nanaeatnshare's Profile

OK又係酸菜魚哈哈☺️💓今次食既酸菜魚仲要係NANA覺得係「大佬級」🤣🤣因為佢真係專食酸菜魚 冇其他主食！咁專注仲點會唔係大佬級專業呢😆講到咁 係咪已經大概估到NANA點樣評價佢haha💓💓💓-廚十三老壇酸菜魚 $300 （2-3人份量）+$28 寛粉影出黎好似表示唔到佢成盆酸菜魚係幾大碟！！係呀係要用個「盆」字🤪🙌🏻形容下就係放左落枱佔左成張枱既3/4 然後你基本上成餐飯都睇唔到你對面個朋友個碗入面食緊咩😂😂😂然後 佢個賣相大家都睇到有幾正！流哂口水好有食慾🤤！首先講下佢個湯底 酸度鹹度都適中！唔會話飲完好辛苦 仲要係愈飲愈想飲😳但講真 成個湯底都比較油 可能要隔一隔油先再飲 感覺會冇咁heavy!!配料方面：酸菜、辣椒、花椒、豆腐、蓮藕片等等！好豐富！！亦同時令到成盆酸菜魚口感味道層次提升✨✨最後！！主角出場！！酸菜魚本魚🐟首先又要讚下佢係無骨啖啖肉的魚！之前NANA講過酸菜魚要係無骨先至夠正夠爽！魚冇腥咪好滑好嫩！係會食完一舊又一舊 同湯底亦十分之夾💓另外再講講 另外加既寛粉 其實就係水晶寬粉 食酸菜魚一定一定要有水晶粉 因為佢會吸哂湯精華 好入味！其實都係呢盆酸菜魚既唔滿意之處就係冇粉水晶粉底 呢個位少少失色呢😿-整體來講係好滿意呢「盆」酸菜魚 湯、魚、配料味道賣相都好好😙而且份量的確夠3個人食（尤其係女仔！）如果佢包埋少少水晶粉就真係100分啦✨🙌🏻-評分時間✏️環境：4/5味道：5/5服務：4/5價錢：3.5/5…Read More

講明係麵控NANA又點會唔鍾意食譚仔！！特別係譚仔三哥！！一個月起碼食兩次以上😎每次譚仔同譚仔三哥出新湯底都要第一時間衝過去試💓今次係煳麻湯底 以NANA嘅理解就係將煳辣mix麻辣😍兩個咁好食既湯底撈埋一齊會變成點？究竟會唔會正正得正呢😆想g就睇埋落去啦✨-魚爽肚芥末魚籽鱈魚滑豆卜煳麻湯 $42首先一定要講吓湯底先啦！第一啖湯飲落去有好大陣煳辣湯既味道 然後隨之而來嘅就係麻辣湯底嘅麻🌶一開頭可能會覺得煳辣味會冚過麻辣味 但越食你就會覺得越麻😆然後就會覺得兩個湯底非常之夾！！絕對唔會伏 推薦一試😎然後就講吓佢兩個新嘅餸：魚爽肚同芥末魚籽鱈魚滑豆卜！唔爽肚食落冇腥味 同佢個名一樣 都真係幾爽口 但體積偏小 可以話係一啖一粒 NANA個人就係一般呢個餸😉鱈魚滑豆卜嘅口感係幾豐富 上面係平時食開嘅蝦滑魚滑既口感 而下面就係豆卜 但講真個句 芥末味真係要好認真咁品嚐先會識到少少芥末味🤨所以如果驚芥末味好濃嘅朋友仔就唔使擔心啦😙-香烤芝脆豆腐餅 $16每次有新小食NANA都會想試！但呢個豆腐餅就好失望啦。。😢第一次覺得三哥譚仔嘅嘢係唔鍾意😫首先上枱嘅賣相已經唔吸引 感覺好鬆散 而且佢著名嘅麻辣汁又好少。。口感上就同賣相一樣 好散 冇可能成舊夾起嚟食🥶然後芝士味係食唔到咁制 成個味道就好似蠔仔餅但冇蠔仔 唯一優點可能就係個煎底都香脆 但都比較油膩。。一句講晒唔太推介🙂-蜜桃乳酸 $15 （跟米線+$11）以NANA既記憶 呢一杯特飲好似唔係新品🤣蜜桃味同乳酸味夾！唔會過甜 都算清新 而且入邊有兩塊蜜桃 幾好食💖-整體來講新湯底非常滿意😆✨✨會再想去食 係喎NANA係叫左二小辣！友人叫中辣！兩個辣度同平時其他湯底嘅差唔多😎而新品小食就。。。睇返上面既評價。。。-評分時間✏️環境：3/5味道：4/5服務：4/5價錢：4.5/5…Read More

喂！又係呢間「灰狗」？？（想知點解叫灰狗可以睇返上幾個post🤣）係呀又係呢間泰國嘢🇹🇭✨咁短時間翻食緊係有佢原因啦🤰🏻～-泰式沙嗲豬頸肉 $88呢碟豬頸肉同平時出去泰國餐廳食既唔同！就係多左兩串多士同小拌菜✨賣相很OK呢💖首先講下主角豬頸肉 肉質夠淋唔會好難咬 但炭燒味略嫌唔夠 姐係唔夠惹味！冇個種令人食完一舊又一舊🤔多士都夠脆 但就唔太掛汁 食極都有少少乾身😶‍🌫️所以NANA就一般呢碟豬頸肉啦！-薄切三文魚配泰式辣汁 $128「友人表示有驚艷到！！」第一道前菜就係呢個三文魚 友人食第一舊立即雙眼發光！因為佢冇諗到咁開胃！酸酸既泰式辣汁配上新鮮既三文魚刺身 再加埋小蒜片 係無比既夾🔥（哈哈好似太誇張）總之係一個好正既開胃前菜 NANA十分推介！！！-鮮蝦炒金邊粉 $138本身係意粉同金邊粉之間選擇 最後都揀左泰式啲既金邊粉！但NANA覺得應用揀意粉呢⋯因為金邊粉偏乾偏淡 撈埋辣椒都冇太大幫。。🙁所以一般唔太推薦-蒜蓉包 $28呢個蒜蓉包賣相吸引 但食落唔夠鬆軟甚至有啲偏硬 而且蒜蓉味唔太出唔太濃 普普通通～🌝-泰式奶茶千層蛋糕 $78唔知係咪主食食得太多濃味既野 覺得呢個泰式奶茶奶茶味唔夠重 只有淡淡嘅奶味 如果比NANA揀都係會揀返椰子千層蛋糕 因為入邊有啲椰子肉！-Coco Shake $62上次都有飲呢一杯椰子沙冰 再叫就梗係有佢嘅吸引力！椰子好濃好香 而且入邊有椰子肉！推薦推薦！💓-整體而言都係最鍾意個三文魚🤤🤤🤤今次食㗎其他嘢都普普通通一般一般 下次再試其他🤫-評分時間✏️環境：5/5味道：3.5/5服務：5/5價錢：3.5/5…Read More

NANA除左食之外就係鍾意飲啦哈哈！夏日熱辣辣無理由唔飲返杯冰凍既手搖🥤爽一爽佢！今次NANA就帶大家飲「小黑糖」聽個名都知佢拿手應該就係黑糖！🤎-小黑糖曲奇珍珠鮮奶 $36（半糖）聽到又黑糖又曲奇仲要鮮奶 就知呢杯野唔簡單 係一定唔會難飲既組合😎的確！飲落好夾！但就一定預左偏甜（即使叫左50%糖 都係偏甜🤰🏻）但就可以接受既甜度 又未至於起痰👍🏻-首先講下口感 加入曲奇令成杯野飲既口感直線上升 每一啖都會有輕微既咬口！而黑糖珍珠方面 好明顯飲得出有黑糖既味道 咬口亦足夠（NANA甚至認為可以再淋少少！）最後鮮奶方面 奶夠濃 似係選用4.3/明冶既奶！令到成杯飲唔更順口💖👍🏻-絕對會有下一次！而且會想試返佢既招牌黑糖珍珠厚奶或者有茶底既系列😚…Read More

上個post NANA就帶大家食左川菜！咁好食就唔好停啦今次食埋酸菜魚同片皮鴨😍仲有小龍包！呢間稻成其實NANA都食過唔止一次！每次都捧住個肚走🤰🏻-稻成酸菜魚 $238連稻成自己都講「好食 不止酸菜魚」就知佢地對自己既酸菜魚幾有信心！的確！名不虛傳💁🏻‍♀️都真係好唔錯既 首先講下啲魚 魚塊夠滑 完全無骨（酸菜魚冇骨好重要 可以啖啖肉！）而且唔會有腥味！然後個湯唔會過酸亦唔會過鹹 辣度可以自己揀（啱晒食唔到辣既寶寶😍）酸菜芽菜金菇等配菜夠多 食到底仲有可以不斷夾！唯獨一樣不足係入面冇薯粉/水晶粉底 連加錢都冇得加 呢個位有啲失望🥲但整體來說 酸菜魚好食必食之選！ps上枱時會有個蠟燭係底保持溫度👍🏻👍🏻👍🏻-稻成皮片鴨 $208 （半隻）邊個鍾意食片皮鴨既舉手🙋🏻‍♀️因為稻成皮片鴨絕對可以滿足鍾意食片皮鴨既你！！鴨皮好薄好脆！！食落唔會覺得好膩 包埋落薄皮再加醬真係十級享受～☺️而鴨肉都會有！照顧到鍾意食皮加肉既大家😍呢個真係十分推薦大家！！-炸銀絲卷 $38睇落係咪好似炸饅頭呢～錯啦！佢係銀絲卷 同饅頭不同在於入面有一層層既絲卷 好重椰子味好香 出面好脆入面好軟！NANA認為比炸饅頭更好食🥰-稻成小龍包 $ 48小龍包食上海菜/川菜就一定要叫架啦🤪呢個小龍包湯夠多 味道亦不錯 就同出面既小龍包一樣 不過不失 想食都可以叫的😚-整體來講我比稻成既評價都幾高 除左覺得酸菜魚入面可以有水晶粉之外 都冇咩好挑剔！服務態度都好不錯👍🏻…Read More

唔知由幾時開始大家都好似留意多咗川菜 不論係酸菜魚水煮魚水煮牛總之係辣嘅嘢 NANA都好喜歡呢💖今次係一間西營盤嘅川菜小店 大概都係食麻辣嘢米線面啊等等！-川味手撕雞 $58 （送飲品）首先講吓佢嘅賣相的確好唔錯！大大碟手撕雞份量極度足夠 包你可以送晒成碗飯😚味道方面辣味係足夠嘅 雞亦唔會太鞋 整體評分屬於中上 但就未至於十分驚喜 如果突然間想食川菜都可能會考慮😎👍🏻-麻辣豬肚絲 $18 （跟餐）同樣地豬肚絲個份量都係極多 如果係一個人食應該可能會食唔晒🤣咩都方面覺得唔夠辣 麻都冇乜 而且都比較偏鹹！整體分數合格～-抄手麵 $40一聽到抄手麵NANA第一個感覺以為個湯底會係紅色 好辣咁既樣 點個湯底係清湯 當堂失望左！食落好清淡 抄手有好多隻 但就體積偏小 唔似平時出面食既紅油抄手 反而麵質就成碗麵最出色既一個位 似係手攪麵啲fd 所以除非想食個麵質 如果唔係都唔會再叫😼-整體來講呢間川菜小店 係止川菜癮既一個選擇 但我相信附近一定會有最好食既選擇😗…Read More

Pizza雖然好邪惡但間唔時都會好想食🍕有冇人有同感🙌🏻呢間《The Pizza Project》NANA一早就已經bookmark左好耐！聽講佢堪稱全港最好味嘅手工薄餅店🤩所以前排就去到試下佢啦！結果同預期一樣都係超水準的哈哈💯-見到網上好多人都係會試佢個《Project Tasting Set》既套餐$195@1人 所以NANA同兩位友人都叫左呢個套餐✨由於我地3個人就會有：【1款Gnocco Fritto、1款Antipasti、3款Pizza、2款甜品】（其實我地三個女仔聽到叫3個pizza都知會食唔哂🤣最後都真係要打包哈哈哈）-Carbonara Pizza 11‘呢個卡邦尼Pizza好似就係The Pizza Project既Signature🍕✨外貌好看、味道好食！都唔怪得佢咁受歡迎💯每一塊pizza上面都有煙肉包住一粒鵪鶉蛋 再加上爆多的芝士同蕃茄醬🍅不講係視覺上定係口感上都好有衝擊💨再講講佢既pizza皮好香脆 個pizza皮雖然冇芝心邊 但都好脆口 絕對可以令你食埋佢既魔力⚡️-Nouja Spicy Salami Pizza 11’睇呢名都知佢會辣辣地！唔食得辣既朋友就要留意下啦👀NANA係得辣既所以都覺得呢個pizza很不錯 但就相對上都會比較heavy 因為每一啖都會好多醬 好多芝士 再加埋上面個莎樂美腸 十分之極度邪惡啊〰️😈-Parma Pizza 11’呢個Parma ham pizza係3個入面相對上冇咁重口味🤣起碼上面有啲火箭菜同冇極多醬汁〰️唔想食咁heavy又想食pizza就可以揀呢個啦✨但Parma ham都係偏鹹個種！整體都ok 但如果得兩個quota就未必揀呢個啦😗-Truffle Gnocco Fritto黑松露酥炸麵團（好似話似係餃子既物體🤣）入面有滿滿得松露芝士 好香！麵團亦好香脆 但NANA覺得同pizza皮好似 食左呢個再食pizza就略嫌太飽太濟-Mozzarella Fritta香脆芝士條 係可以拉絲個種🙌🏻作為前都幾開胃 為之後既邪惡pizza打個靚底🤣點埋個青醬感覺就會更清新 很不錯呢🍃-Pici Tiramisu我諗呢個甜品又係必叫既(?)NANA本身就唔係tiramisu既fans！就咁食覺得可以再濃啲同再濕潤啲🙈但整體來講都係好食的啊！-White Chocolate Mousse唔知係咪因為食完咁多heavy既野之後 都想食返啲酸酸甜甜既甜品 所以NANA覺得呢個白朱古力藍莓mousse好食過tiramisu🤣蛋糕好濕潤 藍莓醬酸酸甜甜 作為一個完結既甜品滿分💯-整體來講呢個係一間好抵食好高質會回頭嘅手工薄餅店😆🙌🏻環境昏暗服務態度滿分！好適合一班朋友chill住咁食💯加上呢間Pizza店冇加一服務費 $195食足咁多野！真係要捧住個肚走🤰🏻期待下一次到訪呢✨〰️…Read More

麵～又係麵～究竟NANA係有幾鍾意食麵🤣呢間元祖沾麵其實NANA都食過幾次 每次都會見到好多人呢 證明呢間沾麵都有一定的實力哈哈！而且佢湯可以任加 食完仲可以加木魚湯清下味蕾 最特別既係 佢地會係你落單後比個漏斗計時器你 上面寫住：若超過20分鐘都未有食物 全單即享9折🤣✨（但今次都係準時到 所以9折冇緣哈哈哈-特製赤蝦沾麵 $99雖然係呢間沾麵店食過幾次 但幾乎次次都會叫龍蝦/豚肉魚介湯🐟所以都未試過呢個赤蝦湯🦐咁就首先講下個湯啦！一放落枱已好大陣赤蝦味 聞落同龍蝦湯差唔多 但食落的確比龍蝦湯淡！但整體來講都夠鮮味 湯入面都有數粒肉粒 進一步增加湯的鮮味！湯用石鍋上 所以十分夠熱 但就有點黏底！而且凍得好快 再加上沾麵本身凍上 導致食落少左熱辣辣既感覺🧊麵食方面 肉有3塊有炙燒既味道 尚算惹味😽配料有：紫菜、半隻流心蛋、荀、青檸🫒不得不承認 青檸令到沾麵的味道層次上升 而且更開胃😋麵質軟硬適中 唔會太過黏口 亦夠彈性！麵條掛湯能力足夠 合格成為沾麵的麵底😎-整體來講沾麵、沾面湯底都不錯！絕對可以成為想食沾麵時的選擇✨服務態度又不錯：會不斷加茶（因為要收$5🙂）、想加沾麵湯時反應也很快！…Read More

上次講咗龍蝦金邊粉同三文魚之後就一直都未得閒出埋下半部份🤣其實下半部份仲精彩💯獨特生菜包、黃金咖喱蝦、飲品⋯😻😻😻-黃咖喱蟹肉海蝦配印度煎餅(+$28) $228一放上枱已經聞到好大陣黃咖喱香味😛今次嗌呢個黃咖喱就未有嗌飯 但有印度煎餅都好夠🤣（因為黃咖喱就係撈飯神器 ）首先講吓佢個印度煎餅 兩大塊$28性價比一般般 但其實三個人食份量都夠既 夠熱夠脆 同其他煎餅一樣都係比較油！但點黃咖喱真係絕配💯黃咖喱有足夠嘅椰味（NANA個人覺得椰汁味係泰國菜來講係非常重要！）所以呢個黃咖喱係夠香的 加上上面有少許嘅蟹肉 增加左成碟餸嘅鮮味 而海蝦方面 size偏細 勝在夠彈牙-泰式辣醬粉皮生菜包 $108首先真係要講下呢個生菜包食嘅時候 係極！度！唔！方！便！（如果你係男/女神第一次約會就唔建議你食呢一個啊🤯）因為佢係會一路食一度漏⋯啲泰式辣醬好似洗手咁🙂味道方面其實唔錯 生菜包加塊粉皮係絕對有獨特性同新鮮感👍🏻而泰式辣醬都有為生菜包增添獨特嘅味道 所以如果你唔嫌麻煩嘅話都可以一試😂-招牌椰子千層蛋糕 $78上次就講咗斑蘭千層蛋糕味道一般般 可能就係因為呢個椰子千層蛋糕嘅影響 呢個椰子千層蛋糕入邊有粒粒嘅椰子肉 非常有咬口 加上椰子味濃 係一個非常唔錯嘅千層蛋糕💯值得一試！-Coconut Shake $58呢杯椰子奶昔係NANA既推薦飲品✨椰子味足夠 好清新 甜度適中 好適合食完一道菜 飲一飲 到下道菜😛-Pink Journey $62呢杯沙冰入面有士多啤梨、蘋果汁、青檸汁 就咁聽成個組合都非常清新 好fresh✨〰️飲落甜度都可以 絕對唔會有啲奇怪嘅味道🤣-整體來講呢間新潮既泰國菜真係唔錯 環境、食物都係一個中上的位置 絕對會有下一次😛…Read More

由於今次食呢一間「灰狗」（友人獨特叫法🤣源自於佢嘅千層蛋糕上面嘅狗仔餅乾 再加上佢英文名前有個灰字 所以就變左灰狗啦🐶）餐廳環境不錯 以暗灰色為主 有種西餐既感覺 適合同朋友們聚餐的好地方💯-泰式原隻龍蝦炒金邊粉 $298一放到上枱俾佢嘅賣相吸引住 即使係食緊其他嘢都忍唔住放低同佢影幾個 close-up!!😻同個名一樣真係原隻龍蝦上 但其實實質龍蝦肉只得幾粒 龍蝦份量偏少🤌🏻 由於我哋仲嗌左好幾個餸 所以都唔係第一時間就試到佢嘅味道 但隔咗一陣再拎起啲金邊粉嘅時候 竟然仲會出煙‼️金邊粉味道不錯 酸酸甜甜 粉質亦夠淋 唯獨芽菜份量還比金邊粉多🙂整體來講呢碟餸性價比不高 但味道不錯！-薄切三文魚配泰式辣汁$128作為前菜佢嘅份量味道都達致高水準‼️NANA覺得好好味呢～超級開胃 三文魚配蒜片再配泰式辣汁 係冇得輸！值得一試💯-斑蘭千層蛋糕 $78Greyhound出名嘅一定係椰子同斑蘭千層糕！！NANA兩個都有試（椰子味在Part 2）比起椰子味 斑蘭味就比較失色啦🤥因為斑蘭味唔濃 就咁食落好似椰子味 只係變咗綠色..真係要好認真咁試清楚先食到斑蘭味 佢嘅千層蛋糕水準一般 千層皮可以更薄 比某千層蛋糕專門店的水準差一點點 但如果餐後真係好想食千層蛋糕就建議可以試其他味道😗…Read More

荃灣玻璃屋西餐廳未食之前已經聽過佢既大名！！見到真人之後真係覺得佢幾靚幾高級 全間餐廳以落地大玻璃為主可以睇到晒入邊嘅食客同埋餐廳嘅裝修 餐廳嘅裝修就以灰色為主 環境都幾舒服😽👍🏻食物方面都有驚喜！-香煎虎蝦忌廉芝士闊條麵 $128睇到佢嘅名係闊條麵但上到枱之後好似係意粉 頂多都係扁意粉🤨但侍應並冇講話闊條麵轉意粉 不過整體來講配搭都唔錯所以就算啦🧐香煎虎蝦有四隻可以同友人每人兩隻份量ok!!而且蝦味十足 蝦肉彈牙滿意啊😻而意粉方面都唔會特別乾而且重忌廉味！整體來講呢啲意粉很不錯呢💯-北海道帆立貝南瓜意大利飯$148首先真係要講下佢嘅意大利飯 粒粒飯有咬口絕對唔會一pat pat🤣而且汁唔會過多整到好水 應該算係正宗嘅意大利飯〰️唯獨南瓜味不重 而北海道帆立貝鮮味夠又夠淋 好味啊✨-黑醋蜜糖煙肉沙律+$25加$25嘅沙律來講佢都唔算太細碟 食唔出有蜜糖味但黑醋味係有既 算係一個正正常常嘅沙律😙-香烤南瓜湯 +$25南瓜味夠濃 飲落亦夠滑 應該係加左唔少忌廉 而且入邊都有一兩舊肉令到個南瓜湯冇咁單調👍🏻-整體來講呢間西餐NANA係會回頭的 因為環境不錯適合同友人慢慢食 慢慢傾😚當日平日食飯時間到訪 整間餐廳都只有兩三枱 所以絕對係可以坐幾個鐘都得💯而食物方面都不錯 達到呢個價位既西餐水準👍🏻😚…Read More

Hi繼續係麵...🤣但今次係烏冬仲要係讚岐手打烏冬😻以我所知呢間甘味都有唔少既分店 係大型屋院既商場成日都會見到佢既蹤影😽所以如果大家都想食就好方便啦💯講左咁耐都未講到甘味係一間日式料理既餐廳 但環境都有啲似香港既茶餐廳 但就係要收加一高級少少既日式茶餐廳🤣-麵豉燒雞扒蕃茄湯讚岐烏冬 $60 (連飲品)首先講下佢個蕃茄湯係好濃郁既蕃茄味 帶有少少杰 濃稠既湯令烏冬既掛湯能力更高🥰蕃茄湯既酸度適中 極度開胃呢！然後就講下讚岐烏冬 好彈身好有咬口 就係平時食既讚岐烏冬 配埋蕃茄汁真係一流💯👍🏻配菜有青豆同蕃茄-麵豉燒雞扒表現都十分出色☺️熱辣辣個皮好脆好香 雞肉多汁嫩滑 略微偏油 但NANA都知燒雞就一定會多油 所以呢點都可以過得去既🤣-整體黎講$60午餐加飲品 覺得合理 環境坐得都舒服 服務態度一般般 但都唔會太差 想食讚岐烏冬既時候絕對會諗起佢🤍…Read More

哈哈鮮芋仙again!!!🥰果然鮮芋仙係比左一個不錯的印象NANA😽食咗第二次除咗都係要等位同個冷氣好凍之外都冇乜大嘅嘢要挑剔🤣所以應該會繼續有第三第四第五次☺️-招牌仙草冰沙 $45呢碗冰沙一上枱 驟眼睇貌似係一碗普通嘅仙草芋圓 但真係食落先知道內有乾坤😎有一點好鍾意佢嘅係花奶可以自行選擇落定唔落！啱晒一啲想食甜品但又成日驚好肥好甜嘅女生（即係NANA我哈哈😝）但係第一次食我都係選擇落晒因為想食佢最真既味道😽-首先講吓佢啲芋圓 同樣地係好淋好煙韌 好有番薯嘅味道 好符合NANA對芋圓既要求👍🏻然後再講下佢啲仙草 夠滑而且份量足夠 係正常嘅仙草味！〰️而最驚喜就係佢最下面嘅冰沙✨✨✨因為又係黑糖味！！絕對唔係冇味既冰 可以令冇乜味嘅仙草更上一層樓💯-整體來講呢碗招牌仙草冰沙係好食的😋冇特別可以挑剔嘅地方 下次NANA絕對會繼續試佢嘅芋圓1號2號3號4號...🤣…Read More

Magic Touch算是冷門、冇乜人知又少分店嘅壽司店的高速線壽司 （只有荃灣，天水圍店和新開的將軍澳店）😆-首先講吓呢間壽司店嘅少少背景先 其實佢就係爭鮮旗下嘅壽司店之一 個人認為係「高級版嘅爭鮮」點解咁講呢？就係因為佢採用高速線運送壽司 即叫即做💯而且佢嘅用料新鮮、食得出係比較高質😍睇到呢度大家係咪以為高級版嘅爭鮮就等於貴呢 絕對唔係！價錢親民、CP值高！就係呢間壽司店嘅少少簡介-食物方面NANA最鍾意嘅一定係芝士蟹子軍艦！！！呢個軍艦係爭鮮都有 但成日都因為迴轉壽司嘅關係佢嘅紫菜都會淋左 而MAGIC TOUCH就唔會有呢個問題，所以芝士蟹子軍艦就變成100分嘅軍艦（真係可以一個人幾碟呢😍）第二推介嘅軍艦係吞拿魚蓉軍艦！佢吞拿魚吞拿魚唔腥而且好綿密 吞拿魚控絕對唔可以錯過！-壽司方面炙燒三文魚壽司係一個唔錯嘅選擇 三文魚上面有燒過嘅芝士 增加左三文魚嘅鮮味！而封面嘅櫻花蝦炸蝦卷係新品 櫻花蝦同炸蝦都十分脆口 再配搭埋沙律醬 令成個味道更融洽😻-整體黎講MAGIC TOUCH價錢親民、配套完善、壽司新鮮！絕對係一個唔錯嘅壽司選擇 重點係暫時都未有太多人識 所以唔使好似其他壽司店等幾個鐘都未有位😟…Read More

SORRY繼續都係食麵。。😂呢間越南野餐廳其實我食左多次架啦因為就係正NANA返工附近😗越南野來講佢份量都算好多 不單止河粉多 香茅雞翼都有五隻 包埋杯飲品都只係$47！外賣自取仲有9折 CP值極高✨✨✨-香茅雞翼湯河 $47首先講吓佢個河粉先 非常滑再配上佢個清湯 真係好夾😻食開辣嘅朋友係咪擔心清湯會好淡？唔會！因為店員會問你要唔要辣椒青檸 加左之後成碗湯河昇華了不少（都係我經常食嘅原因之一！）-然後講吓香茅雞翼 之前好似講過NANA唔太鍾意食煎炸野（但好似成日都食🙂）可能係佢香茅嘅關係 雞翼好香好脆 絕對唔係一大塊炸粉係上面 而且佢每隻雞翼都好大隻 雞肉亦夠嫩！係我不斷回頭的原因呢😽-而佢杯咖啡我都覺得有特別 應該係佢用隻奶既分別 咖啡飲落有果香（NANA仲覺得有啲似shisha會食到既味😂😂😂）絕對值得一試哈哈-整體來講係一個唔錯嘅午餐選擇 服務態度正常 食物CP值非常高 推薦喺附近返工可以試試佢✨…Read More