mikochan0108's Profile

今日黎到位於中環既哩間韓式燒肉餐廳。餐廳裝潢成一個漆黑既洞穴，簡約型格，有二人、四人及八人座位。🇰🇷韓式餐前小食韓式餐前小食有六款，包括波菜、薯蓉、醃洋蔥及韓式辣魷魚等。🔥韓國五花肉套餐哩道五花肉真係不得了❗️每一舊都好厚身，而且肥瘦相隔，仲要經過168小時低溫熟成，所以食落味道會更濃郁。店員會幫手燒肉，唔使怕自己控制唔好熟度，五花肉燒得金黃，外皮微帶香脆，入口軟腍多汁，帶有濃郁既肉香，而且充滿油脂香，真係非常好食🥹超推介👍🏻🐂韓式牛肉他他牛肉他他鋪上魚子醬、黑松露及海膽，生牛肉清甜，帶有少少咬口，將所有材料撈勻一齊食，味道同口感都好豐富，旁邊仲有味道濃郁既黑松露醬。🍝韓式冷麵韓式冷麵麵質煙韌，入口微辣酸爽，非常開胃，食完燒肉之後食，剛好可以解膩。🍦雲呢拿雪糕配柚子醬及石像爺爺布甸甜品賣相好適合打卡📸石像爺爺造型既芝麻布甸內裏有柚子味既餡，而雲呢拿雪糕奶香濃郁，面層亦淋上清新開胃既柚子醬。🍹芒果奇異果沙冰🍸金桔百香果梳打…Read More

今日去到位於九龍灣既哩間日式漢堡扒餐廳。餐廳入面有兩排長方形既吧枱，可以睇到店員整同煎漢堡排既過程，而且店内通風做得唔錯，無太大油煙味。套餐可以無限任添日本東北虹煌米煮既飯、蕃茄蜆湯及西蘭花。🧑🏻‍🍳原味和牛漢堡扒漢堡扒用上九州黑毛和牛混合美國牛肉製成，店員會預先將漢堡扒煎至半熟，之後客人可以根據自己喜好煎至適合自己既熟度。漢堡扒帶肉汁，再配上日本新鮮雞蛋及壽喜燒汁，送飯一流～🧀芝士和漢牛堡扒店員會先提供一塊有半溶芝士既和牛漢堡扒，再刨上大量芝士碎，非常吸引。帶有芝士既漢堡扒味道鹹香，更加好食👍🏻🍛新品限定南洋青咖喱漢堡扒南洋青咖喱漢堡扒係9月推出既限定新品～只供應至11月30日。漢堡扒會放係青咖喱內燉煮，上面放有烤菠蘿，店員會係客人面前加上秘制香草醬。漢堡扒入口帶有咖哩椰奶香，微辣惹味，可以將咖喱加落飯到撈埋一齊食～餐枱上仲有多款調味料，包括洋蔥醬、奧羅拉醬、燒肉醬、黃芥末醬、蒜香辣椒醬、日式芥末鹽麴、沙茶醬及胡椒鹽，可以自行配搭。…Read More

今日黎到位於觀塘嘅牛大人分店。觀塘店面積寬敞，有二人、四人座位及卡位，全部都係沙發櫈。除左用QR code落單，餐廳入面仲有唔同既自助區，分別可以拎醬料、滷肉飯、火鍋配料同埋餐廳自家製飲品。🔥晚市：日本黑毛和牛A4+ 吃到飽 除左本身已有既湯底之外，餐廳最近推出期間限定既養生黑白湯鍋，包括黑金蒜皇土雞鍋及雪白御鮮豆腐鍋。今次我就揀左鴛鴦鍋，一邊係新出既雪白御鮮豆腐鍋，另一邊就係我一直好鍾意嘅牛大人秘方麻辣鍋。🥩肉類方面：套餐既肉類選擇都唔少，有日本黑毛和牛A4+ 、伊比利亞黑毛豬梅肉、上腹牛五花、安格斯特選牛板腱、澳洲和牛M5牛肩卷、安格斯牛小排等等，我自己就鍾意每樣叫左一碟先，之後睇下自己鍾意食邊款再嗌～特別推介日本黑毛和牛A4+，佢係咁多款肉裏面肉質最嫩既，而且油脂分布平均，牛味香濃，非常推介👍🏻另外，一坐低店員就會送上和牛牛丸，入口牛味突出，非常彈牙。🦞海鮮：海鮮拼盤樣樣都有啲，包括蟶子、扇貝、生蠔、鮑魚，而且每款海鮮都新鮮，當中最鍾意鮑魚，夠曬彈牙。另外，今次仲特別試左三款口味嘅熟鮑魚，有酒味香濃既古法醉鮑魚、夠晒鹹香嘅炭燒鹽蔥鮑魚，以及酸酸甜甜，味道清新嘅柚子燒汁鮑魚，三款都值得一試～🦑其他配料：菜單上仲有唔同配料可以選擇，特別一提最近推出嘅黑白特色食物，包括雪映山葵豆腐、蟹籽墨汁漿、鹽酥髒髒雞、藤香鮑魚豆腐、魚香皮蛋豆腐等～🥬自助配料：出面既自助區有超多配料可以揀，特別推介綿軟既芋頭、清甜既粟米、海帶、超爽彈既魷魚同埋花枝丸。🍵飲品：哩到既飲品選擇多樣，特別推介佢地既冷泡茶，洛神花茶、白桃烏龍都清新好飲。我哋仲另外叫左新推出嘅黑白啤酒🍻混合左少爺啤嘅黑啤酒及白啤酒，味道平衡，恰到好處。🌟 #優惠情報🌟而家like 社交平台仲可以贈送本來要$25嘅黑白特飲：芝麻豆漿黑旋風，芝麻味突出，底下仲有彈牙珍珠。🍦甜品：甜品方面，除左出面嘅甜品櫃有Movenpick雪糕及各種雪條之外，仲可以落單叫其他甜品，我地就揀左仙花雙圓，入面有仙草、椰果、紅豆、珍珠同埋花生，口感夠曬豐富。…Read More

今日同朋友黎到哩間酒店咖啡廳食自助餐。咖啡廳環境時尚舒適，有多款二人及四人座位，能夠望到日落及海景🌊🦀海鮮、冷麵海鮮冷盤提供長腳蟹、海蝦、蜆、青口及龍蝦仔，每一款都好新鮮，可以配搭不同醬料，而且侍應會定時refill～海鮮位置隔離係冷麵corner，可以自己製作日式冷麵，配料有三文魚粒、吞拿魚粒、油甘魚粒、蟹籽、紫菜、海苔、青瓜等，可以自行配搭。🍣刺身、壽司刺身選擇多樣，包括八爪魚、油甘魚、吞拿魚及三文魚等，刺身櫃對面仲有提供其他壽司，如炙燒三文魚壽司、蟹柳壽司卷等。個人推介三文魚刺身，夠晒肥美；而炙燒三文魚壽司係相當好食，滲出魚油，充滿魚香。🥗沙律沙律位置提供幾款不同嘅沙律，包括南瓜沙律、日式椰菜絲沙律、章魚青瓜海藻沙律等。🔥熱食：港式燒味喺冷盤位置再行入少少，有另外一個熟食位置。兩邊都提供唔同款式嘅熟食，港式嘅熟食有海南雞、叉燒、燒鴨、燒腩仔。🇯🇵熱食：日式食物而日式食物有照燒醬烤牛肉、日式南瓜湯、照燒三文魚、日式咖喱牛肉漢堡扒、唐揚炸雞、黑椒牛柳粒、日式海鮮炒烏冬。當中我最鍾意天婦羅及日式拉麵。天婦羅即炸，夠晒熱辣辣，推介海老、茄子及南瓜。而日式拉麵有兩款湯底，分別係黑蒜油豚骨湯及櫻花海螺味噌湯，可以配搭日式拉麵或烏冬，每一碗都係即叫即煮，味道及賣相都非常有誠意。🍡甜品酒店咖啡廳最吸引我嘅係甜品位置，有多款賣相超靚嘅甜品，而且味道亦相當出色💕包括栗子銅鑼燒、草莓大福、蕨餅、日式團子、朱古力噴泉、抹茶tiramisu等。草莓大福香甜綿軟，內裏充滿抹茶蓉，而栗子銅鑼燒，栗子味非常香濃，團子亦係相當軟糯煙靭，甜點好高質素❗️🍦雪糕但你估唔到哩到最出色嘅竟然係雪糕❤️有好多款唔同口味可以選擇，包括奶茶、焙茶、香蕉、士多啤梨、香芋、熱情果、洛神花雪梨、斑斕、榛果朱古力、紅豆、椰子等等。哩到嘅雪糕質感特別軟滑，奶味濃郁，同出面嘅雪糕好唔一樣，真係會令人忍唔住一杯接一杯咁樣食，我總共食咗八款口味🤣全部都超好味🥰真係極推介！🌟 #優惠情報🌟由即日起，成為The Farmhouse 咖啡廳會員，可以網購價享低至6折優惠，即係連服務費282.6起，真係超級優惠💰同時可儲會員積分兌換更多獎賞，透過消費儲積分仲可以換免費自助午餐及晚餐💕…Read More

今日黎到位於銅鑼灣嘅哩間中菜館。店舖裝潢簡約舒適，有唔少圓桌及方桌位置，第二層仲提供包廂位置。餐牌～🔸足料老火例湯餐廳會因應時令食材提供不同既例湯，而今日既係西洋菜豬展湯，入口清甜，夠曬火候，用料十足，重點係不加入任何味精，好飲又放心～🔸富貴鮑魚酥採用新鮮鮑魚，手工製作而成，外層酥皮香酥鬆脆，內裏既鮑魚彈牙，混合醬汁相當好食。🔸菠蘿咕嚕肉咕嚕肉估唔到有驚喜❗️餐廳選用新鮮豬頸肉，每件切至差不多大小，確保火候一致，入口肉質新鮮有彈性，而調味剛好，配合三色椒及菠蘿，絕對係好食推介👍🏻🔸鷹鱠鷹鱠係最近既時令魚類，今次廚師選用鷹䱽最肥美既腩位進行慢煎，令魚皮焦脆，魚肉鮮美嫩滑，再配搭廚師自家製醬汁及沙律醬，一次可以試曬中西兩種食法。🔸鮮蟹肉炒北海道鮮奶採用北海道3.6牛乳，奶味更為香醇，配合鮮蟹肉及蛋白一齊慢炒，入口滑嫩清甜，再加上香炸瑤柱絲，能夠增添口感。🔸竹笙扒豆腐選用傳統豆腐，豆味更為香濃，而且入口質感細滑，加上多條厚肥竹笙，口感豐富，而且豆腐及竹笙都滲透上湯，味道濃郁。🔸蛋白杏仁茶絕對係心機之作，廚師每日人手去杏仁衣，現磨後，細火慢煮製成。入口細滑，充滿杏仁香氣，重點係甜度適中，好啱香港人口味。🔸綠豆糕喺北京嘅有名甜點，綠豆糕味道清甜，質感細滑，帶有豆沙，亦係甜度適中。…Read More

今日嚟到尖沙咀嘅哩間鰻魚飯專門店，店舖係日式木係裝橫，全部都係木桌椅，有二人及四人座位。餐牌～加$18可以轉套餐，有溫泉蛋、鹹菜、鰻魚肝白貝湯及一款飲品。🔥 原條蒲燒鰻魚丼蒲燒鰻魚調味剛剛好，鰻魚外皮燒得帶有少許焦香，上面重卷住另一款嘅鰻魚，兩款都香濃入味。🐟生燒鰻魚丼有汁燒及白燒兩款口味可以選擇，我就揀左白燒，推介👍🏻白燒鰻魚質感彈牙結實，帶有鮮味，淨係用些許鹽調味已經足夠好食。兩款丼飯都鋪滿蛋絲、紫菜及枝豆，食落口感更為豐富，食到最後可以保留三份一嘅丼飯，再加入昆布高湯，咁就可以變做茶漬飯～…Read More

今日黎到啟德哩邊食晚餐。餐廳環境舒適，有二人及四人座位，佈置富節日氣氛。餐牌～🍝香草大蒜墨魚汁蜆扁意粉 意大利粉係用墨魚汁製作，質感彈牙，比較爽身，而且掛汁，醬汁蒜香味濃，微辣，蜆肉亦新鮮。🐟 蒜蓉忌廉三文魚扒三文魚皮香脆，魚肉嫩滑，忌廉汁細滑，帶有奶香，配有西蘭花、青瓜及燈籠椒，好食推介👍🏻🍕Pesto Prawn Pizza餐廳既pizza款式好多，我地今次揀左大蝦、香草醬、柿瓜、車厘茄、莫札瑞拉芝士和新鮮番茜口味。Pizza係薄餅底，非常脆口，整個薄餅鋪滿芝士，而香草醬味道香濃，蝦肉爽口彈牙，各項配料平衡得恰到好處。🍦意大利雪糕雪糕口味亦唔少，我地揀左石板街及粗粒花生醬口味，雪糕質感棉密，而且奶香味濃郁，花生醬味更係意想不到咁好食，花生味濃郁到不得了～推介～…Read More

今日黎到位於灣仔既哩間韓式燒肉餐廳。餐廳環境富情調，燈光昏暗浪漫，有二人或四人卡位，座位寬敞舒適。餐牌～✨DELUXE DRY – AGED SELECTION 🔸前菜前菜種類多樣，包括泡菜、醃蘿蔔、菠菜、芝麻醬蓮藕及大豆芽～🔸頭盤頭盤有三款，分別係季節沙律、醬油盛合及生牛肉他他。醬油盛合有韓式醬油蝦及醬油帶子，醬油味濃，帶微辣，醬油蝦有蝦膏，味道甘香，蝦肉結實；帶子爽口鮮甜。生牛肉他他配有生蛋黃、青蔥、蒜末、鹽、芝麻及泡菜等香料，由店員拌勻。牛肉鮮嫩，加上各樣香料，令味道更豐富。🔥🥩熟成45天美國肉眼肉眼經過45日既熟成，肉味更加香濃，而質感亦更軟熟。店員會先用牛脂燒熱個爐，然後將牛既表面用大火燒熟，再放上Rosemary，烤至三成熟，然後切件，之後我地可以根據自己喜好燒至所需既熟度。入口肉質軟腍，牛味香濃，脂肪位置帶少許焦香～🔺主食🔸海鮮煎蔥餅海鮮煎餅邊位非常香脆，而中間位有煙靭口感，再配上蝦、蜆、魷魚粒等配料，充滿口感。🔸水冷麵水冷麵會配上醋及芥末，食完烤肉後食冷麵真係啱晒，可以減低油膩感～🔸海鮮湯海鮮湯最啱呢啲天氣，湯料有蝦、蜆、翠玉瓜、豆腐，味道有微辣，非常暖胃。🍹熱柚子蜜🍹柚子檸檬梳打 …Read More

聖誕節嚟到位於銅鑼灣既哩間燒肉餐廳慶祝。店舖環境寬敞舒適，有大量卡位、四至六人座位。餐牌～餐廳既前菜豐富，有大豆芽、菠菜、泡菜、蓮藕、薯蓉及醃蘿蔔。✨ 王道 PREMIUM SET🔸醬油盛合醬油盛合有醬油蝦及醬油帶子，醬油味濃，味道香辣。帶子柔軟入味；醬油蝦蝦膏濃郁，蝦肉爽彈。🔥燒肉🔺和牛横膈膜肉🔺和牛牛肋肉🔺和牛牛舌🔺極上牛小排橫膈膜肉油花平均，肉味香濃，又富油脂香，非常推介；牛肋肉口感細嫩，油脂同樣豐富；牛舌肉質爽彈；牛小排牛味香濃，調味恰到好處。🔸肉醬年糕年糕質感煙韌，配上車厘茄及雜菌，加上肉醬，味道酸辣香濃。🔸牛油帶子拼葱蒜生蠔燒帶子及生蠔都鮮味十足，牛油味香濃，再加上蔥蒜，非常惹味。🍮🍰精選甜蜜盛盒甜品有細滑嘅焦糖布丁及芝士味濃郁嘅巴斯克蛋糕，估唔到餐廳嘅甜品同樣出色，兩款都非常好食～🍸🍹熱柚子蜜、青瓜青檸梳打…Read More

估唔到新一年第一個分享系劣評，真係食到好嬲。炒米粉份量好少，配料更少，炒出嚟一啲有豉油，一啲係白色，一啲都唔均勻，入口非常乾，而且有啲米粉係炒到一嚿嚿，而牛肉唔單止份量少，好細塊，有啲得啲碎碎喺度，入口仲要勁鹹，調味做得唔好，真係好少可食炒米粉食咗幾啖就唔願意繼續食落去落，呢次真係第一次，而且價錢仲要唔平，出到嚟嘅性價比真係好低。整體而言，餐廳既食物質素差，真係食一次，就冇下次，建議大家真係要避雷。…Read More

今日嚟到哩間朋友介紹過嘅曲奇品牌餅店。望到店舖嘅食品包裝設計用心，臨近聖誕嘅包裝更係非常精緻🎄好適合做聖誕禮物～而且哩間曲奇餅店喺香港有自設餅房，喺香港本土品牌，值得支持～🍪朱古力果仁脆脆朱古力果仁脆脆好有驚喜❗️入口非常香脆，而且朱古力味道濃郁，仲要每塊中間都有兩至三舊果仁，口感滿足～🍪落日橙海鳥結糖及曲奇禮盒鳥結糖散發濃郁奶香，口感煙靭，甜度適中，而且入面勁多果仁，真係淡淡滿足；香橙夏威夷果仁曲奇口感鬆脆，入面亦有粒粒果仁，牛油味香濃～…Read More

今日同朋友黎到位於尖沙咀既哩間日式料理餐廳。餐廳係日式居酒屋裝潢，有長形吧枱位置、四人座位及包廂位置。🔸上錦繡刺身當中有八款時令海鮮，包括𩶘魚、的鯛、油甘魚、三文魚腩、帶子、八爪魚、北寄貝及赤蝦。𩶘魚魚肉有質感，味道甘甜；的鯛肉質緊緻富彈性；油甘魚肉質細膩，鮮甜肥美；三文魚腩油脂豐富，肉質鮮美；帶子質感清爽，味道鮮甜；八爪魚柔韌彈牙；北寄貝口感爽彈；赤蝦蝦肉彈牙，味道鮮甜。🔸菊（刺身杯）刺身杯入面有蜜甘鯛、三文魚腩、油甘魚及海膽，底下仲有壽司飯。蜜甘鯛質感清爽，再配搭充滿魚油香既三文魚腩、油甘魚，味道鮮甜，完美清曬杯～🔸蘭（刺身杯）刺身杯賣相吸引，頂層有片片嘅金箔點綴海膽，下面有吞拿魚蓉及炙燒左口魚裙邊，底下仲鋪滿魚籽，海膽清甜，配埋左口魚裙邊及呑拿魚蓉，入口相當滿足。🔥甲羅燒甲羅燒入面有味道濃郁嘅蟹膏，配埋生蛋黃，烤過後充滿香氣，配搭多士好夾～…Read More

今日黎到位於佐敦既哩間法國菜餐廳。餐廳環境雅致舒適，水泥風牆身配合啡白色設計，相當有格調。餐牌～🔸鴨胸羽衣甘藍沙律配蜜糖芥末汁手撕嘅羽衣甘藍質感爽脆，煙燻鴨胸香口惹味，配合餐廳自家調配既蜜糖芥末汁，味道清新，新穎開胃。🔸烤本灣八爪魚沙律用上本地既八爪魚，經過慢煮後再烤製，質感軟腍富彈性，再配上不同嘅蕃茄及新鮮羅馬生菜，亦係酸甜開胃。🥣是日餐湯-忌廉粟米鮮蝦湯粟米先用牛油炒香，再係烹調時加上牛奶，所以入口質感濃厚幼滑，而湯𥚃面亦加入切粒嘅鮮蝦，增加口感。🔹吉列加拿大豬鞍扒配蛋沙律及 bon bon辣醬加拿大豬鞍好有驚喜❗️ 入口外脆內嫩，肉質鬆化，炸皮唔厚，再配合用Sapporo啤酒醃過嘅青瓜，清新解膩～🔹澳洲和牛臀肉上蓋哩道主菜亦係相當出色❗️店員建議Medium rare熟度，果然冇揀錯，臀肉顏色粉嫩，入口充滿肉汁，再加上餐廳自家製嘅鯷魚醬汁及烤香嘅蒜頭，咸香好味👍🏻🍰是日甜品-芝士蛋糕配菠蘿肉桂醬芝士蛋糕質感細滑，配合餐廳特別調製嘅菠蘿肉桂醬，加上少許煙肉粒，味道鹹鹹甜甜，相當特別。☕️Earl Grey、朱古力紅茶最後飲返杯茶作結，真係相當滿足～…Read More

今日黎到位於荔枝角既和風居酒屋。居酒屋環境寬敞，有長形吧枱位置，二人及四人座位，另一邊更有包廂位置。餐牌～🔸金糖盒（海膽三文魚籽日式豆腐）盒子材料有海膽、三文魚籽及日式豆腐，日式豆腐嫩滑，再加埋新鮮海膽及三文魚籽，味道層次豐富，底下仲有一個用威化餅造嘅四方盒及棉花糖。🔸日式金柑帆立貝刺身(6切)新鮮嘅帆立貝質感清爽，味道鮮甜，加上日本柑橘及少許柚子汁，清新開胃。🔸粟米脆餅壽司（海膽三文魚籽）係一道fusion菜式，粟米薄餅配上海膽、三文魚籽、沙律菜及壽司飯，係新穎嘅配搭。🔸金龍珠海膽吞拿魚蓉卷 用上醬油漬蛋黃、吞拿魚蓉及海膽整成手卷，味道層次豐富，海膽鮮甜，配合少許流心嘅蛋黃及新鮮吞拿魚蓉勁夾，好食推介👍🏻🔸戀丼(特厚燒牛舌三文魚籽丼)牛舌非常厚身，表面煎香，內裏鮮嫩多汁。而丼飯有大量三文籽，配埋牛舌一齊食，相當滿足。🔸銀丼（月見生和牛三文魚籽）同樣用上大量三文魚籽，油花均勻嘅和牛配合日本生蛋黃，入口油脂滿滿，而蛋黃亦令整個丼飯更細滑好食。🔥串燒自家製雞皮蝦松阪豬頸肉蘆筍卷牛舌將雞皮捲上鮮蝦，味道香口，蝦肉彈牙；豬頸肉富肉汁，亦惹味；蘆筍卷外面捲上五花肉，蘆筍鮮嫩多汁，兩者配合得宜；牛舌富牛香及口感。…Read More

今日黎到位於九龍灣既哩間燒肉餐廳。餐廳內有大量卡位，門口位置有四張大圓枱，燒爐上面亦有抽氣系統。餐牌～前菜有五款，包括泡菜、芽菜、菠菜、海帶及醃辣蘿蔔，全部前菜都可以再添，仲提供芝士粟米同泡菜爐邊蛋，都係可以無限添加💕🔥嚐味濟州套餐 🔸和牛牛五花 🔸安格斯牛外裙肉 🔸牛胸肉和牛牛五花肉質細嫩，帶有油香；安格斯牛外裙肉肉質會結實一啲，但唔會韌，係有咬口嗰種；牛胸肉加上甜甜嘅醬汁，非常好食👍🏻🔸一級五花肉 🔸濟州黑毛豬梅花肉 🔸一口鱈魚肉 🔸蘋果梨汁雞肉 一級五花肉一定要燒到焦香，脆脆地咁樣最好食；濟州黑毛豬梅花肉脂肪分布平均，充滿油香；鱈魚肉肉質細緻；蘋果梨汁雞肉嫩滑有肉汁。🔸 大醬湯大醬湯配料豐富，有牛肉、蜆肉、翠玉瓜、金菇、蘿蔔及豆腐，用嚟暖胃一流。🍹柑橘梳打🍹梅子青檸梳打…Read More