CatherineLee9723's Profile

居然堂食都全部俾外賣膠餐具、膠碗、膠碟、膠杯，有冇搞錯，極唔環保，睇住成個場啲人全部用緊即棄膠餐具，為咗慳錢唔請洗碗？個地球第時會點？啲膠用幾多年先至分解？對人類嚟講，食落肚嘅全部都係microplastic，會溶出嚟去食物度，第時生癌唔好問點解，影響生殖唔好問點解。極差嘅商業道德。👎🏻Even for dine-in services, only disposable plastic tableware is provided, including plastic bowls, plates, and cups. This is highly inappropriate and utterly unsustainable. Observing the entire establishment, it is evident that all customers are using single-use plastic utensils. Is this an attempt to cut costs by avoiding the employment of dishwashing staff? What consequences will this have for the planet in the future? How many years will it take for such plastic to decompose? For humanity, the ingestion of food contaminated with microplastics — which leach into the food — poses significant risks, e.g. cancer and adverse effects on reproductive health. This conduct exemplifies exceptionally poor business ethics.…Read More

今日喺trois cafe點咗個地中海雞肉沙律，同埋Iced Matcha Latte🍵Matcha latte 質素唔錯，抹茶味濃，出色，trois cafe 都算係健康，輕盈之選。個沙律呢，有圖有真相，食品嘅combination幾有沙律菜，有火箭菜，有蕃茄仔，有牛油果，有紫洋蔥，有青瓜，個地中海雞肉都幾好食，唔係太油。嗰個汁都幾好食，檸檬海鹽橄欖油。係健康嘅選擇。但唯一係個牛油果呢… 有圖有真相，自己睇啦……Read More

喺銅鑼灣返工，收工去嗰度，同朋友傾嘢。氣氛幾好，好似好多人都係嗰邊傾嘢，雖然有啲黑，但我覺得氣氛好唔錯，啲燈打落枱面，令人專注手上嘅工作。嗌咗個沙律，有蕎麥麵、有雞肉、有蕃茄、有沙律菜。都係咁啦，普普通通，唔係為咗食嘢而去，算係一個味道OK又健康嘅選擇，價錢一般。我個朋友嗌咗個greek yoghurt🍓🫐，有啲雜莓，有啲穀物喺上面。都係不過不失，係健康嘅選擇。職員都幾好，快手快腳，好Nice 。…Read More

好評，非常喜歡佢哋嘅氣氛，佢哋個Live Band, 可以俾我哋隨便點歌，佢哋話點解佢哋都識唱😆😆😆好佩服佢哋嘅歌喉，好有中氣，菲律賓人唱歌，果然係唔同啲！最後，佢俾我哋上台唱歌，唱咩都得㗎，中文都得。食物方面，因為我本身唔係特別好菲律賓菜，所以我唔係食咗好多。不過幾個朋友都話OK，佢哋啲菜係從菲律賓運過嚟㗎，非常正宗。如果喜歡菲律賓菜嘅，或者想探索吓，我都幾推介。最重要嘅係我鍾意佢哋個氛圍，服務都好好，職員好友善，過咗一個非常之快樂嘅夜晚！😊…Read More

喺呢頭返工，每次食lunch想食得健康啲都會去呢度行吓，當然佢多啲健康低卡路里嘅選擇，例如沙律。呢個士多啤梨around $60/一盒。其他沙律都至少$60-90。色彩繽紛，但係我對於佢呢個日式便當盒，不太滿意，原因係佢紫色嗰啲嘢應該係醃菜，黃色嗰堆嘢應該係甜品，係薯仔同蛋黃醬掛，但係個醬汁係甜嘅，我唔食慣。感覺就係不太天然。如果想減肥，建議正正經經食個Caesar Salad。當然佢啲熱食都唔錯嘅，有個丹麥烤雞，配紅蘿蔔等。…Read More

有日路過，試咗佢哋呢個開心果糯米糍。之後，成日都念念不忘，間唔中就會再去幫襯。佢哋呢個開心果糯米糍，好大粒，非常之彈牙，當然都係甜啦，但係冇想像中咁「超級甜」，可能因為開心果餡料好充足，感覺上係好足夠果仁嘅味道。裏面亦有啲椰絲，非常之足料，香香甜甜，$12/一個。個糯米糍外皮亦都好煙靭，滿足咗我對糯米糍嘅慾望，但係當然都係少食多滋味🤣。但係，都要留意返，唔係成日都有㗎。好食嘅嘢就係容易啲賣晒🙈。…Read More

晏晝食lunch，喺利舞臺廣場，試吓呢間未食過，外賣自取咗個宮保雞丁客飯，價錢$40，應該係因為喺foodpanda自取有折，算係呢間嘢嘅便宜少少飯。味道一般，正正常常咁。但係份量極少。啲雞粒好細粒。炒菜有兩條。有啲腰果。有啲辣椒片。少少辣啦，少少開胃。但係，性價比不高。揀咗少飯好似一樣咁多飯。不會再試，一次就夠，食lunch 就唔抵囉，都係行高價路線，服務都OK，職員幫到手，但係食物嘅味道好一般。…Read More

黑椒汁牛肉絲蘑菇飯有驚喜，蘑菇好食，醬汁有好濃嘅黑椒味，辣辣地，非常開胃。咸道恰到好處。蔬菜方面，有蘑菇，有洋蔥，青豆，都幾平衡。肉類方面，牛肉足夠，牛柳絲咁，都好入味。最喜歡佢個汁嘅份量係好多，下面嘅飯係正常，唔係炒飯，非常好，健康啲。唯一嘅不足係，指定要你飲凍檸樂，如果要轉其他嘢飲要加錢。但價錢都好平，$36！ 仲有咩可以投訴？😆🙌🏻 非常讚，性價比高，打工仔恩物。如果可以多啲咁樣嘅選擇就好啦。…Read More

當日經過咗尖沙咀呢間有poke bowl 食嘅餐廳，就同同事入咗嚟食咗個dinner。以為剩係得凍嘅poke bowl, 呢間餐廳有得選擇用個石鍋裝住，有熱食版，非常適合冬天！我哋嗌咗一個凍，一個熱。ALOHA BOWL有牛油果，雜菌，甜粟米，豆腐，海帶等等。食物新鮮。OHANA BOWL就有三文魚，沙律菜，櫻桃番茄，溫室青瓜，甜粟米等等。個三文魚好好食，味道調教得啱啱好。間餐廳嘅裝修都幾別緻，同同事傾偈幾舒服。…Read More

好特別喎，呢個焗梅菜扣肉飯，上面有芝士、有蕃茄、有茄子，足料嘅扣肉，非常之新穎，中西合璧。大家樂嘅焗豬扒飯，一向都咁好食，而家呢個新搞作，我覺得好食過傳統嘅焗豬扒飯。價錢係$51（唔包嘢飲）。但係我覺得非常推薦。好好食呀，啲梅菜同豬肉都！其次，比較經濟實惠嘅就係香煎雞扒沙嗲雞粒豆腐飯$ 37，包埋嘢飲，我覺得都唔錯嘅，可能因為我鍾意食豆腐。有一塊煎雞扒。但係就冇菜啦，但係勝在夠抵，有得包嘢飲。如果得閒可以推出更多優惠就好啦！…Read More

點咗一個香煎一口雞魚肉春卷麻酸辣米線酸辣米粉，幾大碗，有一口雞肉，小小辣，好開胃，好食啊。另外點左個新鮮冷壓檸檬茶，幾特別，裏面冇檸檬，感覺上平時冇平時有檸檬嘅咁有檸檬味。用手機code落單，唔知點解scan極都scan唔到，但我個friend又得。服務態度都正常，只係有點understaff, 有個moment見到個職員開咗熱水fill緊個熱水壺，跟住居然行開咗，唔記得返嚟。我個friend去幫佢閂咗個水龍頭。…Read More

本身係食咗一次朱古力牛油蛋糕先，唔算話超級好食，但呢個價錢，算中規中矩嘅味道，唔會太甜。所以試一次藍莓牛油蛋糕，點知好難食🥲不值得的卡路里，太甜，中伏🥲🥲🥲但有個蛋芝士火腿toast ok, 布丁麵包都算ok, 有香料味，唔係太high quality，但呢個價錢都不求甚麼quality了。有個收銀幾好，另一個就麻麻。…Read More