kk_weeyuu's Profile

最近天氣凍凍地❄️最適合食燒肉🍖朋友揀咗呢間開咗無耐嘅韓燒餐廳暫時都無得book枱只可以現場攞飛星期五晚6點25分左右去到前面已經有10幾個人排緊隊👫🏻👫🏻去到搭半就開始極多人4人枱仲叫緊個位數number攞飛已經去到30幾40😵‍💫一路聽到個個都提起白種元果然黑白大廚熱潮真係好勁🤣6點55分入座 (真係要早拎飛先咁快有枱）其實餐廳員工都唔少但佢地真係太忙🤯忙到無人帶位我地要自己問員工張枱喺邊😐4人枱座位都算闊落整潔方面略嫌張櫈有啲紫菜碎同餐具有少少油枱面用嚟落單部ipad係連住個支架嘅拎唔到落嚟亦唔可以較角度睇menu睇得耐少少隻手都幾辛苦🤣目前menu品項唔多有幾款豬肉牛肉就得一款仲有啲飯﹑冷面咁一開始海鮮韮菜餅顯示缺貨但唔知點解後尾又有返酒精飲品都係未提供到嘅我地叫咗火炭烤肉﹑五花肉🍖🍖香酥烤牛肉﹑7分鐘豬肉辛奇同冷面份量都ok上肉個陣會一併上埋生菜﹑泡菜﹑魚糕等等嘅小菜包肉食都幾解膩😋同埋有3款醬俾你點味道都幾好👍🏻員工幫我地開咗爐就走咗所以唔好期望一定會有人幫你燒🤣火炭烤肉好薄身所以應該係預你成堆炒而唔係攤開逐塊燒可能因為有醬嘅關係一燒完基本上塊板就會燶晒🌚而且塊板上面啲坑洞有啲大一路燒啲肉碎就會一路跌落去燒出嚟嘅肉味道偏甜 都幾好食想讚一讚碗冷面👍🏻面好煙韌 酸酸甜甜好refreshing✨順帶一提部抽油煙機唔係好得俾啲煙燻過幾次🌚要將個頭拉到好近同埋手動對準舊肉先叫好少少總結:當晚仲有好多小插曲好似坐低咗無人拎壺水俾我地我地最後要自己行出去拎個爐換極都無gas燒燒下自己熄火食食下可能見到太多人等緊先同我地講限時90分鐘(雖然韓仔店員係好有禮貌好nice👍🏻)以上種種都令人覺得成間餐廳都未係好ready🫨有啲混亂埋單人均消費$161以同類型餐廳嚟講價錢都算幾抵👍🏻👍🏻久唔久都可以食一次但建議等佢熱潮過咗同run順啲先再去～…Read More

有日朝早喺灣仔經過呢間鋪頭聞到好香嘅出爐面包味🍞鋪面又乾乾淨淨✨整整齊齊咁忍唔住回頭買咗兩個麻糬波波試下麻糬波波有好多唔同味可以揀🤩食落都幾煙韌👍🏻但味道無太大驚喜🙂同其他麻糬波波差唔多總結:經過灣仔可以一試，但唔洗特登去食😂…Read More

八月茶室係新港中心呢個打工仔飯堂入面相對比較新嘅餐廳💁🏻行新式茶餐廳路線除咗大路茶記嘢食都有啲中﹑日﹑韓fusion嘢食感覺都好光猛﹑乾淨平日lunchtime 都好爆場之前食過佢嘅炒飯雖然炒得唔夠乾身但覺得味道唔錯👍🏻所以今次繼續食炒嘢叫咗「燒汁豚肉炒烏冬」點知就中！咗！伏！一打開個盒第一個感覺係個樣好頹仲頹過頹飯一pat啡色嘅嘢豚腩片份量其實唔少可能係我唔好彩啦啲肉嘅肥瘦比例係8:2平時都幾鍾意五花腩都搞唔掂肥到食唔到🐷於是我完全無食到啲肉🤢剩係食咗剩低嗰啲「豉油皇炒烏冬」入面有一兩片切得好薄嘅紅蘿蔔🥕總結:除咗炒飯仲食過佢嘅常餐兩樣味道都正正常常而且價錢都比區內一啲老牌茶記平少少我真係希望呢個「燒汁豚肉炒烏冬」係個別例子啦😶鍾意食肥膏嘅朋友都可以一試嘅🙃…Read More

久唔久就會想打邊爐諗起呢間喺旺角兆萬嘅邊爐放題🍲一兩年前都嚟過幾次，覺得都🆗所以又嚟幫襯咁耐無嚟加咗少少價💰但都同坊間邊爐放題價差唔多餐廳睇落尚算乾淨✨但成間鋪有少少噏味，有啲扣分👎🏻餐廳醬料都好齊好開心佢有荽茜荽茜控至愛💚野飲種類唔算好多唔似大型連鎖鋪有手沖茶🍵但盒裝茶﹑汽水個啲都會有🧃仲有少量日﹑韓罐裝飲品湯底方面都有幾多選擇都係啲大路港式湯底雙拼要加錢💰今次揀咗四川麻辣湯底🌶️特別叫咗小辣但注意個湯底係會越滾越辣嘅🌶️🤣🌶️🤣湯底好快嚟到💨入面本身有好多料有辣椒﹑芽菜﹑豆卜﹑豬皮等等（雖然最後無點食到😂）入座會按人數送海鮮拼盤有蝦﹑鮑魚﹑蜆﹑帶子🦐蝦同帶子都幾鮮甜😋食物方面真係有太多野揀各種肉類﹑特色丸類﹑餃子﹑蔬菜…🍖🥟🥬特別推薦嘅係佢嘅蟹柳🦀同埋自家製，即叫即炒嘅金沙炸魚皮🐟熱辣辣又勁脆超級惹味👍🏻👍🏻👍🏻總結:如果喺旺角附近臨時想過下邊爐癮﹑同朋友吹下水💦都可以一試但如果想食啲精緻少少嘅特色邊爐放題對餐廳環境有少少要求或者約女仔👫呢到就唔太適合了…Read More

星期日最啱歎個下午餐🍴呢到環境都幾輕鬆舒適🍃靠窗位仲有太陽☀照入黎感覺好relax我叫咗Classic Benedict🍳黑松露醬薯條🍟同凍咖啡☕Egg Benedict上面個醬都幾creamy😋同底下個muffin好夾黑松露醬薯條上枱個陣都好香脆熱辣辣♨份量都幾多重點，個黑松露醬真係好好食！好香黑松露味✨有朋友可能食食下會覺得膩但我個人就好鍾意喇🖤加埋杯凍咖啡，勁正👍🏻如果想放假搵間cafe 歎個下午茶chill 下💫呢到都係一個唔錯嘅選擇😌…Read More

彩明呢邊無論開咩新餐廳附近街坊一定第一時間排隊試🤣當日一行6人而餐廳入面應該得2人/4人/吧枱等咗好耐都唔覺店員有幫我地hold枱繼續放其他人入去最後忍唔住問下佢先話幫我地hold緊結果由8點未夠等到差唔多9點先入座🕘入座安排超級亂😵💫野食方面都係正常日式拉面鋪嘅嘢有拉面🍜丼飯🍛炸物之類特別少少係有個酸湯底，但我無試😂最後揀咗味噌豬扒拉面🐷雖然唔係好食到味噌味湯底都偏咸👅但份量都幾多嘅👍🏻可能多人食嘅關係食得出吉列豬扒係新鮮炸起嘅都夠熱夠脆👍🏻見餐牌仲有供應台式飲品同芋圓糖水🧋但都唔平同出面鋪頭價錢差唔多💰所以就無試lu😗總結:睇返另一間分店同其他街坊嘅食評都劣評如潮👎🏻雖然今次食呢間新分店覺得尚可接受但俾六十幾蚊食一碗呢個質素嘅拉面我就唔會再食第2次lu…Read More

雖然附近都有幾間類似café 但Coffee Break呢到星期六lunch time都要排3-4張枱先入到座👫餐廳入面會狂Loop廣東歌🎶唔係嗰啲好文青路線嘅café🤣餐牌上面都有幾多嘢揀有沙律🥗girlled panini🥪意粉risotto🍝burger🍔大部分都係$100內💰野食包咗杯$30 野飲以café 嚟講覺得幾抵🤑我地叫咗兩款嘢食：🎈烤意式芝士三文治配煙三文魚 $73份量都幾多Panini 切開左兩件，都幾香脆入面夾咗生菜煙三文魚同芝士片裝車打芝士冇溶化到🧀跟咗一堆沙律菜🥬上面有足夠意大利黑醋，幾解膩😋整體嚟講都🆗好食🎈松子仁青醬帶子意粉 $96青醬好creamy帶子煎得啱啱好但份量偏少跟餐嘢飲揀咗熱Americano☕味道正正常常免費可以加自己鍾意嘅syrup入去揀咗夏威夷果仁🏖️覺得都幾好飲👍🏻總結如果想喺坑口食個簡簡單單，唔太貴嘅lunch呢到都係唔錯嘅選擇👍🏻👍🏻…Read More

平日Lunch time都唔洗等位，但都有7-8成滿鋪頭細細，但都幾乾淨✨叫咗吉列豬扒烏冬🍜豬扒新鮮炸起，都幾香脆，厚薄適中，一份切開5小塊🐷仲跟埋千島醬用黎點烏冬份量都幾多，唔算太煙韌湯底就係常見嘅平價奶白色豬骨湯，有少少咸味咁，有少少雜菜、海帶，同一塊鳴門卷🍥成碗面好有中學時期去X綠食個啲拉面feel，好懷舊😂午市套餐跟野飲，冷熱同價，凍飲都係正常size，抵讚👍🏻整體黎講，如果想平平地填飽個肚，呢到都係個好選擇，食物種類多，粉面飯糖水都有，價錢又平，性價比超高💯…Read More

今次第3次黎，揀左Omakase（壽司盛10件）$298。叫完師傅就會擺低幾款漬物，食完唔夠可以再加。之後就到壽司上場😍鱆虹魚 比較「章口 」 好食！鮮帆立貝帆立貝好厚，加埋青檸好fresh金目鯛深海池魚 - 好好食，比較滑身醬油漬赤身 - 呢件唔洗講，勁好食阿根廷赤蝦 - 上面啲蝦頭膏燒緊個陣真係勁香，重蝦味，鍾意蝦嘅朋友一定會好鍾意。海膽 - 雖然今日啲海膽有啲溶，但味道都係好鮮甜，加左左柚子，好清新。大拖羅 - 表面加海鹽燒過，入口即溶。最後仲有甜品，今日係tiramisu 同啫喱。我見有其他客人轉蕨餅，下次要黎再試！…Read More