linglingche's Profile

三個人食三樣嘢，特登嚟食日式麻辣拉麵，估唔到日本人都做麻辣湯，有真的幾好味，全部麵都有得揀麻辣的程度，我就揀咗小麻小辣的特製麻辣味噌拉麵，女女揀咗中麻薯中辣的增量叉燒辣麻味噌拉麵，仔仔食肉飯。增量叉燒辣麻味噌拉麵 $115增量叉燒舊叉燒真係非常大件，係我嘅兩倍，而且唔止一件，湯裏面仲有細細件。中華中辣到女女話啱啱好，唔會太誇張唔會令人麻痹。特製麻辣味噌拉麵 $120我的特製，有最多材料，兩大件叉燒、溫泉蛋、玉米荀、荳芽，小麻小辣嘅湯可以飲得，味道唔錯，辣得開胃。溫泉蛋紅得漂亮，近流心。粗身拉麵有彈力。肉飯 $45大件肉飯非常抵食，飯底下面有汁，加少少湯麵的麻辣湯在飯上食更加好味。 …Read More

大門疑似關閉，如果唔係朋友係熟客帶我嚟，自己未必識得來，最大賣點是食材新鮮，客人必須預訂海鮮和牛海膽等貴價材料，師傅們即日到市場搜羅。店唔大，L型鐵板燒枱只可以坐六個人，另有兩張餐桌可多招呼十人，勉強12人。可以單點，有多款套餐，我們就揀咗入門$588及季節限定$788各一，兩人分享。沙律：特別以柚子汁混合黑醋汁，中和酸味。前菜：法國魚子醬半日本溫泉蛋，鹹鮮度控制得好。鐵板海鮮兩品x2：帶子、東星斑、大蝦、鮑魚兩個人分享四款海鮮，牛油汁帶子、檸檬汁東星斑，蝦汁煮大蝦。全部調味都啱啱好鐵板肉類一品x2：豬肉、牛舌好有心機調味，豬肉蒜香牛油汁，蘋果汁好好味牛伴蒜片、菜汁。炒飯湯：刀工豆腐湯，喜出望外。甜品：豆腐雪糕非常完美開心的午餐。…Read More

現在通貨膨脹得厲害，尤其是食物及日用品，想不到在銅鑼灣二百幾蚊一個人都可以食到豐富的火鍋餐，仲要好有質素，物超所值，火鍋本色真出色！我哋食六人餐，$1488 已經包括茶位、醬料及加一，即是每人$248，同班舊同事因為疫情多年冇見，終於有藉口會一會。八款湯底選擇，有幾款都好清潤，適合女士口味，我哋揀了，認為一款配肉一款配海鮮最好。蕃茄薯仔豬骨湯大魚頭豆腐湯八人餐包括以下：特上海鮮拼盤本色極品手切牛西班牙黑毛豬花雕雞半隻炸釀油炸鬼金牌四寶丸樹記紫菜響鈴卷魚皮餃雲吞炸魚皮冰豆腐粉絲稻庭烏冬田園雜菜籃甘筍汁竹蔗水材料非常新鮮，份量十足好夠食。絕對值得再來及推薦給朋友。…Read More

因為唔近地鐵站，平時食飯好少去大坑道浣紗街附近一帶，不過今晚朋友話事，唯有奉陪，佢介紹去食一間有泰國菜又有印度菜嘅餐廳，佢話整得都幾正宗。可能因為印度餐廳我覺得佢哋用牛奶用乳酪用得幾好同埋好豐富，我哋食咗 Tom Kha Chicken 及 Green Curry with rice，兩樣幾相似，同樣有椰奶、乳酪，所以口感很滑溜，包括雞肉。亦吃了 Fish Cake，配酸甜汁，歷久不衰的合拍。Lamb biryani 羊肉配印度香米，香料豐富，很惹味。Mango LassiIced Lemon Tea一餐最完美少不了甜，Mango Lassi 質感厚，甜美可口。…Read More

兩母女都鍾意食日本拉麵，今晩去了中環半山的金鶴拉麵，終於吃到傳說中的金鶴，湯麵上的金鶴是炸牛蒡，金啡色長條屈曲，形狀似鶴！怪不得叫金鶴，唔講想像唔到，因為炸牛蒡很脆口，以為在吃炸麵條，想不到牛蒡可以這麼好吃。只金鶴雞白湯及濃湯有金鶴，另外點了黑蒜醬油拉麵原來無，各$98價錢合理。金鶴雞白湯 $98名符其實，白色的湯，雞味香，看唔到油，但幾飽。大大塊雞肉好食，很滑唔嚡。麵質都好，有力度。黑蒜醬油拉麵 $98女兒喜歡個湯，因為有熟悉嘅公仔麵味道。蒲燒活鰻魚串 $68這店鰻魚飯亦知名，先試鰻魚串，事實幾脆，燒得好，但皮唔脆。日式餃子 $38炸得完全脆卜卜，與肉餡對比明顯。…Read More

今日下午去灣仔購物，路過見到呢間露面，是手工麵專門店，見到圖片的麵好似好好食，於是決定試吓。下午茶價錢每位五、六十元甚親民，我點了D餐，$59 包括巴蜀粒粒大雲吞5粒、傳統開陽蔥油拌麵，另加$6一杯大豆漿。巴蜀風自然是配上辣醬，辣度適中，喜歡吃辣的冇問題，雲吞皮餡料多，好吃。傳統開陽蔥油拌麵份量唔少，蔥油亦很多，手工麵條有水準，幼麵滑而有力。因為吃得開心所以外賣一些返屋企，買了麻辣牛展 Biang Biang 麵、輕量滷肉飯、巴蜀口水雞。Biang Biang 麵濶大的，口感更加滑，麻辣牛展很香很亂嫩。輕量滷肉飯其實很夠飽，滷肉及汁都多，仲有一只剛熟的滷蛋，女仔午餐夠食。巴蜀口水雞香辣肉嫩皮極爽。店子光猛乾淨，堂食外賣皆有效率…Read More

不知道什麼時候附近有間新商廈落成，剛好去銀行方知道，順便就在樓下新開的店吃飯，下午茶價錢非常相宜，除非你食魚生丼飯，百元有找已經食到一個餐，包普通飲品。蒲燒鰻魚飯 $88蒲燒鰻魚飯，賣相企理整齊，白色米飯上有幾粒黑芝麻，感覺更日式，鰻魚肉質軟熟，吸收了都很好多汁，沒有多餘汁所以沒有過甜過鹹，總括來說，水準正常。本來包括的檸檬水或檸檬茶忘記點，走了才記得。新開，感覺環境都是乾淨整齊，廣場內的食店，開揚。…Read More

今晚一家四口出來食個飯預祝2021年快完結，全年冇得去旅行的確經典，唯有走來大澳德發，拎住個護照幻想旅遊覓食，不過今次呢個護照只能帶你去大澳食特產，例如蠔、蜆、魚等。惹味卜卜蜆煲 $168明火面前自己煮，聽到卜卜聲，見到唔係好多水，原來越煮越出水，因為蜆吐海水，證明新鮮，並不太大隻但是鮮甜。碧綠龍躉球 $148現在香港有養殖龍躉，所以食客有口福，供應多了，價錢平了，今晚的龍躉球蒸得好滑。鼓汁銀絲蒸白鱔 $138海鮮唔怕多吃，又再一份白鱔，肉厚入味，粗身米線吸盡精華。紅燒野菌滑豆腐 $78顧名思義豆腐就是極滑，正整大件不破非常好，紅燒很香，配合野菌非常好味。蒜蓉生蠔 （送）消費滿$400送兩隻，我們一人一隻剛剛好，新鮮就是好。雖然茶餐廳格局，但食物唔錯，服務都過得去，環境乾淨，家常便飯好選擇。…Read More

以前唔知道自己鍾意，食過之後非常喜歡，我講的是芫荽拉麵，或者就是你改變了我的口味，鬼金棒。今晚仲帶朋友去，兩人食三款。芫荽麻辣味噌拉麵 $110 加$15温泉蛋芫荽多到似海，香味撲鼻。除咗芫荽，仲有很多芽菜，所以呢碗麵不只有邪惡，其實幾健康。中辣小麻的湯底啱我。麵爽彈。玉米筍麻辣味噌拉麵 $100玉米筍新鮮爽口，少少麻辣好好食，味噌麵底豐富濃味，但應該冇味精，食完返屋企冇口乾。叉燒唔係普通，大大件五花腩。碎肉飯 $35看來細細碗，其實都幾夠食，我鍾意加啲辣湯，仲正。…Read More

因為來過食晏覺得好，現在又有推廣，在 OpenRice 訂位晚上七點有七折，抵食，所以約朋友來傾計食晚飯，兩個人分享三款。烤鐵板燒汁吞拿魚配溫室青瓜車厘茄水牛芝士沙律 $138健康為上，先吃沙律，不過無菜的反而有車厘茄，粒粒新鮮飽滿，比只有生菜更好吃。吞拿魚先烤香，剛剛好，非常軟熟；至於水牛芝士，算是芝士中最淡味，怕芝士味的朋友肯食，食佢質感。葡式香辣燒雞配黑松露薯條 $238我心水推介，煮得非常好，極少有的連雞胸肉都不嚡，最好食是雞皮，香脆，配橙色辣汁，很夾，提味。紅酒燴羊膝配自家製燒烤汁配黑松露薯蓉 $258炆得好琳，份量好多，一隻肥美厚脾加胸肉，全部入味，汁夠。…Read More

本來為吃早餐，原來咖啡師很專業，因為買餐時主動詳細解釋咖啡選擇。事緣那天我去落單，講了美式咖啡加奶，咖啡師很溫柔地解釋我知，美式咖啡咖啡味比較淡，如果再加奶不太夾，令我知道我講錯了，同伴點的是黑咖啡，事實是黑咖啡用的咖啡豆比較濃，講究飲咖啡嘅人會更鍾意，幸好提醒，否則買錯了，真窩心！黑咖啡 $33澳白咖啡（大）$44我們一黑一白各有所取，黑咖啡香濃，白咖啡奶香有拉花，樣靚。全日早餐 $139英式豐盛，有煎蛋煙肉腸仔蘑菇薯仔牛角包，煎得香，分量十足，最鍾意腸仔及煙肉，腸仔細細條味香，煙肉惹味，肥瘦適中。牛油果蕃茄芝士三文治 $73健康的選擇，牛油果蕃茄配搭是素，但味道不失於肉食，我鍾意意大利三文治包，因為質地棉密，實在感覺。自製蛋糕 $31今日有香蕉麵包及合挑莓子，我鍾意香蕉質地更軟熟。…Read More

這間餐廳環境真是一流，最正是個仿火爐，佈置如外國家中大廳，不停播放西方情歌，燈光陰暗非常浪漫，十分適合拍拖傾偈，今晚心情悶着正好令我開懷。來吃過牛扒餐一點也不貴，每位$328，包括麵包沙律湯及主食，主食有多款選擇，豬、牛、雞、魚、意粉，相比其他高級餐廳便可以宜很多，招牌牛扒取材澳洲穀飼，冇人造化學物，食得安心，肉質方面又真幾有肉感，我揀了半生四成熟，見到肉粉紅，不過似乎過熟了些少。有三款醬汁選擇黑胡椒、洋蔥及紅椒汁，我揀了最後的，少少辣，未試過這樣辣食牛扒，有新鮮感，如果汁多些更好。牛扒配若干伴菜，重點是無限量加薯條，薯條幼身唔乾，比唔少店出色。回頭講麵包，焗至脆的，肉桂牛油非常香。南瓜湯很甜。沙律新鮮爽脆。甜品要另加錢，減肥無吃。唔包飲品，今晚飲水好了，減肥！…Read More

憑店名及格局，我估計呢間飯店做熟客生意為主，朋友發辦，我只負責吃，全部都是惹味菜式，停唔到口，食了兩碗飯，今次想唔想肥都難！前菜有金沙脆豆腐，粒粒大小一樣，有淮鹽香咪，成功做到外皮脆脆地，裏面白滑。另一款川味手撕鷄真有科到，麻辣味道濃厚，不過係優質的，香為主，不過份，作為開胃茶很好。非常好，以保健老火湯作緩衝，冬瓜清補涼荷葉煲唐排剛好順和了前菜的強。主菜方面我們點了農家乳香黑豚肉及砂鍋XO醬蝦乾肉碎芥蘭，皆鑊氣十足，惹味的菜，前一款有肉相伴，黒豚肉極鬆軟。送飯很夾，兩位女仕大吃一餐怎滿意，服務環境亦好，價錢可以接受。…Read More

今晚舊老闆請食飯，去銅鑼灣地舖一間叫禾庭的手工火鍋店食火鍋，叫得做手工火鍋，造型一定要靚，證實是又靚又有創意兼好味。霸王藏嬌鍋一客很有份量，有半隻雞，三四個人分食更好，選用黃油雞所以啲湯有少少黃色，湯內有花膠，所以黏稠膠質豐富，材料仲有竹笙、紹菜等。湯超甜，不妨先多喝，證實冇味精的，飲完之後返屋企冇口乾。手切頂級牛小排店不推薦，肉質的確靚，美國安格斯牛肉的咬囗同時不乏幼細肥美脂肪。味之年創意火鍋料，墨魚膠蝦膠釀入冬菇，層疊口感很好，味道相當甜。火紅火綠安格斯牛肉丸麻辣味出色，程度剛好，相信一般人接受到。環境舒適新穎，招呼都唔錯，手工火鍋大多兩百幾蚊，普通鍋幾蚊都有，豐儉由人。…Read More

因為喜歡吃牛又食得，朋友封號大胃牛魔王，所以這家牛魔燒肉店啟業的時候我已經會過，牛魔王自然要去會牛魔！現在仍在原址䇄立，戰勝了疫情的困難，果然有本領，原因非質素配合價格莫屬。還記得這幅美女圖畫的來頭不少。餐前配備海帶及泡菜。泡菜豚肉薄餅 $75我喜歡先吃泡菜豚肉薄餅，在烤爐上再燒一會加熱，更加香脆，味道微辣。牛香蔥牛舌 $85一客七片，最正是加了香蔥，香辛味怎配合。黑毛豬頸肉 $130脂肪豐富，肉質結實。澳洲和牛牛板鍵 $195190克一份，雪花平均，入口即化，一流。椒鹽鳥髀肉 $95以海鹽及胡椒醃，呢款真是好，髀肉非常滑，味道調得恰當。…Read More