ke803323's Profile

見有買一送一優惠 打去book位試試佢！東京食過權八 印象好好 講明係join買一送一，都俾左2個價錢Menu我揀，揀左最貴嗰份～ 埋單竟然計我正價 有種被屈既感覺（好彩今次有睇睇單。）講番餐飯先，食過好多間晚餐omakase ，第一次遇到係兩位師傅整下野食途中齊齊走左唔知去邊，離開咗廚師發辦嘅位置，走幾個字冇人喺度service，好驚奇⋯牡丹蝦配上炸蔥味道正常，就係文字上見到嘅味道。鹽燒吞拿魚下顎開頭都好期待，諗住配下飲緊既清酒點知嚟到係汁煮嘅感覺，咬落軟腍腍，完全唔香脆唔似鹽燒，吞拿魚下顎肉質好乾、整體好甜，唔係鹽燒，貨不對辦。唔知點解有個帶子， Menu係冇呢個帶子係用炭燒，食落好乾，再配上七味粉，食唔到鮮甜，亦都唔香，七味粉感覺好出，失望！一口和牛伴福岡貴椒和牛正常水平，係有油脂，亦都煎得香，調味唔會過多，再擺兩隻青椒喺面頭中和油膩感。冇一樣野食係出色少少既感覺，冇surprise, 全部野都覺得「還可以」！ 海膽都麻麻地～唔會返轉頭嘅餐廳。亦都唔推薦。今次都幾full, 位與位之間好埋，侍應仲一時左邊加水 一時右邊擺野，搞到我地係咁左右轉讓位俾佢！全餐飯唔知點解要3個半鐘 ，又唔係有啲咩整色整水嘅表演，廚師仲無啦啦「落場休息」整體體驗好差好差…Read More

咁啱行過，望入去覺得裝修好靚，睇完Menu價錢覺得合理就坐低咗。兩個人 Order 一人一鍋 ,一份牛，一份羊，3份菜，羊肉串同埋飲品傳統清湯單人鍋 $39@1真係好清，入面有啲少少藥材同大蔥有料麻辣單人鍋 $49@1香辣，正常水平，唔會超級辣個鍋好靚，啲餐具都好精緻，係有要求嘅餐廳。另外仲有醬汁，花生芫荽蔥嗰啲 係強制性+$19/人每個碗嗰度都會有佢哋品牌嘅胡麻醬，我通常對呢啲醬麻麻哋，但係呢個唔會超級濃杰撻撻，流質，又唔會好似溝咗水咁，帶出芝麻嘅香味 點肉真係好好食，當然而如果係食麻辣鍋嘅肉再點埋呢個醬真係絕配叫咗最普通嘅 180天羔羊肉 $159好好食，尤其是佢哋上枱嘅長框擺羊肉既氣勢，打卡一流先切雲貴川黃牛釣籠 $199佢哋呢度係出名食羊，牛真係麻麻哋，冇牛味，冇油脂，一啲都唔香；寧願嗌多份羊。最後白蘿蔔，大白菜，土豆片 $29-$39份都切得好大件，對於一人鍋真係落唔到完整一片嘅土豆片或者白蘿蔔，可能呢方面佢哋要改善切得太大件。最後叫咗羊肉串 五串 $99好食好香，啱啱燒起！熱辣辣，仲有啲孜然粉，又唔會太多。最後仲叫咗一杯九仙雲華 好飲如果鍾意飲大紅袍奶茶，又或者鐵觀音奶茶嘅一定鍾意。…Read More

兩個人叫咗Pizza，意粉，肉丸，雞翼。Meatballs 肉丸 $72有5粒，肉醬意粉底，肉丸係幾好食，幾香，有啲咬口（唔似搞爛晒嘅肉）～好食，但如果計正價72蚊嚟講 肉丸Size有啲細。Linguine al Granchio 蟹肉意粉 $176好清新，有蒜香，蟹肉份量都多，而且鮮甜；意粉方面係用扁意粉，好滑，整體嚟講係好食！Sloppy Giuseppe 辣牛肉青椒pizza $178辣牛肉雖然細細粒點綴，但係將成個Pizza嘅香氣昇華，加埋青椒平衡下芝士，pizza要趁熱食，有啲擺咗一陣餅皮已經淋咗。Chicken Wings 雞翼 $886隻，上到枱撕開雞肉係熱辣辣出晒煙，證明啱啱整好！正常發揮～嗌兩杯嘢飲:Tea Rose $36正常水平，都係茶包，水溫暖，唔會辣親Guava Lemonade番石榴檸檬汁 $46幾好飲，冇怪味，唔會死甜。誤打誤撞咁啱見到50%優惠就預約咗黎食～估唔到地方咁大，而且有裝修，嘢食水準都幾好，會mark低同朋友聚會嘅餐廳～…Read More

最近發現位於尖沙咀韓食林立、酒吧林立既諾士佛台竟然有一間隱藏🇰🇷韓式機舖主題餐廳 🕹️鋪面寬敞、裝飾別具心思，有霓虹燈、跳舞機、籃球機等多個打卡位；90年代港式嘅感覺，充滿親切感。<限定！無限挑戰烤盤> $98追加韓國空運生菜（一份）+$10店員會喺席旁幫忙燒第一輪五花肉同小章魚，五花肉好Juice ，一邊燒啲油脂一直流出嚟而小章魚好彈牙鮮味，店家亦好貼心 呈上枱前會稍為灼過後 先俾客人、唔洗擔心自己燒唔熟。<韓國 Terra Beer（三支）> $104💥當時做緊 Terra啤酒 500mL 買2送1🍻韓食點少得啤酒。<ORIGINAL 無骨炸雞> $142有六種無骨炸雞口味提供選擇，包括經典甜辣味、酸忌廉、黑椒秘製醬汁等；原味無骨炸雞係鹽味 冇醬汁，上枱時依然熱辣辣、口感香口酥脆。呢間餐廳好啱鍾意食韓國餐同埋打卡嘅食客。兩個人埋單五百幾蚊，食得好飽，仲有啤酒飲，好正！…Read More

餐廳環境好有異國風情，用咗湖水綠同深藍色，好有格調。非常適合聚會或者慶祝嘅餐廳。Juicy Lobster Rice 今次係兩個人食飯，叫咗個龍蝦飯，上枱係一個熱辣辣嘅鐵盆裝住好新鮮嘅龍蝦，感覺有少少震撼，睇落個飯已經覺得好Juice，滿滿嘅龍蝦汁包晒啲飯。龍蝦肉質好彈牙，以鮮嫩的龍蝦肉和綿密米飯為基礎（唔係好硬嘅口感），呈現鮮嫩多汁、飯粒入味，超級推介！做得出色嘅一道餸Iberico Ham原本係好鍾意食ham, 見係Iberico Ham 更係要order! 但係食落有啲失望，唔知點解有浸油益味～ 上面四條餅乾仔，捲埋一齊食係幾好食。octopus with potatoe佢有兩種八爪魚選擇，今次我揀咗切開一件件 ；估唔到反而係墊底既薯仔片有驚喜，簡單嘅烹調，薯仔好甜，又唔會腍散。 八爪魚正常發揮。見門口有個好靚嘅Bar, 所以試咗佢哋嘅Cocktail.呢兩杯還好，可以再做多少少功課先order …Read More

好食既牛，連其他菜式都唔輸蝕。Crab roll, charcoal brioche Japanese Uni海膽蟹肉壽司 好鮮甜作為頭盤或開胃菜既Beef Tartare 係一道經典既生牛肉，好多餐廳都會有，但係呢道菜以主打牛肉餐廳提供新鮮程度非常出色，追求原始美味、但精緻而又刺激味蕾。Grilled lamb croquette, pistachio gremolata 香烤羊肉球配開心果青檸醬，熱辣辣，口感酥脆，肉質好香 唔會乾，配搭青檸醬既清新酸甜與同開心果，令人愛不釋口。好食👍🏻紅蝦Carabinero" Scarlet Cardinal prawn flambadou好出色，係一道以燒烤過方式呈現，鮮紅色既蝦肉好鮮美，雖然係用燒烤形式，但係完全唔會乾，好鮮甜，有刺身嘅感覺再搭配獨特燒烤風味，豐富的海洋鮮味，絕對驚艷滿足。好建議蝦頭點麵包一齊食🥯主角Rubia gallega ribere, 9 years old cow, 45 days dry aged 熟成牛真係有種獨特嘅芝士味，冇食過既朋友一定要試！肉質鮮嫩又濃郁，因為增加咗熟成技術製作，所以比起食一般嘅牛扒層次感更加豐富！餐廳職員同埋廚師都好Nice，間唔中都會同你討論菜式，整體感覺非常好，氣氛都唔錯。…Read More

揀左Experience menu - $ 2488 @ 人2個人埋單7千，食完覺得唔值～麵包幾靚，唔錯Signature 婆婆湯飯好咸，唔係特別好食～牛係正常發揮，但太細件侍應冇乜笑容 整體黎講 俾得呢個價錢 體驗一般 唔會番轉頭…Read More