JasonCCW's Profile

上網見到做緊特價 ，於是買咗兩張套票 ，上網睇見其他人既食評都非常之一般， 有啲擔心 ，今日食早場五點鐘開始 ，上到去人唔多 ，店員亦都好親切 ，有禮貌 ，招呼坐低之後就開始 ，上咗個鍋底 ，今次選擇咗泰國特色的冬蔭功湯底 ， QRcode自己點取 食物 ，食物都好新鮮 但係款式比較少， 其中比較特別嘅就係有游水生蝦 ，之前上網嘅報告都話啲蝦唔新鮮，但今日又唔錯喎！ 串燒雞肉雖然唔係即燒 但係都唔係凍嘅，味道非常之好！ 今次火鍋不過不失有少少驚喜！…Read More

今日經過筲箕灣 ，見到東橋餐廳，呢間舖頭見佢喺度超過十多年 ，但從來都冇幫襯過， 今日就試下佢啦，落完單之後先嚟過羅宋湯， 羅宋湯好好飲 又足料，之後老婆食咗個咖哩吉列豬扒飯 ，味道好好，但係份量少咗啲 ，而我就嗌咗個 芥末汁鹹牛脷焗飯， 個汁有芥辣味好特別但亦唔會辣 ，咸牛脷亦唔錯 ，都算出色 ，呢餐非常之滿意！…Read More

路過西環食堂， 見到西環食堂地方乾淨企理 ，而且小菜價錢合理，於是一試 ，叫咗出名嘅酸菜龍躉魚，炸子雞及 豉汁花甲 ，酸菜龍躉魚 ，落單時職員好細心問我是否要小辣 ，魚新鮮做得味道比較淡，好適合廣東人口味 ，但我覺得若果再重麻味一啲會比較好，炸子雞偏細隻 不過不失 ， 雞肉嫩滑冇過火，而花甲可能因為唔當造所以偏細 ，職員非常有禮貌，而且不斷咁問我哋啱唔啱口味及有冇需要 ，所以呢一餐食得非常開心！ 另外問咗職員佢同上環食堂，是同一個集團， 後會有期吖！…Read More

近期少有的人氣自助餐 ，一早訂定位慶祝生日，準時六點到達 ，職員有禮安排卡位 ，座位相當闊落 ，食得非常舒適 ，食物款式雖然少選擇，但質素相當之高， 海鮮有生蠔 (蘇格蘭清爽及法國偏咸 )、蟹腳 、海蝦及海螺， 刺身壽司有七八款、沙律、涷盤，另有17款主菜可以選擇 (肉眼、羊架，大蝦及銀雪魚....)而且任點任食, 其中甜品相當出色， 尤其是係芒果布甸同埋法式焦糖燉蛋， 好食到雪糕都放棄唔食，雖然價錢貴咗少少但係食得相當之開心！…Read More

第一次食半自助餐，6時多己到，人不多，職員有禮，環境很好，食物不算太多選擇，但可接受，海鮮及生蠔 都好新鮮，主菜有多款可選，我哋加錢要了和牛，有水準，見其他人叫了牛肋骨亦不俗，間中有堂煮海鮮，意粉及甜品，恆生卡有八折，約四百元一個人。…Read More

近年己好少食自助餐了，老婆生日加上十週年記念，一於食豪啲，我食七点半最貴果埸，係貴左少少，但係呢次係我食自助餐最好嘅經驗之一，一入場好多人，但有秩序，食物補充得快，款式亦足夠，但地下有點污糟，連開2場來不切清潔，要留意喇…Read More

早幾日應承帶個仔食薯條，上openrice見到食評唔錯，又近屋企，於是帶個仔試吓，去到無乜人，叫左個漢堡包加芝士轉套餐，佢問我飲乜嘅時候，我居然見到一個老朋友，A&W 嘅 rootbeer ，加十二蚊都要，同沙士無得比，個包送上，牛肉唔錯，夠香但不夠實，酱汁都好食，薯條好粗好脆，個仔話好食過老麥一百倍，正…Read More

早幾日見團購咁抵，買左兩張同老婆試吓，一入去表明係團購，比左紐西蘭牛柳我，問我要幾熟，一睇原價要兩百幾心諗抵哂，之後比錢等食喇（因轉套餐），牛扒送上但一滴汁都，所以問果店員枱面上啲汁係乜，佢講左一輪黑醋吖，柚子吖....我問佢黑醋是否食沙律用，佢居然笑我你試吓喇 :( :( ，Sorry我真係未試過牛扒点黑醋，之後就試下喇，每種汁都試匀無隻好食，而且牛柳又多根又韌，無味又多渣 ，outback 人地塊扒又係二百幾蚊好食唔知幾多倍，老婆話我煮好食過佢，结論係好彩係買團購，因為正價唔洗預我，絶對無下次。…Read More