ba2784的個人專頁

久不久要對自己好啲嘅。今晚想食好啲！好舒服嘅裝修，有少少輕音樂。坐得吾逼夾。先叫個starter：雞肝黑毛豬火腿胖香檳啫喱。好厚身嘅肝！味道吾太濃，加多士食已經好ok。火腿都吾咸喎！個啫喱好特別。我冇為意，一咬落馬上有酒香！好得意。呢個係牛肝菌雜菌忌廉湯： 好香！好濃。豬仔骨都幾大份！熱辣辣咁上台。切開嚟睇，肉同骨吾係散開咖！冇話煮得太淋。肉質仲好有結實多肉汁。再嚟份黃金蟹肉意大利飯。少少咸帶出蟹肉嘅鮮味！仲有啲菇喺飯入面，食起上嚟多咗層次。最後我仲追加咗個甜品。個Brownie同雪糕好夾！總括嚟講又係一次大滿足！！…查看更多

又係旺角呀！最鍾意行嘅地區！今次呢間之前未食過， 見裝修幾光猛乾淨就去試下。呢個set幾得意，有中有西！個湯底就吾夠味，豬軟骨吾夠淋。食過好多豬軟骨，都係得兩三間真係煮到淋…啲魚蛋一般啦。冇咩好要求喇:)個pancake 加薯條… 究竟落蜜糖定係茄汁呢？… 個pancake幾厚身幾實淨。都ok嘅。薯條正常，香口脆口。兩樣都新鮮煮。仲好熱。:):)杯咖啡就真係好淡，冇味…吾應該叫呢隻。真係夠飽。呢個價我覺得非常值呀！可以再食。…查看更多

行完“信和”想tea，呢間啱晒！佢有間新開就喺“信和”隔離，超方便！尤其約人吹下水。要介紹下個“鎮店之寶”：菠蘿油加紅豆冰。真係有冰鎮住塊牛油，而且仲幾厚身！個包係焗。好脆口，吾係微波爐 din出嚟！紅豆冰吾係好甜，味道啱啱好！ 最滿意係喺紅豆！ 真係淋仲有啲綿，好好！仲要係$25！邊到揾！！信和隔離呢間有basement。有次坐完有啲油煙味，而且冷氣好勁。我建議坐地面嗰層喇。坐得舒服，光猛，服務又好。:):)…查看更多

行過見個裝修幾靚就去試下叫咗個印度味嘅手工咖啡。其實order咗都等咗幾耐致有人送嚟：服務員先俾啲咖啡粉我聞一聞。呢隻有標明係口感厚啲嘅。有啲朱古力香。可惜，粉係香嘅，不過沖出嚟好淡…師父喺你隔離即場沖，過程冇咩香味。水亦吾夠熱。份量其實吾多。大約有兩個細水杯份量。叫個小食：芝士薯條炸雞。正常ok喎。雞肉都吾鞋。:):)間舖吾多，全部細細張圓枱，一人一枱。啲凳都坐得唔夠舒服。地點就好方便，可惜食物質素一般。…查看更多

係偶然行過呢條街見到呢間，舖面幾吸引就入去試下囉。 叫咗個潮州胡椒豬什鍋。嘩！原來好大個鍋！好香，好多料！ 豬潤，豬肺，豬大腸 通通都有！個湯仲好有胡椒味！成個人暖晒！！啲邊爐料，仲正！！牛肉粒啲脂肪比例吾錯！又夠大粒。 淥耐啲都吾韌！仲好有肉汁！啲丸應該係自制，好彈牙！！ 一夾上手就知道吾係普通野！西洋菜餃好飽滿嘅料！ 豐富口感！點會咁滑咖！連雞胸肉都吾鞋！:)呢個係小食： 脆皮牛腩。炸得吾過火！牛肉吾老，好香口！白鱔片新鮮！肉質都幾札實，吾錯！！打邊爐要食下菜嘅：豆苗睇落幾大棵。好彩吾老，新鮮！好滿足！好食。服務有禮貌，坐得都幾舒服。第一次打邊爐吾駛加湯！因爲個鍋真係夠大夠湯！！…查看更多

一條友想食啲特色啲嘅野。今次行咗去廣華街揾好野食。朋友話呢間正！舖就好細，我估十個位左右。今次叫咗兩樣野食加杯咸07一上枱已經被個賣相吸引咗！好豐富好大碗！真係好足料咖！！個蕃茄湯好鮮甜， 加上成碗都係扎肉，豬扒，豬頸肉，脆豬肉！嘩！！不得了！！我比較少食脆豬肉，口感幾得意！有咬口！豬扒煮得一啲都吾乾身吾煙韌。另外叫咗個三文魚脆雞生菜包第一眼以為啲雞肉咁生點食！原來係三文魚鋪喺面咋！嘩！ 有驚喜原來煙三文魚！好香煙 燻味！下面係炸雞肉，仲要個皮炸得香脆，雞肉仲係嫩滑多汁！！雖然吾係豪華裝修，但係食物質素超高！…查看更多

打完風又係星期一，竟然收工去吃燒肉，真係好有興致。平昌係典型ge韓燒餐廳，出粒門已經聞到香噴噴的燒肉味，令人食慾大增。都未開始落單已經上咗好多前菜，唔係講笑，d泡菜認真好味，係好正宗的韓國風味。然後熱咗爐就有人來倒d蛋漿係爐邊，等佢慢慢炕熟。如此以來，d皮又脆，裡面的蛋又嫩口，外焦裡嫩，非常有口感。切入正題，d燒肉質素幾好，種類多，夠新鮮，唔會用好多醬汁來醃，夾埋d生菜吃，可以品嚐到佢ge原汁原味。最愛的燒薯仔片一定要介紹，要俾d耐性慢慢燒，等佢完全燒熟，外面脆卜卜，咬落有薯仔的香味，真係認真推介啦總之，雖然係一個打風後冇得放假的星期一，不過哩餐韓燒都算係俾翻d生活樂趣俾我地。三五知己聚會就最啱啦！…查看更多

呢間地點一流！超就腳啦！崇光隔離:):)一入舖已經俾佢嘅裝修吸引。有種返屋企嘅親切感。枱面上嘅manual同筷子套都好靚！叫咗個龍捲風沙律做starter幾大盤下！好開胃！個醬汁好特别！第一口感覺有啲似蠔油 新鮮菜加蟹柳再加上少少簿脆喺面。口感豐富！再嚟牛柳粒。 香噴噴 ，肉汁夠！有咬口。半生熟啱啱好！極櫻花壽司，賣相好靚！吾加 wasabi同豉油仲好，原味已經好鮮甜！叫多個冷麵食。夏天啱晒！味道清甜，爽口！總括嚟講，食物賣相好精緻， 新鮮食材 ，坐得舒服， 服務親切。…查看更多

喺旺角揾野食真係有好多選擇，尤其打邊爐。今次幫襯嘅係一間樓上舖，就喺廣華隔離。一入到去已經被裝修吸引。啲食具都好靚！筷子用完即棄好衛生。叫咗個美顔花膠雞鍋仼食。啲花膠大塊到呢！！有成半隻雞，好滑。啖湯好潤。我建議大家吾好飲太濃味嘅飲品，因為會搶走啖湯嘅鮮味。有咁靚嘅海鮮連埋真係錦上添花！海鮮好新鮮，更加要品嚐當中嘅鮮甜！隻鮑魚超彈牙！其他打邊爐食品都好好，有啲仲好特別。可惜個肚皮有限，試吾晒咁多！不過都好想講手打肉丸好有肉汁又彈牙！街舖買嘅冇得比！！個響鈴包住紫菜即叫即炸好脆口，有紫菜又有啲鹹鹹地，痴痴地口，口感好得意！除咗食得好，坐得好，今次連服務都一流！好好禮貌！加上地點超方便！！一定會再嚟…查看更多

落雨天喺銅鑼灣想食好野，諗起呢間。應該全幢大厦都係食食食。呢間喺最頂層。今晚想打邊爐，叫咗個花雕藥膳醉羊湯。好多羊肉而且已經好入味好淋！加安格斯牛肉， 響鈴，石班， 薯粉 ，鴨血， 醉雞。響鈴應該啱啱炸好上枱，一放入湯就“渣渣”聲！冇諗過係半條上！仲要好新鮮！肉質好滑！！呢個超煙靭！又吸啲湯，好入味又滑！！連鴨血又彈牙爽口，搞錯！咁好食咖…雞肉好實淨，好有酒香！個湯底好足料，啲食物又新鮮。係越食越濃！坐得好舒服，食咗兩個幾鐘好滿意呀！…查看更多

好少食鐵板燒做午餐。仲要去銅鑼灣食！如果吾係有同事介绍就真係吾識。叫咗二人餐：一人一隻鮑魚！即場煮！仲要一上枱係生咖，仲旭身旭勢咖！！真係好正！肉厚又彈牙！係熟咗啲…冇留意係鵝定鴨肝呀…總之就係超正！入口即化！好多油。有塊多士都吸吾晒牛肉粒既燒即食。冇得頂呀！咁厚身都仲好嫩滑！太神奇！啲配碟都好特色，要慢慢品嚐！連炸蒜片都香脆而帶甜！:):)炒飯都喺你面前做。有啲牛肉碎一齊炒。好香！粒粒米都好入味，吾痴埋一舊舊！我未食到最後就要走先。吾知仲有咩正野跟個set。個場有裝修，有靚景，有好廚師，非常新鮮嘅食材…係貴咖！但好好味！下次12點去食有個大啲嘅discount。:)…查看更多

有同事拉隊去食午餐。夏天午餐打邊爐真係吾多。好彩間野夠冷氣，不過就冇咩抽氣吸味設備喇。我叫咗個set。湯底加少少錢要個有味嘅。點知都係好鬼淡…菜睇嚟相當新鮮！食起嚟都真係ok嘅:)對板。叫咗牛加豬。牛肋肉其實我就吾覺好有肉味。切到咁薄又好難話有肉汁啦…豬肉呢…都係一樣。好一般…大概係lunch吧…或者晚市會靚啲…但賣相幾好咖！落單用平板電腦，又有幾個吾同選擇都幾豐富。每人過百食個午餐吾係平。但係lunch只做得一輪客，有前菜，有肉有菜有烏冬有野飲。但場又坐得幾舒服，服務員都好態度…總體都ok啦…查看更多

有晚放工想去尖，但又有啲肚餓。喺間尖隔離見到呢間好sharp。一條友想快食啱晒！地方同裝修都冇啦。街坊野以為平啦…其實真係吾算平！但係好足料！！！好多鴨肉！好翅好thick好入味！ 好香！每枱都有兩罌菜脯。一辣一吾辣。我兩種都試！嘩辣啲隻好辣！好辣！好辣！要講三次！如果你麻麻食得辣，吾好試！不過又真係好味！叫咗份雜燴。好入味！！！係吾夠喉囉…下次叫大份致得。蘿蔔冇渣！大腸又滑！好食！ 第一次幫襯，好味道，當小食一流！…查看更多

新商場有個細food mall都想試下。本來想食雞，但見到呢間有冷麵食喎！夏天食啱晒！呢碟本來係素雞冷麵……不過廚房話冇素雞，得手撕雞。是旦啦，好在我吾係素食者。味道幾好，係辣嘅，不過吾好食。sorry, 啲麵太淋喇！！一夾就散曬，吾得我仲叫咗杯凍檸檬咖啡。阿姐問我咩係檸啡？！！搞錯呀！ 你俾齋啡加兩片檸檬我啦……好彩當一般凍飲收費啫，算啦。其實吾少茶餐廳當特飲收多十蚊八蚊咖。well……可惜吾好飲。咖啡好淡。個場未俾班學生進佔，都有幾多位仼坐。又有冷氣，同朋友吹下水都吾錯。…查看更多

有朋友喺呢間訂咗位致有機會食咋。如果吾係就要喺出面，同廿幾人一齊排隊…春卷就皮薄餡靚。味道就一般。軟殼蟹幾飽滿喎！仲有膏，好食！！啲沙律係新鮮嘅。最鍾意呢碟鷄翼！好肥美！好香口！又嫩滑！不得了！肉丸好夠味，吾係超市買返嚟加熱上碟喎！好有肉味。金邊粉煙煙靭靭，好食！有兩三隻蝦仁，都幾鮮味。可惜我坐喺冰場隔離，好嘈！同朋友吾係好頃到偈呀… 食物質素幾好！如果份量大返啲就好喇…應該啱OL食。星期六都咁多人排，平日一定更爆！…查看更多