年代既招牌做法…Read More

上堂前係附近食個快飯，所以入左素食園坊，晚飯有幾款都係粒菇炒飯，見到香椿醬唔知係咩黎，問waiter話係台灣醬，問完其實都唔知係咩所以就試下啦。香椿醬菌粒炒飯 $60其實有d似黑松露炒飯😅一放落黎覺得係超大碟，食下食下又食得哂，今日趕食好快爬哂入口。飯都炒得幾乾身，唔黏，飯軟硬度啱啱好，不過鹽就唔平均，要自己再撈下配料有翠肉瓜粒同香菇粒。炒飯係穩陣野，整體好食飲品半價，凍檸茶$20（半價$10）問拎紙巾會比一包你放係度，非常好👍🏻…Read More

係金百利商場市集收檔後就上左樓上搵食，冇得去印度旅行就食住印度野先去到都差唔多9點所以無咩人，由於waiter同煮既都係同一個人，所以佢都好忙，不過服務態度都好好。我地叫左Dahi Puri (乳酪炸米餅粒) $58，芝士咖哩，鷹嘴豆咖哩，炒通菜$78，咖哩角同3款薄餅 (Masala Naan, Paratha Naan)第一份到既係乳酪炸米餅粒，太肚餓冇影到相就食左，係一塊塊圓形餅加左鷹嘴豆同乳酪，酸酸地加埋係幾好食，但餅有少少硬唔鬆脆。芝士咖哩(左)，鷹嘴豆(右)賣相差唔多。炒通菜偏咸，都幾重味。3款Naan放埋係同一個藍度。其中有款Naan炸到有d硬...咖哩角係完全啱啱炸好就上，熱到燙口，正！本身咖喱角炸完皮比較厚有d乾，加左3色醬汁加落咖喱角度就好好食，酸芒果?!醬食落酸酸甜甜好開胃。環境坐得幾舒服，但食完成身油煙味，千其唔好著吸味既衫去。由於本身鐘意重味野，但有d都偏硬同重味，整體都算ok，加埋醬料就好好食。…Read More

上網search西貢素食餐廳就搵到呢間2084，種類主要以南亞印度菜為主。因為係平日並唔多人，唔洗等就有位。我地兩個女仔點左素魚咖哩(FISH COCONUT KORMA), 薄餅(ARABIC PITTA)同北京炸蠔菇(PEKING TACOS)，餸菜都好快到FISH COCONUT KORMA 素魚扒咖哩 $50 （細）& ARABIC PITTA 薄餅$35薄餅係常溫，咬落異常煙韌，朋友唔太喜歡覺得似食紙咁我都認為如果熱既會比較好食，咖哩不過不失，魚柳係由麵根同豆類整成的，都幾有口感好食。PEKING TACOS $75脆皮北京卷配酥炸蠔菇，青瓜，青蔥和海鮮醬真係用左北京填鴨既醬，炸菇都係炸得較煙韌，所以都似肉質感，但加埋薄餅、醬料、蔥就幾好食原本對KAFFIR COOLER好有興趣，但佢加埋Almonds就有D淆底，因為本身我怕杏仁露既味，留待下次再試。 非常好既係冇加一服務費，環境舒適，價錢都合理…Read More

星期六兩個人近近地去左新蒲崗搵食。呢間假日會比較少人，環境舒服。假日是沒有連飲品既set，但有餐湯同蒜蓉包跟。蒜蓉包好脆口鬆軟，剛剛好，唔會係脆到戒損口果類。卡邦尼意粉流心蛋用了手式溫泉蛋煮法，所以吃起來蛋跟意粉有點分開，不能完全融埋，意粉硬度適中，乾爽，但配料菇同煙肉唔夠香口，整體口感幾好，略嫌調味不夠。另一個是羊膝配意粉，意粉乾身口感適中，羊膝都尚可，軟身但少有羊味。羅宋湯感覺似罐頭湯，不過不失。主要環境比較舒適，適合興朋友閒聊既地方。兩個人加兩杯散叫飲品總共$325所以我主要會推薦環境為主的。…Read More

之前呢個舖位果間餐廳做左好多年執左，依傢變左mee...lemongrass泰式野，咁試一試先。對於新手寫食評既我黎講唔慣相機食先🙈所以食食下先記得影相...叫左招牌無骨海南雞半隻，另加一碗油飯，油飯無乜色水但食落超好食海南雞胸位比較嚡，脾位有少少根，一般。馬拉盞炒通菜，通菜炒得乾爽，菜食落都爽口又冇渣。蔗蝦3件，蔗蝦係大大件，炸得脆口，蝦膠打得都ok，然後蔗竟然好甜，另有米粉做配菜，米粉本身無味要點汁食，米粉唔黏口ok。軟殻蟹米紙卷- 菜多過乜，入面有青椒、紅椒、黃椒、九爪菜同，而每件軟殻蟹份量少過指甲...係咪一隻蟹腳分左6件?!完全唔推薦！不過塊紙卷係幾薄身好食。最後甜品香芒椰汁糯米飯，個形好似放左隻拖鞋上枱🤣🤣🤣，個椰汁好少，食成舊糯米時好乾，糯米亦太淋，我比較鍾意食傳統糯米飯...另外叫左兩杯飲品，買一送一抵呀！四季春奶蓋個奶蓋麻麻地😢我係奶蓋fans，飲慣出面專買茶既舖頭，所以覺得呢個一般...依傢堂食有八折，八折左再加番一，即係大約9折🤣…Read More

一個人晚飯唔知食咩好就去左搭車附近搵食。又唔係好肚餓但又要食正餐，行左半條女人街都好似冇咩啱一條友食😢 最後行到十三姨見麵有得轉菜就決定入去。環境都坐得舒服入去見到筷子筒多左即棄筷子呢個時期都想盡量用有獨立包裝既餐具另外一坐底就有杯蝦片比你食，好脆口叫左個 十三么(雞絲+雞叉燒)半銀針粉半菜，個流心蛋好食，個鍋好熱所以食得慢都唔易凍，個雞、銀針粉同菜就無咩特別。但有個茶係鐵觀音，加分加分佢有塊檸檬分開上，但我唔知係點食就直接掉左入個湯度😂所以個湯有少少酸，餐牌寫住個湯有秘製香料包括用黃薑、南薑、石栗、香茅，呢樣好吸引我點呢個麵，食落都有少少但唔太重味最後幫同屋叫埋個外賣就埋單，個外賣飯都出得好快，不過番屋企要45分鐘，所以個飯焗左45分鐘先開黎食，番到去仲係好熱，不過飯林左d總結是有銀針粉可選，麵亦可以轉菜同有蝦片鐵觀音好加分，所以一定會再去既…Read More