SOHO~'s Profile

一行二十幾個人一早已經預約左總共3個爐因為我中途先到去到我見識到第一個奇景就係唔夠炭用 話冇預到我地咁多人真係離哂譜 你唔係一早知我地有幾多人既咩！仲有炭呢d基本野 作為燒烤場應該係要有大量存貨而家話要搵人出去買 買完返黎仲要話要留返d碳俾其他客 大佬三百幾蚊一位架！而且去到我見到大部好common既野食已經冇哂 包括雞翼 腸仔 丸 粟米我地本身拎既都唔係多架啦 又係同我地講預少左！算啦 見仲有雞扒豬扒 點知結哂冰架！d肉又老 又硬 總括黎講 冇野好食！燒左咁多次野食呢間真係經典勸大家book過第二間！總括 全部零分！…Read More

已經第三次去la, 第一次去餐廳好靜, 得我地一班, 第二次去, 多少少, 第三次去, 嘩, full哂!我地叫左小食三重奏, 同兩個羊, 值得一試老闆好好人, 送左盒土耳其軟糖俾我地我黎過三次, 三次都係同唔同朋友黎, 佢地都讚老闆好好人同d野好好食, 每一次都同老闆傾得好開心^^今次仲俾埋張VIP Card我!大碟左好多@@羊唔係話太重"蘇"味小食三重奏有個係辣茄子, 真係幾辣架, 但好香 布丁冇得輸食得出好重朱古力味, 加有D類似焦糖醬係度, 而且凍凍地, 好好味土耳其軟糖好香ar~~~佢有唔同味, 係好甜, 但好香, 第一次食可能受唔到, 但食第二第三粒就會覺得OK…Read More

要係尖沙咀搵又平又好食, 我就一定第一時間講左呢間先!我地兩個人, 等左二十分鐘左右, 終於有位, 叫左唔少野, 有雞肉沙津, 卡巴(冇記錯好似係羊肉卡巴), 串燒雞肉薯條, 咖哩海鮮炒飯同埋一個pizza(真係唔記得咩pizza), 芒果奶昔雞肉沙津:好香, d菜好fresh串燒雞肉薯條: 必食!熱辣辣配沙津醬, 好正! 而且份量唔少!芒果奶昔: 可能我唔係太受得隻味, 覺得好怪....咖哩海鮮炒飯: 辣辣地, 好彩有少少沙津跟卡巴: 二人份量, 包得好靚, 已經好飽架la..Pizza:可能我地覺得太飽, 覺得好一般..雞肉沙津串燒雞肉薯條芒果奶昔咖哩海鮮炒飯卡巴Pizza叫左咁多樣野, 每人一百蚊都唔駛~你話幾抵~~不過其實叫兩三樣野已經夠架la,因為真係好飽好飽.....…Read More

其實Hungry Korean開左都有一段時間, 去親亞士厘道食野都會去食卡巴唔會點留意呢一間 只不過最近係openrice人氣突然直線上升, 就去一次搵搵原因吧~我選擇了豆腐湯再加一杯sweet tea麥芽發酵米茶, $39+$8餐廳話佢地唔會落味精, 我又真係試唔到有味精, 好過有d地方佢話唔落其實有落份量夠, 夠哂飽, 而且足料, 係辣的, 不過唔係辛辣果隻, 整體ok~如果要係尖沙咀搵平價餐廳, 呢度會成為新落腳點~不過, 對我黎講, 因為個人喜好問題, 街尾食卡巴都係首選順帶一提, 記住係買左野食先, 店員會分位俾你…Read More

次次都去滿記, 真係有D悶, 今次不如去另一間, 開拓新的版圖來到晚上的西貢大街, 氣氛真係幾似長洲~去到甜源居, 無論室內或室外, 裝修都絕不失禮, 我地兩個人, 首先當然叫左最出名既芒果河粉, 另份就叫左個白雪公主~芒果河粉, 河粉其實以"九弱"(唔識寫)整成的, 另外"湯底"可以話係芒果撈, 好有趣, 芒果唔酸的, 放心, 夠甜, 而且廿八蚊, 大大碗, 絕對抵食另外, 如果大家唔想要芒果, 可以轉為雜果河粉的, 價錢份量一樣白雪公主 (榔汁, 海底椰..)仲有架..只係唔記得左唔錯的, 雖然冇咩特別, 不過味道都幾清無論如何, 今次成功開拓新的版圖…Read More

去完銅鑼灣行街, 之後去呢間米芝蓮推介"阿鴻小吃"食飯門口街邊有位, 可以將部車泊係度, 唔駛泊爛地~由於多人, 要自己係門口本簿仔登記, 等入座, 最後等左二十五分鐘啦, 不過唔辛苦, 由於泊正係門口, 我地可以坐係車入面等~我地叫左蔡瀾撈麵, 招牌撈麵, 拼盤 (墨魚, 豬腸)兩款麵同樣惹味, 特別碗湯 麵質都幾爽口~另外拼盤上滷水唔太咸, 程度適中最後老細仲送左碗湯俾我地飲呢~~我的朋友好偏食的, 而且佢係唔鐘意食滷水野, 估唔到今次佢會主動食, 可想而知係幾好食的~最緊要平!…Read More

就算拍電影取過景...都唔代表食物係好食...呢個係我既感想..叫左個set dinner, 選擇牛柳湯都ok問題在於牛柳..肉汁又唔算係特別多, 而且犯左一個好嚴重既問題, 就係好韌.......咬到我個口好累...椰子雪糕普通的雀巢雪糕..仲有, 餐飲叫左凍奶茶..天呀!!應該係我飲過最難飲既凍奶茶!!我只試到苦味!沒有奶味!!一餐茶餐廳, 又或者係扒房, 又或者係西餐廳, 竟然連一杯奶茶都可以整到咁差..OMG!仲有一樣野要彈!就係衛生!佈置係靚!但洗手間, 恐怖!仲要好焗! 入完去出番黎有D作嘔感覺!!一句講哂, 唔會再黎!…Read More

經過當年幾次上Cafe食飯, 可怕的質素令我對樓上鋪產生陰影今次同朋友約去銅鑼灣食飯, 不想去一些連鎖式餐廳, 又不想太貴, 又要去一d有特色的地方, 搵到呢間人民公社俱樂部, 樓上鋪wor, 不過係一間西餐廳唔係cafe, 都可以試試一間好細既樓上鋪, 大廈入口亦不顯眼, 不過, 大廈卻臥虎藏龍, 龍就是人民公社俱樂部7點幾去到都冇乜客, 我地坐左係露台, 不過有帳篷遮頭的我地叫左izza PescatoraHomemade Stuffed Cheese BurgBittersweet Symphony (Beverge)Pacific Store (Beverge)Pizza Pescatora幾脆, 海鮮幾鮮甜, 雖然係一個細批, 不過都大過pizza hut既細批Homemade Stuffed Cheese Burg都幾大個包, 塊肉好juicy, 薯條好粗@@, 絕不欺場, 兩個人食都飽另外兩杯飲品冇影相, 不過可以講, 唔錯的, 幾爽口, 幾甜總括而言, 如果想係銅鑼灣呢d旺區, 想搵d地方靜下食飯, 感受一下遠離煩囂, 人民公社俱樂部係一個唔錯既選擇!…Read More

太忙了, 現在先有時間寫食評兩個人去食, 其實本來想食對面萬豚屋, 但太多人....見對面就係Noren, 而且見呢度食評唔錯, 就入去試試.一間細小的餐廳, 由日本人經驗我地分別叫左豚肉飯, 咖哩炸蝦假, 同埋薯仔沙津豚肉飯, 身為Noren的王牌, 當然絕不失禮, 豬肉非常軟熟咖哩炸蝦飯, 都OK, 可能我不太好咖哩, 所以沒有太大感覺最後薯仔沙津, 薯仔係普通的薯仔, 記住唔係薯容, 配上不太油膩的沙津醬, 清清地當係甜品都好, 減一減滯既感覺仲有樣野要讚, 就係分量足夠, 相信唔係間間餐廳做到…Read More

慶祝朋友生日, 又想去一些特別的地方, 最終選擇了迪士尼酒店內的Enchanted食buffet驅車入去, 酒店門口有個免費停車場, 不用擔心冇位book左1800-2000時段, 準時到達, 由我泊定車那一刻, 已經不斷慨嘆..好靚好靚!!!入到去, 更加唔駛講!首先每位會送一杯飲品, 咖啡或茶, 不過我另外叫左杯Birthday Cooler, 可以話係一杯果汁味的雪碧, 不錯不錯!而如果想剖埋生日蛋糕, 就可以加$90就有一個半磅蛋糕, 而且仲有一份禮物, 不同卡通人物都會同你一齊唱生日歌慶祝!當然, 就算冇訂蛋糕, 卡通人物都會行去每一張枱度同人影相, 分別只在於優先問題 老實說, 熟食水準不及甜品, 可能因為甜品太強了!!仲有自助雪糕機, 雲妮拿味, 好滑呀!! 食飽後, 唔想咁快走, 可以出去後花園散步, 夜晚的迪士尼酒店, 真係好靚, 令人感覺好舒服, 忘記煩惱, 可能話就是迪士尼奇妙之處, 一定會再來這個會令人開心的地方!"孩童和成人童話中找感覺極快樂"…Read More