Dare Accepted's Profile

聽閒這間中菜館是合作很久的團隊，只是換了老闆，才剛剛開業不久。剛好在灣仔附近做嘢，所以一家人來試試。感覺物有所值。我們先叫了壺”人蔘烏龍”，清新的茶味很特別，好似很少見呢隻茶。第一度菜先食”鮮螺頭去皮雞燉海虎翅”。賣相已經不得了，食慾大增。味道剛剛好，份量十分足，材料新鮮，作為第一個菜，真的很不錯。之後連叫了兩款魚”菜遠炒斑球” 和”陳皮絲蒸斑頭腩”，因為一家都是好魚之人，兩樣都各有千秋，但整體都是水準之作，用料認真不馬虎。之後有”豉椒味菜炒大連鮮鮑片”，喜歡濃味的應該幾喜歡這道，味菜令整件事提升左一個層次，當然要將味菜處理得好先可以。去到甜品，每人都有自己嘅口味，但這裡有一些傳統的選擇，如”菲林卷”，真的是很多人以前的回憶，但今次食唔落了，只是叫了”紅棗雪耳燉萬壽果糖水” 和”紅棗糕”，下次絕對會留肚試多兩款。甜品絕對不會比下去，處理到位，整晚沒有高低起伏得很大的感覺，就是平穩之中，會有細節，只要對食物有要求的人，自然會明白我的意思。期待下次再試其他菜式。…Read More

愛上了爐端燒，已經唔係第一次食，因為食過返尋味，所以再約同事食過，而且我地係尖沙咀返工，放工行過去k11超方便。其實我覺得依個門口好日本feel, 個design幾好。唔知係咪聽日紅日，特別多人，好在比左間房我地，勁爽今次唔同左係原本上次食係聖子，今次換左扇貝，一樣鮮刺生保持到水準，鮮味十足。壽司完全無懈可擊，一次比一次好，好過好多專做壽司店。海膽手卷，好多海膽，絕不孤寒。要特別提到係本來menu上冇淨烏冬，只有番茄烏冬，但同事好鐘意壽喜鍋加烏冬，所以個員工叫廚房比個淨烏冬我地，放落個鍋到…Read More

假日同一大班朋友踩完單車，返到西環搵到呢間，心諗成日經過今日就試下！頭盤平時會食白灼蝦，今日特別少少用蒜蓉蒸。味道剛剛好，開胃！之後燒味是值得一讚的！叫了雙併，海蜇併叉燒。海蜇正常，但叉燒真係好好味，完全無好實好難咬既感覺，一連食左幾舊！之後，還有小炒皇、清蒸東星班、豆腐魚肉煲。材料新鮮尤其是兩條東星真係無得頂！食左咁多肉都要食返兩個菜，蒜蓉炒西蘭花、金銀蛋莧菜！水平一般，沒有太大驚喜，不過不失。食完晒仲有甜品，有橙有紅豆沙。感覺都幾full！性價比算高，晚飯值得再來。…Read More

自從返工地方不近南記的關係，已經很少來。前兩天，有朋友講起南記有蕃茄湯底，幾好味之類，見今天路過這裡，就試一試。點了推介蕃茄春卷牛腩小鍋米線再加杯凍奶茶。凍奶茶水準保持到。難得。$13/杯係抵到爛既價錢講返個米線，整體味道不錯，春卷果然係招牌，依然彈牙得黎味道適中。牛腩就比想像中實，但仍可接受，我諗我下次會試下辣豬肉。比起一般的小鍋米線，我比較鍾意蕃茄湯，因為小鍋會有好多配料，芽菜、腐皮之類，我本人不太好。反之，蕃茄湯只有豆卜條同蕃茄粒，感覺多左個餸。第一次食晒碗內所有野。份量啱啱好，如果你已經好耐無黎南記而又不抗拒蕃茄的，可以一試！…Read More

又試新野啦其實有好多間火鍋放題都幾好食，而三禾係其中一間我覺得唔錯嘅。今次我同我愛人叫咗胡椒豬肚雞煲，其實原本我哋係想食四川麻辣雞煲，但愛人生病了所以唔可以食麻辣。豬肚非常爽口，湯底唔會太鹹，配上烏冬好入味，每次火鍋烏冬我一定會叫另外我一定會食嘅，就係雞子，我愛人話我真係惜補魚生我比較鍾意食三文魚，厚切又新鮮。海鮮我就點左蝦, 青口, 蜆，絕對係新鮮嘅海蝦平時多數介紹牛肉，今次就介紹下佢嘅豬肉啦。雖然最近有黑心豬肉，但呢度嘅豬肉絕對冇問題，非常好食。新鮮手打墨魚滑係特別推介，非常爽口。我哋叫咗三轉，停唔到口。而個芋蓉水晶包是人氣推介，但我就覺得普通咗啲。最後大家一定要食嘅就係佢個甜品即焗朱古力心太軟配雲呢拿雪糕好食過好多甜品店…Read More

星期五晚開完會要食餐豐富少少，同同事走左去食火山燒，其中一人話之前食過但聽聞個爐換左，不如再去試試。因為我第一次去所以無得比較，只好用返自己角度出發。Menu上有好多選擇，一下子真的無從入手。於是前菜先來秋葵冷麵開下胃。味道不錯，麵本身不會啖而無味。前菜一份就好，要進入主菜了。第一圈叫了多春魚、魚翅福袋、珍珠帆立貝、冬菇、日本大葱、青椒仔。其中本人較喜歡福袋、大葱和青椒仔，可能比較少機會在其他地方食到的原因，感覺比較特別。第二圈，要點多些肉，於是就點了雛雞、三文魚頭、金姑肥牛串、黑椒腸、元貝燒賣、玉子燒。份量真的不用多，這兩圈之後已經飽到一個點。但不得不提的是那玉子燒是我印象最深刻的，外脆內軟得來，味道不太甜，吃了一整舊也不太滿足，於是足足KO了兩大串。這次又令我帶多了兩磅回家。…Read More

很久沒吃日本放題了，這天碰巧在尖沙咀，就找找附近有沒有一些特別的，結果來了三木一試。一開始的磯燒海鮮的確不俗，很少放題會有，而且海鮮還算新鮮。因為已經8點，所以都十分肚餓，一下子點了很多，但令我一試回味的是日式香蕉年糕、紫心炸球、牛肉壽喜鍋。難得的是，炸物上枱時，心裡還是熱騰騰的，令我第二回再一次點了。牛肉壽喜鍋味道、份量剛剛好，我還加了烏冬再煮，味道更上一層樓。可惜胃口有限，否則我肯定會再來第三回。食得差不多，就點了個黑松露蒸蛋和柚子雪糕作結。兩樣的味道都有水準。下次會試試蟹粥和芝麻雪糕。最後值得一讚的是，最初以為食完之後衣服一定很大味道，但竟然一點也沒有！…Read More