ar_thy's Profile

第一次幫襯呢間南區小店， 睇得出 係家庭式主理。食物款式都好多樣 ，尤其係海鮮。 同埋比起其他串燒店有樣好就係都有啲烏冬粉麵可以食， 唔怕淨食串燒唔飽。 佢一個價錢基本上都係兩串， 除非指明嗰啲係例外。燒豬腩肉係超級推介， 燒得好香仲有少少脆邊， 就算係豬腩肉食落都唔會覺得好油膩。 而其他串燒份量都好足， 雞腎全部都大大粒。 同埋每個串燒都有唔同嘅調味，口味唔會咁單一。 而飲品價錢都算合理， 見週圍都多街坊客嚟食。回頭指數⭐️⭐️⭐️⭐️⭐️…Read More

係巷仔入面新開既茶餐廳式小廚，中午特登去試一試。有午餐，常餐等等，不過黎試食就緊係試下廚房野。一個叫左咸魚雞粒炒飯，另外一個叫左乾炒牛河。以午餐黎講份量都好足，乾炒牛河唔會太油，又唔會太濕，味道唔會過份太重手，連配料都非常充足。咸魚雞粒炒飯都可以食到啖啖咸魚香，同埋d 雞粒份量都唔少，加埋少少生菜搭夠。野飲叫左茶走，係稍為澀味既茶底，未算好滑，不過以茶餐廳黎講，絕對收貨。坐位都好闊落，地方乾淨企理。部份待應應該係新黎既，睇得出比較生手。…Read More

公司係鰂魚涌，同同事亂咁周圍搵食，亂咁搵到呢間cafe個環境都好舒服，係可以hea 一個下午既地方。green tea latte 好香綠茶味，又有層green 係面，好濃好好味，係甜左少少同埋太細杯。deluxe all day breakfast 都好足料，煙肉煎得好香，個蕃茄都好juicy .磨菇都炒得好香，少少黑椒salt 個蛋都算滑，不過就較為淡味。…Read More

屋企兩老睇完太陽的後裔，見人地食韓燒食得咁開心，又話想試。由於book唔切台，唯有5 點9 到黎搵位。被安排左坐樓梯位，雖然有風扇，但真係好熱同好煙。要讚既無限任添既爐邊蛋同菜蛋加左泡菜係底，好味。同埋叫左呢度推介既護心肉，醃得剛好，又唔會太咸，同埋肉質好有口感。另外第一次試燒豬皮，質地好得意，好好趙，本身配黃豆粉，不過我覺得點韓式醬料好食d。配菜都係可以re fill 既，我覺得呢度醃既泡菜幾好食，又唔會太酸，太辣。夾係生菜入面都好好食。另外再叫左雞排骨，就很一般.普通雞脾肉質地，辣味既醃料太勁了，好咸同埋完全食唔出肉味。…Read More

大埔越黎越多小店，每間都有自己既特色。第一次試呢間就純粹亂試既，點知又唔錯喎，價錢又經濟。星期六都有set lunch 呢個係豬扒配意粉，豬扒煎得剛好，又唔會好硬，同埋粉量都唔少。煎牛柳配炸薯餅好少可會配薯餅，炸得好香脆，好食。牛柳雖然細細舊，但都幾厚身，不過其中一舊煎得過左火。要5 成，煎完出黎已經差唔多well done好彩肉質都算有口感，未至於太硬紅酒忌廉汁牛扒要讚既係個汁，又唔會太漏，又有淡淡紅酒味，又唔會蓋過d肉味。牛扒雖然有d薄，不過夠肉味，午餐都好夠。黎大埔絕對可以一試…Read More

兩個女仔係銅鑼灣搵食，又唔想食太貴，呢度都係唔錯既選擇。唔記得左呢個叫咩名，但幾好食。又有沙律，個底係有d牛肉碎既肉醬.少少酸酸mei mei, 加埋個肉醬有少少辣，都幾開胃同夾。面有飯溫泉多撈埋就唔會太乾，又有蛋味。仲有d 墨西哥栗米片係入面，口感豐富。凍朱古力，味道夠濃之餘，仲有幾粒棉花糖點綴，好滿足既飲品。…Read More

見呢間餐廳係新開既，就黎試一試水係自助既，擺左支薄荷葉入去。睇就幾好睇喇，不過唔係好敢飲set lunch 跟既磨菇湯，菇味都好香，有淡忌廉味，不過稍為稀左少少benedict egg荷蘭汁味道唔錯，煙三文魚份量都唔少，配埋少少沙律，份量都好足朋友食既意粉有淡黑松露味，但忌廉味重左d，好漏，珍珠帶子雪味重，食落淡某某。新餐廳黎講算係不錯，價錢都好合理。…Read More

呢到都算係好正宗既川菜，好耐無食過，決定同朋友黎刺激下。由於有朋友唔食辣，叫左碟黃金蝦，同埋鴨。黃金蝦雖然細細隻，但炸得好香脆，真係連個蝦頭都可以食埋，不過咸蛋黃唔係好夠。鴨都唔錯既，不過有的揀都係食番辣野好d中間係羊肉火鍋片，細細㷛都幾過癮好惹味可口既辣子雞丁炸得好香，除左雞粒之外，仲有脆雞皮，越食越入味同辣，辣得黎仲要有花椒8角，食到舌頭都麻埋。水煮魚d魚片好滑，同埋份量都唔少，個底仲有紅薯粉，好入味，食唔停口。其實整體既味道都唔錯，但個環境確實有d舊，同埋周圍好似油lup lup 咁。…Read More

入得樂園玩，都預左食物價錢相對地貴。而呢間餐廳既性格比算係唔錯，算坐的舒服，可以悠悠閒閒地進餐。夜晚有set dinner ,大約200左右，雖然係普通菜色，但都算精緻。a la carte 既海鮮意粉。賣相很不錯，食落都好足料，海鮮都無雪味另外叫既窩夫甜品，貪佢有個mickey 頭個窩夫都幾乾爭爭，雖然脆口，但一定要配d雪糕先食得落另外d職員都好貼心，見你有個生日牌，主動送上杯生日新地睇落好食，但入面d栗米片係淋曬...…Read More

又一個ladies night, 近近地係公司附近晚餐。平時經過見到格局好高檔咁，都無咩機會試過。前菜 ，ham 加酸瓜，都幾開胃。ham淡淡既鹹香味，油份唔算重仲有焗田螺，香草牛油味好濃，食落唔會淡某某主食，一個青口，半隻春雞青口雖然細細粒，但味道不錯，無雪味。個汁係忌廉香草味，淡淡地，唔會搶左青口既味。春雞比相像中滑，睇落無咩醬汁，但係好入味，同埋好滑。…Read More

九龍城有太多泰國餐廳，但同屋企人黎一定會食呢間.乾淨企理，價錢又唔貴，小店家族式經營。最好假日都有set lunch ,唔使散叫。4個人，兩個午餐再散叫d主菜。冬陰功湯，香葉同配料都好足，個人比較喜歡呢度既湯。唔會太酸，又唔會太辣。加埋d菇同蕃茄仔，剛剛好。明爐烏頭條魚好大條下，仲啖啖肉，最貼心既係佢幫你介好曬，可以一片一片魚肉起出黎，又唔會整到d魚似散曬。湯稍為酸左d，但食落好開胃，加埋少少肉碎，可以飲多兩啖。豬手飯。燜得好淋好入味。同係其他店食既唔同，唔會太甜。豬皮好煙韌，d肉充滿滷汁，送飯一流。另外仲叫左蠔仔蛋同柚子沙律。唔知係咪轉左師傅，蠔仔蛋濕左d，同埋無咩蛋味，但蠔仔大粒得黎都新鮮既。柚子沙律就明顯地落多左魚露，好咸，雖然酸味可蓋過，但可以再改善。…Read More

因為朋友有會員卡，會有半價，所以先考慮食。訂左位都仲要得一陣間，其實入面都好多吉台，但好似安排得麻麻地。cheese n bacon fries d薯條有調味過，加埋芝士同sour cream 係絕對既配搭，仲有d 過左火既煙肉粒，有d乾身。牛扒大蝦同埋ribrib 係原味，醃得好夠味，不過d醬好似太大，有d甜。同埋稍為煮得太耐，d肉好淋，一切開就甩曬出黎，連骨都唔使咬。雞翼拼，最右邊，橙橙地色果隻好難食，面頭果pat 好厚既香料，又唔係辣，又唔甜。bbq 同buffalo 味就正常。不過d雞翼都係overcook , 炸到過左火，雞肉好乾身，仲有d硬硬地。tall cake 好漏，4個人食剛好，蛋糕都好夠朱古力味，同埋夠鬆軟。反而係雪糕唔夠，如果多一球會更好。後尾好彩埋單check 單，有會員卡就剩係做左半價，但明明就係牛扒餐做特價，個侍應無俾個優惠我地，有差價，估唔到而家去大餐廳食野都真係要小心。…Read More

黎開深水埗，行到累累地，想坐得食少少野。就諗起豆腐布甸oreo 豆腐布甸原來我好耐無黎過了，呢個係新口味。oreo 同豆腐出奇地夾，淡淡既豆腐味，加埋甜甜地既oreo 餅餅，味道剛好。仲有不可缺少既淡奶。大粒花生碎既糖不甩糖不甩好好口感，加上粒粒花生碎，軟身得黎又有咬口，糖分量都夠，唔會太甜。粒粒栗子露稍為稀左少少，但栗子味好香，都食到粒粒既栗子。唔算太甜，聞落都幾香。…Read More

興致勃勃咁成班女仔去食炸雞，就見呢間平時好多人排隊，就試一試。紫菜卷拼盤同張參考相差好遠d壽司卷細細粒，紫菜又淋，唔好食。煮年糕，份量少得可憐，得十幾廿粒年糕。d湯仲好稀，好似溝到好淡咁，牛肉多少少兩片。唔得左咩名既薄餅，又唔香又唔脆，個底仲淋淋地。入面係有d芝士雞肉，不過好似無咩調味過。另一款海鮮薄餅，仲難食過酒樓d薄餐，無咩料，呢張係最多料架喇，個薄餅好漿好淋。以下既炸雞除左面果d醬料外，都係一樣味。係炸得幾鬆脆可口，同埋雞件都好多汁，不過就相對細件。柚子炸雞，係面就咁加左柚子茶果pat醬韓式辣汁雞，有少少辣，酸甜醬既味道。原味雞，好似無咩調味，係炸個皮脆d.呢個完全俾圖呃左，又話芝士辣雞，隔離果pat都唔係芝士醬，只係洋蔥底加面少少芝士,雞又得幾粒，唔抵食。近年興既韓風同韓食店越黎越多，食韓式炸雞仲有大把其他選擇。…Read More

同舊同事飯聚，大家都遲放工，所以都係office 附近搵食二樓既menu同地下唔同，但其實都唔係好多選擇內部裝修都好有心思，每個擺設都好特別。前菜 ,鵝肝兩食，好精巧，半圓形係鵝肝醬夾啫喱層。d 醬好幼滑同啫喱層既口感好夾。另外就係煎鵝肝，煎得剛好，面夠香脆，入面剛熟，又唔會太生。讚既係中間點綴既醬同埋開心果碎。apple n walnut salad個人唔太中意walnut 既味, 但整體都可以既，酸酸地，好開胃sea bass 同想像好大出入，係類似fushion 菜色。日式湯底加疑似冬瓜粒，仲有一pat類似麵豉醬係面。日式湯底味，少少甜，d 魚都好嫩滑，但就係有少少怪怪的。薑蓉雞呢度係半份既份量，有少少似醬油雞，但底又有少少栗米粒墊底，雞好嫩滑，都幾多準。味道係可以既，但總係有少少怪怪的。甜品，椰子果仁雪糕好甜，d果仁椰子碎撈左白朱古力，甜到入口都覺得漏。初初既火焰效果，好睇唔好食，仲要係酒太多，燒到個底好燶，仲地。apple pie.由於唔中意玉桂隻味，所以不大評論。整體黎講，好睇唔係特別好食，口味太獨特了。同埋份量偏少，唔適合人多黎食。…Read More