hella.yesss's Profile

cupping room相信大家都唔陌生之前都有去過好幾次佢喺港島嘅分店但係估唔到原來佢開分店開到入屯門😯由於十年都唔會入一次屯門 本身對於有咩好嘅cafe完全一竅不通超好彩咁都比我喺V city入面揾到間食開有保證嘅cafe😆相比起市面上嘅cafecupping room嘅food selection真係相對上比較多👍🏻由pastries、意粉、三文治、甜品 就連平時少見嘅crepe都有🥹連三文治都係有6️⃣種唔同嘅配料比你mix-and-match真係會揀到有選擇困難😶‍🌫️北歐式三文治（任選2️⃣款topping） $128•自家煙燻三文魚 x 紅蝦•香煎帶子配牛油果 x 無花果榛果吐司配里考塔芝士及楓糖因為我同朋友都心思思想試晒佢唔同嘅toppings所以今次我哋都決定兩個嗌晒北歐三文治 咁就可以一次過試到四種唔同嘅配料😋雖然四款都各有特色 但係如果要推介嘅話大家一定要試香煎帶子牛油果 同埋佢個無花果考塔芝士楓糖！滿滿creamy嘅牛油果 加4隻煎到超香嘅大帶子仲有小小三文魚子做點綴 食落口感層次真係好豐富帶子同埋三文魚子嘅鮮味都好出 呢個真係好有驚喜🥹另外無花果楓糖芝士呢個甜吐司都好出色！首先賣相已經100分😍無花果嘅份量一啲都唔吝嗇 鋪勻晒成塊吐司因為無花果本身都好鮮甜 配搭埋楓糖 有種食緊甜品嘅感覺🍯啱晒我呢啲螞蟻人🐜法式西多熱香餅——雜莓 $128•加配雪糕 +$18一上枱我同朋友都嘩咗出聲 佢嘅擺設靚到成個藝術品咁🤩包體外層係脆脆的 有種caramelised嘅感覺切開入面係超級fluffy軟糯 完全睇得出係浸咗好耐蛋漿先做到呢種效果 超有誠意🥚強烈建議大家一定試下加埋球雪糕一齊食🍨冰火交融嗰種口感真係好正🧊焙茶鮮奶 $55黑咖啡 $45…Read More

早在很久以前 蕃茄仔剛剛在銅鑼灣希雲街開業的時候我便有慕名而去一嚐他們的蕃茄濃湯 當時吃過以後已經榮升我心目中最好吃的蕃茄湯底麵店其後也有回訪過幾次 不知不覺間他們已經開了三間分店呢～這次跟朋友來到新蒲崗mikiki分店吃晚飯分别點了兩個晚市套餐 初嚐晚市套餐 超划算的說！包括了麵類、小吃、飲品及甜品各一款 會不會太豐富啦甜品更有tiramisu😋慢火澳洲和牛𦟌 晚市套餐 $121選擇了刀削麵作為麵底 及65度有機溫泉蛋為小吃因之前有吃過他家的蕃茄湯底 所以這次想說試試點新意加了$3轉了做招牌麻香拌麵 結果超有驚喜 跟他們的蕃茄湯底同樣好吃！濃稠的蛋汁掛滿寬闊的刀削麵 加上惹味的麻香濃汁及巨量的木魚絲 令人不禁一口接一口 瞬間就消滅了整碗麵而且不得不提 牛展的份量以及大小都超！驚！嚇（在好的方面）足足有四整塊跟手掌差不多大的牛𦟌 而且煮得非常軟腍 一點也不柴口 每一口都感受到滿滿的骨膠原性價比極之高！ 牛魔王（雙拼）晚市套餐 $140朋友初嚐蕃茄仔 選餐時不斷在掙扎吃什麼好於是我告訴他小孩子才做選擇！想不到的話便試試他們的牛魔王雙拼～一個價錢便可試盡美國安格斯牛肩胛片及慢火澳洲和牛𦟌兩項招牌菜式好奇心驅使下 我們加了$6選擇了葛絲作為麵底本來我們都不知道葛絲是什麼 上菜的時候就像開盲盒一般😆原來葛絲是日本火鍋用的粉絲 跟一般粉絲相比 較扁和粗身口感也有一點像薯粉 煙煙韌韌 十分掛湯！至於湯底方面 朋友加了$8選擇了招牌麻辣蕃茄湯底除了能夠保留蕃茄湯底的鮮甜之外 麻辣的香韻也額外增添了一點刺激感 越吃越爽薄切的牛肩胛片肥瘦均勻 牛香味十足 絕對質素保證👍🏻小吃方面則點選了忌廉蟹肉薯餅～厚切麻香牛舌 $38額外還點了一客牛舌分享本來以為會像是平日日式餐廳吃烤牛舌的那種烹調方式及大小怎料一上菜的時候足足有3大片跟手掌一樣大的牛舌而且還有一定的厚度 這裏的份量也應該有外面餐廳的2至3倍 超誇張！牛舌口感彈牙 沾上香濃麻香汁💯蕃茄仔📍新蒲崗太子道東638號Mikiki LG樓LG7A號舖📍銅鑼灣希雲街5號地舖📍九龍灣常悅道21號EASTMARK1樓7號舖…Read More

之前好似都有介紹過大家嚟呢間位於旺角嘅鳳雛燉雞😆近排天氣開始慢慢變涼少少🤏🏻個腦即刻crave for啲暖笠笠嘅嘢食♨️但係又唔想打邊爐又或者燒肉嗰啲～一嚟太熱 二嚟通常嗰啲如果要性價比高就要任食 但又唔想撐破肚皮🤰🏻韓式嘅呢一種燉雞就真係啱啱好fit💯煮好一大碟熱騰騰嘅燉雞 入面其實都有齊晒肉、菜、麵食等等個原理其實同打邊爐都有啲似😆仲可以自己加自己鐘意食嘅料 有菇、年糕、魚糕魚蛋 等等～仲有飯焦 超特別😯你喺廚房直程煮埋出嚟比你🤭今次依舊嚟到都係叫我嘅favourite🤎鳳雛燉雞（無骨） $248辣度方面我揀咗少辣🌶️增添一點惹味～唔怕辣嘅大家 都推薦你地加辣！上次同朋友食啲冬粉（類似韓式嗰種寬粉）完全唔夠分 最後要爭住食😂因為啲冬粉索晒啲汁 又勁彈口 真係食到停唔到口🥹今次學正咗 加多咗一份冬粉 咁就唔洗驚食得唔夠喉😌冇嚟一排 但係質素依然保持到👍🏻雞件份量依舊比得好慷慨 而且燉得剛剛好 唔會好柴 去好晒骨真係好啱我呢啲懶人😝而且本身附上嘅蔬菜例如青瓜、紅蘿蔔、薯仔等 真係多都齋食佢哋都夠晒飽🥬2個女仔嚟食 份量剛剛好 又可以解決到想食韓國嘢嘅心癮😉另外個人都覺得餐前附上嘅小菜 青瓜好好食！🥒爭啲忍唔住上主菜前食晒啲小菜🤓下次有機會都想嚟試下食佢哋其他menu 見到隔離枱食豬腳同醬油蟹 都勁吸引🤩…Read More

以前喺銅鑼灣返工 成日都帶啲同事去希雲街嗰度食peek-a-poke嗰陣得港島有分店嘅時候 都真係會為咗佢過海食飯😆所以知道佢喺尖沙咀開咗分店嘅時候真係開心到癲咗！係（偽）減肥人士嘅always to-go（aka. me）🫶🏻坊間都有好多好好食嘅poke bowl嘅餐廳🤍其中一個令我鐘情peek-a-poke嘅原因係因為佢哋除咗基本嘅魚生、八爪魚同菇之外 仲係雞胸肉可以揀🥹對於唔食魚生嘅我 多個選擇 真係福音🥰尖沙咀嘅分店位於重慶大廈嘅地庫 店舖嘅面積比起銅鑼灣分店大～坐喺上嚟都比較闊落同埋舒服🤍店入邊嘅裝修充滿着夏威夷風情🌴木系嘅design 七彩繽紛嘅油畫裝飾（特別鍾意佢哋嘅surf board🏄🏻‍♀️） 仲有唔少嘅boardgame提供比人玩😎最重要係呢度啲staff都勁nice！喺度食嘢成個體驗都好舒服😌呢度提供嘅選擇同combo真係多到數唔到⋯⋯‼️主食同base都已經可以選2款而配料都有成19款比大家揀 就連醬都有6款可以揀 真係有少少選揀困難症都搞唔掂😵‍💫嘢食方面 我同朋友都揀自選風味🤭可以任由自己選配鐘意嘅配料嘛～（小朋友先做選擇！我全都要🤣）最後飽到棒住個肚走🤰🏻自選風味碗 雙拼 $108•主食：慢煮雞胸+雜錦香菇•base：沙律菜•配料（3款免費 及後每款+$10）：雞蛋絲、蟹子、蕃茄仔、青瓜•升級配料（每款+$15）：温泉蛋、鮮蟹肉•醬汁：/•調味料：紫菜絲、木魚絲、果仁、辣椒碎•跟餐飲品：熱玄米茶 （+$2）三文魚 $108•base：壽司飯•配料（3款免費 及後每款+$10）：雞蛋絲、豆腐、青瓜•升級配料（每款+$15）：牛油果•醬汁：山葵乳酪醬•調味料：全選•跟餐飲品：熱紅棗茶 （+$2)…Read More

李家可以話係每次食韓國菜一定會去嘅韓國餐廳🇰🇷由細食到大 一直都屹立不倒 絕對係信心保證👍🏻而且分店位置方便 九龍港島區都有～菜式多元 最重要係夠正宗 所以每次要諗韓國菜 都一定係李家！海鮮炸醬麵 $198！超級大盤！至少係4️⃣人嘅份量 勁抵食😼炸醬嘅調味簡直係💯食炸醬麵最驚一味得個鹹/甜😖而呢度調嘅配方係完美嘅比例 食多咗都唔會覺得好膩😌麵條煮得剛剛好 唔好太淋一夾就斷 咁就唔怕撈麵嘅時候整到啲麵爛熔熔🥢加上真係比得超足料 海鮮方面有八爪魚、魷魚、蝦🦐🐙配料份量都唔輸蝕㗎！薯仔、洋蔥、青瓜嘅份量都好多～齋食呢個都夠晒飽😝半半炸雞（原味+甜辣）$178食韓國菜必須有炸雞🍗李家炸雞嘅口味都有好多選擇 其中葱炸雞同青辣椒蛋黄醬洋蔥炸雞 都比較少見～而我就鐘情於OG嘅原味同甜辣味😋呢度可以選擇半半炸雞 一次過可以食晒2️⃣種口味 小朋友先做選擇！炸雞新鮮滾熱辣炸起 外皮超脆 而內面嘅雞肉完全做到鎖實肉汁🥹係真正嘅外脆內軟！店內亦都有手套供應 超甜心 食炸雞真係要攞上手啃先夠爽😎啖啖肉 食得夠過癮😆蒸水蛋 $68因為叫咗以上2樣都係比較重口味 所以都想叫返啲清淡啲嘅菜式中和下（心理平衡啲🤣）蒸水蛋確實係一個健康好選擇🥚用熱辣辣嘅石鍋蒸嘅水蛋超嫩滑😳望住佢動L動L咁真係好治癒🤤蒸蛋加咗豉油、蔥 同 紅蘿蔔粒吊味 所以完全唔使擔心佢會淡而無味～加上用咗石鍋烹製 蒸蛋嘅底部會有少少焦香 好似煲仔飯飯焦嗰種咁 超香口🥹Zero可樂 $18雪碧 $18…Read More

次次經過西營盤一出地鐵站都會見到呢間cafe見到啲外國人坐喺出面outdoor seats嘆杯住杯啡同朋友傾下計咁個vibes好chill好relaxing～🍃今次終於相約好友嚟到呢度嘆個靚下午茶☕️咁啱呢排天氣由轉涼 所以就選擇咗坐餐廳嘅室外位置😆餐廳嘅內部裝修型格 特別鐘意佢哋嘅掛牆霓虹燈線條同射燈設計🪩同餐廳簡約文青嘅門面形成對比～menu亦有多款選擇！主菜方面可以選擇ADB、pasta、burger、sandwich等🍝甜品亦有佢哋signature嘅croffle、pancake、蛋糕等🥐飲品方面有多款特色咖啡 而非咖啡類嘅拉花飲品 都係以植物奶供應呢🥛𝗦𝗮𝗹𝗺𝗼𝗻 𝗿𝗼𝗲 𝗮𝗻𝗱 𝗰𝗿𝗮𝗯𝗺𝗲𝗮𝘁 𝘀𝗲𝗮 𝘂𝗿𝗰𝗵𝗶𝗻 𝘀𝗮𝘂𝗰𝗲 𝗹𝗶𝗻𝗴𝘂𝗶𝗻𝗲 $𝟭𝟰𝟴三文魚子同蟹肉嘅份量超多 即使撈匀啲意粉一齊食都食到啖啖肉加上海膽醬極濃郁creamy 條條意粉都掛滿汁嗰種海鮮嘅鮮味簡直係喺口腔內爆發🦐🦀🦞推介絕對值得一試👍🏻𝗔𝗽𝗽𝗹𝗲 𝗮𝗻𝗱 𝗰𝗵𝗶𝗰𝗸𝗲𝗻 𝘀𝗮𝗹𝗮𝗱 $𝟵𝟴雞扒煎得金黃香口🍗配合埋爽甜清爽嘅蘋果絲🍏兩者剛好中和到雙方 唔會覺得油膩～mixed greens嘅蔬菜底 再灑上啲杏仁碎同shredded cheese🧀 驚喜嘅係原來仲會配埋一片seeded sourdough本身仲擔心冇carbs會唔多飽！整個沙律嘅配撘營養都非常均衡 絕對係健康好選擇💯𝗕𝘂𝘁𝘁𝗲𝗿 𝗰𝗿𝗼𝗳𝗳𝗹𝗲 $𝟲𝟴平常食牛角包都係最鐘情於原味🥐今次見到有butter croffle當然要點嚟一試！大大嚿牛油再淋上滿滿嘅糖漿🧈完全滿足到我呢個碼蟻人對甜食嘅cravings😋仲要佢地croffle係新鮮熱辣整出嚟 酥皮香一流 🔥size有心掌咁大塊 仲要有2塊😱（通當啲cafe serve as dessert都只係會比細細一塊🫣）性價比超級高 無得頂！𝗕𝗹𝗮𝗰𝗸 𝘀𝗲𝘀𝗮𝗺𝗲 𝗹𝗮𝘁𝘁𝗲 𝘄/ 𝗮𝗹𝗺𝗼𝗻𝗱 𝗺𝗶𝗹𝗸 $𝟰𝟴我自己本身比較偏好植物奶🌱見到餐牌上non-coffee嘅options都係oat/ almond milk 所以就點個latte一試～不身冇乜expectations 但點知原來呢間嘅拉花係咁靚同獨特的😍仲要因為到訪當日係萬聖節🎃店員仲要勁有sense咁拉咗個南瓜小鬼拉花比我哋👻超級爆可愛！！！黑芝麻嘅味道都夠thick 飲落仲會飲到粒粒芝麻🖤100%推介大家嚟chill下食好嘢🤍…Read More

市面上越嚟越多任食嘅台式火鍋選擇～但正正因為係任食 好多人都係重量不重質…🫠要揾到一間價錢合理、食物多選擇又好食、服務好 最緊要係無限時嘅火鍋店真係不易🥹難得喺旺角瓊華呢個黃金地段可以揾到一間各方面都做得出色嘅火鍋店 難怪呢度成為咗我同朋友之間每次相聚嘅「老地方」😎單單係湯底 就已經有1️⃣9️⃣款任君選擇😱由清甜、健康、養生 到藥膳、麻辣、重口味嘅湯底都應有盡有🈶而今次我就揀咗一個喺出面比較少見嘅——爆漿熔岩芫茜豆腐鍋❇️一上枱見到青BB嘅鍋 入面仲有跟豆卜、豆腐、粟米等嘅配料🌿加上香氣撲鼻嘅芫茜香 就知道呢個湯底絕對冇偷工減料！打打下邊爐要加湯的話 都可以隨便出去自助bar到攞湯返埋位加呢🥣上菜前 店員會先附上一碟即炸嘅蕃薯條 仲有四包分別係海苔、麻辣、蕃茄同甘梅味嘅shake shake粉同袋唔知有冇人同我一樣都係鐘情於蕃薯條>薯條呢🙈至於肉類set方面 今次我就揀咗正價時段$408/位嘅台灣養生涮涮鍋吃到飽套餐～主要肉類包括：🔆極級Prime Grade安格斯牛頸脊🔆Prime grade 美國安格斯牛肉🔆西班牙伊比利亞黑毛豬🔆西班牙無激素豬肉片兩款安格斯牛都十分新鮮 鮮紅粉嫩嘅肉質 加上完美平均分布嘅油脂🥩一放入口 陣陣牛香同油脂香喺口腔內瞬間爆發 大滿足🤤另外薄切嘅黑毛豬都相當不錯 唔會過韌 亦唔會過羶🐷除咗以上4️⃣款肉類 其他嘅火鍋料都同樣可以用QR code自助無限下單！可以選擇嘅火鍋配料可以話係眼花撩亂多不勝數 比多十隻手指你都數唔晒😵‍💫由前菜、炸物、海鮮、丸類、自製手工配料、蔬菜、麵類 你數得出嘅款式都應有盡有🍗🥟🦐🥬🍜雖然選項繁多 但質素卻一啲都唔馬虎㗎！至於飲品方面係使用自助bar嘅形式 都係無限添飲㗎！除咗基本嘅汽水、紙包、罐裝飲品之外 呢度仲有佢哋自家製嘅樽裝茶～最後埋個靚尾當然要食埋甜品😛（限定一人一杯）呢度雪糕嘅選擇可以話係我食過咁多間邊爐 數一數二最多款式嘅一間🍨唔單止口味多元化 雪糕牌子本身已經比其他餐廳多 ！環境方面佔地面積夠大 容納到好多枱之餘 一啲都唔會坐得好迫又或者覺得局促～燈光夠充足 而通風都做得不錯 🌀唔會烏煙瘴氣 亦唔會越食越㷫🥵然後服務都係💯分！店員們同經理都好friendly熱情地招待每一枱客人定時定候會自動自覺幫手清走枱面上唔要嘅碗碟🍽️另外值得一提嘅係 呢度係我第一次喺火鍋店內見到有提供暖櫃飲品雖然大部份人可能會覺得：「打邊爐咁熱緊係飲凍野嘢啦～」🧊但其實對於少部份唔飲/唔飲得凍嘢嘅人嚟講係一個好窩心體貼嘅option（仲要係喺火鍋店入面）！🔥…Read More

科學園對於我呢啲市區人嚟講真係好～遠～平時最常經過科學園嘅時候就係踩單車嘅時候喺外圍經過😆真係一次都冇踏足過科學園嘅內部！嗰日咁啱約咗一個喺科學園做嘢嘅朋友食飯就由科學園地膽帶我覓食食好西😎唔嚟真係唔知道原來入面有咁多餐廳！朋友知道我鍾意打卡 所以帶咗我嚟呢一間靚靚新式fusion中餐廳——農🤍店舖嘅面積都算大 位置同位置間都幾寬敞 仲有户外位置添🍽️而且入邊燈光明亮 天花板上邊仲有啲類似太陽能板嘅裝置郁緊 我估係配合返科學園呢個科研匯聚地方嘅主題🤣而menu方面真係有好多唔同嘅選擇🤩由前菜、小炒、肉類、海鮮類、飯麵類、湯品、甜品到飲品每個category都有至少3至4個菜式供客人選擇～可想而知成個menu究有幾多樣野食😂使用QR code落單 仲可以好方便咁睇到唔同餸菜咩樣 好user friendly👍🏻揀到我同我朋友選擇疲勞🥱火雲叉燒 $238見到個名嘅時候已經覺得好架勢 所以就叫咗嚟試吓點知一上枱嘅時候 佢竟然點火🔥😱佢個叉燒真係好啱我胃口 因為我本身唔係好好食肥膩嘢唔會有太多肥膏得嚟 啖啖肉 肉質又唔會好韌 完全贏得我歡心😍漁公火箭桶 $88漁公火箭桶即係魷魚筒🦑好impressed by佢哋個presentation！用竹籤串住原隻魷魚 再好似插花咁放入一個用石春做底座嘅竹籃🧺因為佢哋喺魷魚筒上面灑咗滿滿嘅孜然粉 都真係幾辣下㗎怕辣嘅朋友仔要留意下啦～田園炒花青苗（XO醬） $78想講呢個餸菜係絕對有驚艷到我🤩本身完全唔知咩叫炒花青苗 聽都冇聽過🌱佢嘅外形都有少少奇突 有啲似細嘅綠椒 再加一條長長嘅尾🤣一開始我都有啲卻步唔想放入口 但試咗一條之後 發然佢幾爽口再用XO醬同切絲三色椒炒埋一齊惹味到令人不禁一口接一口🫣完全係俘虜到我呢一個唔鍾意食菜嘅人嘅心！氣鍋雞 $78鍾意飲雞湯嘅人絕對唔可以錯過！湯用茶壺裝住 再俾咗兩個細嘅茶杯我哋用嚟飲用🫖倒出嚟 一見到奶白色嘅湯頭 就知道一定係熬得超級濃🥘仲要散發着淡淡嘅椰子香 只能說真係唔叫嚟飲會後悔🥥臨走之前貪得意打開左茶壺個蓋 先發現原來入面仲有雞同椰子😳 絕對驗證到係真材實料熬製而成🫶🏻就算食到好飽 最後都堅持食埋啲湯渣！雲吞湯麵 $68雲吞麵可以說係我嘅comfort food🥰熱辣辣大大碗湯麵 再加上四粒超大又足料嘅木耳鮮蝦雲吞🍜滿足！爽脆海蜇頭 $48蒜蓉香辣鳳爪牛油果蝦春卷 $48爆汁乳鴿（一隻）貓山王榴槤 $42 作為榴槤狂粉嘅我當然唔可錯過可以食到榴槤嘅每個機會啦💛呢個貓山王榴槤pudding 簡直係神還原榴槤嘅顏色同造形！淡淡嘅榴槤香加上綿密嘅口感 作為飯後甜品都唔會太heavy～牛榛仔 $49超級可愛嘅牛仔點心造型🐮🥰可愛都唔捨得咬落去😛包體入面係新鮮滾熱辣嘅榛子朱古カ流心🍫鐘意食甜嘢嘅朋友仔就啱晒💯
白桃烏龍冷泡茶…Read More

平時出街食飯 都好少會諗起想去食馬來西亞菜～嗰日見到朋友去咗馬來西亞旅行啲美食照 於是心血來潮走去search下香港有冇好食嘅馬來西亞餐廳！喺茫茫大海中竟然比我誤打誤撞揾到呢間喺中環但又隱世嘅超高質馬來西亞餐廳😌食完餐飯成個人完全係大滿足💯首先點解會話佢隱世 其實係因為餐廳嘅入口係隱藏喺小巷入面～雖然地址係喺士丹頓街 但因為餐廳係位於地庫 所以入口係喺落返半條街 俊榮里嗰度入😉朋友仔要留意喇！餐廳唔算好大 但位置同位置之間都幾寬敞加上店舖嘅裝修型格簡潔 牆上面掛住唔同嘅相同作品整個用餐氛圍都好舒服🖤menu選擇繁多🥰比起傳統馬來西亞菜 佢哋仲有提供啲fusion菜式比大家多幾個唔同嘅選擇😛秘製馬來西亞咖喱喇沙湯麵 —— 珍寶大蜆拼海蝦 $142Brick’s malaysian curry laksa noodles —— jumbo clam & prawn $142話明係crave for馬來西亞菜 當然唔可以唔嗌返碗喇沙嚟食啦🍜呢度有提供多種唔同嘅肉類比你自由選擇撘配：魚、雞、牛、海鮮 應有盡有🍢我就揀咗珍寶大蜆拼海蝦🦞一上菜比佢嘅份量嚇親😱超大碗得嚟 上面仲有座芽菜山！而佢嘅珍寶大蜆拼海蝦真係冇呃人㗎！蜆同蝦嘅size堅係珍寶🤣欣賞佢哋唔似得出面嘅餐廳 會因為size大咗而減少數量蜆同蝦嘅數量夠多 兩個人分都完全夠食 絕對唔係敷衍🫶🏻而且好新鮮 蜆冇沙 蝦都冇雪藏味🐚除咗自選嘅餸外 每碗喇沙都有附上半隻流心蛋、豆卜、生菜同芽菜～鍾意食酸啲嘅朋友仔都可以選擇唧多啲青檸汁🍋而湯底方面絕對有驚喜❤️‍🔥椰奶同香料嘅比例調得啱啱好 唔會太嗆之外 又完全帶到喇沙嗰種辣嘅惹味出嚟🌶️令人不禁一啖接一啖咁飲個湯底～另一個驚喜位係食食下發現佢哋嘅麵底除咗粗身油麵之外 仲有米粉！第一次食麵係有2種唔同嘅麵種撈埋一齊食😮感覺好神奇！意式辣醬煮海蝦配粟米片 $148Italian spicy prawn with nachos $148nachos係我最愛食嘅零食之一 一見到就諗都冇諗過就order咗嚟食😂開頭都都疑惑過究竟脆身嘅nachos會唔會同濕嘅醬唔夾🤫不過食咗第一啖之後 完全覺得自己擔心錯晒🥴唔知係咪因為同海蝦一齊煮 所以佢嘅汁自身本身已經充斥住鮮味～同平時嗰啲罐頭意粉醬汁完全係兩個層次🥫相信如果呢個汁煮意粉嘅話 我應該會食到3碟🤣當然需要本身海蝦夠新鮮先會煮到呢個水準啦👨🏻‍🍳海蝦夠晒大隻 同喇沙嗰啲一樣 數量誠意滿滿 口感彈牙 唔會overcooked🦐另外煮汁嘅時候都有加埋蕃茄、洋蔥同翠肉瓜🍅經過長時間烹煮 啲料煮到索晒汁 鮮味加倍😍一片脆卜卜嘅nachos 疊加大大隻海蝦 再一啖埋入口👄多重口感喺口腔入面爆發 一個字 正！呢道菜絕對係今餐飯嘅MVP🥇泰式酸辣無骨鳳爪 $118Thai boneless chicken claw $118邊個估到馬來西亞餐廳都會食到泰國菜🇹🇭通常喺出面食泰式鳳爪都係得幾件 其餘90%嗰啲都係菜墊底😮‍💨不過呢間餐廳真係完全比足料！唔洗同朋友爭鳳爪食🤪沙律除咗鳳爪之外都有生菜、洋蔥、芽菜、紅蘿蔔絲～加上個醬汁酸酸辣辣 好開胃😋椰絲咖椰薄餅 $52Coconut kaya prata $52今次係我第一次食prata！之前都冇喺其他香港嘅餐廳見過呢道甜品～本身見佢個外型 以為佢嘅口感會好似crepe咁點知一擺入口先發現佢係超級卜卜脆 好似食緊脆餅咁💛薄餅油炸過之後嘅嗰種酥香感 喺口入面久久不能揮去～店員上菜嘅時候都有提醒我哋要趁熱食♨️再加上喺塗滿糖漿嘅薄餅表層舖上海量嘅椰絲口感即刻再更上一層樓🥰如果大家都係螞蟻人（好似我咁）🐜 就可以點埋隨碟附上嘅咖央醬甜得嚟又唔會太膩 寫包單一定可以滿足到大家食甜食嘅癮🍯推薦大家要試下呢個！…Read More

馬鞍山對於好多住市區嘅人嚟講（包括我🤣）都真係好～遠～加上佢被冠名美食沙漠嘅個銜頭 更加大大減低入馬鞍山嘅決心🫢今次特登入到嚟馬鞍山嘅原因係因為有位在港生活嘅韓國朋友相約食飯～仲話要帶我去食連韓國人自己都覺得超地道嘅韓國菜！食完之後真係明點解佢咁強力推薦 山長水遠都每次堅持入嚟食😼由店舖嘅裝修同店員都已經可以充分感覺到佢係真係地道韓式 真•韓國人主理嘅小店經營～一坐低就有位好親切嘅韓國姨姨招待我（我估係老闆娘🙈）就連廚房廚師都係講韓文的韓國人 真係難怪呢度食物嘅味道咁地道🇰🇷見到疊起咗一棟嘅外賣炸雞盒 秒速好似置身喺韓國嘅外賣炸雞店咁😆加上背景音樂一路播住唔同嘅kpop歌 好似去咗唱K咁 成個氣氛都好正❤️‍🔥雖然係小店經營 但係基本嘅韓國菜式呢度都一應俱全！甚至比起啲連鎖韓式餐廳所提供嘅菜式更多😱由炸雞、麵食、湯飯類、年糕、韓式小食、甚至連pizza都有🍕炸雞二重奏（經典原味+特色甜辣）$219小朋友先做選擇！識食梗係食半半！一個價錢可以食到兩個唔同嘅味道✌🏻佢哋炸雞嘅份量！超！級！爆！多！真係唔係講笑😳喺香港食過咁多間韓式炸雞店 呢間真係我見過份量最慷慨嘅一間！🍗炸雞絕對唔會過分厚粉👍🏻外皮炸得脆身得嚟 而入面雞肉嘅肉質完全保持到嫩滑嘅口感～就連醬汁嘅份量都好夠多！足以均勻地裹住每一嚿雞嘅表層😌啖啖都充斥住甜辣甜辣嘅味道👅大滿足因為份量真係太多 最後食唔晒 打包返屋企繼續食🤰🏻side track一下😝見到佢地menu仲有好少見嘅五味炸雞gift set！一個價錢可以試晒 經典原味、特色甜辣、蜜糖芥末、雙重芝味 同埋 洋蔥蛋黃🤩仲要只係$239 超級抵！下次同多幾個朋友一齊嚟就可以試下叫😋香烤牛肩肉 $158上菜嘅時候先發現原來係連埋生菜同埋包醬～平時都鍾意食牛肩肉呢個部位 因為牛香夠得嚟又唔會太多油脂 口感夠晒balance👌🏻而且牛肩肉烤得剛剛好🥩唔會太過生 亦一啲都唔韌💯一塊生菜🥬加片牛🐮沾一沾包醬 再一啖塞入口👄一個字！正！韓式水冷麵 $78天時暑熱 當然要食返碗水冷麵降降温🧊上菜嘅時候店員會問需唔需要幫手剪一剪啲冷麵 等我哋易啲夾到嚟食🥢之後老闆娘仲好好心咁走過嚟提醒同幫我地攪拌個麵 以防發漲🫶🏻超親切💖韓國嘅冷麵口感煙韌 好有咬口！仲有啲醃蘿蔔同青瓜絲 好清爽💦炸醬麵 $68又抵食又大碗嘅炸醬麵🖤作為炸醬麵發燒友 見到就絕對不能錯過😝料多醬多麵都多！大家記住趁佢啱啱上菜熱辣辣嘅時候即刻攪勻佢～如果唔係啲面就會腍住一坨🍜Zero可樂 $15加分位❣️呢度只有星期六日同公眾假期先要收加一🥹真心係良心小店小本生意咁做💕大家快啲去幫襯支持🤍…Read More

平時去開銅鑼灣 就算會行去希雲街嗰邊 都好少行到入去條街嘅「督督」～原來唔聲唔聲條街入面都開咗幾間唔同嘅餐廳同cafe！想同朋友揀間cafe入去坐下傾下計最後就比呢間綠色白色做主調嘅簡約系cafe嘅門面吸引到💚唔知係咪因為佢位於希雲街比較入嘅位置店入邊嘅氛圍都隱隱散發住一種幽靜嘅舒適感🎐無論係自己一個嚟呢度享受me time 又或者相約朋友一齊嚟傾吓偈食嘢 都非常適合🙌🏻特別鍾意佢哋門口嗰個打卡位😆問過店員先知道 原來呢度係pet friendly🐶如果下次帶埋狗狗喺呢個門口位度影相一定會好靚🥹店舖嘅menu主打係呢期好hit嘅croffle🥐通常croffle最常見都係甜食嘅組合～但呢度都有提供唔同組合嘅鹹食組合 好新奇😍除咗croffle之外 呢度都有沙律、ADB嘅選擇🥗𝗦𝗺𝗼𝗸𝗲𝗱 𝘀𝗮𝗹𝗺𝗼𝗻 𝗮𝗻𝗱 𝗮𝘃𝗼𝗰𝗮𝗱𝗼 𝘀𝗮𝗹𝗮𝗱 $𝟭𝟭𝟴為咗減低食甜品嘅罪惡感 所以叫咗個三文魚沙律😝不得不說呢個沙律真係好足料！唔會食完一啲都唔飽！有三文魚、牛油果、無花果、蕃茄仔、沙律菜等等🥑咁啱我食嗰一日冇晒無花果 佢哋店員都好好人咁樣主動提出話俾多啲其他料我哋 超friendly☺️𝗖𝗼𝗰𝗼𝗻𝘂𝘁 𝗰𝗿𝗼𝗳𝗳𝗹𝗲 $𝟴𝟴點可以唔知佢哋嘅招牌croffle😎雖然好想試佢哋嘅鹹味croffle 但係見到seasonal edition嘅口味 仲要係夏日必食嘅椰子口味！🥥完全不能抗拒🤪新鮮熱辣超級鬆脆嘅croffle上面加上一大球椰子雪糕🍦配撘埋海量嘅椰果同埋我最愛嘅！紅！豆！🫘綿密嘅紅豆蓉 加上粒粒紅豆 增添唔少口感 大加分！！！！仲有煉奶淋喺面 好似我咁嗜甜嘅朋友仔就啱晒啦🤓𝗖𝗼𝗰𝗼𝗻𝘂𝘁 𝗰𝗼𝗹𝗱 𝗯𝗿𝗲𝘄 $𝟲𝟱呢杯椰青水冷萃咖啡都係夏日限定💦喺呢個炎熱嘅夏天飲一啖真係超爽！！超級解渴！！cold brew加埋椰青水後相對上比較易入口～呢個組合認真清新💯𝗕𝗹𝗮𝗰𝗸𝗰𝗰𝗶𝗻𝗼 $𝟰𝟴…Read More

真係好少可入荃灣覓食 今次多荃灣居民帶路 嚟到愉景新城食晚餐朋友話我知呢間日式居酒屋呢排先重新開返 就一於去一試究竟！呢間餐廳嘅入口位少隱蔽 匿埋喺電梯下面嘅隔離但係唔好睇佢個舖位隱蔽 但原來都幾大 有分2個區域～裝修都有少少日式嘅格局餐牌上真係有好多選擇～串燒、爐端燒、魚生、壽司、鍋物、飯、麵、甜品等等你所諗到嘅日式食品呢度都包羅萬有雖然每一個category都想叫 但係真係食唔晒🥲鰻魚炒飯 $125呢個鰻魚炒飯超大碗超足料基本上每筆一啖飯 都至少有3至4粒鰻魚粒極度懷疑個炒飯入邊 有至少2條鰻魚肉嘅份量鰻魚非常入味 醬汁唔會過鹹炒飯飯粒粒粒分明 仲要兜埋個鰻魚醬 每一口都食到濃郁嘅味道2個最後都竟然食唔晒兜飯🤰🏻燒沙白 $74本身以為燒得嘅話 應該會有好多調味料但係上到碟竟然係清清的一碟沙白沙白有好多粒 入面嘅蜆肉都好大嚿好juicy建議滴啲檸檬汁一齊食 會更加吊到個鮮味厚切牛脷心 $80牛脷真係有驚喜 話明係厚切 真係好厚又大塊但係佢厚得嚟一啲都唔韌 超級彈牙 仲要燒得恰到好處 冇燒燶 都冇話唔熟 原原本本咁呈現到個牛味出嚟大家記住趁熱食！辛辣雞腿肉串燒 $38呢個雞腿肉同牛脷一樣咁有驚喜！雞腿肉切開一嚿嚿 肉質非常嫩滑咬落去肉汁爆發 再加上面頭嘅辛辣醬汁 非常惹味絕對值得一試燒豆腐串燒 $38佢嘅豆腐質係板豆腐 比較挺身嘅質地有啲好似食緊台灣嘅臭豆腐嗰種感覺咁😂活帆立貝刺身 $78呢個帆立貝刺身係喺餐廳嘅時令menu上面 所以就試下佢新唔新鮮我同朋友每人各自都點咗一客帆立貝都幾大粒 唔係話非常厚切 但比起好多日式餐廳嘅「薄切」刺身真係慷慨得多！！味道都好鮮甜 唔點鼓油wasabi 可以完完全全食到大海嘅鮮味👍🏻味淋魚翅 $48最後嗌咗呢個比較似佐酒小食嘅味淋魚翅食落就好似平時食嘅魷魚乾咁 鹹鹹哋 令人不禁一口接一口如果大家飲酒嘅話 都可以叫嚟送酒～⚠️温馨提示：係有加一㗎～…Read More

之前同朋友仔去過TERA元朗yoho mall嘅分店～當時因為食唔落太多嘢食所以冇試到佢地最signature嘅梳乎厘pancake🥞嗰陣已經下定決心一定要再去多一次食🤓元朗實在太遠 好彩佐敦都有間分店 又近地鐵站 非常就腳😗佐敦分店都係走呢個日式襌院風格🏮唔知點解入到去好似自自然然有種平靜嘅感覺😂成間cafe嘅氛圍都令人感覺好舒服～最鐘意就係木枱上面嗰個大月亮燈飾 好靚好有feel🌕好適合相約閨蜜嚟談心打卡食甜品👯‍♀️Oreo奶油曲奇梳乎厘班戟 $128呢度單單係pancake已經有6種口味‼️要有選擇困難症嘅人揀實在係煎熬🤣最後揀咗平時食雪糕必點嘅cookies and cream🍨souffle pancake上面鋪滿咗海量嘅homemade oreo cream同oreo曲奇碎 隔離仲有3塊oreo伴碟🍪不過個主角都係佢哋嘅梳乎厘！！！望住3層肥嘟嘟嘅pancake 「動L」 咁郁 超級治癒💛pancake入口即溶 一放入口蛋香即刻爆發🥚完全做到綿密嗰種空氣感但又唔會太watery～只能說佢地掌握個烹調時間同火侯都啱啱好！一口接一口咁食 勁快就清空咗成碟 爭啲忍唔住要嗌多碟😆煙三文魚牛油果窩夫 $88上次試咗個甜waffle 今次一於試個鹹waffle🧇唔計甜嘅口味 鹹waffle都有4種選擇！本身以為唔會太飽 點知同朋友share都有飽腹感喎😯煙三文魚有4塊咁多 沙律都有成半碟咁多🥗窩夫上碟前已經淋好咗糖漿 鹹甜鹹甜咁好過癮🤭烏龍咖啡 $48上次試過好味 今次極力推介朋友叫嚟飲 咁我就可以偷幾啖😝烏龍茶加espresso加牛奶再加奇亞籽 飲落健康有飽肚💚蜜桃柚子烏龍茶 $50…Read More

深水埗基隆街一向都有好多唔同賣布料同製衣材料嘅店舖🧶今日陪朋友嚟基隆街買佢需要用嘅布 竟然經過一間以布藝做主題嘅cafe😯行咗成朝 決定同朋友入去坐下 順便食埋個lunch 叉叉電☕️cafe門側邊仲掛住咗佢哋用布整嘅menu 覺得超特別！🤩睇得出佢哋扣題嘅用心 絕對係加分位👍🏻行到入去右手邊就即刻見到用七彩顏色布條綁成的「布條牆」好靚🥹係100分嘅打卡位✨成間cafe嘅間隔都好開揚 位置同位置之間唔會太窄 同埋都唔算太細間～行入啲仲見到用布緞帶裝飾嘅位 全間cafe嘅style都好一貫👘至於嘢食方面主要係分成 all day breakfast、包類、意粉同甜品類🍝間唔中都會有當季特別嘅menu系列 我去嗰陣就係士多啤系列嘅特飲同甜品🍓 大家可以留意下呢😆我地分別嗌咗一個英式全日早餐同蟹肉蛋白沙律多士😋英式全日早餐 $148呢個all day breakfast入面嘅配料有齊晒一個傳統ADB應該有嘅元素😌有芝士焗大啡菇、煙三文魚、炒蛋、腸、煙肉、蕃茄仔、茄汁豆、酸種多士同沙律菜🥗比較特别嘅係個mini芝士焗大啡菇 唔算話非常常見～其實真係好豐盛 食完真係飽到上心口🤰🏻蟹肉蛋白沙律多士 $98因為唔係好多餐廳都有蟹肉蛋白嘅選項 所以都一想試吓佢嘅蟹肉蛋白🥚本身喺menu度睇係見佢配牛角包🥐但係我唔係好食牛角包 所以本身都打定輸數冇得食🥲但係都照抱着僥倖嘅心去問吓店員會唔會有得將牛角包轉做酸種多士🙈點知真係有得轉！🥹 個店員都好好 好親切 冇嫌我麻煩🫶🏻大家嚟到都不妨可以試吓呢一個蟹肉蛋白沙律呢🦀Latte (cold) $50Americano (hot) $38…Read More

最近香港的確多咗好多唔同新派別同fusion嘅韓國菜～雖然嗰啲都好吸引 但係間唔中都係會想食返啲傳統啲嘅韓式料理🙈呢個時候總會返嚟新羅寶呢個「老地方」食返嗰種味道😌佢喺尖沙咀同銅鑼灣都有分店 夠晒就腳👍🏻呢度除咗正宗之外 另一個令我鍾意嘅原因就係佢menu五花八門嘅選擇🤩由韓式小食、石鍋湯飯、鐵板熱炒類、麵類、燒肉到醬油蝦蟹呢啲生食類都有！真係多元化到眼花撩亂 揀食咩揀到有選擇困難😝鮮蠔仔煎餅（4塊）$135韓式煎餅平時大家聽得多嘅 不外乎都係泡菜煎餅、薯仔煎餅、海鮮蔥煎餅呢啲⋯⋯喺香港好少喺韓國餐廳會見到有蠔仔煎餅🫠平時如果食蠔餅嘅話就會去食打冷😂不過同韓式又係唔同嘅口感同韻味 會相對上濕潤同厚實啲🤔所以難得嚟到呢度見到有韓國嘅蠔仔煎餅食 當然要叫嚟試吓啦！首先講下啲蠔仔 一啲都冇臭腥味仲要好肥美 一咬落去有滿滿嘅汁💦每一塊煎餅都大概有4粒蠔仔左右 我覺得呢個size已經算係相當足料👍🏻燙魷魚 $180坊間都好似比較少原隻燙 冇加額外調味嘅魷魚🦑呢度嘅燙魷魚係原筒上 側面放咗小碟嘅韓國甜辣醋醬🥣仲有啲配菜例如 青瓜絲、紅蘿蔔絲、大蒜片同青陽辣椒🧄比你隨意配搭自己鍾意嘅食法～一樣餸就可以有多重嘅體驗 真係終極傳統韓國人嘅食法🇰🇷水冷麵 $105水冷麵其實即係凍嘅蕎麥麵～不過有別於日本嘅蕎麥麵 韓國嘅蕎麥麵係相對上比較幼細同埋好彈牙👅正宗嘅韓式水冷麵 其實係好樸素 會有：烚蛋 青瓜 白蘿蔔 咁樣疊好喺麵嘅面頭🍜為咗保持冷麵嘅冰涼感 都會放雪冰咗嘅湯頭🧊食落超清爽 夏天食一流🥵侍應姐姐好好咁比咗支醋我哋自行調配自己嘅口味🫙仲幫我哋用剪刀剪開麵團添✂️紫菜包飯 $79正宗嘅韓食點少得紫菜包飯🍙我最鍾意食嘅始終都係最原始嘅內饀combination：蛋 紅蘿蔔 醃黃瓜 青瓜 牛蒡 同 韓國火腿🥕🥒放入口咀嚼幾下 就係呢種味道了😭餐廳依家為咗慶祝30週年仲搞咗個幸運大抽獎活動！！！大獎仲可以有機會獲得來回港韓嘅機票✈️大家唔好錯過啦～…Read More