ImanLauRosales's Profile

公司team building 揀左去西貢座船兼BBQ,本身睇啲評價都好壞參半，知道好多嘢都唔包，自己已經帶定錫紙、蜜糖同紙巾。同事分批到，第一個入場嘅要用現金買齊人頭入場票。 去到入口守衛森嚴過銀行。無飛連門口都唔比入。首先嘢食唔算好多，中規中矩。飲品選擇少得兩部汽水機。基本可樂雪碧、檸檬茶、橙汁、蘋果汁。每人2隻紙碟同一隻紙杯。但問題係紙碟同碟都好快爛，叉兩叉碟都穿鬼埋。 另有個兜應該係裝蜜糖同牛油，但蜜糖掃要另買。 網同夾又係另外要買。最不可思議係開咪叫全場人收細聲浪，因為太嘈staff 聽唔到電話（果時係完全無細路，其他人正常聲量交談）聽唔到電話要怪啲客唔知係乜logic.唯一係廁所幾乾淨同埋啲星星吊燈幾靚。…Read More

某日路經中環，見到呢間fusion 餐廳裝修幾特別，大大個日本武士放係門口好吸睛。原來係墨西哥🇲🇽/日本🇯🇵fusion 菜！店內有日本裝飾同時亦混有墨西哥元素。色彩繽紛，好適合打卡！點左和牛三文治 Wakyu sando.厚厚嘅和牛，配上鬆脆的三文治麵包。和牛燒得剛剛好，完全保持到肉汁鮮嫩之餘，一咬落口所有精粹在口中溶化！Taco Rice 同樣係點左和牛，配上墨西哥菜常有嘅牛油果醬，蕃茄、洋蔥、特製醬汁，雖然份量不算多，但食好西就係貴精不貴多，啖啖和牛係口中回味！飲品:熱情果margarita 個杯係充滿墨西哥風情嘅骷髏頭。熱情果酸中帶甜，再配上margarita,兩者好匹配！總括嚟講，無唸過墨西哥菜同日本菜咁夾咁好味！期待下次再試其他菜式。…Read More

係炮台山中心位置嘅five guys. 兩層高地方十分寬敞.基本上任何時候去都會有位. 而且唔怕會有人趕走.主打美式手打漢堡飽, 所有配料及醬汁都可以自選. 加埋本身大大塊手打漢堡,份量亦十分驚人, 絕對無可能一口就咬哂.肉汁非常非常Juicy, 一咬就已經漏到成手都係.全程要不停抹手同抹咀.薯條係以杯裝, 但通常都要裝得非常滿, 要另外有紙袋先裝得哂.份量都夠兩個人食.至於飲品就係自助汽水機, 有多款汽水可選擇.連雪梨茶都有, 覺得幾驚喜. 而且可以無限refill.係大熱天時想搵個地方座得舒舒服服, 唔限時唔使同人逼.雖然價錢略貴, Five guys不失為一個好選擇!…Read More

四寶食堂基本上係任何時間都要排隊. 的而且確係抵食夾大件. 尤其係喜哥蔥油太陽蛋豬扒飯,一上碟成塊面咁大嘅豬扒已經好細心咁切開左一舊舊.豬扒厚實夠入味, 而且肥膏亦不算多.蔥油亦好好味,加埋流心太陽蛋認真一流.另外仲點左黑蒜油叉燒滑蛋飯,份量同樣十足. 就算十級飢餓都一定夠飽.叉燒大大舊肥瘦剛剛好. 滑蛋份量好多. 蓋哂成隻碟,配上黑蒜油, 不單止味道好, 賣相亦夠吸引.以一間茶餐廳來講, 水準達中上級.唯獨長期爆滿, 大部份時候都要搭枱及快快食完走人.…Read More

每逢去尖沙咀, 幾乎都會去烏蠅館食冒菜套餐.三大原因: 好味/ 價錢合理/ 黃店所有冒菜套餐都好抵食,  最常點就係A餐$50有6個餸今次點了:肥牛/風琴豆腐/鴨血/油麥菜/豬大腸/午餐肉主食加了$5 配米線  . 湯底BB辣另點了紅糖茲杷根據之前多次經驗,  如配麻辣湯底最好揀米線/米粉呢類比較索味嘅主食.平時都幾食得辣, 但我只敢點BB辣, 因為湯底好多蒜, 極香口極美味,一唔小心太興奮飲左啖湯,可能會辣到狂咳不止.成碗湯都好好味, 令所有配料都更加好味!!雖然6個餸聽落好多, 但每樣餸都唔馬虎. 起碼有2-3舊, 就算食到碗底都仲有餸, 好開心.我覺得成個湯底真係配得非常好, 蒜香味更是靈魂所在.雖然每次食完都起碼口臭足一整日, 但都係值得嘅!!!紅糖茲杷:  好熱好味但又唔會太過overcook. 紅糖流心.口感非常好.一藍5粒份量剛剛好.總括來講, 真係食到口臭都要返來再食.…Read More

朝早返工見到有好幾個人好努力係彌敦道派傳單, 順手拎左一張見到 lunch / tea 買一送一.而且有自己鐘意嘅四川冒菜套餐. 一於lunch去試吓.打去問買一送一只可堂食, 但openrice外賣有6折. 於是立即經OpenRice落單.唔知係我太早定點, 12:00多去到已見有一枱堂食客,D員工好似仲未返齊咁,  理論上冒菜呢一類應該好快可以上餐. 但要等大約10-15分鐘先有.  而且當我離開時, 比我更早到的堂食客仍未上菜.今次點左豬雜冒菜50元.折後29元.有豬紅,豬潤,豬肚,粉腸,鮮肥腸,芽菜,包心菜,金菇呢個價錢理應無可挑釁. 但味道實在太麻麻...湯底淡, 米線及菜口感似隔夜,幾乎所有配料都係無味. 就算自己另外加了兩大匙私伙麻辣醬依然係無味.本應抱住滿心期待去食冒菜, 但絕對係失望而回.可能純粹係我太早去,廚房師傅未熱身雖然價錢平, 但應該唔會再食多次.食完感覺完全浪費哂自己個quota. …Read More

又係因為有海港城嘅coupon, 所以特別去一幻食拉麵.6:00幾去到唔使等位.店員好醒目立即問係咪用coupon. 之後佢地好好, 知道唔夠數仲幫我地夾好個價錢,將D coupon用到盡.點了兩碗原味拉麵.  其中一碗加底. 另加了3片叉燒,  唐心蛋, 兩客餃子.兩碗拉麵(鹽味)湯底十分濃郁並且非常熱!! 湯面上有一堆粉紅色的醬料, 應該是蝦子精華.麵份量非常多, 不大食女生建議要75%麵量都足夠.叉燒/糖心蛋不過不失. 唔算特別突出.加麵底果碗, 因為份量多左而且湯量不變, 所以成碗麵味道溝淡左好多.就算狂加調味粉,大蒜都依然淡而無味. 店員說可以免費加清湯, 清湯同滾水無異. 加了之後味道淡上加淡, 實在可惜.強烈建議不要加麵量. 會令整碗麵大打節扣.餃子$35 有5隻都幾抵食. 肉量比其他日式餃子店多. 整體來講, 海港城呢個價錢算係好公道,套餐仲抵, 不過唔可以用coupon.不要加麵量!!! 湯熱時味道不錯, 但一唔夠熱就有點滯同頂胃.…Read More

今日又試位於炮台山/北角交界既一間小店 “梁慶記”主打各式蝦子撈麵. 逢星期一至四每一日都會有一款特價套餐.適逢星期一到訪, 便點了A2 豬排蝦子撈 +$6 加配自家製萄式樽仔焦糖咖啡.另外再加多$2 可以要一個萄撻點餐後要等一陣先上菜. 因為全間鋪只係得兩個人手.多功能女店員要身兼多職. 落單,收錢,上菜,執枱, 甚至要間中入埋廚房幫手煮野.因為座得比較入近廚房, 油煙味好重.  建議座出迎門口會好好多!!A2 豬排蝦子撈賣相唔錯! 蝦子麵全部都沾上蝦子但比較油,豬排炸得鬆脆入味, 隨碟伴有兩粒魚蛋.意外地魚蛋超好味. 俾十分!!樽仔焦糖咖啡完全唔掂似即沖3合1咖啡, 亦飲唔到焦糖味,死甜.萄撻夠熱但都係唔好味. $2 呢個價錢算係咁.總括來講, 下次再幫襯的話會食魚蛋撈.…Read More

一向買開岱民炮台山分台嘅兩餸飯$25 又平又好味偶爾路徑彭記食坊.  不知何時開始做埋兩餸飯及粥麵餐.$23…可以外賣或堂食..仲平過隔離岱民$2抱住窮L 一試無坊嘅心態買左兩餸飯及粥麵餐各一份.兩餸飯款式不算多. 大多數都係深啡色系嘅菜式, 不太吸引個外賣盒係幾大, 但餸嘅比例就相對地少.味道也好一般… 而粥粉麵餐嘅選擇多好多. 粥+麵/腸粉等…都只係$23,可能唔係專做粉麵, 味道方面好明顯都係麻麻.  ,皮蛋瘦肉粥D瘦肉好hea. 一大舊, 粥底似味精.炒麵亦都麻麻. 以呢個價錢來講, 就算試過一次都唔會再反轉頭.雖然整體價錢係平, 但比多$2 可以過隔壁岱民買高質兩餸飯好擔心佢地再係咁落去呢間餐廳都唔知捱唔捱得住……Read More

因為參加左賞你遊.有機會去左好多平時唔會特登去嘅餐廳.包括呢間位於南丫島索罟灣. 天虹海鮮酒家由於係團餐嘅關係, 菜單一早已set好.名為”漁家籠仔海鮮餐”：  椒鹽瀨尿蝦 : 整得好香口,但D肉唔算好大舊金粉銀絲蒸元貝: 正常油鹽水浸蜆: 正常得獎咕嚕肉: 夠哂大舊及飽肚.味道正常龍躉海蝦籠仔蒸飯:  賣相好好, 但食落其實唔係咁多海鮮, 而且味道比較淡清炒時蔬: 正常南丫島特色酥點  –  蝦蝦酥 :呢個蝦蝦酥麻麻地, 又甜又咸個味唔太夾.咁多碟當中,認為椒鹽瀨尿蝦比較出色.但又未至於要特登搭船入去食海鮮. 順路去開的話可以一試.…Read More

麺屋武蔵好耐之前係黃埔有食過. 印象中黑蒜拉麵係好好味.唔知”虎洞”係咪副線餐廳. 一般過江龍拉麵店都唔會太差.抱住以往嘅期望去北角呢間分店去試.餐牌主打三款湯底:白虎White Tora  豬骨湯底黑虎 Black Tora黑蒜湯底赤虎 Aka Tora 辛辣湯底所謂期望越大就失望越大.點左黑虎豚肉拉麵.  上枱是微溫. 好油淋淋.一食落去好似飲緊食碗油咁, 每一啖都係油.油就來淡而無味, 豚肉亦不覺得特別出色.仲有D位好窄,我座最入果張枱. 係要面壁而唔係望向門外.呢個價錢食一碗咁低質數既拉麵.實在對唔起呢個過江龍老牌子.…Read More

之前幫襯過IFC分店. 已覺得個VIEW好正. 今次來海港城分店係因為可以用Coupon滿$100減$50.一如以往, 叫左牛油果漢堡, 今次食豪D改左要雙層漢堡.另點左芝士薯條同荔枝Lemonade. 香港限定奶茶milk shake.Avocado Bacon Burger Double:正宗漢堡包來講呢個價錢真係算好合理. 自己去買一塊漢堡都要$4-50啦,漢堡非常Juicy, 一咬落口咬咬肉汁爆出嚟.煙肉炸得非常趣口. 只是牛油果比較細.上兩次叫普通size時,牛油果肉大舊好多.個人覺得不需叫Double便加會食到兩種配料嘅味道(食肉獸除外)Cheese Fries雖然份量不算多. 但真係炸得剛剛好. 不過太軟或太硬.加上芝士醬,味道好夾好好味.就算普通食量嘅人都可以好輕鬆KO哂住盒.如果唔夠芝士,可以加$10額外買多一份芝士.Blackberry Lychee Lemonade 一入口好酸.之後越飲越清新.但唔係好飲到荔枝味.比起Milk shake更加夾口味重嘅漢堡包.Hong Kong Exclusive - Milk Tea Shake口感濃郁. 奶茶味幾特別.座位寬敞,仲可以望住海景慢慢嘆.…Read More

第一次幫襯校長燒肉日韓料理, 一入門口比出面個吹氣太空人吸引住.入到去見到IRON MAN同米奇老鼠.  覺得呢間餐廳好攪鬼! 食物種類非常多. 有刺身, 打邊爐, 韓燒, 熟食, 甜品,花茶區..…絕對可以滿足哂所有人既胃口.刺身區:有5款選擇, 每次可以選3款各3件. 甜蝦好大隻夠鲜甜.另外仲有其他少量壽司熟食區:有豬紅, 炒麵,雞翼,薯條,春卷以及不同的蔬菜火鍋區: 以蔬菜.菇類,肉丸為主但都好多選擇燒烤區: 肉類非常多選擇. 雞牛豬乜都有. 每款肉類都會以用幾款唔同醬汁來醃出不同口味.例如比較少見嘅麻辣味飲品櫃超大, 除左一般罐裝飲品外,仲有自家製嘅幾款樽裝茶.比較特別有花茶區, 食飽之後可以自己製作一壺獨一無二嘅花茶慢慢享受每張枱都有一個燒烤爐同火鍋位. 個燒烤爐有張隔油紙隔住, 呢個做法幾聰明.一來 無咁容易燒燶.而且傳熱都好快.  我燒午餐肉真係超趣口!!唯有幾點覺得唔太好, 係座位比較逼, 座落有頂腳及通風差.燒完由頭到腳都滿身BBQ味.待應執枱超快, 快到未食完已經趕住收.某D區域地下好跣, 行過幾次差點跣倒呢個價錢來講真係算好多野食,  雖然座得唔太舒服.但整體來講都算係CP值高.…Read More

尖沙咀厚福街D餐廳基本上一年就會換一次.呢間101肉燥飯可以話係開得比較耐嘅餐廳. 至少呢幾年我都仲見佢未執.Lunch Time一個人唔想食大家樂,同等價錢嘅選擇不多. 所以來左呢度食.Lunch meun有好多選擇, 因有點餓所以點了P3 玉子豆腐雞排肉燥飯. 包埋涷珍奶都只係加$3.  實在抵食!肉燥正常,雞排都入味. 醬汁似係照燒雞汁.玉子豆腐係炸定所以係微溫. 飯量幾足可惜整體來講唔夠熱.珍奶淡而無味, 不過呢個價錢係厚福街真係已經好厚道.如果只求快而飽肚,不失為一個好選擇.如果係晚餐的話, 附近會有更好嘅餐廳.…Read More

因為參加左旅發局所舉辦嘅賞你遊旅行團,今次係第二次來到沙田龍華酒店食午餐.老實說由於上次嘅團餐太難食,  份量少唔夠飽,除左乳鴿同豆腐花外,差不多每一碟餸都勁難食, d白飯仲要係冷飯…所以得知今個團又去龍華時,真係有考慮過退團.可能係抱住無期望就無失望嘅心態,加上今次間旅行社真係安排得幾好.呢一餐可以為呢間老牌酒家平反不少.今次餐單如下:龍華乳鴿皇 : 招牌菜, 本身對乳鴿無情意結. 覺得都平時食開果d差不多栗米雞茸海皇羹足料好味!紅燒山水滑豆腐豆腐控表示完全合格自種鮮菌炒雞片雞片幾大塊, 炒得唔錯菠蘿咕嚕生炒骨菠蘿幾大舊,生炒骨相對比例細, 但都好味杞子上湯浸時菜正常合格桂花山水豆腐花香滑唔錯雖然呢一餐雖然無直接俾錢(因為賞你遊係免費嘅) 只自費買左罐可樂$18但明顯味道,分量都有極大差別,因此極度懷疑有個別旅行社食水太深,食盡政府補貼,卻安排極差膳食俾團友.…Read More