試伏員's Profile

本人專門睇d 評價麻麻既食店, 親身試伏(可能係, 可能唔係)。 試完再評論係唔係堅伏。 今次第一次就黎到間超唔起眼既韓國外賣店 - 千顧。 個名奇奇怪怪 (之後等緊個時同店員傾開先了解其實係韓文轉中文, 意思係"朋友")。 好, 之後叫野食, 今次叫左: - 海苔花卷定食set (黑色幽墨 + 泡菜餅) $43- 烤雞x 2(醋辣醬) $15之前睇到d食評話麻麻, 今次專登叫返睇下咩料。 先講個定食, 如果以"碟頭飯" 黎計, 佢既份量係小左d。 但如果以一間韓國食店份量反而我覺得ok。 (之前同朋友去間叫"學校食物", 貴同個份量又小)。 佢地個花卷就有魷魚, 泡菜料, 黑色個飯就係墨汁黎。 食落個飯本身有味, 應該個飯調過味。 加埋佢個醬, 酸酸辣辣咁, 其實都幾開胃。 泡菜餅就全素菜。 如果你諗係有海鮮係裏面, 你就錯晒。 但宜家4x 幾蚊個lunch, 重想點。 個味唔差, 起碼唔會食到好粉咁。 個餐話送埋野飲, 個店員話有韓國檸七同蘋果梳打。 叫左個蘋果梳打, 普通汽水囉, 但送既我ok bor (起碼唔洗茶記咁汽水要+錢同比勁多冰你)。 之後到烤雞, 個味就淡d 但我諗一般韓食都係咁。 一般醃料唔太重, 但會落醬黎補返個味。 睇到評論話貴, 貴唔貴就真係見人見致。 無得講。 但如果你問我$10/2隻麥記脆香雞翼同佢地。 咁我就買佢啦。 起碼烤無咁油先啦。 個醬就係花卷個醬黎。 (其實個醬係百搭) 所以差極有個普。 今次就無相, 因為我企係佢地店前面食。 遲下去多次睇下有無質素有無上升或下降。個整體黎講, 我食完都80-85%飽, 覺得無想像中咁(本身預左黎試伏)。 比較特別, 有別於lunch 時間要食頹飯。 個人評分, 不喜勿插!!! (10為最高/合理, 1為最差/不合理)食物: 7.0環境: 4.0 價格: 6.0賣相: 7.5上菜速度: 5.5…Read More