SLDLCTHCDSY's Profile

出開銅鑼灣，book定檯食個晏，一到即可入座，冷氣夠。夏天流流天氣炎熱，想飲杯水，冇水架，比錢叫一杯先有清水飲叫左杯好甜嘅柚子蜜。唔係食放題，叫左一個雙拼炸雞，上菜算好快。上菜時問題來了，冇俾炸雞鐵腳酸蘿蔔嘅？一問侍應，冇架，冇跟架，加錢可以配。 水係炸雞店要比錢買係韓國見過一次，不過人地汽水都係幾蚊罐仲平過你杯水，但連酸蘿蔔都要收錢先有都真係過左火。炸雞幾好食，食完口渴一日是必需的。相信唔會再幫襯，見到Menu，即使放題，都好少選擇，連酸蘿蔔都寫喺menu任你點，唔好咁姑寒啦。…Read More

賣相絕對唔開胃，求奇到怕。肉質連合格都唔到，豬肉韌到傻，牛肉就粉嘅。味噌燒豚肉個汁同肉都好咸，係好好好好咸。Angus牛肉漢堡，麥記都比佢砌得好，直情係差。今時今日百物騰貴，你賣得比較平都唔等於要浪費食物，整到咁難食，有冇尊重作為食物嘅一眾生命。就算冇，咁嘅質數個企業都唔可以持續，識唔識經營？質量差嘅食材都可以整得好味，睇你點整架姐， 吉野瓜，大家落，麥記都係賣低質野架啦。廚師們幫幫手，救救香港垃圾食肆。…Read More

禮拜日三個人黎食個tea, 有輕食set, 出面晚餐嘅價格，下午茶嘅份量。食水會唔會太深。侍應表現有禮但唔夠細心，叫一次做一次。見叫價偏貴就諗住叫小啲試下先，落完單過左一陣先返黎話有最低消費。 工廈鋪係唔係好貴租架？ 點解成個商場都堆滿貴夾唔抵嘅食肆？玩本土風做活化變左吊高黎賣突然高檔左？本末倒置。野食方面。。。。。。。。。。。。。。。。。食物味道較濃幾好味，叫左一個黑松露pasta一個baby pancake，pasta真心唔錯好味，baby pancake呢，美國日本麥記都有嘅Mcgriddles比佢嘅好食十倍，係十倍講起就好想食。咖啡我唔識飲，好酸的Americano仲貴過starbucks特大杯裝。 拿拿聲食完即刻去隔離商場食個黑蒜脆雞餐。好Gur好滿足。…Read More

等左一排先試到哩間聽說有個好靚仔嘅日本老闆兼主廚嘅大丸。 各花入各眼所以唔評論靚唔靚仔。侍應超好禮貌，感覺好好。店鋪冷氣裝修都令人覺得好舒服， 座位舒適。同朋友各點左鹽味豚骨，黑醬油豚骨同辣味豚骨湯底。之前聽聞份量少得可憐，但今次明顯已經改善，麵量好多，叉燒兩塊，慢煮feel嘅肉質，半隻温泉蛋，筍同黑木耳， 整體係飽肚嘅。味道方面，我食鹽味豚骨湯底，一個字，非常淡，店員解釋哩個湯底係偏淡如果想濃味可以試下黑醬油味嘅，不過重點就係淡你先特別試到個湯嘅其他味道，係根本冇味，係冇味，一啲豚骨味都冇，我試埋朋友嘅湯，相比之下的確係濃好多，但係！！！！黑醬油就只有豉油味，辣就只有辣味，豚骨呢？仲係冇。我唔係專家食神，唔知湯稀味淡係咪其中一種做法，但好冇食我只可以講真係麻麻地。午餐88蚊真係有點太貴了。…Read More

一行四人燒肉夜宵。入座快。場內九成九入座。檯面衛生可接受， 清潔檯布不太清潔。冷氣夠。點餐方面， 無論點寫， 食物件數永遠唔啱， 漏單， 追左三次單嘅牛肋肉都冇黎， 黎嘅反而係另一種牛肉， 數量仲要係亂比。品質方面， 全部肉都唔係新鮮，鞋口， 多筋。 唯一係海鹽牛肋肉係好食嘅。 食品飲品選擇， 講真唔多， 甜品就唔好諗了。爆點方面， 檯上方冇抽氣， 鄉音侍應姐姐話我地唔可以咁大火，會有煙， 咁大個人第一次明火爐燒肉唔比有煙。 傻的嗎？keep住中細火燴熟啲燒肉。整體好差。真係百幾蚊都比多佢。價錢同所有野都唔成正比。…Read More

去過一次，從此就blacklist佢。閒日去。唔算多人。但冇服務可言，全部野都要問都要追。冇水。冇人換鐵板(有比一塊厚蘿蔔我地。捽到火都黎！！如果蘿蔔係得嘅，就冇人用擦啦大佬）。醬料櫃檯冇醬料而又冇人refill。 冇蒜。冇辣醬。食物。 真心。 看洋苑嘅質素。肉都係黑。冇一樣係紅色嘅。任你點醃啲肉新唔新鮮一食就知。。肉質--鞋，韌，晦。炸物--好油。。但炸雞幾好味我食左八舊!(冇野食係咁架啦！)唔好界意我講得核突。食到尾我足足擺左一碟半我趙唔到嘅肉筋肉條什至係全塊趙唔到嘅肉。。我係飲野飲飽。。 點解咁多推介架呢？點解嘅？選擇係有嘅， 但都好低質，真心揾笨。 二百幾蚊再加一一位。食埋啲垃圾會覺得好不值。希望大家三思…Read More

收工和我親愛的大佬去完揼骨鬆一鬆後， 心血來潮想揾下有冇日本菜食返餐好嘅，途經哩間日本料理，之前未試過，但被門外餐牌同裝修吸引左。然而這晚夜嘅不幸就開始了。。。。一入門後發現只得一檯客人， 見老闆娘同佢地雞啄唔斷就估九成係熟客。老闆示意入座， 老闆娘仍然雞啄唔斷。睇曬個餐牌之後我地點左以下嘅食品：期間發現落錯單。被黑面被冷落。最後發現係趕收工。以下續一點評。。。。。。軟殼蟹-炸左都唔熱？明顯唔係即炸or油唔滾，油益味好重。火炙帶子-第一次食到茶左燒汁當火炙左嘅做法。油甘魚-冰嘅，雪味。Fatty三文魚-同上。海膽-苦嘅， 有一般海膽嘅腥味，顏色橙到有點誇張。海膽吞拿魚蓉-海膽非常大方，有一粒豆豉咁大，魚蓉一樣雪味濃。蟹膏-唯一正常(定係我已經冇左味覺)一共十四件加兩串串燒雞腎-支竹籤有明顯燒痕，但雞腎一啲香味都冇，厲害！整體評價係-----屎應該好食啲埋單兩個人三百幾。一啲都唔值…Read More