terrycheung's Profile

下午茶去到三份二都係冇人坐，入到去阿姐安排座位要你同人搭枱，九唔搭八，大把位都唔俾你坐，好明顯係懶得行遠啲，想谷埋啲客一齊，搞到坐到勁迫地下又污糟邋遢，櫃桶入邊啲餐具又係污糟邋遢，衛生情況極差叫咗個菠蘿油，明明要熱，嚟到都係室溫，之前去時代廣場食超好食，真係熱辣辣牛油都溶埋，依度個師傅求其拎出嚟就算，唔想做咁，舊牛油仲喺雪櫃拎出嚟咁嘅樣，成塊硬骨骨亦都叫咗個牛奶蛋撻，完全冇奶香冇蛋香，同埋又係凍冰冰係咪依間分店地方遠？請唔到人？完全影響晒我對牛奶冰室嘅形象如果做到咁差，不如依間分店唔好要啦…Read More

Overprice King prawn ravioli with sea urchin cream and fennel form - so smelly, non fresh urchinTuna tartare - tuna not fresh with supermarket level. And that is not tartare which is chopped not small enough. Charcoal grilled wagyu M6 ribeye - the best from the meal compare with other dishes Sweet potato chips with fresh honey yogurt - very normal, chips are warm only. And the fresh honey yogurt, how fresh who knowsRaspberry strawberry and lemon honey syrup milk drink - those are overprice ($58 each) which is mix with water and lost of ice other than only fruitsTableware not clean enough, there are traces of dirty waterBad service under respectively, only focus on speedy. Not equal to the price. …Read More

一去到此店，仲以為無開，見到門口有人等，原來係等入店內購買。望入去，暗暗的，心想係咪真係得架~ 好似好dirty咁~本來女朋友生日，上open rice見依間既好評咁多，咪來試下囉,點知睇漏左原來話個女店員態度好差，當然今次真係領教過了。我只係問一句，訂蛋糕幾時會有得攞，佢竟然答我依家係我訂蛋糕，點知你想幾時攞😱我第一次幫襯，問下都得掛，咁我都要睇下邊日得閒來攞架😓跟住問我寫唔寫牌，我話寫，跟住佢問咁你想寫乜呀！我心諗要講出來架，唔係比張紙我寫架！？注意：後面係有好多人排緊隊😔留名同電話，都要大大聲講，會唔會覺得人地係唔係咁想比人聽到晒架呢...總之整個過程好唔開心，雖然話你啲蛋糕好食姐，但係服務0分，人地仲點會幫襯！？如果真係唔鐘意做，咪請人囉，我覺得佢咁樣整走曬啲客比請個人損失仲大囉😡唔怪得做左咁耐都係得一間，繼續整餅把啦！…Read More

湯底小選擇，只有焉鴦鍋之類，最重要既肥牛又肥又唔新鮮，仲有藍色出廠印喺邊位！又無野食，只有牛豬雞羊片，大路丸類同菜類！其他一係要比錢，一係就無，野食又唔新鮮，仲話叫百里鮮...好似去左80年代...完全無跟時代步伐，我諗老細都唔細，又無人接手之固，入面既侍應大多五十有多，個個好似做左幾十年咁，毫無朝氣，唔係歧視年記大，係管理不善，導致員工度日如年!…Read More

野食好普通，價錢不普通串燒食鮮味，依度一個味選擇預期少，徬徨無野燒雞翼撲鼻香，趙落似木香牛俐似條毛，牙罅攝不到和牛講脂肪，睇落心荒荒燒連殼生蠔，難食過焗蠔此店有今朝，再去就笨蕉…Read More

串燒中食過最難食既一間，差唔多全部都用七味粉，樣樣野都係同一種味咁虎蝦名叫虎蝦，實質似大蝦，又唔新鮮，無膏，腥腥地(已經落左七味粉喇喎)牛舌既薄且un，唔juicy炒烏冬好普通，無野好講燒鱔還可以吧，但還是無鱔味，都係七味粉味聖子原本應該好鮮味，但係九唔答八落蟹子鋪面帆立貝好普通的雪藏野，無味既牛仔骨無乜油份，唔香，又係好普通燒羊架都可以啦，香口點，但係可唔可以唔要七味粉呀總之就真係好普通，燒得唔夠心機，好耐之前初初食過，得一間店既時候，可能無咁多人，有心機D掛，而家就得個快字，燒熟就算。。。又或者第一次來既時候，第一次食依類寸燒，覺得好好味，但係試過其他之後，原來係好普通，also都唔係好抵食。。。…Read More

因為朋友生日關係，一定要去，唔係死都唔去，因為之前食過好難食，又比其他上海野貴，都唔之貴o係邊~上海燻魚燻魚係就係會乾身，但係都唔係乾得咁離譜架，d皮又比個汁浸到諗晒，巢晒，個魚又無味，本身燻魚仲要凍食，搞到好難食糯肉燒賣乾到爆! 糯米又硬，唔黏既，好似隔夜飯咁乾到一粒粒，皮又係乾既素菜蒸餃都係乾的，蒸到過晒龍，菜有水份都蒸到咁鹵水牛蹍無鹵水味，一塊凍肉，面頭仲有一粒粒油粒，唔知佢地點放野食，莫非真的台灣空運？運得太耐，過到來變晒質？小籠包又係乾既，入面又唔夠湯，連咁基本既小籠包都做得唔好，都唔知做乜芝麻包/荔芋包個皮厚到呢，入面d餡得手指尾塊指甲咁多(有d人影相影到有好多，唔係好明，可能我地唔好彩)，食粉咁食，d餡又無乜味，但係只有依個包係熱d架咋，其他蒸包類都係唔夠熱，可能少人叫，特登蒸同蒸定係食得出既，食得多就知架喇紅油炒手個味唔得，酸唔夠酸，辣唔夠辣排骨最正常，唔肥唔油，味道適中唔鹹水晶肉最好食，軟軟的，唔會雪到硬晒，唔知依個係咪近排準備的干煸四季豆好食，不過一般唔難整酸辣湯酸就夠酸，辣味不夠，仲有用料普通蛋炒飯都可以既，不過乾身d(個人比較喜歡有油光既抄飯，香d)，蛋再碎d仲好，不過依個都可以，健康d總評：蒸類如果可以做到即叫即蒸就好，唔好蒸定啦，d皮會硬架，餡就比多d啦，收咁貴唔好咁孤寒啦!凍品又係同一問題，唔好一次過整咁多，放得耐唔好食架，又有d凍肉味，雪櫃味咁抄野比多少少心機就好好喇，唔該晒服務係非常好，因為大多都係內地人，勤力，係培訓方面要再下功夫，有d野做錯淨係say sorry無用架，例如倒瀉野，打爛野坐左一陣都有幾次，斟茶亦應自動自覺…Read More

一間好舒服既餐廳!一大班朋友坐出去出面(因為佢出面有個平台)，暗暗地(因為無乜燈)，張凳又舒服又大張(300磅hip50"都坐到)，好舒服既一個食飯地方叫野食都好得意，有S/M/L3種大細選擇，我地7-8個人，叫L就剛剛好我地都叫左7-8樣野食，牛尾飯最好食，憫得好淋，同個意大利飯低撈埋來食，好香好有牛味牛肉球少少SPICY，又大粒，又唔乾，好味!海膽意粉又好香海膽味，新鮮唔腥蜆意粉個蜆好新鮮好甜無沙唔腥辣大蝦，個味好好味，係隻蝦細d分量係細左少少，價錢貴o左少少整體來講咁既水準咁既價錢其實都ok，得閒都要比多少少令自己個口舒服下既*不過如果鐘意坐outdoor就要有心理準備，就係要自己拿野食出去既，因為出面無飲食牌，無人serve既，我有個friend遲左來，一坐低叫人比個menu佢，你地估下佢叫邊個!？佢叫左隔離台一個剛剛收工同女朋友來食野，著住恤衫西褲除左件樓拿住個盤(因為佢拿緊野食出來)既男仔，我地成台人笑到大家返office既朋友小心(如果坐outdoor)…Read More

又係以為多好評就好食，點知又錯了一間普通放題，又細又迫，成間野成長方形(長方形都太比面了，應該係一條)，闊度係打橫一張台，中間係比瘦人行既路(肥0的要打橫懾)，加一張雙人台打棟，台與台勁迫，有張仲放0係lift口，火燭都唔知點算魚生又唔新鮮，款式少，熱食普通無驚喜兩本手掌咁細既點野食紙比個圓扣扣住，每本大慨有成4吋咁厚，懶成咁，refill 0的紙真係咁難!？要扣定咁大疊!？地方已經細，仲放兩本比0的汁彈到污遭晒既order紙0係到，無晒mood本人鐘意食貝類食物，所以見到成呎厚既點野食印刷紙仔，0係芝士青口則邊用原子筆每張寫上"碎上"(抄0個個真係辛苦)都要叫，點知來到真係賴野，淨係食到0的碎，甚至乎0的碎都唔知係唔係青口，0的碎唔成比例既少咁舖0係0的殼上面，0的殼都唔知係唔係循環再用既，一定係比人投訴過先加個"碎上"上去啦炸蠔，同蜆仔麵豉湯0的蜆一樣咁細，出面0的粉夠厚，所以先可以做到個size同正常炸蠔一樣吞拿魚最渣，雪到白晒，無色兼有渣係0的鍋幾好味，因為用味精丫麻以為0係中環應該唔差啦，點知原來仲衰過旺角~以後都唔好搞!!!…Read More

架車拍左0係海港城都要行過來試下，第一次來K11，原來同I-SQUARE一樣，都係一個無聊商場，大又唔夠大，但係0的裝修好似做到海港城TIME SQUARE0個0的，得啖笑來到店前，好興奮!!!望落個櫃度，樣樣都好想食，唔似九龍城0個間同食BUFFET0個0的DESSERT咁無來新意終於諗左好耐，排左陣隊(OPENRICE既魔力真係大，咁偏僻既一個商場，周圍又多巴基藉同非洲人士，時間又差唔多九點，平日，都有人排緊，亦KEEP住有人來)我地叫左Rose Raspberry Macaron同Napoleon即場食，但係這些小店，地方真的小，得兩張高凳，周圍人，食得都幾辛苦~:(Rose Raspberry Macaron我女朋友話好好食，又好靚!!!好香玫瑰味，個蛋白餅又好新鮮(唔係放到淋晒一排擺0係度懶多味0個種)，士多卑利又唔酸(想甜其實而家好難，邊到買既士多卑利都唔甜既)~但係真係好女仔既一個餅，我試左啖，我覺得食緊玫瑰味香水正常男仔應該唔適合食Napoleon好味，雖然已經好夜0下，但係都仲脆，入面又好味，唔太甜，但係又剛剛可以帶走之前食dinner時仲留在口腔既鹹(之前去左海港城某間吉列店)，又可以將之前dinner既傷心抹走，正!!!下次再試下其他先，希望有新product，再有驚喜…Read More

同女朋友食完野0係銅鑼灣想食個甜品先返歸成日搵位拍車穿過ehouse隔離見到依間新新地既甜品店，出面貼晒雜誌既介紹，好似好好食咁，成日想去試，就今日試下啦入到去，叫左個梳乎里，焦糖燉布甸點知。。。分量好細，一杯仔(細過手掌)，個味又普通，個樣又唔吸引，又等得耐(因為兩樣都要侷)仲要賣到咁既價錢，唔好以為裝修靚0的扮high就可以賣貴0的先得架，你開0係橫街架詐食裝修食服務食個樣既可以來依度，如果唔係，都係搵過其他啦有時真係千其唔好貪方便行過試下新野，因為通常都賴野~:(依個質素，留返食buffet既時候食好過~:(*食梳乎里都係去太平館食先開心…Read More

奶油多十分好味!!!奶油就間間都一樣架喇，但係佢個多士，真係夠脆又夠厚，同奶油既份量好夾好適合，個多士薄少少都嫌0的奶油甜架麻餐蛋治又係正既，個蛋就係要濕濕地先好食，加埋塊厚薄適中既餐肉，平民野食到法國菜既滿足(我永遠覺得分量同味道既matching係一種藝術)叉燒通粉無乜特別，散叫唔跟佢好過，但係又唔夠飽，侷食:(但係杯凍飲真係好搞笑，加$2但係同熱既一樣size之餘仲多左幾粒冰架喎，咁點解要加$2呢!？好唔make sence雖然0的侍應係差0的，你咪當0係街面買小食0羅，都係無service架啦，你唔會買寸魚旦都要求有服務架麻~…Read More

見到好評如潮，以為有好野食放工同女朋友楂架車過海試下用openrice加gps搵左好耐，兜左好多冤枉路，終於搵到將架車拍低0係門口，入去開餐(其實入去之前見到間野已經覺得有0的賴野)食飯時間七八點，坐得一半，如果咁多好評，應該排隊先似樣丫點知入到去，一人比一杯紙杯裝住既綠茶。。。拉麵，都算正常啦，但唔係最好0羅，都係唔夠彈叉燒，個人依世最憎有彩光既叉燒(個面0的彩光立立令)，好明顯係放左好耐，又un又凍，但係個湯熱既個湯，開水咁既感覺我覺得只係一間做街方生意，唔知食乜好，落樓下食既一間普通麵店過百好評!？又係因為低食!？真係多謝晒~:(…Read More

一心以為咁多好評，會係一間有質素既拉麵店又要排隊又要等等到有檯張檯又細叫左個豬骨濃湯同鹽味，另加一客餃子食落原來只不過係food court質素麵又粗，又唔彈牙，個湯又同杯麵一樣既味(只係飲得出係味精，絕對唔係老火)餃子同叮叮既無分別，無肉汁架好食既拉麵唔係咁架，比好評既人係咪食得多杯麵，而家有人煮比你就已經滿足呀!？得個平同大碗，但係唔係好食~好評唔係解好低就比好評呀!!!!!…Read More